فان حۇڭ - ي
تاعى دا ءبىر جىلدىڭ چيڭميڭ كەزى، كوكتەم سامالى، ۇياسىنا باتقان كۇن جۇرەكتەرگە ساعىنىش ۇيالاتتى. بيىل جاڭا تيپتى ايدارشا ۆيرۋس وكپە قابىنۋ ىندەتىنىڭ توسىن شابۋىلىندا جۇڭحۋا ۇلتى جاپپاي دوڭگەلەك داۋلەتتىلىكتىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدىڭ شەشۋشى ساتىندە تاعى ءبىر رەت توتەنشە قاتاڭ سىناققا ءدوپ كەلدى. بۇل رەتكى ”ىندەتكە“ قارسى ەرەكشە جالپى حالىقتىق شايقاس بارىسىندا سان ميلليونداعان باۋىرلاستار تىزە قوسا كۇرەس جۇرگىزىپ، قاھارماندار توپ - توبىمەن جارىققا شىعىپ، جاڭا ءداۋىردىڭ رۋحاني كوورديناتاسىنا اينالدى. قازا بولعاندارعا ازا بىلدىرەتىن وسى كۇنى ءبىز جاڭا تيپتى ايدارشا ۆيرۋس وكپە قابىنۋ ىندەتىنە قارسى كۇرەسىندە قازا بولعان قۇرباندارعا جانە قايتىس بولعان باۋىرلاستارعا قايعىلى ازا بىلدىرەمىز.
ءومىر تايشان تاۋىنان دا قادىرلى، حالىقتىڭ مۇددەسى بارىنەن جوعارى. ”حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باستان - اياق ءبىرىنشى ورىنعا قويۋ كەرەك“، باس شۋجي شي جينپيڭنىڭ تەرەڭ سۇيىسپەنشىلىككە تولى، بەكەم ماڭىزدى ءسوزى ىندەتتەن ساقتانۋ - تىزگىندەۋ قىزمەتىنە جەتەكشىلىك ەتۋدەگى ءتۇبىرلى بويسۇنۋ ولشەمى، پارتيامىزدىڭ حالىققا دەگەن تەرەڭ دە قويۋ سۇيىسپەنشىلىگىنىڭ ناقتى بەينەسى، سونداي - اق جوعارى مەن تومەننىڭ ءبىرجاعادان باس، ءبىر جەڭنەن قول شىعارا قۇلشىنىپ، ىندەتكە قارسى اتتانۋداعى پارمەندى ۇندەۋى. جاپالى قۇلشىنىس جاساۋدىڭ ارقاسىندا ۋحاندى نەگىزگى شايقاس مايدانى ەتكەن بۇكىل ەلىمىزدىڭ جەر - جەرىندە ىندەتتىڭ تارالۋى نەگىزىنەن توقتادى، ىندەتتەن ساقتانۋ - تىزگىندەۋ كەزەڭدىك ماڭىزدى ونىمدىلىككە قول جەتكىزدى. وسى رەتكى قاتاڭ كۇرەس بارىسىندا ايگىلەنگەن دۇنيە ءجۇزىن تاڭ قالدىرعان جۇڭگو جىلدامدىعى، جۇڭگو ونىمدىلىگى، جۇڭگو كۇشى بىزگە ءبىر جاق قيىنشىلىققا ۇشىراعاندا، كوپ بولىپ كومەكتەسەتىن ۇلت رۋحىن سەزىندىردى، قيىندىقتى بىلەك بىرىكتىرە جەڭەتىن، ءبىر - بىرىنە قارايلاساتىن جانۇيا - وتان سۇيىسپەنشىلىگىن سەزىندىردى، ونان دا ماڭىزدىسى، جۇڭگو كوممۋنيستىك پارتياسى باسشىلىعىنىڭ جانە جۇڭگوشا سوتسياليزم ءتۇزىمىنىڭ كورنەكتى ابزالدىلىعىن سەزىندىردى. وسى رەتكى ءتۇتىنسىز شايقاستا، كوپتەگەن ادامدار قىمباتتى ءومىرىن ارنادى، ءبىز ولارعا قۇرمەت بىلدىرەمىز. وسى رەتكى بۇرىن بولماعان ىندەت بارىسىندا، قۇتقارۋ - ەمدەۋگە بار كۇشىمىزدى سالساق تا، كەيبىر باۋىرلاستارىمىز باقىتقا قارسى قايتىس بولدى، ءبىز ولارعا ازا بىلدىرەمىز. 4 - ايدىڭ 4 - كۇنى بۇكىل مەملەكەت بويىنشا ازا ءبىلدىرۋ قيمىلى وتكىزىلدى. بۇكىل ەل حالقىنىڭ قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىرۋى ءاربىر تىرشىلىك يەسىنە دەگەن قۇرمەتىن جانە قايتىس بولعانداردى ەسكە الاتىندىعىن ايگىلەدى، ەتەنە باۋىرلاستىق سۇيىسپەنشىلىكتى اڭعارتتى.
ەسكە الۋ بارىسىندا العىس ايتۋ ەڭ شىنايى ازا ءبىلدىرۋ جانە قۇرمەت ءبىلدىرۋ سانالادى. ەگەر مەملەكەتكە پايدالى بولسا بولعانى، ءوز ءومىرىن ارناۋدان تايىنباۋ، جەكە باسىنىڭ باق پەن سورىنا بولا جالتارماۋ كەرەك. ءار رەت قامال الىپ، قيىندىقتى جەڭۋدىڭ شەشۋشى ساتىندە، قاشاندا ءبىرىنشى شەپتە اتويلاپ ءجۇرىپ، وزگەلەر ءۇشىن ءوز ءومىرىن قياتىن، جاۋاپكەرشىلىك ارقالاپ، ۇلەس قوساتىن، پارتيا مەن حالىققا دەگەن شەكسىز ادالدىعىن ىستىق قانىمەن جازاتىن ادامدار بولادى. ىندەتكە قارسى اتتانۋدىڭ ءبىرىنشى شەبىندە، ولار كوكىرەك كەرە العا شىعىپ، ومىرىمەن سەرتىن امالياتتا ايگىلەپ، ءوز تاندەرىمەن ءبىرىنشى حاۋىپسىزدىك قورعانىس شەبىن ورناتتى. بۇگىنگى تاڭدا، ءبىزدىڭ كوكتەم شۋاعىنا شومىلىپ ەمىن - ەركىن ءجۇرىپ - تۇرۋىمىز، الاڭسىز قىزمەت ىستەۋىمىز، ۇيرەنۋىمىز، قالىپتى ءوندىرىس، تۇرمىس ءتارتىبىن قالپىنا كەلتىرۋىمىز ولاردىڭ ءومىر بوداۋىنان كەلگەن. ولار ءوزىن قۇربان ەتۋ ارقىلى زاماننىڭ ورنىقتى بولۋىنا، ەلدىڭ امان، جۇرتتىڭ تىنىش بولۋىنا مۇمكىندىك جاسادى، ءبىز العىس ايتۋ سەزىمىن جۇرەگىمىزگە ۇيالاتىپ، ماڭگى جادىمىزدان شىعارماۋىمىز كەرەك.
مۇراگەرلىك ەتۋ بارىسىندا العا ىلگەرىلەۋ ەڭ تەرەڭ ازا بىلدىرگەندىك جانە قۇرمەت كورسەتكەندىك. قازا بولعانداردى جۇباتىپ، تىرىلەردى شابىتتاندىرىپ، شەشۋشى كەزەڭدى وتكەرىپ، الدىڭعىلاردىڭ ءىزىن باسىپ، بولاشاققا جول اشۋ كەرەك. ”ۇمىتكەر ءبىر ۇلتتا قاھارمان بولماسا بولمايدى، بولاشاعى بار ءبىر مەملەكەتتە اۆانگارد بولماسا بولمايدى“. ىندەتتەن كەيىن، ءبىز اناعۇرلىم جاقسى تۇرمىس كەشىرىپ، بولاشاققا اناعۇرلىم نىق قادام تاستاۋىمىز كەرەك. بۇگىن ءبىز ”ىندەت“ شايقاسىندا قازا بولعان قۇرباندار مەن قايتىس بولعان باۋىرلاستارعا ازا ءبىلدىرىپ، قۇرمەت كورسەتكەندە وسى رەتكى اپاتتى ەستە ساقتاۋىمىز كەرەك، جالماۋىز دەرتپەن ايانباي باسىن ءباي تىگە كۇرەس جۇرگىزگەن قاراپايىم ادامداردى ەستە ساقتاۋىمىز كەرەك، مەملەكەت پەن ۇلتتىڭ ادىلەتتىلىگىن توبەسىنە كوتەرە بيىك ۇستاعان ەڭ سۇيىكتى ادامداردى ەستە ساقتاۋىمىز كەرەك. العا باسۋ جولىندا، ءبىز تابيعاتتى قادىرلەۋ، ءومىردى ايالاۋ، تۇرمىستى قاستەرلەۋ تانىمىن كۇشەيتۋىمىز، ءبىز ەرلىكپەن قۇربان بولعان ادامداردىڭ پارتيانى سۇيەتىن، مەملەكەتتى سۇيەتىن، حالىقتى سۇيەتىن رۋحاني كۇشىنەن اناعۇرلىم ءنار الىپ، جۇڭحۋا ۇلتىنىڭ قۇرباندىق بەرۋدەن قورىقپايتىن، قاجىرلىلىقپەن كۇرەس جۇرگىزەتىن تاڭداۋلى قاسيەتىن شىڭداپ، ۇزدىكسىز ءبىر نيەتپەن ىنتىماقتاسىپ، كوركەيۋ جولىندا قۇلشىنىپ، قاي - قاشان دا تايسالماي العا باسۋىمىز كەرەك!
كەيبىر ادامدار ومىردەن وتكەنىمەن، ماڭگى ەستە ساقتالادى؛ ءبىر ءتۇرلى رۋح بار، ۋاقىت كەڭىستىگىن ەندەي وتكەنىمەن، الايدا ۋاقىت وتكەن سايىن جاڭارادى. چيڭميڭ كەزىندە ”ىندەت“ شايقاسىندا قازا بولعان قۇرباندارعا جانە قايتىس بولعان باۋىرلاستارعا ازا بىلدىرەمىز، ولار قايتىس بولىپ كەتكەنىمەن، ءبىز وسى تىرشىلىك يەلەرى شاشقان نۇر - شۇعىلانى ەستە بەرىك ساقتاپ، ۇزدىكسىز العا ىلگەرىلەۋ سەنىمىمىز بەن باتىلدىعىمىزدى بەكەمدەيمىز.
