− رايونىمىز نىسان قۇرىلىسىن جەدەلدەتىپ، قاتىناستىڭ قاۋىرت دامۋىن ىلگەرىلەتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ
كران بورەنەلەردى كوتەرىپ اپارىپ قويىپ، تاپتاۋىش جول تاعانىن ارلى - بەرلى تاپتاپ، جۇمىسشىلار قۇمدى بوراننان ساقتايتىن قامىس كەرەگە كوزدەردى توسەپ ءجۇر... 4 - ايدىڭ 1 - كۇنى تۇستەن بۇرىن حوتاننان چارقىلىققا دەيىنگى تەمىر جولدىڭ S1 بولىگىنىڭ قۇرىلىس ورنىندا ماشينالار گۇرىلدەپ، ادامدار قاربالاس ءجۇر.
كوكتەم كەلگەننەن بەرى تاس جول، تەمىر جول، اۆياتسيا سياقتى كوپتەگەن ءتۇيىندى قاتىناس قۇرىلىسى نىساندارى تيانشاننىڭ تۇستىگى مەن تەرىستىگىندە ىركەس - تىركەس جۇمىستى قالپىنا كەلتىرىپ، جۇمىس باستادى، اسىرەسە، ءبىر توپ جاڭادان باستالعان نىساندار جۇرتتىڭ نازارىن اۋداردى. ولقىلىقتاردى تولىقتاپ، ءالسىز تۇستاردى كۇشەيتىپ، دابىرالى جۇرىلگەن قاتىناس نەگىزدىك قۇرىلعى قۇرىلىستارى ”شينجياڭ ىشىندە اينالما شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ نىساناسىن جەدەل جۇزەگە اسىرىپ، رايونىمىزدىڭ جىبەك جولى ەكونوميكالىق بەلدەۋى وزەكتى رايونىنا سايماساي كەلەتىن ءىرى قاتىناس جۇلگەسى جىلدام قالىپتاسۋدا.
تيانشاننىڭ تۇستىگى مەن تەرىستىگىندە قاتىناس قۇرىلىسىنىڭ ورلەۋى كوتەرىلدى
4 - ايدىڭ 1 - كۇنى تۇستەن كەيىن التاي - كوكتوعاي - جۇندۇڭ تەمىر جولىنىڭ التايدان كوكتوعايعا دەيىنگى بولىگىندە دابىرالى تۇردە رەليس جاتقىزىلۋدا، قۇرىلىس جۇرگىزۋشىلەر بولەك - بولەك بولات رەليستەردى جول تاعانىنا توسەپ، ۇزاققا سوزىلعان بولات رەليستەر تىزبەگى باياۋ دا ورنىقتى تۇردە العا سوزىلۋدا.
”ءبىز قۇرىلىس جوباسىن كەمەلدەندىرۋ، ماتەريال اكەلۋدى عىلمي ۇيىمداستىرۋ، ەكى كەزەكپەن جۇمىس ىستەۋ سياقتى شارالار ارقىلى قۇرىلىس مەزرىمىن مىقتى يگەرىپ، التاي - كوكتوعاي بولىگىندە 8 - ايدىڭ سوڭىندا پويەز قاتىناپ، ىسكە قوسىلۋىنا شىنايى كەپىلدىك ەتەمىز“، - دەدى جۇڭگو تەمىر جولى 1 - مەكەمەسى التاي - كوكتوعاي - جۇندۇڭ تەمىر جولى رەليس جاتقىزۋ، كوپىر سالۋ نىسان ءبولىمىنىڭ ورىنباسار ديرەكتورى جياڭ جيشىڭ.
اۋا رايىنىڭ بىرتىندەپ جىلىنۋىمەن، رايونىمىزداعى كوپتەگەن تاس جول، تەمىر جول، اۆياتسيا ءتۇيىندى قۇرىلىس نىساندارى جۇمىستى قالپىنا كەلتىرىپ، تيانشاننىڭ تۇستىگى مەن تەرىستىگىندە قاتىناس قۇرىلىسىنىڭ ورلەۋى كوتەرىلدى.
”ءبىزدىڭ جول بولىگىنىڭ جۇمىسى تۇگەلدەي قالپىنا كەلتىرىلدى، قازىر لوپ ەرەكشە ۇلكەن كوپىرىنىڭ رەليس جاتقىزۋعا دەيىنگى نەگىزگى تۇلعالىق ينجەنەرياسىنىڭ كوپىر تۇعىرىنىڭ تۇگەلدەي قۇرىلىسى اياقتادى، كوپىر سالۋ ورىندارى كوپىر سالىپ جاتىر؛ يۇرۇڭقاش وزەنىنە 86 كوپىر تۇعىرىن سالۋ جوسپارلانعان، جيىنى 53 كوپىر تۇعىرىنىڭ قۇرىلىسى اياقتادى؛ ءوڭىر ارالىق جول تاعانىن جاساۋدىڭ ％96ى اياقتادى؛ لوپ ۆوكزالىنىڭ رەليس جاتقىزۋعا دەيىنگى نەگىزگى تۇلعالىق ينجەنەرياسىنداعى جول تاعانى جالپى مولشەرىنىڭ ％95ى اياقتادى؛ حوتان شىعىس ۆوكزالىنىڭ جول تاعانى، جول تاعانىن قورعاۋ ينجەنەرياسى، قۇمدى بوراننان ساقتايتىن قامىس كەرەگەكوز ينجەنەرياسىنىڭ جۇمىسى ءتارتىپتى ىلگەرىلەتىلۋدە“، - دەدى جۇڭگو تەمىر جولى بەيجيڭ ينجەنەريا مەكەمەسى 1 - سەرىكتەستىگى حوتان - چارقىلىق تەمىر جولى S1 بولىگى نىسانىنىڭ ۇنەمىلىك ىستەرگە جاۋاپتى ورىنباسار ديرەكتورى جاڭ تيەفىڭ.
ءتۇيىندى تاس جول قۇرىلىسى نىسانى جەدەل قۇرىلىس جۇرگىزۋدە. G30دىڭ شياۋساۋحۋدان ۇرىمجىگە دەيىنگى بولىگىن وزگەرتىپ، كەڭەيتىپ سالۋ ينجەنەرياسى نىسانىنىڭ ورىنباسار جەتەكشىسى ۋىڭ ۋىنجۇڭ بىلاي دەدى: نىسانعا قاراستى تۋنەلدەر تۇگەلدەي تۇتاستىرىلدى، قۇرىلىس ينجەنەرياسى جۇمىستارىنىڭ جالپى تۇلعالىق اياق الىسى ％80تەن استى، كەيىنگى مەزگىلدە تاعى دا جابدىقتار مەن قىزمەتكەرلەردى ءۇرتىس كوبەيتىپ، نىساندا بيىل ءساتتى كولىك قاتىناۋىنا شىنايى كەپىلدىك ەتەمىز.
اۋەجاي قۇرىلىسى نىسانىنىڭ قۇرىلىس ورنى دا سونداي دۋماندى. ءۇرىمجى حالىقارالىق اۋەجايىنىڭ سولتۇستىك اۋماعىن وزگەرتىپ، كەڭەيتىپ سالۋ ينجەنەرياسى جالپى بەتتىك جۇمىستى قالپىنا كەلتىردى، وسى جىل ىشىندە جەر استى قۇرىلىمىنىڭ قۇرىلىسىن جۇرگىزۋ مەن جەر بەتىندەگى نەگىزگى تۇلعالىق قۇرىلىمىنىڭ ％70ىنىڭ قۇرىلىسىن جۇرگىزۋ مىندەتى اياقتالادى، جوسپار بويىنشا وسى ينجەنەريا 2023 - جىلدىڭ سوڭىندا اياقتايدى.
شينجياڭدى تىرەك ەتىپ، شىعىسپەن تۇتاستىرىپ، باتىسقا شىعارۋ جاعدايى قالىپتاسادى
4 - ايدىڭ 1 - كۇنى ساعات 5تەن 30 مينۋت وتكەندە، مەلامين تيەگەن ءبىر پويەز جۇڭگو - ەۆروپا كەزەكشى پويەزدارىنىڭ ۇرىمجىدەگى شوعىرلاندىرۋ ورتالىعىنان شىعىپ، ماسكەۋگە اتتاندى.
”شوعىرلاندىرۋ ورتالىعى قۇرىلعان 3 جىلدان استام ۋاقىتتان بەرى، جۇڭگو - ەۆروپا كەزەكشى پويەزدارىنىڭ جۇرگىزىلۋ كولەمى ەڭ العاشقى اپتاسىنا ءبىر كەزەكتەن كۇنىنە 3 كەزەككە كوبەيتىلىپ، شينجياڭنىڭ سىرتقا ەسىك اشۋ اياق الىسى ۇزدىكسىز جەدەلدەدى“، - دەدى شينجياڭ دالۋچياۋ (توبى) شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى نان جۇن.
جۇڭگو - ەۆروپا كەزەكشى پويەزدارى شينجياڭنىڭ باتىسقا ەسىك اشۋداعى ”تانىسقىسىنا“ اينالدى. وسى ”تانىسقىنى“ قالاي جارقىراتۋ كەرەك، جۋىردا عانا ءۇرىمجى كەدەنى 12 ءتۇرلى شارا شىعارىپ، وزىندىك قۇندى تومەندەتۋ، كەدەننەن ءوتۋ ۋاقىت ونىمدىلىگىن جوعارىلاتۋ، كاسىپتى كەڭەيتۋ سياقتى جاقتاردا ”ءبىر بەلدەۋ، ءبىر جول“ قۇرىلىسىن اناعۇرلىم قولداپ، جۇڭگو - ەۆروپا كەزەكشى پويەزدارىنىڭ دامۋىنا قولداۋ كورسەتتى.
قازىر جۇڭگو - ەۆروپا كەزەكشى پويەزدارىنىڭ قاتىناۋ جەلىسى 21گە جەتىپ، 23 مەملەكەت پەن رايوندى قامتىپ، كولەمدەندىرىپ دامىتۋ جۇزەگە اسىرىلىپ، اناعۇرلىم كوپ ونىمدەر شينجياڭنان دۇنيە جۇزىنە بەت الدى.
بىلتىر G3012 قاشقاردان (جاڭاءشار) قاعىلىققا، قاراقاشقا دەيىنگى جوعارى قارقىندى تاس جولدىڭ 2 - مەرزىمدىك ينجەنەرياسىندا كولىك قاتىناپ، بۇكىل شينجياڭداعى بارلىق ايماقتاردى، وبلىستاردى، قالالاردى جوعارى قارقىندى تاس جولمەن تۇتاستىرۋ جۇزەگە اسىرىلىپ، تاكلاماكان قۇمدى ءشولىن اينالعان جوعارى قارقىندى تاس جول تورابى جەدەل قالىپتاستى. شينجياڭعا كىرىپ - شىعاتىن ۇلكەن ارنا G7 − بەيجيڭ - شينجياڭ جوعارى قارقىندى تاس جولىنىڭ داحۋاڭشاننان ۇرىمجىگە دەيىنگى جوعارى قارقىندى تاس جولى، G30 ليانيۇنگاڭ - قورعاس جوعارى قارقىندى تاس جولىنىڭ ۇرىمجىدەن كۇيتۇنگە دەيىنگى بولىگىنىڭ دەڭگەيىن جوعارىلاتىپ، 8 اۆتوجول ەتىپ جاڭالاۋ ارقىلى شينجياڭنان كىرىپ - شىعۋدىڭ قاتىناۋ قابىلەتى ەسەلەپ ارتتى. بيىل رايونىمىزدىڭ سالىنۋ ۇستىندەگى، جاڭادان سالىناتىن تاس جول نىسانى 45كە جەتەدى، G30 ليانيۇنگاڭ - قورعاس جوعارى قارقىندى تاس جولىنىڭ شياۋساۋحۋدان ۇرىمجىگە دەيىنگى بولىگىن وزگەرتىپ، كەڭەيتىپ سالۋ ينجەنەرياسىنىڭ جۇمىسى اياقتاپ، كولىك قاتىناپ، ىسكە قوسىلۋى جوسپارلانۋدا، G7 بەيجيڭ - شينجياڭ جوعارى قارقىندى تاس جولىنىڭ ۋتۇڭداچۋان - اراتۇرىك - باركول - موري بولىگىندە نەگىزگى جەلى تۇتاستىرىلادى، جوعارى قارقىندى تاس جول ۇلكەن ارناسى قۇرىلىسىنىڭ اياق الىسى بارىنشا تەزدەتىلدى.
شينجياڭ حالىقتىق اۆياتسياسى قۇرىلىستى جەدەلدەتتى. قازىر شينجياڭدا 21 حالىقتىق اۋەجاي قولدانىسقا بەرىلدى، شينجياڭعا تۇتاساتىن حالىقارالىق جانە وڭىرلىك اۆياتسيا جەلىسى 27گە جەتتى، ۇرىمجىمەن قاتىناس بايلانىسىن ورناتقان قالالار دۇنيە ءجۇزىنىڭ جەر - جەرىنە تارالعان.
”كوپتەگەن قاتىناس نەگىزدىك قۇرىلعى نىساندارىنىڭ ورنالاستىرىلۋى مەن سالىنۋى شينجياڭنىڭ قاتىناس تورابىن كەمەلدەندىرۋ، شينجياڭعا كىرىپ - شىعۋدى جەبەۋ، وڭتۇستىك شينجياڭ مەن سولتۇستىك شينجياڭدى ۇلاستىرۋ، تۇتاستىرۋ، قاتىناس تورابى ورتالىعىنىڭ قۇرىلىسىن جەدەلدەتۋ سياقتىلاردا ماڭىزدى مانگە يە“، - دەدى اۆتونوميالى رايوندىق قاتىناس - تاسىمال مەڭگەرمەسىنىڭ ورىنباسار مەڭگەرمە دارەجەلى كادرى جىڭ ميڭچۋان.
ستەرەولدى قاتىناستىڭ ”ءۇشىنشى اينالما جەلىسىنىڭ“ نوبايى كورىنە باستادى
شينجياڭنىڭ جەرى كەڭ، ”ءۇش تاۋدىڭ ورتاسىنداعى ەكى ويپات“ سىندى جەر بەدەرى ورتاسىندا ءبىر - بىرلەگەن جاسىل القاپتار شاشىلعان مەرۋەرتتەي ويپاتتىڭ جيەگىنە بىتىراي ورنالاسقان.
تالاي جىلدان بەرى، رايونىمىز قاتىناس نەگىزدىك قۇرىلعى قۇرىلىسىنا كۇش سالىپ، شينجياڭ ىشىندەگى تاس جول، تەمىر جول، حالىقتىق اۆياتسيا تورابىن كەمەلدەندىرىپ، ستەرەولدى ”قاتىناس شەڭبەرى“ ورنىقتى دامىدى. الايدا ۇزاقتان بەرى تەمىر جول ”人“ ءارىبى فورماسىندا ورنالاستى ءارى اناعۇرلىم جوعارى ءونىمدى، جىلدام اينالما تورابى قالىپتاسپادى. مەملەكەتتىك، ولكەلىك نەگىزگى جەلىلەر جوڭعار ويپاتى مەن تارىم ويپاتىن ”قورشاپ“ ورنالاستى، الايدا جوعارى قارقىندى تاس جولدىڭ ۇلكەن اينالما جەلىسى قالىپتاسپادى، جولدار اينالما جەلىسىن قالىپتاستىرعانىمەن، تەزدەمەدى.
بيىل رايونىمىز قاتىناس نىساندارى قۇرىلىسىن ۇزدىكسىز ىلگەرىلەتىپ، تاس جول، تەمىر جول، حالىقتىق اۆياتسيا وڭتۇستىك شينجياڭ مەن سولتۇستىك شينجياڭدا بىرتىندەپ اينالما جەلىسىن قالىپتاستىردى، تارىم، جوڭعار ەكى ۇلكەن ويپات قاتىناسىنداعى ”ءۇشىنشى اينالما جەلىسىنىڭ“ ستەرەولدى تورابى بارعان سايىن ايقىندالا ءتۇستى.
تاس جول جاعىندا، بىلتىر كوپتەگەن جوعارى قارقىندى تاس جول نىسانى سالىنىپ بولىپ، كولىك قاتىنادى، جوڭعار ويپاتىن اينالعان جوعارى قارقىندى تاس جول جەلىسى قالىپتاستى. بيىل G0711 جەلىسىنىڭ ءۇرىمجى - لوپنۇر جوعارى قارقىندى تاس جولى، G315 جەلىسىنىڭ چارقىلىق - نيا جوعارى قارقىندى تاس جولى سياقتى نىساندار جۇمىستى قالپىنا كەلتىرىپ قۇرىلىس جۇرگىزدى، تارىم ويپاتىن اينالعان، جاڭادان قۇرىلىس باستاعان جوعارى قارقىندى تاس جول نىساندارى دا جەدەل ىلگەرىلەتىلدى، تارىم ويپاتىن اينالعان جوعارى قارقىندى تاس جول تورابىنىڭ جۇلگەسى ايقىندالا ءتۇستى.
تەمىر جول جاعىندا، التاي - كوكتوعاي - جۇندۇڭ تەمىر جولىندا بيىل تۇتاس جەلىدە پويەز قاتىناپ، ىسكە قوسىلادى، سول كەزدە كۇيتۇن - بەيتۇن تەمىر جولى، لانجوۋ - شينجياڭ جەلىسى، ءۇرىمجى - جياڭجۇنمياۋ تەمىر جولىمەن بىرگە سولتۇستىك شينجياڭ تەمىر جولى اينالما جەلىسىن قالىپتاستىرادى. گولمۋتتان كورلاعا دەيىنگى تەمىر جول (شينجياڭ بولىگى) بيىل سالىنىپ بولىپ، پويەز قاتىنايدى، تاعى كەلەر جىلى سالىنىپ بولاتىن حوتان - چارقىلىق تەمىر جولىن قوسساق، وڭتۇستىك شينجياڭداعى قازىرگى بار تەمىر جولىمەن بىرگە تارىمدى اينالعان تەمىر جول تورابى قالىپتاسادى.
بيىل حالىقتىق اۆياتسيانىڭ سالىنۋ ۇستىندەگى نىساندارى ءۇرىمجى، قاشقار، اقسۋ، قۇلجا اۋەجايلارىن وزگەرتىپ، كەڭەيتىپ سالۋ ينجەنەرياسىن جانە تاشقورعان، موڭعۇلكۇرە، كەريا اۋەجايلارىن سالۋ نىساندارىن قامتيدى، جاڭادان بايىنبۇلاق اۋەجايى، جۇندۇڭ (شونجى) اۋەجايى، باركول اۋەجايى سالىنادى، تۇرپان اۋەجايىنىڭ ۇشۋ اۋماعى وزگەرتىپ، كەڭەيتىپ سالىنادى، التاي ايماعىنىڭ امبەباپ اۋەجايى جانە امبەباپ اۆياتسيا كاسىبىنىڭ سايكەستى قۇرىلعى نىساندارى دا قۇرىلىس باستايدى، كوپتەگەن اۋەجاي قۇرىلىسى نىساندارى اياقتاعاننان كەيىن، شينجياڭ ىشىندە اينالىپ ۇشۋ اۆياتسيا جەلىسى تورابىن جيىلەتە تۇسەدى.
”ۋنيۆەرسال قاتىناس جۇيەسى زات اينالىمى كاسىبىنىڭ دامۋىنا وراي ازىرلەپ، حوتان ايماعى جانە توڭىرەگىندەگى جەرلەردىڭ ساۋدا، زات اينالىمى كاسىبىن تىڭ ساتىعا كوتەرۋگە جەتەكتەيدى“، - دەيدى حوتان ايماقتىق زات اينالىمى قوعامىنىڭ باستىعى پان فىڭ.
