تيانشان تورى   ›   جاڭالىقتار   ›   شينجياڭ حابارلارى

”ءبىر جەلىگە“ عانا شىعىپ، ”ءبىر ەسىككە“ عانا كىرەتىن بولدى

− بيىل رايونىمىز ”ەڭ كوپ بولعاندا ءبىر رەت بارۋ“ رەفورماسىن جاپپاي ورىستەتەدى

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يۇنمەي

  تيجارات - ساۋدا ورتاسى دەگەنىمىز وندىرگىش كۇش. سوڭعى جىلدارى رايونىمىز ”ەڭ كوپ بولعاندا ءبىر رەت بارۋ“ رەفورماسى ارقىلى ”تومەنگە بەرۋ، باسقارۋ، قىزمەت وتەۋ“ رەفورماسىنىڭ تياناقتانىپ ونىمدىلىك كورسەتۋىن جەبەپ، تيجارات - ساۋدا ورتاسىن ۇزدىكسىز جاقسارتتى.

  2018 - جىلى رايونىمىز قارامايلى قالاسى، ءۇرىمجى جوعارى، جاڭا تەحنيكالىق اشۋ رايونى (جاڭا قالا رايونى) سياقتى جەرلەردە، سونداي - اق قوعام حاۋىپسىزدىگى، ونەركاسىپ - ساۋدا، سالىق ىستەرى، كەدەن سياقتى تاراۋلاردا ”كوپ بولعاندا ءبىر رەت بارۋ“ رەفورماسىن تۇيىندەردە سىناق ەتتى. 2019 - جىلى رايونىمىز سىناق ءتۇيىنىنىڭ كولەمىن بۇكىل رايونىمىزداعى ەكونوميكالىق ۇلەسى ءبىرشاما ۇلكەن ءۇرىمجى قالاسى، سانجى حۇيزۋ اۆتونوميالى وبلىسىنا، ىلە قازاق اۆتونوميالى وبلىسىنا، بايىنعولين موڭعۇل اۆتونوميالى وبلىسىنا جانە اقسۋ ايماعىنا كەڭەيتتى. بيىل رايونىمىز سىناق ءتۇيىنى نەگىزىندە، ”ەڭ كوپ بولعاندا ءبىر رەت بارۋ“ رەفورماسىن جاپپاي ورىستەتىپ، كاسىپورىنداردىڭ دامۋىن قورعاپ، ەكونوميكانىڭ جوعارى ساپادا دامۋىنا دەم بەرەدى.

قارقىندى تەزدەتىپ، رەفورمانىڭ جىلدامدىعىن اسىردى

  ءبىرىنشى توپتاعى سىناق ءتۇيىنى ەتىلگەن ورىن رەتىندە، قارامايلى قالاسى بۇكىل شينجياڭداعى ”قارقىنى“ ەڭ تەز قالا بولدى. ”ءبىز جيىنى 2490 ىسكە ’ەڭ كوپ بولعاندا ءبىر رەت بارۋدى‘ جۇزەگە اسىرىپ، اكىمشىلىك ىستەردەن قىزمەت وتەۋدى ’ەڭ كوپ بولعاندا ءبىر رەت بارۋمەن‘ جاپپاي قامتۋدى نەگىزىنەن جۇزەگە اسىردىق، مۇنىڭ ىشىندە 2283 ءىستى جەلىدە ءبىتىرۋدى جۇزەگە اسىرىپ، جەلىدە ءبىتىرۋ سالىستىرماسىن %91.7كە جەتكىزدىك“، - دەدى 4 - ايدىڭ 2 - كۇنى قارامايلى قالالىق پارتكوم ساياسات زەرتتەۋ كەڭسەسىنىڭ مەڭگەرۋشىسى، قالالىق پارتكوم رەفورما كەڭسەسىنىڭ ورىنباسار مەڭگەرۋشىسى چىڭ شيانشىڭ.

  اتاپ وتۋگە تاتيتىنى، قارامايلى قالاسى اكىمشىلىك قىزمەت وتەۋ بايلىعىن ەڭ جوعارى شەكتە بىرىكتىرىپ، جۇمىس ءتارتىبىن ساپالىلاندىرىپ، ءىس ءبىتىرۋ بۋىنىن ىقشامداپ، تەكسەرىپ بەكىتۋ ۋاقىت شەگىن ورتا ەسەپپەن %42 قىسقارتتى. مۇنىڭ ىشىندە كاسىپورىن قۇرۋ ۋاقىتىن 2.5 قىزمەت كۇنىنە قىسقارتتى، ينجەنەريا قۇرىلىسى تۇرىندەگى نىسانداردى تەكسەرىپ بەكىتۋدە ”قارجى قوسۋعا ۋادە بەرۋ ءتۇزىمى + تولىق ەمەس راسمياتتاردى تەكسەرىپ بەكىتۋ“ جونىنەن ىزدەنىس جاساپ، تۇتاس بارىستىق تەكسەرىپ بەكىتۋ ۋاقىتىن 115 قىزمەت كۇنى ىشىنە قىسقارتتى، قارجى قوسۋعا ۋادە بەرۋ ءتۇزىمى رەفورماسىندا سىناق ءتۇيىنى ەتىلگەن كاسىپورىنداردىڭ قۇرىلىس جۇرگىزۋ پەريودى ورتا ەسەپپەن 40 كۇن العا ىلگەرىلەپ، بۇكىل رايوندا ەڭ تەز بولعان ”قارامايلى قارقىنىن“ جاراتتى.

  رەفورمانىڭ ۇزدىكسىز ىلگەرىلەۋىنە ىلەسە، سىناق ءتۇيىنى ەتىلگەن ورىندار تەگىس ”قارقىن“ ارقىلى رەفورمانىڭ ۇستەمە جىلدامدىعىن اسىردى.

  ”بۇرىن تيجارات كۋالىگىن، ازىق - تۇلىك تيجاراتىنا رۇقسات ەتۋ كۋالىگىن، ءدارى - دارمەك تيجاراتىنا رۇقسات ەتۋ كۋالىگىن بىتىرگەندە كوپتەگەن قاعاز جۇزىندەگى ماتەريالداردى تاپسىرۋ كەرەك ەدى. اكىمشىلىك قىزمەت وتەۋ ورتالىعىنا بارعاندا تاعى قاتارعا تۇرىپ ءنومىر كۇتەسىڭ، ارلى - بەرلى نەشە قايتا شاپقىلايسىڭ، تالاي كۇن بىتىرە الماي جۇرەسىڭ“. بايىنعولين وبلىسى كاڭكاڭ ءدارى - دارمەك شەكتى جاۋاپكەرشىلىك سەرىكتەستىگىنىڭ جاۋاپتىسى ليۋ جيانجياڭ بىلاي دەدى: ”قازىر ينتەرنەتتە تىركەۋگە الدىرۋ جۇزەگە استى، سىرتقا شىقپاي - اق ينتەرنەت ارقىلى كەز كەلگەن ۋاقىتتا جولداۋىنا بولادى، وتە قولايلى“.

  بايىنعولين وبلىستىق اكىمشىلىك قىزمەت وتەۋ ورتالىعىنىڭ مەڭگەرۋشىسى شۋە مانلي بىلاي دەدى: ”’ەڭ كوپ بولعاندا ءبىر رەت بارۋ‘ ىستەرى تىزىمدىگى بويىنشا 1050ىن سالالاپ جاريالادىق. تۇتاس بارىستىق ەلەكتروندى تىركەۋگە الدىرۋ، تىزىمدەۋدى جاپپاي ورىستەتىپ، تيجارات كۋالىگىن بىتىرۋدە ءوتىنىش ەتۋدەن كۋالىكتى الۋعا دەيىن ارى - بەرى شاپقىلاماۋدى جۇزەگە اسىرىپ، كاسىپورىندى تىركەۋگە الدىرۋ ۋاقىتىن 3 قىزمەت كۇنى ىشىنە قىسقارتىپ، بازاردىڭ ومىرشەڭدىك قۋاتىن ونان ارى قاۋلاتتىق“. قازىر بايىنعولين وبلىسىنداعى تىركەۋگە الدىرعان، تىزىمدەتكەن ءتۇرلى بازار تۇلعالارىنىڭ جالپى سانى 150 مىڭنان اسادى، تەك 2019 - جىلدىڭ وزىندە جاڭادان شامامەن 20 مىڭ بازار تۇلعاسى ارتتى.

قارقىندى تەزدەتىپ، ءتىپتى دە كوپ تابىس سەزىمىن تۋىنداتتى

  رەفورما دەگەنىمىز بۇقارانى ءتىپتى دە كوپ تابىس سەزىمىنە، باقىت سەزىمىنە كەنەلتۋ.

  اقسۋ قالاسىنداعى ءبىر قورا - جاي سەرىكتەستىگىنىڭ قىزمەتكەرى جاڭ حۇڭۋي ”ەڭ كوپ بولعاندا ءبىر رەت بارۋدى“ بىلاي دەپ القادى: ”بۇرىن تاڭەرتەڭ بارىپ ءنومىر الىپ قاتارعا تۇرىپ، الدەنەشە ورىننىڭ تەرەزەسىنە بارىپ، كەش باتقاندا جۇمىستى ازەرگە بىتىرەتىنبىز. قازىر ماتەريالدى ينتەرنەتتە تاپسىرامىز، اكىمشىلىك قىزمەت وتەۋ ۇلكەن زالىندا ءبىر بەكەتتىك فورمادا بىتىرۋگە بولادى، اينالاسى 20 مينۋتقا جەتپەيتىن ۋاقىتتا سەرىكتەستىكتىڭ ساپا حاۋىپسىزدىگىن باقىلاۋ راسمياتى مەن قۇرىلىس جۇرگىزۋگە رۇقسات ەتۋ ىستەرىن ءبىتىرىپ بولدىق“.

  بىلتىردان بەرى، اقسۋ ايماعى ”ءبىر ەسىك، ءبىر جەلى، ءبىر تەرەزە، ءبىر كارتچكا، ءبىر رەتتى“ تۇتقا ەتىپ، ”ەڭ كوپ بولعاندا ءبىر رەت بارۋ“ رەفورماسىن تۇيىندەردە سىناق ەتۋدى تىڭعىلىقتى ىلگەرىلەتىپ، كاسىپورىنداردىڭ جانە بۇقارانىڭ تابىس سەزىمىن، باقىت سەزىمىن قۇلشىنا جوعارىلاتتى.

  مۇنىڭ ىشىندە ”كىرگىزۋگە تيىستىلەرىن مۇمكىندىگىنشە كىرگىزۋ“ تالابى بويىنشا، اقسۋ ۇلكەن زالدا وكىلەتتى تەرەزە اشۋ، ۋنيۆەرسال تەرەزەگە تاپسىرىپ ءبىتىرتۋ، بولىمشە ورتالىق قۇرۋ سياقتى فورمالاردى جولعا قويىپ، تەكسەرىپ بەكىتۋ فۋنكتسياسىنا يە ورىنداردى اكىمشىلىك قىزمەت وتەۋ ۇلكەن زالىندا وكىلەتتى تۇرۋعا سايكەستىرىپ، جۇمىستاردى شوعىرلى ءبىتىردى. سونىمەن بىرگە، الەۋمەتتىك قىزمەت وتەۋ ىستەرىن شوعىرلى ءبىتىرۋدى جەدەل ىلگەرىلەتىپ، ”كوپ تۇيىندە ءبىتىرۋ“، ”اكىمشىلىك ىستەر ەرەن بازارى“ وي جەلىسى بويىنشا، حالىق تۇرمىسىنا قاتىستى سۋ، ەلەكتر، گاز، جىلىنۋ، فينانس، حابارلاسۋ، مۇناي سياقتى كاسىپورىنداردى ءار دارەجەلى اكىمشىلىك قىزمەت وتەۋ ۇلكەن زالدارىندا حالىققا قولايلى قىزمەت وتەۋ ءتۇيىنىن اشۋعا سايكەستىرىپ، كاسىپورىندار مەن بۇقارانىڭ ءىس بىتىرۋىنە قولايلىلىق جاسادى. قازىر اقسۋ ايماعىنداعى ءوز دارەجەسىندەگى 53 ورىن (كاسىپورىن) 620 ءتۇرلى ءىس بويىنشا اكىمشىلىك قىزمەت وتەۋ ۇلكەن زالىندا وكىلەتتى تۇرىپ، ورىنداردىڭ وكىلەتتى تۇرۋ مولشەرىن %100كە، ءىس بويىنشا وكىلەتتى تۇرۋ مولشەرىن %98.7كە جەتكىزدى؛ اۋدان (قالا) تاراۋلارى مەن ءىس بويىنشا وكىلەتتى تۇرۋ مولشەرىن ورتا ەسەپپەن %90تەن استامعا جەتكىزىپ، بۇقارانىڭ بۇرىنعى ءىس بىتىرۋدە ”ەكى جاققا شاپقىلايتىن“، ”قايتا - قايتا شاپقىلايتىن“ جاعدايىن ءونىمدى وزگەرتتى.

  قارامايلى قالاسىندا رايون، قالا ەكى دارەجەلى كاسىپتىك ساندى مالىمەت ينفورماتسياسىن بىرىكتىرۋ ارقىلى بۇقارا تەك ءبىر جەلىگە شىقسا، ءبىر زالعا كىرسە، ءبىر تەرەزەگە بارسا، ماتەريالدى ءبىر رەت تاپسىرسا عانا بولعانى، ”جەلىدە ءبىتىرۋدى، جاقىن ماڭدا ءبىتىرۋدى، بۇكىل قالادا ءبىر تۇتاس ءبىتىرۋدى“ جۇزەگە اسىرا الادى، بۇقارانىڭ جۇمىس بىتىرۋگە دايىندايتىن ماتەريالدارىنىڭ ورتا ەسەپپەن %35تەن استامى ازايتىلدى، مۇندا جىلجىمايتىن مۇلىكتى تىركەۋگە الدىرۋعا قاجەتتى ماتەريالدارىنىڭ %60تەن استامى قىسقارتىلدى، وتكەرمە ءۇي ساۋداسى 90 مينۋتتا بىتەتىن بولدى، قوعامدىق قامسىزداندىرۋدى تەكسەرۋ، قورا - جايدى كۋالاندىرۋ سياقتى ىستەردى بىتىرگەندە ماتەريال دايىنداۋدىڭ قاجەتى قالمادى، تەك ازاماتتىق كۋالىكپەن عانا بىتىرۋگە بولاتىن بولدى.

  ىلە وبلىسى رەفورما جاساۋ ارقىلى تيجارات كۋالىگىن بازار تۇلعاسىنىڭ بىردەن - ءبىر ”ازاماتتىق كۋالىگىنە“ اينالدىردى، بىرلىككە كەلگەن قوعامدىق سەنىمدىلىك شارتتى سيفرىن بازار تۇلعاسىنىڭ بىردەن - ءبىر سالاۋات شارتتى سيفرىنا اينالدىردى. قازىر ىلە وبلىسى جيىنى ”كوپ كۋالىكتى ءبىر كۋالىككە بىرىكتىرۋ، ءبىر كۋالىكتە ءبىر شارتتى سيفر“ تيجارات كۋالىگىن 29 مىڭ 81 ورىنعا تاراتتى؛ جيىنى 27 مىڭ 535 ورىندى جەلىدە تىركەۋگە الدى، تۇتاس بارىستىق ەلەكتروندى تىركەۋگە الدى، جەلىدە ءبىتىرۋ سالىستىرماسى %84كە جەتتى؛ ءوتىنىش ەتكەندە تاپسىراتىن ماتەريالداردىڭ جانە تولتىراتىن ساندى مالىمەتتەردىڭ ۇشتەن ەكىسى ازايتىلدى، تىزىمگە الدىرۋ ۋاقىتى 15تە 20 قىزمەت كۇنىنەن ءبىر قىزمەت كۇنىنە قىسقارتىلدى، جالپىلىق تىركەۋگە الۋ ونىمدىلىگى %70تەن ارتىق جوعارىلادى.

  ساپالىلانعان تيجارات - ساۋدا ورتاسى كاسىپورىنداردىڭ دامۋ سەنىمىن نىعايتتى. شينجياڭ يۇنكى تۇقىم شارۋاشىلىعىنىڭ جاۋاپتىسى جاڭ گۋاڭجۇن: ”ءبىز تۇقىمدى كارانتيندەۋ كۋالىگىن بىتىرمەك بولعاندا، ىلە وبلىستىق اكىمشىلىك قىزمەت وتەۋ ۇلكەن زالىنىڭ اۋىل شارۋاشىلىعى اۋىل - قىستاق تەرەزەسىنە كۇنى بۇرىن تەلەفون شالىپ قويساق بولعانى، كۋالىكتى تەز ارادا ءبىتىرىپ الامىز، ۋاقىتتى ۇنەمدەۋمەن قاتار، قىزمەت وتەۋ پوزيتسياسى دا جاقسى، ءبىز ايرىقشا رازى بولدىق، قارجى قوسۋدى اناعۇرلىم كەڭەيتپەكشىمىز“، - دەدى.

قارقىندى تەزدەتىپ، كۇش بىرىكتىرۋدىڭ جاڭا ۇلگىسى تۋىندادى

  ”ەڭ كوپ بولعاندا ءبىر رەت بارۋ“ رەفورماسى ءبىرى ارقىلى بارىنە اسەر ەتەتىن جۇيەلى ينجەنەريا.

  ءتىلشى مىنالاردى ۇعىستى: بۇكىل رايونىمىزداعى بىرلىككە كەلگەن جۇيەلى جۇمىس ءبىتىرۋ ءىس ولشەمى مەن باعدارناماسى ۇكىمەت ىستەرىنەن قىزمەت وتەۋدە ”ءبىر جەلىدە ءبىر تۇتاس ءبىتىرۋدى“، ”ءبىر ورىندا قىزمەت وتەۋدى“، جەلىدە جانە جەلىدەن تىس سايكەستى جوعارى ءونىمدى بولۋدى جۇزەگە اسىرۋدىڭ نەگىزى. ايتسە دە قازىر رايونىمىز جالپى ىستەر مازمۇنىن عانا جاريالادى، ىستەردى سالالاۋ، تانىپ الۋ جانە جاريالاۋ ولشەمى ءالى بۇكىل رايون بويىنشا بىرلىككە كەلمەدى، بۇل بەلگىلى دارەجەدەن رەفورمانىڭ ناتيجەسىنە جانە بۇقارانىڭ سەزىنۋىنە ىقپال جاسادى.

  اۆتونوميالى رايوندىق پارتكوم ساياسات زەرتتەۋ كەڭسەسى (رەفورما كەڭسەسى) سايكەستىرۋ 2 - باسقارماسىنىڭ باستىعى شيە بيڭفىڭ بىلاي دەدى: بيىل رايونىمىز ”ەڭ كوپ بولعاندا ءبىر رەت بارۋ“ رەفورماسىن جاپپاي ورىستەتەدى، جەلىدەگى اكىمشىلىك ىستەر تۇعىرىنىڭ يقۋاتىن كەمەلدەندىرۋگە، ينفورماتسيا قامالىن تالقانداۋعا كۇش سالادى، بۇل اۆتونوميالى رايون جانە ايماق، وبلىس، قالا تاراپىنان جەكە - جەكە كاسىپتىك ساندى مالىمەتتەردەن تەڭ يگىلىكتەنۋ، اۋىستىرۋ جۇيەسىن ورناتىپ، بۇكىل رايوندا كاسىپتىك ساندى مالىمەتتەر بايلىعىن ”توعىستىرۋدى، ۇلاستىرۋدى، پايدالانۋدى“ ىلگەرىلەتۋدى قاجەت ەتەدى. سونىمەن بىرگە اۆتونوميالى رايوننىڭ اكىمشىلىك ىستەر قىزمەت وتەۋ تۇعىرىن سۇيەنىش ەتۋگە تاباندى بولىپ، مۇنىڭ قولدانىلۋ يقۋاتىن ۇزدىكسىز كەمەلدەندىرىپ، بۇرىنعى كاسىپتىك جۇيەنىڭ اۆتونوميالى رايوننىڭ اكىمشىلىك قىزمەت وتەۋ تۇعىرىنىڭ يقۋاتىمەن ءتۇيىلىسۋىن جەدەل ىلگەرىلەتىپ، اكىمشىلىك قىزمەت وتەۋىنىڭ ”ءبىر رەت شىعۋ، ءبىر جەلىدە ءبىر تۇتاس ءبىتىرىلۋىن“ ىلگەرىلەتەدى. ”ەڭ كوپ بولعاندا ءبىر رەت بارۋ“ رەفورماسىن جاپپاي ورىستەتۋمەن بىرگە، رايونىمىز ”ءبىر بەكەتتىك فورمادا“ كاسىپورىن قۇرۋ، جيىلىگى جوعارى ىستەرگە ”جيناقى“ قىزمەت وتەۋ، قارجى قوسۋعا ۋادە بەرۋ ءتۇزىمىن تەكسەرىپ بەكىتۋ، اكىمشىلىك قىزمەت وتەۋدى ”قالا مەن اۋىلدا ءبىر تۇلعالاندىرۋ“ قاتارلى جاقتارداعى رەفورما ىزدەنىستەرىن دە بەلسەنە ورىستەتىپ، بۇكىل رايوننىڭ تيجارات - ساۋدا ورتاسىن ۇزدىكسىز ساپالىلاندىرۋ ءۇشىن كوشىرىپ جالپىلاستىرۋعا بولاتىن تاجىريبەلەردى ىزدەستىرەدى.

  ”ەڭ كوپ بولعاندا ءبىر رەت بارۋ“ رەفورماسى تەك تيجارات - ساۋدا ورتاسىن ساپالىلاندىرۋمەن عانا تىنبايدى، رايونىمىز ”ەڭ كوپ بولعاندا ءبىر رەت بارۋ“ رەفورماسىن قوعامدىق جونگە سالۋ جۇيەسى قۇرىلىسى سياقتىلارمەن تەرەڭ توعىستىرۋدى دا ىلگەرىلەتىپ، ورتالىقتىڭ رەفورما ورنالاستىرۋلارىن تياناقتاندىرۋعا جانە باس نىساناعا قىزمەت وتەۋگە ءبىر باعىتتا كۇش سالىپ، ورنىقتىلىق، دامۋ جانە حالىق تۇرمىسى سىندى 3 سالاعا ءبىر ۋاقىتتا كۇش سالىپ، شينجياڭ ەرەكشەلىگىنە يە ”اكىمشىلىك ىستەرى رەفورماسى + حالىق تۇرمىسىنا قىزمەت وتەۋ + قوعامدىق جونگە سالۋ“ ”ەڭ كوپ بولعاندا ءبىر رەت بارۋ“ رەفورما ۇلگىسىنىڭ ءمانى مەن كولەمىن ۇزدىكسىز بايىتىپ، كەمەلدەندىرىپ، رايونىمىزدىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل ىلگەرىلەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى