تيانشان تورى   ›   جاڭالىقتار   ›   شينجياڭ حابارلارى

1 - توقساندا ەلەكتر تورى ساتقان ەلەكتر مولشەرى سايكەس تۇستاعىدان %10.27 ارتتى

3 - كاسىپ سالاسىنىڭ ۇلەسى ەڭ زور بولدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 4 - ايدىڭ 2 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، شينجياڭ ەلەكتر تورى بيىل 1 - توقساندا ساتقان ەلەكتر مولشەرى 31 ميلليارد 82 ميلليون كيلوۆات - ساعاتقا جەتىپ، سايكەس تۇستاعىدان %10.27 ارتقان. مۇنىڭ ىشىندە 3 - كاسىپ سالاسىنىڭ 1 - توقساندا جۇمساعان ەلەكتر مولشەرى ەڭ كوپ بولىپ، ەلەكتردەن كوپ پايدالانۋ مولشەرىنىڭ %7.31 ارتۋىنا تۇرتكى بولعان.

  1 - توقساندا مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ىندەتتەن ساقتانۋ - تىزگىندەۋ جۇمىسىن مىقتى يگەرۋمەن بىرگە، جۇمىستى، ءوندىرىستى قالپىنا كەلتىرۋدى، ەلەكترمەن قامداۋدى قامتاماسىزداندىرۋدى مىقتى يگەرىپ، قولداۋ ساياساتىن شىعارىپ، كاسىپورىنداردىڭ ەلەكتردەن پايدالانۋ وزىندىك قۇنىن تومەندەتىپ، شينجياڭ ەلەكتر تورابىنىڭ ەلەكتر ساتۋ مولشەرى مەن ”شينجياڭنىڭ ەلەكترىن سىرتقا جەتكىزۋ“ ەلەكتر مولشەرىنىڭ جەدەل ارتۋىن جۇزەگە اسىردى. 1 - توقساندا شينجياڭدا تۇتاس كاسىپ سالاسى بويىنشا جۇمسالعان ەلەكتر مولشەرى 27 ميلليارد 672 ميلليون كيلوۆات - ساعاتقا جەتىپ، جالپى جۇمسالعان ەلەكتر مولشەرىنىڭ %89.3ىن يەلەگەن؛ قالا، اۋىل تۇرعىندارىنىڭ تۇرمىسقا پايدالانعان ەلەكتر مولشەرى 3 ميلليارد 410 ميلليون كيلوۆات - ساعاتقا جەتىپ، جالپى جۇمسالعان ەلەكتر مولشەرىنىڭ %10.97ىن يەلەگەن.

  شينجياڭ ەلەكتر تورابىنىڭ ەلەكتردەن پايدالانۋ ساناق ولشەمىندەگى ساندى مالىمەتتەن الىپ قاراعاندا، بيىل 1 - توقساندا 1 - كاسىپ سالاسىندا جۇمسالعان ەلەكتر مولشەرى شامامەن 300 ميلليون كيلوۆات - ساعاتقا جەتىپ، بۇكىل كاسىپ سالاسى بويىنشا جۇمسالعان ەلەكتردىڭ %1.08ىن يەلەگەن، مۇنىڭ جالپى جۇمسالعان ەلەكتر مولشەرىنىڭ ارتۋىنا جاسايتىن ىقپالى توتەنشە از. 2 - كاسىپ سالاسىندا جۇمسالعان ەلەكتر مولشەرى 17 ميلليارد 995 ميلليون كيلوۆات - ساعاتقا جەتىپ، بۇكىل كاسىپ سالاسى بويىنشا جۇمسالعان ەلەكتردىڭ %65.03ىن يەلەپ، سايكەس مەزگىلدەگىدەن %4.51 تومەندەگەن. 2 - كاسىپ سالاسىنىڭ ەلەكتر جۇمساۋ مولشەرىنىڭ تومەندەۋىنە، باستىسى، جاڭا تيپتى ايدارشا ۆيرۋس وكپە قابىنۋ ىندەتى ىقپال جەتكىزگەن، ءتۇستى مەتال قورىتۋ، قىسىممەن ۇزارتۋ، مانەرلەۋ ونەركاسىبى، توقىماشىلىق كاسىبى سياقتى كاسىپ سالالارىنىڭ وندىرىستە جۇمساعان ەلەكتر مولشەرى كورنەكتى تومەندەگەن.

  3 - كاسىپ سالاسىنىڭ جۇمسالعان ەلەكتر مولشەرىنىڭ ارتۋىنا قوسقان ۇلەسى ەڭ زور. 1 - توقساندا 3 - كاسىپ سالاسىنىڭ جۇمساعان ەلەكترى 9 ميلليارد 377 ميلليون كيلوۆات - ساعاتقا جەتىپ، بۇكىل كاسىپ سالاسى بويىنشا جۇمسالعان ەلەكتر مولشەرىنىڭ %33.89ىن يەلەپ، سايكەس مەزگىلدەگىدەن %41.32 ارتقان. باستىسى، جۇمساق بولشەك جانە ينفورماتسيا، تەحنيكا، قىزمەت وتەۋ كاسىبى ىندەتتىڭ ىقپالىنا نەگىزىنەن ۇشىراماعاندىقتان، ”ءىرى ساندى مالىمەت“ پەن ”بۇلت“ سياقتى قاتىستى عىلىم - تەحنيكا كاسىپورىندارىنىڭ جۇمساعان ەلەكترى 2 ميلليارد 60 ميلليون كيلوۆات - ساعات تىڭنان ارتىپ، جۇمسالعان ەلەكتر مولشەرىنىڭ ارتۋ قارقىنىنا تۇرتكى بولعان.

  مەملەكەتتىك ەلەكتر تورابى شينجياڭ سەرىكتەستىگىنىڭ تالداۋ جاساۋىنا نەگىزدەلگەندە، ەلەكتر جۇمساۋ شارۋاشىلىق - ساۋدا ورتاسىن ۇزدىكسىز جاقسارتۋ، كۇش سالا قامداۋدى ارتتىرىپ، ساتۋ ءورىسىن كەڭەيتۋ 1 - توقساندا ەلەكتر ساتىلۋ مولشەرىنىڭ ارتۋىن جۇزەگە اسىرۋداعى ماڭىزدى سەبەپتەردىڭ ءبىرى بولعان. اتالعان سەرىكتەستىك قىزمەت وتەۋدى ساپالىلاندىرىپ، جۇمىس كولەمىن ۇلعايتۋ، ورناتۋعا ءوتىنىش ەتۋ بارىسىن ىقشامداپ، ءتۇيىندى كاسىپ سالالارىنىڭ نىسانداردى كەڭەيتۋىن باسى - قاسىندا قاداعالاپ، 1 - توقساندا 110 كيلوۆولتتىق جانە ودان جوعارى ءتۇيىندى نىساننان بەسەۋىن ورىنداپ، اگراگاد سيىمدىلىعىن ءبىر ميلليون 406 مىڭ كيلوۆولت - امپەر ارتتىرعان.

  ەلەكتر ەنەرگياسىنىڭ ورىن باسۋ كولەمىنىڭ ۇزدىكسىز كەڭەيۋى ەلەكتر ساتىلۋ مولشەرىنىڭ ارتۋى جونىنەن دە توتەنشە ماڭىزدى بولدى. مەملەكەت ەلەكتر تورابى شينجياڭ سەرىكتەستىگى ەلەكتر ساتۋ مولشەرىنىڭ تىڭ ارتۋ تۇيىندەرىن بەلسەنە ارتتىرىپ، ونەركاسىپ، اۋىل شارۋاشىلىعى ءوندىرىسى، تۇرعىندار تۇرمىسى، ساۋدا، اس - سۋ، مەكتەپ اۋلاسى تازالىعى، جىلىنۋ سياقتى ءتۇيىندى سالالارداعى ەلەكتر ەنەرگياسىنىڭ ورىن باسۋىن ۇزدىكسىز ىلگەرىلەتتى، بيىل 1 - توقساندا ورىن باسقان ەلەكتر مولشەرى شامامەن ءبىر ميلليارد 550 ميلليون كيلوۆات - ساعاتقا جەتكەن.

  1 - توقساندا ”شينجياڭنىڭ ەلەكترىن سىرتقا جەتكىزۋدە“ جوعارى ارتۋ قارقىنى ۇزدىكسىز ساقتالدى. مەملەكەت ەلەكتر تورابى شينجياڭ سەرىكتەستىگى ەلەكتر تورابى اينالىم ءتاسىلىن عىلمي ورنالاستىرىپ، ءتۇيىندى ورىنداردىڭ جەلىسىن اسىراۋدى جانە توسىن جاعدايدا ەلەكترمەن قامداۋدى قامتاماسىزداندىرۋدى كۇشەيتىپ، ”شينجياڭنىڭ ەلەكترىن سىرتقا جەتكىزۋ“ ارناسىنىڭ حاۋىپسىز اينالىمىنا شىنايى كەپىلدىك ەتتى، 1 - توقساندا سىرتقا جەتكىزگەن ەلەكتر مولشەرى 20 ميلليارد 800 ميلليون كيلوۆات - ساعاتقا جەتىپ، سايكەس مەزگىلدەگىدەن %42.6 ارتقان. مۇنىڭ ىشىندە تازا ەنەرگيا ەلەكتر مولشەرى شامامەن 4 ميلليارد 200 ميلليون كيلوۆات - ساعاتقا جەتىپ، شامامەن سىرتقا جەتكىزىلگەن ەلەكتر مولشەرىنىڭ %20ىن يەلەگەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى