تيانشان تورى   ›   جاڭالىقتار   ›   شينجياڭ حابارلارى

رايونىمىز 20 ءتۇرلى شارا شىعارىپ، اۋىل شارۋاشىلىعىنان جالپى بەتتىك مول ءونىم الۋعا كۇش سالدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 4 - ايدىڭ 5 - كۇنى ۇرىمجىدەن حابارلايدى. 4 - ايدىڭ 2 - كۇنى اۆتونوميالى رايون ءبىرسىپىرا شارا شىعارىپ، اۋىل شارۋاشىلىعى ءوندىرىسىنىڭ ءتۇرلى قىزمەتتەرىن تىڭعىلىقتى، ويداعىداي ىستەپ، اۋىل شارۋاشىلىعىنان جالپى بەتتىك مول ءونىم الۋعا قۇلشىنىپ، بيىل بۇكىل رايونىمىزدىڭ 1 - كاسىپ سالاسىنىڭ ارتقان قۇنىنىڭ %5. 4 توڭىرەگىندە ارتۋىنا، ەگىن، ورمان، مال، بالىق شارۋاشىلىعىنىڭ جالپى ءونىم قۇنىنىڭ %5 توڭىرەگىندە ارتۋىنا، اۋىل - قىستاق تۇرعىندارىنىڭ جان باسىندىق قولداعى تابىس كىرىسىنىڭ %7.5توڭىرەگىندە ارتۋىنا شىنايى كەپىلدىك ەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىنا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە كۇش ۇستەۋدى تالاپ ەتتى.

  ۇعىسۋعا قاراعاندا، شارا جيىنى 20 ءتۇرلى بولىپ، باستىسى، ەگىس ۋاقىتىن قولدان بەرمەي، كوكتەمگى اۋىل شارۋاشىلىعى ءوندىرىسىن مىقتى يگەرۋ، اۋىل شارۋاشىلىعىنا عىلىم - تەحنيكالىق قىزمەت وتەۋدى تىڭعىلىقتى ورىستەتۋ، اۋىل شارۋاشىلىعى نەگىزدىك قۇرىلعىلار قۇرىلىسىن كۇشەيتۋ، اۋىل شارۋاشىلىعىنىڭ اپاتتان ساقتانۋ، اپات شىعىنىن ازايتۋ شارالارىن تياناقتاندىرۋدى مىقتى ۇستاۋ، اۋىل شارۋاشىلىعى ونىمدەرىن ءوندىرۋ - ساتۋدى ۇشتاستىرۋدى كۇشەيتۋ، ىندەتكە توتەپ بەرۋدەگى ءتۇرلى سۇيەمەلدەۋ ساياساتتارىن تياناقتاندىرۋدى مىقتى يگەرۋ سياقتى جاقتاردى توڭىرەكتەي وتىرىپ، بۇكىل رايونىمىزدىڭ اۋىل شارۋاشىلىعىنان جالپى بەتتىك مول ءونىم الۋدى ىلگەرىلەتەدى ەكەن.

  كوكتەمگى اۋىل شارۋاشىلىعى ءوندىرىسىن جالپى بەتتىك مىقتى يگەرۋدى توڭىرەكتەي وتىرىپ مىنالاردى ورتاعا قويدى: استىقتان مول ءونىم الۋعا شىنايى كەپىلدىك ەتىپ، ەگىس اتىزىنىڭ قۇنارلىلىعىن قورعاۋعا بەرىلەتىن قوسىمشا قاراجات ساياساتىن جاقسارتىپ، دۇمبە ءبيدايدىڭ ءبىر مۋ جەرىنە بەرىلەتىن قوسىمشا قاراجاتتى 180 يۋاننان 220 يۋانعا دەيىن جوعارىلاتۋ، سۇرلەم جۇگەرىنىڭ ءبىر مۋ جەرىنە بەرىلەتىن قوسىمشا قاراجاتتى 100 يۋاننان 120 يۋانعا دەيىن جوعارىلاتۋ. ”ساپالى ماقتا“ الۋدىڭ ءتۇرلى شارالارىن تياناقتاندىرىپ، وڭتۇستىك شينجياڭداعى ماشينامەن تەرىلەتىن ماقتانىڭ ەگۋ كولەمىن كەڭەيتىپ، بيىل ماشينامەن تەرىلەتىن ماقتانىڭ كولەمىن جاڭادان ءبىر ميلليون مۋ ارتتىرۋ. جەمىس ورمانىنىڭ ساپاسى مەن ونىمدىلىگىن جوعارىلاتۋدى جەبەپ، جەمىس ورمانىنىڭ ساپاسى مەن ونىمدىلىگىن جوعارلاتۋدان ۇلگى كورسەتۋ باقشا قۇرىلىسىن ءۇرتىس مىقتى ۇستاپ، جاڭادان 110 مىڭ مۋ ەرەكشە جەمىس ورمانىن اشۋ. مال - قۇس باعىمشىلىعى كولەمىن امالدىڭ بارىنشا كەڭەيتىپ، ەگىنشىلىك رايوندارىنداعى مال شارۋاشىلىعى ءوندىرىسىن گۇلدەندىرۋ قيمىلىن اتقارۋدى باستاپ، بيىل جاڭادان ءبىر ميلليون سويىس قوي، 50 مىڭ سويىس سيىر، 20 مىڭ ساۋىن سيىر كوبەيتۋ. ەرەكشە اۋىل شارۋاشىلىعىن دامىتۋدى قولداپ، وڭتۇستىك شينجياڭدا قۇرىلعى كوكونىس كاسىبىن دامىتۋدىڭ 3 جىلدىق ارەكەت جوسپارىن اتقارىپ، شينجياڭ ءىشىنىڭ كوكونىسپەن ءوزىن - ءوزى قامتاماسىز ەتۋ قۋاتىن جوعارىلاتۋ. اۋلا شارۋاشىلىعىنىڭ كومەسكى كۇشىن اشىپ، ءاربىر اۋلانىڭ جىلىنا 1000 يۋان كىرىس كىرگىزۋ نىساناسىن جۇزەگە اسىرۋ.

  اۋىل شارۋاشىلىعىنا عىلىم - تەحنيكالىق قىزمەت وتەۋدى تىڭىعىلىقتى ورىستەتۋ جاعىندا مىنالاردى ورتاعا قويدى: اۋىل شارۋاشىلىعى عىلىم - تەحنيكالىق قىزمەتكەرلەرىن نەگىزگى ساتىعا قىزمەت وتەۋگە ۇيىمداستىرىپ، نەگىزگى ساتى اۋىل شارۋاشىلىعى تەحنيكتەرىنىڭ رولىن ساۋلەلەندىرىپ، اۋىل شارۋاشىلىعىنا قوعامدىق قىزمەت وتەۋگە، اۋىل شارۋاشىلىعىنا مىندەتتەمەلى قىزمەت وتەۋگە ۇيىمداستىرۋدى ورىستەتۋ.

  اۋىل شارۋاشىلىعى نەگىزدىك قۇرىلعى قۇرىلىستارىن كۇشەيتۋ جاعىندا مىنالاردى ورتاعا قويدى: 2020 - جىلعى اۆتونوميالى رايوننىڭ جوعارى ولشەمدى اتىز - ارىق قۇرىلىسىن اتقارۋ جوباسىن تياناقتاندىرىپ، ىندەتتىڭ ىقپالىنا ۇشىراپ كوكتەمدە دەر كەزىندە جۇمىس باستاي الماعانداردىڭ نىسان اۋماعىن، ەگۋ قۇرىلىمىن رەتتەۋ ارقىلى كەشىككەن قۇرىلىس ۋاقىتىن تولىقتاۋ. اتىز - ارىق سۋ يگىلىگى قۇرىلىسىن كۇشەيتىپ، ءتۇيىندى سۋ يگىلىگى ينجەنەرياسى قۇرىلىسىن ىلگەرىلەتۋ.

  اۋىل شارۋاشىلىعىنىڭ اپاتتان ساقتانۋ، اپات شىعىنىن ازايتۋ شارالارىن تياناقتاندىرۋ جاعىندا مىنالاردى ورتاعا قويدى: كليمات اپاتىن باقىلاۋدى، الدىن الا مالىمەت بەرۋدى كۇشەيتىپ، ەگىس داقىلدارى مەن جەمىس ورمانىن دەرت - دەربەزدەن، زياندى جاندىكتەردەن ساقتاۋ - تىزگىندەۋدى مىقتى ۇستاپ، دەرت - دەربەزدەن ساقتانىپ، زياندى جاندىكتەردى جويىپ مول ءونىم الۋ ارەكەتىن اتقارىپ، تۇتاس رايونىمىزدىڭ دەرت - دەربەز، زياندى جاندىكتەردىڭ زيانداۋ مولشەرىن %5 ىشىندە مەڭگەرىپ، ساقتانۋ - تىزگىندەۋ ونىمدىلىگىن %85تەن اسىرۋ.

  اۆتونوميالى رايون تاعى اۋىل شارۋاشىلىعى ونىمدەرىن ءوندىرۋ - ساتۋدى ۇشتاستىرۋدى كۇشەيتىپ، جەمىس ورمانى ونىمدەرىن بازاردى تياناق ەتىپ ساتىپ الۋ ساياساتىن تياناقتاندىرىپ، وڭتۇستىك شينجياڭداعى كەدەي وڭىرلەردەگى جەمىس ورمانىن شوعىرلانعان ءوندىرۋ اۋماعىنان بازاردى تياناق ەتىپ ساتىپ الۋعا قىزمەت وتەۋ تەكشەسىن قۇرۋدى، تۇتىنۋ ارقىلى كەدەيلەردى سۇيەمەلدەۋدى جان - جاقتى كەڭەيتىپ، ”1000 كاسپورىن 1000 قىستاققا كومەكتەسۋ“ دالمە - ءدال كەدەيلەردى سۇيەمەلدەۋ ارەكەتىن ۇزدىكسىز ورىستەتۋدى ايقىندادى.

  ىندەتكە توتەپ بەرۋدەگى ءتۇرلى سۇيەمەلدەۋ ساياساتتارىن ويداعىداي تياناقتاندىرۋ ءۇشىن، اۆتونوميالى رايون مىنالاردى ورتاعا قويدى: قازىنا، فينانس جاعىنان قولداۋدى كۇشەيتىپ، قازىنا مەجە ەسەبى ىشىندەگى قارجى قوسۋدى اۋىل شارۋاشىلىعىنا، اۋىل - قىستاققا جالعاستى بەيىمدەۋ. كوكتەمگى ەگىس ءوندىرىس قۇرال - جابدىقتارى امانات - قارىز قارجى قاجەتىن بار كۇشپەن قامتاماسىزداندىرىپ، بيىل اۆتونوميالى رايون اۋىل - قىستاق سەنىمدى قارىز كووپەراتيۆى بىرىككەن كووپەراتيۆىنىڭ اۋىل شارۋاشىلىعى امانات - قارىز قالدىق سوماسىن وتكەن جىلداعىدان 12 ميلليارد يۋاننىڭ ۇستىندە ارتتىرۋ. اۋىل شارۋاشىلىعىنا ساياتىن كاسىپورىنداردىڭ جۇمىستى، ءوندىرىستى قالپىنا كەلتىرۋىن قولداۋ ساياساتىن تياناقتاندىرىپ، اۋىل شارۋاشىلىعىنداعى ءتۇيىندى نىساندار قۇرىلىسىن تەزدەتىپ، نىسانداردىڭ ءونىم مولشەرىنە جەتۋىن بەلسەندى ىلگەرىلەتىپ، ەرتەرەك ءونىمىن كورسەتۋ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى