تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو مەن ءۇندىستاننىڭ ديپلوماتيالىق قارىم − قاتىناس ورناتقاندىعىنىڭ 70 جىلدىعى بايلانىسىمەن شي جينپيڭ مەن ءۇندىستاننىڭ زۇڭتۇڭى كوۆيند ءوزارا قۇتتىقتاۋ تەلەگرامماسىن جولدادى

لي كىچياڭ مەن ءۇندىستاننىڭ زۇڭليى مودي ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 4 - ايدىڭ 1 - كۇنى بەيجيڭنەن بەرگەن حابارى. 4 - ايدىڭ 1 - كۇنى مەملەكەت ءتوراعاسى شي جينپيڭ مەن ءۇندىستاننىڭ زۇڭتۇڭى كوۆيند ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قىزۋ قۇتتىقتادى.

  شي جينپيڭ قۇتتىقتاۋ تەلەگرامماسىندا مىنانى اتاپ كورسەتتى: وتكەن 70 جىلعا قايىرىلا قاراساق، جۇڭگو مەن ءۇندىستان قارىم - قاتىناسى وزگەشە دامۋ جولىن باسىپ ءوتىپتى. ەكى جاقتىڭ ورتاق قۇلشىنىسىندا، ەكى ەل بەيبىتشىلىك پەن گۇلدەنۋدى بەتكە العان ستراتەگيالىق سەلبەستىك سەرىكتەستىك قاتىناسىن ورناتتى، ءتىپتى دە تىعىز دامۋ سەرىكتەستىك قاتىناسىن ورناتۋ جولىندا قۇلشىنۋدا. ەكى ەلدىڭ ءار سالاداعى اۋىس - كۇيىسى مەن سەلبەستىگى كۇن سايىن تەرەڭدەپ، كەلەلى حالىقارالىق، وڭىرلىك ىستەردەگى سايكەستىگى ۇزدىكسىز نىعايۋدا. كەزەكتە، جۇڭگو مەن ءۇندىستان قارىم - قاتىناسى تىڭ باستامادا تۇر، جاڭا دامۋ ورايىن قارسى الدى. مەن جۇڭگو مەن ءۇندىستان قارىم - قاتىناسىنىڭ دامۋىنا وسكەلەڭ ءمان بەرەمىن، كوۆيند زۇڭتۇڭمەن بىرگە قۇلشىنىپ، جۇڭگو مەن ءۇندىستان قارىم - قاتىناسىنىڭ تىڭ ساتىعا كوتەرىلۋىن جەبەپ، ەكى ەل مەن ەكى ەل حالقىن ءتىپتى دە كوپ باقىتقا كەنەلتۋدى، ازياعا، اۋەلى، دۇنيە جۇزىنە مۇنان دا كوپ وڭ ەنەرگيا قوسۋدى قالايمىن.

  كوۆيند قۇتتىقتاۋ تەلەگرامماسىندا مىنانى ءبىلدىردى: وتكەن 70 جىلدان بەرى، ءۇندىستان مەن جۇڭگو قارىم - قاتىناسى ناقتى سيپات العان دامۋعا قول جەتكىزدى، ساياسي، ەكونوميكا، گۋمانيتارلىق سياقتى سالالارداعى بايلانىسى بارعان سايىن كۇشەيە ءتۇستى. ءۇندىستان مەن جۇڭگو ءوزارا كورشى ەلدەر، ەكەۋى دە وركەنيەتتى بايىرعى ەلدەر جانە باستى جاڭادان گۇلدەنگەن ەكونوميكالىق تۇلعالار، تاماشا قارىم - قاتىناستى ساقتاۋ ەكى ەلدىڭ ورتاق مۇددەسىنە ۇيلەسەدى، ءوڭىردىڭ، اۋەلى، دۇنيە ءجۇزىنىڭ بەيبىتشىلىگى مەن گۇلدەنۋى جونىنەن ايرىقشا ماڭىزدى. ءۇندىستان جاق جۇڭگو جاقپەن بىرگە اناعۇرلىم تىعىز دامۋ سەرىكتەستىك قاتىناستى كەڭەيتۋدى جانە تەرەڭدەتۋدى قالايدى.

  سول كۇنى، مەملەكەتتىك كەڭەستىڭ زۇڭليى لي كىچياڭ مەن ءۇندىستاننىڭ زۇڭليى مودي دا ءوزارا قۇتتىقتاۋ تەلەگرامماسىن جولدادى. لي كىچياڭ مىنانى ءبىلدىردى: دوستىق سەلبەستىك، ءوزارا پايدا جەتكىزىپ تەڭ يگىلىككە كەنەلۋ جۇڭگو مەن ءۇندىستان ەكى ەلدىڭ جانە ەكى ەل حالقىنىڭ ءتۇبىرلى مۇددەسىنە ۇيلەسەدى ءارى ازيا مەن دۇنيە جۇزىنە دە ءتيىمدى. جۇڭگو جاق ءۇندىستان جاقپەن بىرگە، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىنا وراي، جۇڭگو مەن ءۇندىستاننىڭ ستراتەگيالىق سەلبەستىك سەرىكتەستىك قاتىناسىندا ۇزدىكسىز تىڭ ناتيجەگە قول جەتكىزۋدى قالايدى. مودي مىنانى ءبىلدىردى: ديپلوماتيالىق قارىم - قاتىناس ورناتقان 70 جىلدان بەرى، ءۇندىستان مەن جۇڭگو ەكى ەلدىڭ ساياسي، ەكونوميكا، گۋمانيتارلىق سالالارىنداعى قارىم - قاتىناسى ورنىقتى كەڭەيدى. ءۇندىستان مەن جۇڭگو سەلبەستىكتى كۇشەيتىپ، ءوزارا ىنتىماقتاسىپ، دۇنيە ءجۇزى ءدوپ كەلگەن سىن - سايىسقا بىرگە توتەپ بەرۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.