شينحۋا اگەنتتىگىنىڭ 4 - ايدىڭ 3 - كۇنى بەيجيڭنەن بەرگەن حابارى. 4 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۇسىنىس بويىنشا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن تەلەفوندا سويلەستى.
شي جينپيڭ جۇڭگو كوممۋنيستىك پارتياسى، جۇڭگو ۇكىمەتى، جۇڭگو حالقى اتىنان لاوس پارتياسىنىڭ، ۇكىمەتىنىڭ، حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعاندىعى جونىندە شىنايى حال سۇرايتىندىعىن جانە باتىل قولداۋ كورسەتەتىندىگىن ءبىلدىردى. شي جينپيڭ بىلاي دەپ اتاپ كورسەتتى: جۇڭگو مەن لاوس تۇگەلدەي كوممۋنيستىك پارتيانىڭ باسشىلىعىنداعى سوتسياليستىك ەلدەر، جۇڭگو ىندەتكە قارسى شايقاسقان شەشۋشى كەزەڭدە، باس شۋجي جولداس دەرەۋ ماعان حات جازىپ حال سۇرادى، لاوس قوعامىنداعى ءار سالاداعىلاردىڭ جۇڭگو جاققا كورسەتكەن شىنايى باۋىرلاستىق كومەگى ءوزارا قارايلاسىپ كومەك بەرەتىن، قيىنشىلىقتى بىلەك بىرىكتىرە جەڭەتىن جۇڭگو - لاوس تاعدىرلاس ورتاق تۇلعاسى رۋحىن جاندى تۇردە ءتۇسىندىردى، جۇڭگو حالقى مۇنى ەسىندە بەرىك ساقتايدى. كەزەكتە لاوس ەل ىشىندە ىندەتتەن ساقتانۋ - تىزگىندەۋدە قيىنشىلىققا ءدوپ كەلىپ وتىر، مەن بۇدان توتەنشە قام جەپ وتىرمىن. جۇڭگو جاق ەڭ قىسقا ۋاقىتتا ەمدەۋ ماماندار گرۋپپاسىن لاوسقا بارىپ قىزمەت ىستەۋگە ۇيىمداستىردى ءارى ەمدەۋ زاتتىق ماتەريالدارىن كومەككە بەردى. جۇڭگو جاق لاوس جاقتىڭ ءىس جۇزىندىك قاجەتىنە قاراي، لاوس جاققا بار كۇشىمەن جالعاستى تۇردە قولداۋ كورسەتەدى جانە كومەكتەسەدى. باس شۋجي جولداس باس بولعان لاوس پارتياسى ورتالىق كوميتەتىنىڭ پارمەندى باسشىلىعىندا، لاوس حالقىنىڭ، ءسوز جوق، ىندەتتى جەڭەتىندىگىنە سەنەمىن.
شي جينپيڭ مىنالاردى ءبىلدىردى: وسى رەتكى ىندەت ادامزاتتىڭ تاعدىرلاس ورتاق تۇلعاسىن قۇرۋدىڭ ماڭىزدىلىعى مەن كوكەي تەستىلىگىن تاعى ءبىر رەت دالەلدەدى. 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەل باسىلارى ەرەكشە كەڭەسى سىرتقا ءبىر نيەتپەن ىنتىماقتاسىپ ىندەتكە قارسى تۇرۋدىڭ، دۇنيە ءجۇزى ەكونوميكاسىنىڭ ورنىقتىلىعىن قورعاۋدىڭ بەلسەندى سيگنالىن تاراتتى. جۇڭگو جاق ۇزدىكسىز لاوستى قامتىعان حالىقارالىق قوعاممەن بىرگە ىندەتتى ەرتەرەك تۇبەگەيلى جەڭۋگە ۇلەس قوسادى. جۇڭگو جاق لاوس جاقپەن جوعارى جىكتەگىلەردىڭ بارىس - كەلىس جاساۋ جاعدايىن ساقتاپ، «جۇڭگو - لاوس تاعدىرلاس ورتاق تۇلعاسىن ورناتۋدىڭ ارەكەت جوسپارىن» تياناقتاندىرۋدى جەتەكشى ەتىپ، پارتيانى جونگە سالۋدىڭ، ەلدى جونگە سالۋدىڭ تاجىريبەلەرىن اۋىستىرۋدى تەرەڭدەتىپ، جۇڭگو - لاوس تەمىر جولى، ەكونوميكالىق ءدالىز سياقتى ءىرى نىساندار قۇرىلىسىن ورنىقتى قاداممەن ىلگەرىلەتىپ، گۋمانيتارلىق سەلبەستىكتى جەبەپ، حالىقارالىق جانە وڭىرلىك ىستەردەگى سايكەسۋدى كۇشەيتىپ، جۇڭگو - لاوس تاعدىرلاس ورتاق تۇلعاسى قۇرىلىسىن ۇزدىكسىز تەرەڭدەتىپ، ناقتىلاندىرىپ، ەكى ەل حالقىنا اناعۇرلىم ويداعىداي باقىت جاراتۋدى قالايدى. كەلەر جىلدىڭ باسىندا اشىلاتىن لاوس پارتياسى 11 - قۇرىلتايىنىڭ تابىستى بولۋىن تىلەيمىن.
بىنياڭ مىنالاردى ءبىلدىردى: باس شۋجي شي جينپيڭنىڭ تىكەلەي قولباسشىلىق ەتۋىندە جانە ورنالاستىرۋىندا، جۇڭگو كوممۋنيستىك پارتياسى قۋاتتى ساياسي باسشىلىق قابىلەتىن ساۋلەلەندىرىپ، جۇڭگو حالقىن باستاپ ىندەتتى تەز، ءونىمدى تەجەدى، لاوس جاق بۇعان ءسۇيىنىش بىلدىرەدى. جۇڭگو كوممۋنيستىك پارتياسى ادامزاتتىڭ تاعدىرلاس ورتاق تۇلعاسى تانىمىن ۇستانىپ، دۇنيە جۇزىندەگى 200دەن استام ساياسي پارتيامەن بىرگە حالىقارالىق ىندەتكە قارسى اتتانۋ سەلبەستىگىن كۇشەيتۋدىڭ ورتاق ۇندەۋىن جاريالادى، جۇڭگو جاق قاجەت ەتىپ وتىرعان ەلدەرگە بەلسەنە قۇندى قولداۋ جانە كومەك كورسەتىپ، جاۋاپكەرشىلىك ارقالايتىن ءىرى پارتيا جانە ءىرى ەل جاۋاپكەرشىلىگىن تولىق ايگىلەدى. لاوس جاق باس شۋجي شي جينپيڭنىڭ لاوستىڭ ىندەت جاعدايىنا تىكەلەي كوڭىل بولگەندىگىنە العىس ايتادى، جۇڭگو جاق دەر كەزىندە ىندەتكە قارسى تۇرۋدىڭ تاجىريبەسىن ءبولىسىپ، دەرەۋ لاوس جاققا ەمدەۋ ماماندار گرۋپپاسىن جىبەرىپ ءارى ەمدەۋ زاتتىق ماتەريالدارىن كومەككە بەرىپ، لاوس پەن جۇڭگو ەكى جاقتىڭ جاپا - ماشاقاتتى بىرگە وتكەرۋ، ءوزارا قارايلاسۋداي تەرەڭ سۇيىسپەنشىلىگى مەن دوستىعىن تاعى ءبىر رەت دالەلدەدى. لاوس جاق جۇڭگو جاقپەن ءوزارا ساياسي سەنىمدىلىكتى كۇشەيتىپ، لاوس - جۇڭگو تاعدىرلاس ورتاق تۇلعاسى ارەكەت جوسپارىن جەدەل تياناقتاندىرىپ، ءارقايسى سالاداعى ناقتى ىستەر سەلبەستىگىن جەبەپ، ەكى ەلدىڭ سوتسياليزم ىستەرى قۇرىلىسىندا جاڭا دا اناعۇرلىم زور ناتيجەگە قول جەتكىزۋىن ىلگەرىلەتۋدى قالايدى.
شينحۋا اگەنتتىگىنىڭ 4 - ايدىڭ 3 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 3 - كۇنى ناميبيانىڭ زۇڭتۇڭى گەنگوبپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بۇل رەتكى جاڭا تيپتى ايدارشا ۆيرۋس وكپە قابىنۋ ىندەتىنىڭ توسىننان كەلۋى ءار ەل ۇكىمەتىنىڭ بيلىك جۇرگىزۋ قابىلەتى جونىنەن ءبىر رەتكى ۇلكەن سىناق بولدى. جۇڭگو ۇكىمەتى حالىقتى وزەك ەتۋگە باستان - اياق تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويدى. 2 ايدان استام ۋاقىت قاجىرلىلىقپەن قۇلشىنىس جاساۋ ارقىلى جۇڭگونىڭ ىندەتتەن ساقتانۋ - تىزگىندەۋ جاعدايى ءۇرتىس جاقساردى. جۇڭگو حالقى زور قۇلشىنىس جاساپ جانە قۇرباندىق بەرىپ، دۇنيە جۇزىندەگى ءار ەلدىڭ ىندەتتەن ساقتانۋ - تىزگىندەۋىنە سەنىم بەردى، ۋاقىت ۇتتى، تاجىريبە قاراستىردى. وسى رەتكى الەمدىك الەۋمەتتىك دەنساۋلىق ساقتاۋ داعدارىسى الدىندا، حالىقارالىق قوعام ىنتىماقتاسا سەلبەسكەندە عانا، ىندەتتى جەڭە الادى. جۋىردا اشىلعان 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەل باسىلارى ەرەكشە كەڭەسىندە مەن حالىقارالىق قوعامنىڭ جەدەل ارەكەتتەنىپ، بىرلەسىپ قورعانۋدى، بىرلەسىپ تىزگىندەۋدى ءونىمدى ورىستەتىپ، ىندەتتىڭ ءورشۋىن باتىل تەجەۋىن، وتە - موتە، الەۋمەتتىك دەنساۋلىق ساقتاۋ جۇيەسى ءالسىز وركەندەپ كەلە جاتقان ەلدەردىڭ توتەپ بەرۋ قابىلەتىن جوعارىلاتۋىنا قول ۇستاسا كومەكتەسۋىن دارىپتەدىم.
شي جينپيڭ بىلاي دەپ اتاپ كورسەتتى: جۇڭگونىڭ ىندەتتەن ساقتانۋ - تىزگىندەۋ جاعدايى ەڭ ماشاقاتتى كەزدە، افريكا ەلدەرى جۇڭگوعا كوپتەگەن قىمباتتى قولداۋ كورسەتتى، ءبىز مۇنى ەسىمىزدە بەرىك ساقتايمىز. مەن افريكانىڭ قازىرگى ىندەت جاعدايىنا ەرەكشە كوڭىل ءبولىپ وتىرمىن. جۇڭگو جاق قيىنشىلىقتى جەڭىپ، بەلسەندى تۇردە افريكا وداعىنا جانە افريكا ەلدەرىنە ىندەتكە قارسى اتتانۋ زاتتىق ماتەريالدارىن كومەككە بەردى، مامانداردى ۇيىمداستىرىپ، بەينەماجىلىسىن اشىپ تاجىريبە اۋىستىردى، جۇڭگو كاسىپورىندارى مەن حالىقتىق قۇرىلىمدارى دا افريكا ەلدەرىنە ارت - ارتىنان كومەك قولدارىن سوزدى. بۇلاردىڭ بارلىعى جۇڭگو - افريكا تاعدىرلاس ورتاق تۇلعاسىنىڭ ناقتى كورىنىسى. جۇڭگو جاق تەبىندى ۇزدىكسىز ارتتىرىپ، ناميبيا سياقتى افريكا ەلدەرىنىڭ ىندەتكە قارسى اتتانۋىنا كومەكتەسىپ، ساقتانۋ - تىزگىندەۋ تاجىريبەسىنەن ورتاق پايدالانىپ، دەنساۋلىق ساقتاۋ سالاسىنداعى سەلبەستىكتى كۇشەيتىپ، ىندەتكە قارسى اتتانۋدىڭ ەڭ سوڭعى جەڭىسىنە قول ۇستاسا قول جەتكىزەدى. ىندەتكە بىرگە قارسى اتتانۋ ارقىلى جۇڭگونىڭ ناميبيامەن جانە افريكا ەلدەرىمەن بولعان دوستىعىنىڭ اناعۇرلىم تەرەڭدەيتىندىگىنە سەنەمىن. جۇڭگو جاق ناميبيامەن بىرگە بيىل ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، ۇزدىكسىز ءوزارا ءتۇسىنىسىپ، ءوزارا قولداۋ كورسەتىپ، ناقتى ىستەر سەلبەستىگىن كۇشەيتىپ، جۇڭگو - ناميبيا، جۇڭگو - افريكا قارىم - قاتىناسىنىڭ تىڭ بەلەسكە كوتەرىلۋىن ىلگەرىلەتۋدى قالايدى.
گەنگوب مىنالاردى ءبىلدىردى: ءتوراعا شي جينپيڭ جۇڭگو حالقىن باستاپ جاڭا تيپتى ايدارشا ۆيرۋس وكپە قابىنۋ ىندەتىنە ءونىمدى تۇردە قارسى اتتانىپ، ەرەن باسشىلىق قابىلەتىن ايگىلەدى، افريكا ەلدەرىن قامتىعان دۇنيە جۇزىندەگى ءار ەلدىڭ ايرىقشا القاۋىنا يە بولدى. جۇڭگو ۇكىمەتىنىڭ كوڭىل ءبولۋى مەن قامقورلىق جاساۋىندا، ناميبيانىڭ جۇڭگودا وقىپ جاتقان 500دەن استام وقۋشىسىنىڭ امان - ەسەندىگىنە كەپىلدىك ەتىلدى. ناميبيا مەن افريكانىڭ ەڭ جاقسى دوسى رەتىندە، جۇڭگو جاق افريكا ەلدەرىنىڭ ىندەتكە قارسى اتتانۋىنا دەر كەزىندە قىمباتتى كومەك بەردى جانە قولداۋ كورسەتتى، مەن بۇعان شىنايى العىس ايتامىن. ناميبيا مەن جۇڭگو قارىم - قاتىناسى تىعىز دوستار، ەكى جاقتى سەلبەستىك ۇزدىكسىز كەڭەيۋدە. ناميبيا جاق جۇڭگو جاقپەن ۇكىمەتتەر، پارتيالار ارا، ت. ب ءتۇرلى سالاداعى اۋىس - كۇيىستى، سەلبەستىكتى كۇشەيتىپ، جۇڭگو جاقتىڭ كەدەيلىكتى ازايتۋ جاقتارىنداعى تابىستى تاجىريبەلەرىنەن ۇيرەنىپ، ونى ۇلگى ەتىپ، ناميبيا مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز ىلگەرىلەتۋدى ءۇمىت ەتەدى.
