شينجياڭ گازەتىنىڭ جالپىلىق اقپارات قۇرالدارى ءتىلشىسى رىن حۋا 4 - ايدىڭ 4 - كۇنى ۇرىمجىدەن حابارلايدى. 4 - ايدىڭ 4 - كۇنى تۇستەن بۇرىن ءۇرىمجى قالاسىنىڭ تۇرعىنى ليۋ جيە 14 جاستاعى ۇلىمەن بىرگە ”قۇرمەت. 2020 چيڭميڭدە قاھارمان قۇرباندارعا ازا ءبىلدىرۋ“ ينتەرنەتتە ازا تۇتۋ قيمىلى ارقىلى قۇرباندارعا گۇل قويىپ، لەبىز قالدىردى. ”وسىنداي ازا تۇتۋ قيمىلى ارقىلى بالامنىڭ تاريحتى ەستە بەرىك ساقتاپ، قۇلشىنا ۇيرەنىپ، مەملەكەتكە جارامدى دارىندى بولىپ ەسەيۋىن ءۇمىت ەتەمىن“، - دەدى ليۋ جيە.
بيىلعى چيڭميڭ كەزىندە اۆتونوميالى رايوندىق اسكەري قوسىننان قايتقاندار ىستەرى مەڭگەرمەسى ”قۇرمەت. 2020 چيڭميڭدە قاھارمان قۇرباندارعا ازا ءبىلدىرۋ“ ينتەرنەتتە ازا تۇتۋ قيمىلىن ورىستەتىپ، ينتەرنەتتە ازا تۇتۋ ارناۋلى تاقىرىپتىق پاراقشا شىعارىپ، ”حالىق قاھارماندار ەسكەرتكىشىنە گۇل قويۋ“، ”’قاسقايا قارسى اتتانعان قاھارماندارعا‘ قۇرمەت“، ”قىزىل حيكايانى تىڭداۋ“، ”قۇرباندار ءومىر بايانىن وقۋ“، ”قاھارمان قۇرباندار ەسكەرتكىش سارايىن، قۇرباندار قابىرستانىن ەكسكۋرسيالاۋ“، ”قاھارمان قۇربانداردى تۇسىندىرۋشىلەر جارىسىن كورۋ“ جانە ”لەبىز قالدىرۋ“ سياقتى 7 ارنادا ارناۋلى ايدار اشىپ ءارى ينتەرنەتتە ۇتىلاپ ازا تۇتۋ، ميكروبلۋگ، تەلەۆيزور كليەنتى سياقتىلاردا ازا تۇتۋ تەكشەسىن اشىپ، توڭكەرىستىك قۇربانداردى تەرەڭ ساعىنىشپەن ەسكە الدى.
بىرنەشە كۇننەن بەرى تۇتاس رايوننىڭ جەر - جەرى ءتۇرلى فورمادا ينتەرنەتتە قاھارمان قۇرباندارعا ازا تۇتۋ قيمىلىن ورىستەتتى، قالىڭ پارتيالى كادرلار، اسكەري قوسىنداعى كوماندير - جاۋىنگەرلەر، ءارقايسى جوعارى مەكتەپ جانە ورتا، باستاۋىش مەكتەپ وقۋشىلارى، ەگىنشى - مالشى قاتارلىلار بۇعان بەلسەنە ات سالىستى. قيمىل بارىسىندا كوپشىلىك جابال قاھارمان قۇرباندار رۋحىنان ۇيرەنىپ، قاھارمان قۇربانداردىڭ قان توگىپ، قۇربان بەرۋدەن قورىقپايتىن، مەملەكەت ءۇشىن، حالىق ءۇشىن باسىن ءباي تىگىپ، ىستىق قانىن توگەتىن تاڭداۋلى داستۇرىنە مۇراگەرلىك ەتەتىندىكتەرىن جانە ساۋلەلەندىرە بەرەتىندىكتەرىن ءبىلدىردى.
4 - ايدىڭ 4 - كۇنى قورعاس اۋدانى جىڭحى جيايۋان شاعىن اۋماعىندا تۇراتىن جاڭ ميڭساي قارت ۇيىندەگىلەردى ەرتىپ ”شينجياڭداعى اسكەري قوسىننان قايتقاندار“ ۋيچات الەۋمەتتىك تۇعىرى ارقىلى ازا تۇتۋعا قاتىناسىپ، قۇرباندارعا گۇل قويدى. ”مەن اسكەري قوسىننان شەگىنگەن اسكەرمىن، ءار جىلعى چيڭميڭدە ۇيىمدەگىلەردى ەرتىپ، قۇربانداردىڭ قابىر باسىنا بارىپ ازا تۇتامىن. ءبىز قۇربانداردىڭ رۋحىن ەستە بەرىك ساقتاپ، ماڭگى پارتيانىڭ قولباسشىلىعىنا بويسۇنىپ، پارتياعا ىلەسەمىز“، - دەدى جاڭ ميڭساي.
قۇمىل قالالىق جاستار وداعى كوميتەتى، پيونەرلەر قىزمەت كوميتەتى وقۋ - اعارتۋ تاراۋلارىمەن بىرلەسىپ، تۇتاس قالاداعى ورتا، باستاۋىش وقىتۋشى - وقۋشىلارى اراسىندا ”ينتەرنەتتە قاھارمان قۇرباندارعا ازا تۇتۋ“ قيمىلىن كەڭ كولەمدە ورىستەتتى، كەزەكتە قيمىلعا قاتىناسقان جاس، جاس ءوسپىرىم وقۋشىلار 60 مىڭنان استى. ”توڭكەرىستىك قۇربانداردىڭ ادىلەت ءۇشىن جان قيۋى بولماسا، ءبىزدىڭ قازىرگى تاماشا تۇرمىسىمىز بولماس ەدى، ءبىز قازىرگىنى قاستەرلەپ، وتانعا العىس ايتامىز“، - دەدى قۇمىل قالالىق 4 - باستاۋىش مەكتەپ 2 - جىلدىق (1) كلاسىنىڭ وقۋشىسى جاۋ جياۋي.
ۇعىسۋعا قاراعاندا، ”ينتەرنەتتە قاھارمان قۇرباندارعا ازا تۇتۋ“ قيمىلىن ورىستەتۋدەن سىرت، ءۇرىمجى قالاسى، اقسۋ قالاسى سياقتى جەرلەردىڭ اسكەري قوسىننان قايتقاندار ىستەرى تاراۋلارى جەرگىلىكتى ورىنداعى قۇرباندار قابىرستانىندا چيڭميڭدە ازا تۇتۋ قيمىلىن ورىستەتىپ، قىزمەتكەرلەر قۇلپىتاستى ءسۇرتىپ، قاھارمان قۇرباندارعا قۇرمەتپەن گۇل قويىپ، الىستاعى تۋىستارى اتىنان ساعىنىشىن جەتكىزىپ، قاھارمان قۇربانداردى ساعىنا ەسكە الاتىندىقتارىن جانە قۇرمەت بىلدىرەتىندىكتەرىن بەينەلەدى.
قازىرگە دەيىن ”قۇرمەت. 2020چيڭميڭدە قاھارمان قۇرباندارعا ازا ءبىلدىرۋ“ ينتەرنەتتە ازا تۇتىپ، گۇل قويعان ادام سانى 3 ميلليون 400 مىڭ ادام - رەتتەن اسىپ، قالدىرىلعان لەبىز 320 مىڭنان استى.
ۇعىسۋعا قاراعاندا، وسى رەتكى ”ينتەرنەتتە قاھارمان قۇرباندارعا ازا تۇتۋ“ قيمىلى 4 - ايدىڭ 10 - كۇنىنە دەيىن جالعاسادى ەكەن.
