حالىق گازەتىنىڭ شولۋشىسى
چيڭميڭ كەزى، كوڭىلدەرگە ساعىنىش ۇيالادى. 2020 - جىلى 4 - ايدىڭ 4 - كۇنى جۇڭحۋا حالىق رەسپۋبليكاسى بۇكىل مەملەكەت بويىنشا ازا ءبىلدىرۋ قيمىلىن وتكىزدى، بۇكىل ەلدەگى ءار ۇلت حالقى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندار مەن قايتىس بولعان باۋىرلاستارعا قايعىلى ازا ءبىلدىردى، بۇكىل ەل جانە شەتەلدە تۇراتىن ەلشىلىكتەر، كونسۋلحانالار تۋدى جارتىلاي ءتۇسىرىپ ازا تۇتتى، بۇكىل ەلدە الەۋمەتتىك كوڭىل اشۋ قيمىلدارى توقتاتىلدى.
بۇل قازا بولعانداردى شىنايى ساعىنىشپەن ەسكە الۋ بولىپ تابىلادى. بۇل رەتكى ىندەتكە قارسى اتتانۋ كۇرەسىندە، ءبىز كوپتەگەن ەتەنە باۋىرلاستارىمىزدان ايرىلدىق. ولاردىڭ اراسىندا اۋرۋمەن ايقاسىپ، قاپەلىمدە ۆيرۋسپەن جۇعىمدالىپ ءومىرىن ارناعان ەمدەۋ قىزمەتكەرلەرى، كۇندى تۇنگە جالعاپ قىزمەت ىستەپ، سىرقاتى توسىننان قوزعالىپ، باقىتقا قارسى قىزمەت ۇستىندە قۇربان بولعان قوعام حاۋىپسىزدىگى كادر - ساقشىلارى، اتويلاپ الدا ءجۇرىپ، قالتقىسىز ۇلەس قوسىپ، ەڭ الدىڭعى شەپتە باقىتقا قارسى قازا بولعان پارتيالى كادرلار، ۆيرۋسپەن قايسارلىقپەن كۇرەسىپ، باقىتقا قارسى ناۋقاستان قايتىس بولعان قاراپايىم بۇقارا بار ... ولاردىڭ بارلىعى ءبىزدىڭ ەتەنە باۋىرلاستارىمىز، ءومىر مەن ءولىم ارپالىسىن بىرگە وتكەرگەن جاقىن - جان اشىرلارىمىز. تۋىسقاندىق مەيىر، باۋىرلاستىق سۇيىسپەنشىلىك − ءاربىر جۇڭگولىقتىڭ جۇرەگىنە ەڭ تەرەڭ ۇيالاعان سۇيىسپەنشىلىك. ءبىز باسىمىزدى ءيىپ، جۇرەگىمىزدەگى سول ءبىر قيماستىق مەيىرىمدى، شىنايى سۇيىسپەنشىلىكتى ءۇنسىز بەينەلەيمىز؛ ءبىز ساعىنا ەسكە الىپ، ولاردىڭ جان اشىرلارىنىڭ سۇيىسپەنشىلىگى مەن ساعىنىشىن ارقالاپ، ماڭگىلىك الاڭسىز ۇيىقتاۋىن تىلەيمىز.
بۇل ءومىر قۇنىنىڭ ارداقتالۋى. ”مەملەكەت نەعۇرلىم گۇلدەنگەن سايىن، بۇقاراعا سولعۇرلىم قامقور بولادى “. وسى رەتكى سۇراپىل تاپ بەرگەن ىندەت الدىندا، باس شۋجي شي جينپيڭ حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدى تۋ باستان ايقىن تالاپ ەتتى، پارتيا ورتالىق كوميتەتىنىڭ قولدانعان بارلىق ساقتانۋ - تىزگىندەۋ شارالارىنىڭ بارىندە ەڭ زور قۇلشىنىس جاساپ، اناعۇرلىم كوپ بۇقارانىڭ جۇعىمدالۋىنان ساقتانۋ، ەڭ زور مۇمكىندىكپەن اناعۇرلىم كوپ ناۋقاستاردىڭ ءومىرىن قۇتقارىپ قالۋ الدىمەن ويلاستىرىلعان، مۇندا حالىقتى وزەك ەتكەن بيلىك جۇرگىزۋ ۇستانىمى ايگىلەنگەن. ”ءومىر تايشان تاۋىنان دا قادىرلى، ىندەت − بۇيرىق، ساقتانۋ - تىزگىندەۋ − جاۋاپكەرشىلىك“ دەگەندى باسا دارىپتەۋدەن بۇكىل ەلدىڭ كۇشىن جۇمىلدىرىپ، حۋبەي مەن ۋحاننىڭ ىندەتتەن ساقتانۋ - تىزگىندەۋىنە كومەك كورسەتۋگە، ونان جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە قازا بولعان قۇرباندارعا جانە قايتىس بولعان باۋىرلاستارعا بۇكىل مەملەكەت بويىنشا ازا ءبىلدىرۋ قيمىلىن وتكىزۋگە دەيىن، حالىقتى بارىنەن جوعارى قوياتىن، ءومىردى بارىنەن جوعارى قوياتىن قۇن ۇستانىمى باستان - اياق سىڭىرىلگەن. جوعارى - تومەن بولىپ ءبىر نيەتپەن جۇمىلعاندار جەڭىسكە جەتەدى، ەل بىرلىگىنەن بەرىك قامال تۇرعىزعاندار جەڭەدى. ءبىز ازا ءبىلدىرۋ بارىسىندا ءومىردىڭ قىمباتتىلىعىن سەزىنىپ، ءومىردىڭ قۇنىن ارداقتاپ، ۇزدىكسىز العا ىلگەرىلەۋ سەنىمىمىز بەن باتىلدىعىمىزدى اناعۇرلىم نىعايتۋىمىز كەرەك.
بۇكىل ەلدە جوعارى مەن تومەننىڭ جانە قالىڭ حالىق بۇقاراسىنىڭ ماشاقاتتى قۇلشىنىسىندا ىندەتتەن ساقتانۋ - تىزگىندەۋدىڭ كەزەڭدىك ماڭىزدى ونىمدىلىككە قول جەتكىزۋى، ەكونوميكالىق، قوعامدىق ءتارتىپتىڭ جىلدام قالپىنا كەلۋى جۇڭگو كوممۋنيستىك پارتياسى باسشىلىعىنىڭ جانە جۇڭگوشا سوتسياليزم ءتۇزىمىنىڭ كورنەكتى ابزالدىلىعىن ايگىلەدى. بۇل رەتكى ىندەتتەن ساقتانۋ - تىزگىندەۋ حالىقتىق شايقاسى، جالپى تۇلعالىق شايقاسى، توسقاۋىل شايقاسى باتىل كۇرەس جۇرگىزەتىن، باتىل جەڭىسكە جەتەتىن قاھارماندار قاسيەتىن ايگىلەدى، قيىندىقتاردى بىلەك بىرىكتىرە جەڭەتىن، ءبىر - بىرىنە قارايلاساتىن جانۇيا - وتان سۇيىسپەنشىلىگىن ايگىلەدى، جاۋاپكەرشىلىك ارقالاۋعا باتىل، ۇلەس قوسۋعا پەيىل بولاتىن وسكەلەڭ قاسيەتتى ايگىلەدى، زاڭدىلىقتى يگەرەتىن، عىلىمدى ارداقتايتىن شىندىققا جۇگىنۋ پوزيتسياسىن ايگىلەدى، ەسىكتى اشىق ۇستايتىن، سەلبەسەتىن، تاعدىرلاس بولعان كەڭ پەيىلدى ايگىلەدى، ول جاڭا داۋىردەگى جۇڭگونىڭ دامۋىن، العا باسۋىن ىلگەرىلەتەتىن ماڭىزدى رۋحاني كۇشكە اينالادى. جۇڭحۋا ۇلتى تاريحتا تالاي تاۋقىمەتتى باستان كەشىرگەن، ءبىراق ەشقاشان ەڭسەسىن تۇسىرمەگەن، قايتا نەعۇرلىم ساتسىزدىككە ۇشىراعان سايىن سولعۇرلىم ەرجۇرەك بولىپ، تاۋقىمەت بارىسىندا ۇزدىكسىز تولىسىپ، تاۋقىمەت بارىسىندا قايراتى تاسقىنداعان. اپاتتان تاجىريبە جانە ساباق قورىتىندىلاۋعا، اقىل - پاراسات جانە كۇش - قۋات قابىلداۋعا شەبەر ۇلت اناعۇرلىم قايسار، اناعۇرلىم جەڭىمپاز بولاتىندىعى ءشۇباسىز؛ ونىڭ اۋىرتپالىق بارىسىندا ايرىلعانىن ءوزىنىڭ العا باسۋ بارىسىندا تولىقتاپ الاتىندىعى ءشۇباسىز.
قيىن - قىستاۋ كۇندەر وتكەننەن كەيىن، تۇرمىس جالعاسا بەرەدى؛ قازا بولعانداردىڭ جاتقان جەرى جايلى بولسىن، تىرىلەر قايراتتى بولسىن. ۇلى ۇلت رۋحىن ساۋلەلەندىرىپ، بارلىق قيىنشىلىقتى، سىن - سايىستى جەڭىپ، جەڭىستەن جاڭا جەڭىستەرگە جول الۋ − قازا بولعاندارعا دەگەن ەڭ جاقسى جۇباتۋ ءارى تىرىلەردىڭ بۇلتارتپاس بورىشى. ءبىز قايعىنى قايراتقا جەڭدىرىپ، ۇزدىكسىز قيىندىقتاردان قامال الىپ، ءتىپتى دە قايسارلىقپەن العا ىلگەرىلەيىك!
(شينحۋا اگەنتتىگىنىڭ 4 - ايدىڭ 4 - كۇنى بەيجيڭنەن بەرگەن حابارى)
