لي جيانيىڭنىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ لانجوۋدان بەرگەن حابارى (حۋاڭ شۋبو، ساۋ جياڭ). ”لي جيانيىڭ قۇربان باستان - اياق حالىق بۇقاراسىنىڭ ءومىرىنىڭ اماندىعىن ءبىرىنشى ورىنعا قويىپ، ۇشاق قاناتى استىنداعى ىستىق توپىراقتى قورعاۋدى ومىرلىك ۇستانىمى ەتتى“. باتىس بولىك سوعىس رايونى اۋە ارمياسى اۋە اسكەرلەرى بەلگىلى لۇيىنىڭ جۋىقتا ۇيىمداستىرعان ارناۋلى تاقىرىپتىق پارتيا كۇنى قيمىلىندا وزدەرى تۇرعان جەردەگى قۇرباندار قابىرستانىندا قابىرسىپىرۋعا قاتىناسقان جاڭا اسكەر ديڭ شين اسەرلەنە وسىلاي دەدى.
لي جيانيىڭ، 1982 - جىلى 6 - ايدا اۋە ارمياسىنىڭ بۇرىنعى 5 - اۋە مەكتەبىنە قابىلدانادى، 1986 - جىلى 3 - ايدا پارتياعا كىرەدى، قۇربان بولاردان بۇرىن اۋە ارمياسىنىڭ شاڭشياۋ اسكەري شەنىن العان، 1 - دارەجەلى ۇشقىش، جالپى ۇشۋ ۋاقىتى 2400 ساعاتقا تاياۋ.
2006 - جىلى 11 - ايدىڭ 14 - كۇنى ساعات 12دەن 4 مينۋت 9 سەكۋند وتكەندە، مىندەتىن وتەپ بولعان لي جيانيىڭ ۇشاقتى ايداپ كەرى قايتىپ بيىكتىگى 194 مەتر، اۋەجاي سىرعىما جولىنىڭ باسىنا 2900 مەتر قالعاندا كەنەتتەن ءبىر توپ حابارشى كوگارشىنعا سوعىلىپ، موتور اۋەدە توقتاپ قالادى. ۇشاقتىڭ تومەنگى جاعىندا قىستاقتار ىعى - جىعى ورنالاسقان، ۇشاقتا نەشە ءجۇز ليتر ۇشاق جانارمايى جانە بومبى سياقتىلار بار، الدا - جالدا ۇشاق مەڭگەرۋدەن كەتىپ، قۇلار بولسا، حالىق بۇقاراسىنىڭ ءومىرى مەن مال - مۇلكىنە زور زيان اكەلەدى.
ءومىر مەن ءولىم اراسىندا پاراشوتپەن سەكىرىپ باس ساۋعالاۋىنا بولاتىن لي جيانيىڭ تابىسقا جەتۋ مۇمكىندىگى ماردىمسىز عانا كۇشپەن قونۋدى باتىل تاڭداپ، قوزعاۋشى كۇشتەن ايرىلعان سوعىس ۇشاعىن قايسارلىقپەن جۇرگىزىپ، سىرعىما جولدىڭ ۇزارتىلعان جەلىسىنە اپارادى. ساعات 12دەن 4 مينۋت 25 سەكۋند وتكەندە سوعىس ۇشاعى جەرگە ءتيىپ العا قاراي 39.3 مەتر سىرعىعان كەزدە، باقىتقا قارسى 3.5 مەتر بيىكتىكتەگى توعان ەرنەۋىنە سوعىلىپ، ۇشقىش بولمەسى مەن ۇشاقتىڭ تۇمسىق بولىگى وپىرىلىپ العا كەتىپ، ۇشاق پارشالانىپ ورتەنىپ قوپارىلىس جاسايدى، لي جيانيىڭ جاس تا قىمباتتى ءومىرىن قيدى.
ازا ءبىلدىرۋ كۇنىندە جەرگىلىكتى ورىنداعى نەشە ءجۇز بۇقارا وزدىكتەرىنەن ونى شىعارىپ سالۋعا كەلدى. ياڭجياتاي قىستاعىنداعى ءبىر قارت اجەي وكسىگىن باسا الماي: ”ول ءبىزدى قۇتقارۋ جولىندا قۇربان بولدى، جاقسى ادام!“، - دەپ جىلادى.
لي جيانيىڭنىڭ كوزى تىرىسىندەگى جاۋىنگەر سەرىكتەرىنىڭ ەسكە الۋىنشا، جەتتىك ۇشۋ شەبەرلىگىن يگەرۋ ءۇشىن، 20 نەشە جىلدان بەرى لي جيانيىڭ جابدىقتاردىڭ قاعيداسىن قۇلشىنا زەرتتەۋگە تاباندى بولىپ، ۇشۋ شەبەرلىگىنە دەن قويا جاتتىعىپ، 5000 نەشە رەتكى ۇشۋ بارىسىندا مول ۇشۋ تاجىريبەسىن توپتاپ، ىلگەرىندى - كەيىندى ءبىر رەت 3 - دارەجەلى، ءبىر رەت 1 - دارەجەلى ەڭبەك ءسىڭىردى.
لي جيانيىڭ قۇربان بولعاننان كەيىن، اۋە ارمياسى پارتكومى وعان ”اۋە ارمياسىنىڭ ەڭبەك سىڭىرگەن ۇشقىشتارىنىڭ التىن داڭق مەدالىن“ تولىقتاپ بەرىپ، 1 - دارەجەلى ەڭبەك جازدى. لي جيانيىڭ جانە ”جۇڭگونى اسەرلەندىرگەن 2007 - جىلعى تۇلعالار“ قاتارىنان ورىن الدى.
قاھارماننىڭ ءىس - ىزدەرى ادامدى العا جەبەيدى، قىزىل گەن ۇرپاقتان - ۇرپاققا جالعاسادى. لي جيانيىڭ قۇربان كوزى تىرىسىندە تۇرعان قوسىن قىزىل گەنگە مۇراگەرلىك ەتۋگە تاباندى بولىپ، ادال قاسيەتتى بەكەمدەپ، ناقتى شايقاستىق جاتتىعۋدى قيىن ءارى قاتاڭ كۇيدە ورىستەتىپ، سوعىسقا دايىندالۋ، سوعىسۋ قابىلەتىن ۇزدىكسىز جوعارىلاتتى. ناق وقپەن نىسانا اتۋ مىندەتىن جاڭا عانا ورىنداپ بولعان ۇشقىش حۋاڭ زىپىڭ بىلاي دەدى: ”لي جيانيىڭ قۇرباننىڭ رۋحى ءبىزدى بورىشتى ەستە بەرىك ساقتاپ، ىجداعاتپەن ۇشۋدى جاپالىلىقپەن جاتتىعىپ، ماڭىزدى تاپسىرمانى ادا ەتىپ، وتاننىڭ اسپان كەڭىستىگىندە مىزعىماس قۇرىش قورعان ورناتىپ، مەملەكەت پەن حالىقتىڭ مۇددەسىن باتىل قورعاۋعا ماڭگى جىگەرلەندىرەدى“.
