8 - جىلى 10 - ايدىڭ 7 - كۇنى شىن حاۋ (وڭ جاق الدىندا) كوتەرەگە الۋدىڭ باستاۋشىسىمەن شياۋگاڭ قىستاعىنىڭ رەفورما، دامۋ جاعدايى جونىندە پىكىر اۋىستىرۋدا. شينحۋا اگەنتتىگىنىڭ ءتىلشىسى ۋاڭ لەي تۇسىرگەن
شينحۋا اگەنتتىگىنىڭ حىفيدان بەرگەن حابارى ( ءتىلشى جاڭ زىيۇن). انحۇي ولكەسى فىڭياڭ اۋدانى شياۋگاڭ قىستاعىنداعى شىن حاۋ ەسكەرتكىش سارايىندا شىن حاۋدىڭ ءمۇسىنى، كوزى تىرىسىندە پايدالانعان بۇيىمدارى، جازعان قىزمەت ەستەلىكتەرى جانە بارلىق داڭقتارى قويىلعان. شىن حاۋدىڭ كوزى تىرىسىندە جاتقان جاتاعىندا كىتاپ ۇيىلگەن ۇستەلىن، شكابىن، قاراپايىم توسەگىن جەرگىلىكتى تۇرعىندار اۋەلگى قالپى بويىنشا ساقتاعان، بەينە ول ەشقاشان دا الىستاپ كەتپەگەن سياقتى.
شىن حاۋ، 1964 - جىلى 5 - ايدا دۇنيەگە كەلگەن، ىلگەرىندى - كەيىندى انحۇي ولكەلىك قازىنا مەڭگەرمەسىندە ورىنباسار مەڭگەرۋشى ءبولىم قىزمەتكەرى، مەڭگەرۋشى ءبولىم قىزمەتكەرى، ورىنباسار تەكسەرىپ - زەرتتەۋشى بولعان. 2004 - جىلى 2 - ايدا شىن حاۋ انحۇي ولكەسىنىڭ تاڭداپ اۋىل - قىستاققا مىندەتكە تاعايىنداعان كادرى رەتىندە، فىڭياڭ اۋدانى شياۋشيحى قالاشىعى پارتكومىنىڭ ورىنباسار شۋجيى، شياۋگاڭ قىستاعى پارتكومىنىڭ ءبىرىنشى شۋجيى، قىستاق تۇرعىندار كوميتەتىنىڭ مەڭگەرۋشىسى بولادى.
”ولكە ورتالىعىنان كەلگەن كادر شىن حاۋ شياۋگاڭ قىستاعىنا العاش كەلگەنىندە، قىستاق تۇرعىندار كوميتەتىنىڭ ەسەپ داپتەرىندە 30 مىڭ يۋان كوللەكتيۆ قارىز عانا بار بولاتىن. ول الدىمەن 2 اي ۋاقىت جۇمساپ، بۇكىل قىستاقتاعى 108 وتباسىن 2 رەت ارالاپ شىعىپ، ناقتى جاعدايدى كورىپ، شىن ءسوزدى ەستىپ، سونان قىستاقتاعى تىرەكتى ادامداردى سىرت جەرلەردەگى ايگىلى قىستاقتاردى ەكسكۋرسيالاۋعا ۇيىمداستىرىپ، كوپشىلىكپەن بىرگە شياۋگاڭنىڭ دامۋىنىڭ ”تامىرىن ۇستاپ، دياگنوزىن قويادى“.
بۇكىل ىنتا - پەيىلىمەن اۋىل - قىستاققا تامىر تارتۋ ءۇشىن، شىن حاۋ بۇرىن وزىمەن بىرگە تۇرىپ كەلە جاتقان كارى شەشەسىن قىستاقتاعى اعاسىنىڭ قاراۋىنا تاپسىرادى ءارى ولكە ورتالىعىنداعى قىزىن الىپ كەلىپ، اۋىل - قىستاقتان وقىتادى.
شىن حاۋدىڭ باستاۋىمەن، شياۋگاڭ قىستاعىنىڭ دامۋ جولى بارعان سايىن ايقىندالىپ، شياۋگاڭدىقتاردىڭ كۇرەس جۇرگىزۋ قىزعىندىلىعى بارعان سايىن تاسقىندايدى: اۋىل شارۋاشىلىعى ونىمدەرىن ساۋدالاۋ قيىن بولعاندا، اۋىل شارۋاشىلىعى جانە كومەكشى كاسىپ ونىمدەرى بازارىن قۇرادى؛ ءوندىرىس ونىمدىلىگى تومەن بولعاندا، كولەمدى تيجارات جاساۋدى قاراستىرادى؛ كىرىس قۇرىلىمى جالاڭ بولعاندا، ”كوتەرەگە الۋ ەسكەرتكىش سارايىن“ سالىپ، ساياحات كاسىبىن دامىتادى... شياۋگاڭ قىستاعىنىڭ قيىنشىلىق جاعدايى بىرتىندەپ وزگەرە باستايدى.
2008 - جىلى شياۋگاڭ قىستاعىنداعى شارۋالاردىڭ جان باسىندىق ورتاشا كىرىسى 6600 يۋانعا جەتىپ، سول كەزدەگى تۇتاس ولكەنىڭ جان باسىندىق ورتاشا كىرىس ورەسىنەن ％39 جوعارى بولىپ، شىن حاۋدىڭ شياۋگاڭ قىستاعىنا العاش كەلگەن كەزدەگىدەن 3 ەسە ارتتى. شياۋگاڭدىڭتار ونى ”ءبىز ايرىلا المايتىن جاقسى كادر“ دەپ اتادى.
شىن حاۋدىڭ قىزمەتى ناتيجەلى بولعاندىقتان بۇقارا سەنىم ارتتى، شىن حاۋدىڭ 2 كەزەك مىندەت وتەۋ ۋاقىتى تولعاندا، شياۋگاڭدىقتار ونى جىبەرۋگە قيماي، 2 رەت قىپ - قىزىل قول تاپتارىن باسىپ، جالعاستى مىندەت وتەۋىن ”ءوتىنىش ەتىپ“، ونىڭ جالعاستى شياۋگاڭدىقتاردى باستاپ رەفورما جاساۋ، دامۋ جولدارىن قاراستىرۋىن ءۇمىت ەتتى.
شىن حاۋ جاس ومىرىمەن ءبىر كوممۋنيستىك پارتيا مۇشەسىنىڭ پارتيا مەن حالىققا شەكسىز ادالدىعىن ايگىلەدى. 2009 - جىلى 11 - ايدىڭ 6 - كۇنى نەبارى 45 جاستاعى ول قاتتى زورىققاندىقتان جۇرەك اۋرۋى تۇتقيىل ۇستاپ قايتىس بولادى. جانارلارى جاسقا تولعان شياۋگاڭدىقتار تاعى ءبىر رەت قىپ - قىزىل قول تاپتارىن باسىپ، شىن شۋجيدىڭ شياۋگاڭدا ماڭگىلىك ”قالۋىن“ ءوتىنىش ەتەدى.
شىن حاۋ قۇربان بولعاننان كەيىن، ورتالىق كوميتەتتىڭ ۇيىمداستىرۋ ءبولىمى بۇكىل ەلدەگى ءارقايسى كۇرەس شەبىندەگى كوممۋنيستىك پارتيا مۇشەلەرىن، قالىڭ كادرلاردى جانە مەملەكەت قىزمەتكەرلەرىن ونان ۇيرەنۋگە، حالىق بۇقاراسى ايرىلعىسى كەلمەيتىن جاقسى پارتيا مۇشەسى، جاقسى كادر بولۋعا ۇندەدى. سونىمەن بىرگە، شىن حاۋعا ”مەملەكەتتىك وزات كوممۋنيستىك پارتيا مۇشەسى“، ”مەملەكەتتىك حالىق رازى مەملەكەت قىزمەتكەرى“ قاتارلى داڭق اتاعىن تولىقتاپ بەردى.
بۇل كۇندەرى، شياۋگاڭ قىستاعىنىڭ شىعىس سولتۇستىگىندەگى ءبىر قابىرستاندا شىن حاۋ ءوزى قىزۋ سۇيگەن وسى توپىراقتا ماڭگىلىك ۇيقىدا جاتىر.
