قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ جالپى بەتتىك جەڭىسىنە قول جەتكىزۋگە شىنايى كەپىلدىك ەتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان 4 - ايدىڭ 3 - كۇنى ۇرىمجىدەن حابارلايدى. 4 - ايدىڭ 3 - كۇنى اۆتونوميالى رايون قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە باسشىلىق ەتۋ گرۋپپاسىنىڭ 9 - رەتكى ءماجىلىسىن اشىپ، ارناۋلى كۇرەستىڭ 2 جىلدىق ناتيجەسىن قورىتىندىلاپ، قازىرگى جاعدايعا تالداۋ جاساپ، 3 - جىلداعى قىزمەتتەردى اقىلداسىپ ورنالاستىردى. ءماجىلىس قارا كۇشتەردى الاستاۋ، سۇرقيا كۇشتەردى جويۋ قىزمەتىنىڭ دەڭگەيىن ۇزدىكسىز جوعارىلاتىپ، ارناۋلى كۇرەستىڭ جالپى بەتتىك جەڭىسىنە قول جەتكىزۋدى ىلگەرىلەتۋدى تالاپ ەتتى.
اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى، اۆتونوميالى رايوننىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنە باسشىلىق ەتۋ گرۋپپاسىنىڭ باستىعى ۋاڭ جۇنجىڭ ماجىلىسكە قاتىناستى.
قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، رايونىمىز كەلەلى كەزەڭدىك تابىسقا قول جەتكىزدى، قوعام ورنىقتىلىعىنىڭ نەگىزى ۇزدىكسىز بەكەمدەلىپ، تيجارات - ساۋدا ورتاسى جاقسارۋعا قاراي ۇزدىكسىز بەتتەدى، قوعام اماندىعىن باسقارۋ ورتاسى كورنەكتى جاقسارىپ، قوعامدىق كەلەلى جاعدايدىڭ باياندى ورنىقتىلىعىنا شىنايى كەپىلدىك ەتىلدى، ەكونوميكانىڭ، قوعامنىڭ اقاۋسىز دامۋىنا قىزمەت وتەلىپ، قامتاماسىز ەتىلدى.
ءماجىلىس مىنالاردى اتاپ كورسەتتى: 2020 - جىل − قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ 3 جىلدىق مەرزىمدى نىساناسى اياقتايتىن جىل، شينجياڭ ءدوپ كەلگەن جاعدايعا، تاريحي ورىنعا، ءداۋىر تالابىنا، رەال مىندەتكە كوز جىبەرگەندە، رايونىمىزدىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ مىندەتى ءالى دە جاپالى، ءسوزسىز، ماسەلەنى باعدار ەتۋدەن جازباي، تومەنگى شەك يدەياسىنا تاباندى بولىپ، باستان - اياق وي - سانانى سەرگەك ۇستاپ، بەكىمنەن بۇلجىماۋعا، جاۋاپكەرشىلىكتى وزگەرتپەۋگە، تەبىندى وزگەرتپەۋگە تاباندى بولۋ كەرەك.
ءماجىلىس مىنالاردى تالاپ ەتتى: جەر - جەر، قاتىستى تاراۋلار پارتيا ورتالىق كوميتەتىنىڭ قارا كۇشتەردى الاستاۋ، سۇرقيا كۇشتەردى جويۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىماي دايەكتىلەندىرىپ، تياناقتاندىرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن قاتاڭ سوققى بەرۋ كۇرەسىمەن، نەگىزگى ساتى ۇيىمدارىن كۇشەيتىپ قۇرۋ جانە الەۋمەتتىك حاۋىپسىزدىكتى قورعاۋمەن ۇشتاستىرىپ، شابۋىلدى ازايتپاي، تەبىندى تومەندەتپەي، سوققى بەرۋ مەن ساقتانۋدى قاتار اتقارىپ، ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، تامىرىن تەرەڭ قازۋ، رەتتەۋ - جونگە سالۋ جاعىندا ونىمدىلىككە جەتۋگە قۇلشىنىپ، ۇزاق ۋاقىت ءونىمدى بولۋعا، ۇدايى جونگە سالۋعا كۇش سالىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ جالپى بەتتىك جەڭىسىنە قول جەتكىزۋگە شىنايى كەپىلدىك ەتۋ كەرەك.
