شينحۋا اگەنتتىگىنىڭ 4 - ايدىڭ 6 - كۇنى بەيجيڭنەن بەرگەن حابارى. شينحۋا اگەنتتىگى 4 - ايدىڭ 6 - كۇنى «جۇڭگونىڭ جاڭا تيپتى ايدارشا ۆيرۋس وكپە قابىنۋ ىندەتى ينفورماتسياسىن جاريالاعاندىعى، ىندەتتەن ساقتانۋ - تىزگىندەۋ حالىقارالىق سەلبەستىگىن ىلگەرىلەتكەندىگى جونىندەگى ەستەلىكتى» تاراتتى.
«ەستەلىكتە» مىنالار اتاپ كورسەتىلدى: جاڭا تيپتى ايدارشا ۆيرۋس وكپە قابىنۋ ىندەتى جاڭا جۇڭگو قۇرىلعاننان بەرى تۋىلعان تارالۋ جىلدامدىعى ەڭ تەز، جۇعىمداۋ اۋماعى ەڭ كەڭ، ساقتانۋ - تىزگىندەۋ قيىندىعى ەڭ زور ءبىر رەتكى ەلەۋلى توسىن تۋىلعان الەۋمەتتىك دەنساۋلىق ساقتاۋ وقيعاسى. دولدانا كەلگەن ىندەت الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو ەڭ جان - جاقتى، ەڭ قاتاڭ، ەڭ تۇبەگەيلى ساقتانۋ - تىزگىندەۋ شاراسىن قولدانىپ، ءبىر ميلليارد 400 ميلليون حالىق قيىندىقتى بىلەك بىرىكتىرە جەڭىپ، ەل بىرلىگىنەن بەرىك قامال تۇرعىزىپ، ىندەتپەن قايسارلىقپەن كۇرەسىپ، وراسان زور بوداۋ جانە قۇرباندىق بەردى. بۇكىل ەل حالقىنىڭ تىزە قوسا قۇلشىنۋىندا جۇڭگوداعى ىندەتتەن ساقتانۋ - تىزگىندەۋ جاعدايى ۇزدىكسىز جاقسارۋ، ءوندىرىس، تۇرمىس ءتارتىبىنىڭ جەدەل قالپىنا كەلۋ كۇيى ۇزدىكسىز بەكەمدەلدى جانە كەڭەيدى.
«ەستەلىكتە» مىنالار اتاپ كورسەتىلدى: جۋىقتاعى كۇندەردەن بەرى، ىندەت دۇنيە جۇزىندە كوپ تۇيىندە قاۋىرت تۋىلدى ءارى تەز تارالىپ، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگى ەرەكشە زور سىن - سايىسقا ءدوپ كەلدى. دۇنيە جۇزىلىك دەنساۋلىق ساقتاۋ ۇيىمىنىڭ 4 - ايدىڭ 5 - كۇنگى ساندى مالىمەتىنە نەگىزدەلگەندە، الەمدەگى جاڭا تيپتى ايدارشا ۆيرۋس وكپە قابىنۋ اۋرۋى تۇراقتاندىرىلىپ دياگنوز قويىلعان ناۋقاستىڭ سانى ءبىر ميلليون 130 مىڭنان اسىپ، ىندەتتىڭ ىقپالىنا ۇشىراعان مەملەكەتتەر مەن وڭىرلەر 200دەن استى.
«ەستەلىكتە» مىنالار باسا دارىپتەلدى: ۆيرۋستا مەملەكەت شەكاراسى بولمايدى، ىندەت ناسىلگە بولمەيدى. تەك ىنتىماقتاسا ىستەستىك جاساپ، قول ۇستاسا توتەپ بەرگەندە عانا، حالىقارالىق قوعام ىندەتتى جەڭىپ، ادامزاتتىڭ ورتاق مەكەنىن قورعاي الادى. ىندەت تۋىلعاننان بەرى، جۇڭگو جاق باستان - اياق ادامزات تاعدىرلاس ورتاق تۇلعا ۇستانىمىن بەرىك ۇستانىپ، اشىق، جاريا، جاۋاپكەرشىلىك ارقالاۋ پوزيتسياسىمەن ىندەت ينفورماتسياسىن دەر كەزىندە جاريالاپ، دۇنيە جۇزىلىك دەنساۋلىق ساقتاۋ ۇيىمىمەن جانە حالىقارالىق قوعاممەن ەشتەڭەنى ىركىپ قالماستان ساقتانۋ - تىزگىندەۋ، ەمدەۋ تاجىريبەسىن ءبولىسىپ، عىلمي زەرتتەۋدەگى قامال الۋ سەلبەستىگىن كۇشەيتتى ءارى ءار جاققا بار كۇشىمەن كومەكتەسىپ، حالىقارالىق قوعامنىڭ جوعارى باعاسى مەن كەڭ كولەمدە مويىنداۋىنا يە بولدى.
شينحۋا اگەنتتىگىنىڭ تىلشىلەرى اقپارات قۇرالدارىنىڭ حابارىنا جانە جۇڭگو مەملەكەتتىك دەنساۋلىق ساقتاۋ، سالاماتتىق كوميتەتى، عىلمي زەرتتەۋ قۇرىلىمدارى سياقتى قاتىستى جاقتاردان يەلەگەن ينفورماتسيالارىنا نەگىزدەلىپ، ۋاقىت رەت - ءتارتىبى بويىنشا جۇڭگونىڭ دۇنيە جۇزىمەن قول ۇستاسا وتىرىپ ىندەتكە قارسى اتتانۋ بارىسىنداعى، ىندەت ينفورماتسياسىن دەر كەزىندە جاريالاۋ، ساقتانۋ - تىزگىندەۋ تاجىريبەسىن ءبولىسۋ، ىندەتتەن ساقتانۋ - تىزگىندەۋ حالىقارالىق اۋىس - كۇيىسىن، سەلبەستىگىن ىلگەرىلەتۋ جاقتارىنداعى نەگىزگى ىستەرىنە تالداۋ جۇرگىزدى.
