3-ايدىڭ 30-كۇنى، شينجياڭ سانجى لاۋلۇڭحى وڭىرىندەگى قاربىز ەگەتىن شارۋالار جەرگە جارعاق توسەپ ەرتە پىساتىن قاربىز ەگۋدى باستادى. ىندەتتەن كەيىن، جەرگىلىكتى ورىن ءبىرسىپىرا شارالاردى جۇرگىزىپ جۇمىستى، ءوندىرىستى، ەگىستىكتى قالپىنا كەلتىرۋدى جەدەلدەتتى. بيىل كوكتەمدە تەمپەراتۋرانىڭ جوعارىلاۋى وتكەن جىلداعىدان ءبىر اپتا بۇرىن بولدى، لاۋلۇڭحى وڭىرىندەگى قاربىز ەگەتىن شارۋالار ۋاقىتتى مىقتى يگەرتىپ كوكتەمگى ەگىستى باستادى.
ۇعىسۋعا قاراعاندا، جۇڭعار ويپاتىنىڭ وڭتۇستىك جيەگىنە ورنالاسقان لاۋ لۇڭحى ءوڭىرى، سانجى قالاسى داشيچۇي قالاشىعى، ديانبا قالاشىعى جانە سانجى مەملەكەتتىك اۋىل شارۋاشىلىق عىلىم-تەحنيكا باقشا رايونى سونداي-اق 6-شى كوممۋنيستىك جاستار وداعى ەگىس الاڭى قاتارلى جەرلەردى قامتيدى. بۇل ءوڭىر جىل بويى قۇرعاق، جاڭبىر از، كۇندىز بەن ءتۇننىڭ اۋا تەمپەراتۋراسىنىڭ پارقى زور، توپىراقتىڭ قۇم قۇرامى جوعارى بولعاندىقتان، ونگەن قاربىز ۇلكەن، قانت قۇرامى جوعارى بولىپ، شينجياڭ ءىشى-سىرتىنىڭ قارسى الۋىنا بولەنىپ كەلەدى. 2014-جىلى، لاۋلۇڭحى قاربىزى مەملەكەتتىك اۋىل شارۋاشىلىق ونىمدەرىنىڭ جاعراپيالىق بەلگىسى كۋالىگىن الدى.
ەگىنشىلىك وتباسى داي جياباۋ بيىل 600 مۋ جەردى كوتەرەگە الىپ قاربىز ەكتى، داي جياباۋ بىلاي دەدى: ”قاربىزدىڭ مۋلىق ءونىمى بەس، التى توننا شىعادى، 3000دا 5000 يۋان كىرىس كىرگىزۋگە بولادى. قاربىز ەگۋ جوعارى تەحنيكانى قاجەت ەتەدى، جەر جىرتىپ قاربىز ەگىپ ارادا 5 جىل وتكەننەن كەيىن اڭىز الماستىرىپ قايتالاي ەگۋگە بولادى. بيىل كوكتەم ەگىس داقىلدارىن ەگۋگە ۇيلەسىمدى بولدى، مەجەمەن بيىل تاعى دا مول ءونىمدى جىل بولادى“.
