تيانشان تورى   ›   جاڭالىقتار   ›   شينجياڭ حابارلارى

حوتان − چارقىلىق تەمىر جولىنداعى تاتلىق ەرەكشە ۇلكەن كوپىرى تۇتاستىرىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ، ەرىكتى ءتىلشى ۋاڭ شياۋشيڭ 4 - ايدىڭ 2 - كۇنى ۇرىمجىدەن حابارلايدى. 4 - ايدىڭ 2 - كۇنى تاڭعى ساعات بىردەن 5 مينۋت وتكەندە ەڭ سوڭعى ءبىر ماشينا بەتوننىڭ قۇيىلىپ بولۋىنا ىلەسە، حوتاننان چارقىلىققا دەيىنگى تەمىر جولداعى ءتۇيىندى ينجەنەريا تاتلىق ەرەكشە ۇلكەن كوپىرى تۇتاستىرىلىپ، حوتان - چارقىلىق تەمىر جولىنىڭ سوڭعى مەرزىمدەگى رەليس توسەۋ قىزمەتىنە نەگىز قالادى.

  جۇڭگو تەمىر جولى 1 - مەكەمەسى حوتان - چارقىلىق تەمىر جولى S6 بولىگى نىسان ءبولىمىنىڭ باس ينجەنەرى بيان داشيان تانىستىرىپ بىلاي دەدى: تاتلىق ەرەكشە ۇلكەن كوپىرى چارقىلىقتان نيەعا دەيىنگى جوعارى قارقىندى تاس جولىن جانە مەملەكەت تاس جولى 315 لەنياسىن كەسىپ وتەدى، كوپىردىڭ جالپى ۇزىندىعى 2888.78 مەتر. سول كۇنى تۇتاستىرىلعان بولەگى كوپىردىڭ تۇتاس ارقالىعى بولاتىن، تۇتاستىرىلعان بولەگىنىڭ ۇزىندىعى 10 مەتر.

  ”كوپىر بىلتىردان باستاپ سالىندى، قىس ماۋسىمىندا ءبىز جىلى لاپاس سالىپ جۇمىس جۇرگىزىپ، ۇلكەن كوپىردىڭ سالىنۋ قارقىنىنا كەپىلدىك ەتتىك. ىندەت سەبەبىنەن قۇرىلىس ۋاقىتى ءبىر ايعا جۋىق كەشەۋىلدەدى، 3 - ايدا جۇمىستى قالپىنا كەلتىرگەننەن كەيىن، ءبىز قۇرىلىس مەرزىمىن قاۋىرت ورنالاستىرىپ، ادامدى كوبەيتىپ، جابال قۇرىلىس جۇرگىزىپ، سوڭىندا ۇلكەن كوپىردى ءساتتى تۇتاستىرۋدى ىسكە اسىردىق“، - دەدى بيان داشيان.

  حوتان - چارقىلىق تەمىر جولى S6 بولىگىنىڭ جالپى ۇزىندىعى 155.75 كيلومەتر، بىلتىر 5 - ايدىڭ 1 - كۇنى قۇرىلىس باستاعان، كەزەكتە جالپى لەنيانىڭ تۇلعالىق ينجەنەرياسىنىڭ جارتىسى سالىنىپ ءبىتتى، 7 - ايدىڭ سوڭىندا تۇلعالىق ينجەنەريا سالىنىپ ءبىتىپ، حوتان - چارقىلىق تەمىر جولىنا جوسپار بويىنشا رەليس توسەلۋگە شىنايى كەپىلدىك ەتىلەدى.

  ىندەتتەن ساقتانۋ - تىزگىندەۋ كەزىندە، S6 بولىگى نىسان ءبولىمى ىندەتتەن ساقتانۋ - تىزگىندەۋ زاتتىق ماتەريالدارى قورىن ۇلعايتىپ، جابىق، شوعىرلى باسقارۋدى اتقارىپ، ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، قۇرىلىس ورنىنا كىرگەن ءاربىر ادامنىڭ باسقان - تۇرعان ءىزىن ۇلكەن ساندى مالىمەت ارقىلى سارالاپ، تەكسەرىپ، ءار كۇنى دەنە تەمپەراتۋراسىن ولشەۋگە تاباندى بولىپ، حاۋىپسىز قۇرىلىس جۇرگىزۋمەن قاتار، ىندەتتەن ساقتانۋ - تىزگىندەۋ قىزمەتىن دە ويداعىداي ىستەدى.

  ۇعىسۋعا قاراعاندا، حوتان - چارقىلىق تەمىر جولىنىڭ جالپى ۇزىندىعى 825.476 كيلومەتر، ەلىمىزدىڭ باتىس بولىگىندەگى ماڭىزدى وڭىرلىك جول تورابىنداعى نەگىزگى جەلى، سونداي - اق شينجياڭ تەمىر جول نەگىزگى جۇلگەسىنىڭ ماڭىزدى قۇرامداس بولىگى سانالادى. ول گولمۋت - كورلا تەمىر جولى، وڭتۇستىك شينجياڭ تەمىر جولىمەن تۇتاسىپ ءبىر تەمىر جول اينالما جەلىسىن قالىپتاستىرىپ، وڭتۇستىك شينجياڭ بۇقاراسىنىڭ شينجياڭنان شىعۋ ساپارىن بارىنشا قىسقارتادى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى