− رايونىمىزدىڭ جەر - جەرى كەدەي ەڭبەككۇشتەردى باسقا سالاعا ويىستىرىپ جۇمىستاندىرۋدى تىڭعىلىقتى ىلگەرىلەتتى
شينجياڭ گازەتىنىڭ جالپىلىق اقپارات قۇرالدارى تىلشىلەرى
جارتى ايدىڭ الدىندا قاراقاش اۋدانىنداعى ارحيۆ تۇرعىزىلىپ، كارتچكالاندىرىلعان كەدەي وتباسى ازەز مامەت پەن جۇبايى قۇربانيسا تۇرسىنتوحتى شينجياڭ جۇندۇڭ ەكونوميكالىق، تەحنيكالىق اشۋ رايونىنداعى ءبىر ءىرى كاسىپورىننىڭ ونەركاسىپ جۇمىسشىسى بولىپ، ەرلى - زايىپتى ەكەۋىنىڭ ءبىر ايلىق ەڭبەكاقى كىرىسى وسىدان بۇرىنعى بۇكىل وتباسىنىڭ ءبىر جىلدىق كىرىسىنىڭ جيىنتىعىمەن تەڭ بولدى.
”بۇل قىزمەتىمىزدى جاقسى قاستەرلەپ، تەحنيكانى ويداعىداي يگەرىپ، كوپتەپ اقشا تاۋىپ، قوس قولىمىزبەن باقىتتى تۇرمىس جاراتامىز“، - دەدى جانارى ۇمىتكە تولعان ازەز.
باسقا سالاعا ويىستىرىپ جۇمىستاندىرىلعان ارحيۆ تۇرعىزىلىپ، كارتچكالاندىرىلعان كەدەي قاۋىمعا قاراتا، رايونىمىزدىڭ جەر - جەرى، ءارقايسى مەكەمە - ورىندار جۇمىس ورنىن ۇيلەسىمدى ورنالاستىرۋدان، تۇرمىستارىن جان - جاقتى قامتاماسىز ەتۋدەن، كوزقاراسقا بۇرىلىس جاساۋعا جەتەكشىلىك ەتۋدەن تارتىپ اناعۇرلىم جاقسى دامۋ مۇمكىنشىلىگىمەن قامداۋعا دەيىنگى جاقتاردا جان - جاقتى قامقورلىق جاساپ، كوڭىل ءبولىپ، باسقا سالاعا ويىستىرىلىپ جۇمىستاندىرىلعان قاۋىمنىڭ جۇمىستانا الۋىن، ورنىعۋىن، كىرىستەرىن ارتتىرۋىن قامتاماسىز ەتۋگە شىنايى كەپىلدىك ەتتى.
قۇمىل: ادام مەن جۇمىس ورنىن ءوزارا ۇيلەستىرىپ، تالانتىن كادەگە جاراتتى
3 - ايدىڭ 31 - كۇنى قۇمىل قالاسى يجوۋ رايونىندا قۇربانيسا تۇرسىن جۇمىستانۋدىڭ الدىنداعى باۋلۋدى اياقتاتقاننان كەيىن، جاڭا جۇمىس ورنىندا تىڭ تۇرمىسىن باستادى.
قۇربانيسا ءپايزاۋات اۋدانىنداعى ارحيۆ تۇرعىزىلىپ، كارتچكالاندىرىلعان كەدەي وتباسىنان، ونىڭ 3 بالاسى بار، جەر از، ادام كوپ، كۇيەۋى كەيدە سىرتقا شىعىپ كۇندىك جۇمىس ىستەيدى ەكەن، بۇكىل وتباسىنىڭ ءبىر جىلدىق كىرىسى نەبارى 3000 نەشە يۋان. تاياۋدا قۇربانيسا ۇكىمەتتىڭ جەرگىلىكتى ورىنداعى كەدەيلەردى قۇمىلعا كەلىپ جۇمىستانۋعا ۇيىمداستىرىپ جاتقانىن ەستىپ، ىرىقتىلىقپەن تىزىمدەلەدى. ول بىلاي دەدى: ”وسىندا جاقسى ىستەپ، كەدەيلىكتەن ەرتەرەك ارىلۋعا قۇلشىنامىن“.
بيىل 3 - ايدىڭ 22 - كۇنى جانە 3 - ايدىڭ 24 - كۇنى قۇمىل قالاسى قاشقار، حوتان سياقتى جەرلەردەن قۇمىلعا كەلگەن جۇمىسكەرلەردى ەكى توپقا ءبولىپ قابىلدادى، ولار تۇگەلدەي جەرگىلىكتى ورىنداعى ارحيۆ تۇرعىزىلىپ، كارتچكالاندىرىلعان كەدەيلەر.
بارلىق ادامنىڭ ورنىقتى جۇمىس ورنى بولۋىنا شىنايى كەپىلدىك ەتۋمەن بىرگە، قۇمىل قالاسى جۇمىستاندىرۋعا سايكەستى قىزمەتتەردى دە ىجداعاتتىقپەن تىڭعىلىقتى ىستەدى. قۇمىل قالاسىنىڭ ءارقايسى رايوندارى (اۋدان) جۇمىسكەرلەردىڭ جاعدايىن انىق ءبىلۋ قىزمەتىن دەر كەزىندە جاقسى ىستەپ، جەكە ادامنىڭ شەبەرلىگىنە، ارتىقشىلىعىنا ساي، جۇمىستانۋشىلار مەن سايكەستى جۇمىس ورنىن دالمە - ءدال تۇرگە ايىرىپ، جۇمىس ورنىن ورنالاستىرۋ جوباسىن ەگجەي - تەگجەيلىلەندىرىپ، ”ادام مەن جۇمىس ورنىن ءوزارا ۇيلەستىرۋدى، تالانتىن كادەگە جاراتا الۋدى“ جۇزەگە اسىردى.
يجوۋ رايوندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ادام كۇشى بايلىعى ورتالىعىنىڭ مەڭگەرۋشىسى شۇي شياۋشيا بىلاي دەدى: ”جۇمىستانۋدىڭ الدىنداعى باۋلۋ كەزىندە ءبىز ءارقايسى ءىرى كاسىپورىندارمەن ۇشتاسىپ، جۇمىسشى ىستەتەتىن ورىنداردى تياناقتاندىردىق، جۇمىسكەرلەردىڭ وزىندىك ارتىقشىلىعىنا جانە اۋەسىنە قاراي، ادامعا قاراي جۇمىس ورنىن بەلگىلەپ، ادام مەن جۇمىس ورنىنىڭ ساي كەلۋىن ورىندادىق، قازىر جۇمىسكەرلەر كاسىپورىندارداعى جۇمىس ورىندارىنا بارىپ جۇمىستاندى“.
تۇرپان: ”بارلىق شارت - جاعدايدى ازىرلەپ“ جۇمىستاندىرىپ، ەرىك - جىگەر جاعىنان سۇيەمەلدەپ، كوڭىل كۇيىن ورنىقتىردى
وتكەن ايدا ءپايزاۋات اۋدانىنان كەلگەن ايشامگۇل قاري تۇرپان قالاسىندا ءبىر كاسىپورىندا ونەركاسىپ جۇمىسشىسى بولدى.
زاۆود رايونىنا كىرگەننەن كەيىن، ايشامگۇل شىت جاڭا تۇرمىسىنىڭ باستالعاندىعىن سەزدى. رەتتى دە تازا جاتىن ورىن ورتاسى، كەمەلدى تۇرمىستىق قىزمەت وتەۋ، سونىمەن قوسا ورنىقتى كىرىس ونى شاتتىققا بولەدى: ”جاتاق جاڭا، كورپە - جاستىق پەن كۇندەلىكتى تۇرمىس بۇيىمدارى دا جاڭا ەكەن، قاجەتتى دۇنيەلەرىڭىزدىڭ ءبارىن كاسىپورىن دايىنداپ قويىپتى، شىنىمەن اسەرلەندىم، بەينە ۇيدە جۇرگەندەي بولدىم“.
قازىرگە دەيىن ايشامگۇل سياقتى ۇيىمدى تۇردە باسقا سالاعا ويىستىرىلىپ جۇمىستاندىرىلعان نەشە توپتاعى جۇمىسكەرلەر تۇرپان قالاسىندا ۇيلەسىمدى جۇمىس ورىندارىن تاپتى. تۇرپان قالاسى باسقا سالاعا ويىستىرىپ ورنىقتى جۇمىستاندىرۋمەن قاتار، جۇمىستانۋدىڭ الدىنداعى شوعىرلى باۋلۋ سياقتى تاسىلدەرمەن باسقا سالاعا ويىستىرىلىپ جۇمىستاندىرىلعانداردىڭ كوزقاراسىنا بۇرىلىس جاساۋعا بەلسەنە جەتەكشىلىك ەتىپ، كەدەيلىكتەن ارىلۋ سەنىمىن ورناتىپ جانە بەكەمدەپ، جۇمىس ورنىندا الاڭسىز ىستەپ، جەرگىلىكتى ورىننىڭ تۇرمىسىمەن بەلسەنە توعىسىپ جانە قىزمەتكە بەلسەنە كىرىسىپ، ەڭبەكشىل قوس قولدارىمەن تاماشا بولاشاق جاراتۋىنا مۇمكىندىك جاسادى.
تۇرپان قالاسى جۇمىسكەرلەردى ورنالاستىرۋعا جيىنى 2 ميلليون 100 مىڭ يۋان قارجى قوستى. باسقا سالاعا ويىستىرىلىپ جۇمىستاندىرىلعان ارحيۆ تۇرعىزىلىپ، كارتچكالاندىرىلعان كەدەي ەڭبەككۇشتەردىڭ مادەنيەت دەڭگەيى جالپى بەتتىك تومەن، جۇمىستانۋ قابىلەتى تومەن سياقتى جاعدايلاردى ويلاستىرىپ، تۇرپان قالاسى كاسىپورىنداردا جۇمىس ورنىن اشۋ ارقىلى باۋراۋدى نەگىز، الەۋمەتتىك يگىلىك سيپاتتى جۇمىس ورنىن اشىپ ورنالاستىرۋدى قوسىمشا ەتتى ءارى اۋىل - قىستاق سەلبەستىك ۇيىمدارى سياقتى سالالارعا دەيىن كەڭەيتىپ، ورنالاستىراتىن جۇمىس ورنىن ۇيلەسىمدى تۇراقتاندىرىپ، كۇندەلىكتى باسقارۋ، ءتۇزىم قۇرىلىسى، ۇيىمدىق قامتاماسىز ەتۋ سياقتى جاقتاردان باسقا سالاعا ويىستىرىلىپ جۇمىستاندىرىلعاندارعا قىزمەت وتەۋدى جان - جاقتى جاقسى ىستەدى.
سانجى: ”ءتيىمدى قىزمەت ورىندارىنا“ بەيىمدەپ، كىرىستى ارتتىرۋعا دەم بەردى
4 - ايدىڭ 3 - كۇنى تۇستەن بۇرىن، قۇتىبي اۋدانىنداعى ءبىر توقىماشىلىق سەرىكتەستىگىنىڭ ءجىپ ءيىرۋ سەحىندا 22 جاستاعى ءبۇسارام عۇلامقادىر ءجىپ ءيىرۋ ماشيناسىنىڭ الدىندا بار زەيىنىمەن جۇمىس ىستەۋدە.
2017 - جىلى 6 - ايدا ارحيۆ تۇرعىزىلىپ، كارتچكالاندىرىلعان كەدەي ءبۇسارام گۇما اۋدانىنان باسقا سالاعا ۇيىمدى تۇردە ويىستىرىلىپ، قۇتىبي اۋدانىنا كەلىپ جۇمىستانعان. ەشقانداي شەبەرلىگى بولماعاندىقتان، باستابىندا ادام كۇشى بايلىعى جانە قوعامدىق قامتاماسىزداندىرۋ تاراۋى ونى جەرگىلىكتى ورىنداعى ءبىر مەيمانحانادا اس - سۋ قىزمەت وتەۋ جۇمىسىنا ورنالاستىرعان، ايلىق ەڭبەكاقىسى 2000 يۋاننىڭ ۇستىندە بولعان. كەيىن شەبەرلىككە باۋلۋ ارقىلى ءبۇسارام توقىماشى ايەل جۇمىسكەرگە اينالدى. قازىر ول ايىنا 4000 يۋان ەڭبەكاقى الادى، كىرىسى دە زور مولشەردە ارتىپ، ونىڭ وتباسى كەدەيلىك قالپاعىن الىپ تاستادى.
2019 - جىلى 6 - ايدا ول تاعى ءساتى ءتۇسىپ قۇتىبي اۋدانى ۇيىمداستىرعان ”100 ۇلگى تيپتىڭ بەيجيڭدى اڭساپ العىس ايتۋ قيمىلىنا“ قاتىناسىپ، بەيجيڭگە ەكسكۋرسيالاۋعا، ۇيرەنۋگە بارادى.
سانجى حۇيزۋ اۆتونوميالى وبلىستىق الەۋمەتتىك جۇمىستاندىرۋعا قىزمەت وتەۋ مەكەمەسىنىڭ جاۋاپتىسى بىلاي دەپ تانىستىردى: ۇقساس شارت - جاعدايدا كاسىپورىن مەن مەكەمە - ورىن كىرىسى سالىستىرمالى جوعارى، تەحنيكا ۇيرەنە الاتىن، جۇمىستانۋ بولاشاعى جاقسى ”ءتيىمدى جۇمىس ورىندارىن“ باسقا سالاعا ويىستىرىلىپ جۇمىستاندىرىلعان ارحيۆ تۇرعىزىلىپ، كارتچكالاندىرىلعان كەدەي قاۋىمعا بەيىمدەدى. ولاردىڭ ورنىقتى جۇمىستانۋىن جۇزەگە اسىرۋعا كومەكتەسۋمەن قاتار، ولاردىڭ ەڭبەك شەبەرلىگى مەن جۇمىستانۋ كوزقاراسىن ۇزبەي جوعارىلاتىپ، ىسىلعان ەڭبەك شەبەرلىگى، ءبىرشاما جوعارى ورنىقتى كىرىسى بار قىزمەتكەر بولۋىنا مۇمكىندىك جاساپ، ءبىر ادامدى ورنىقتى جۇمىستاندىرىپ، كىرىسىن ارتتىرۋ ارقىلى بۇكىل وتباسىنىڭ كەدەيلىك قالپاعىن ەرتەرەك الىپ تاستاۋىن جۇزەگە اسىردى.
(ءتىلشى گى يوۋجۇن، حاباردى جازۋعا قاتىناسقان تىلشىلەر ءرايدا، جاڭ رۇيلين، ەرىكتى ءتىلشى حۇي گۋاڭدۇڭ)
