وسكەلەڭ ساياسي جاۋاپكەرشىلىك سەزىممەن ىندەتتەن ساقتانۋ - تىزگىندەۋ جانە وقۋ باستاۋ، ساباقتى قالپىنا كەلتىرۋ قىزمەتىن ءبىر تۇتاس جوسپارلاپ ويداعىداي ىستەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 4 - ايدىڭ 6 - كۇنى ۇرىمجىدەن حابارلايدى. 4 - ايدىڭ 6 - كۇنى تۇستەن كەيىن اۆتونوميالى رايون جوعارى مەكتەپتەردىڭ وقۋ باستاۋ، ساباقتى قالپىنا كەلتىرۋ قىزمەتى جونىندە اڭگىمە ءماجىلىس اشتى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءماجىلىستى باسقاردى ءارى ءسوز سويلەپ، بىلاي دەپ باسا دارىپتەدى: پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، ىندەتتەن ساقتانۋ - تىزگىندەۋ جانە وقۋ باستاۋ، ساباقتى قالپىنا كەلتىرۋ قىزمەتىن ءبىر تۇتاس جوسپارلاپ ويداعىداي ىستەۋدى كەزەكتەگى ماڭىزدى ساياسي مىندەت رەتىندە شىنايى، ويداعىداي يگەرىپ، مەكتەپتەردە ىندەت تۋىلۋدان باتىل ساقتانىپ، وقىتۋشى - وقۋشىلاردىڭ امان - ەسەن، ساۋ - سالامات بولۋىن قورعاپ، مەكتەپتەردىڭ ورنىقتىلىعىن ساقتاۋ كەرەك.
ءماجىلىس مىنالاردى اتاپ كورسەتتى: اۆتونوميالى رايونداعى جوعارى مەكتەپتەردىڭ 4 - ايدىڭ 8 - كۇنىنەن باستاپ توپقا ءبولىنىپ، قاۋىرت مەزگىلگە شوعىرلاندىرماي، ىركەس - تىركەس وقۋ باستاۋى − اۆتونوميالى رايوندىق پارتكومنىڭ ىندەتتەن ساقتانۋ - تىزگىندەۋ جاعدايى ءۇرتىس جاقسارۋ، ءوندىرىس، تۇرمىس ءتارتىبى جاپپاي قالپىنا كەلۋ نەگىزىندە جاساعان ماڭىزدى ۇيعارىمى. جەر - جەردەگى ءارقايسى جوعارى مەكتەپتەر ساياسي دەڭگەيدى شىنايى جوعارىلاتىپ، يدەيالىق تانىمدى بىرلىككە كەلتىرىپ، جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى اناعۇرلىم كۇشەيتىپ، مەكتەپكە ورالۋدى ۇشتاستىرۋ، ىندەتتەن ساقتانۋ - تىزگىندەۋ، مەكتەپ باسقارۋ، وقۋ - وقىتۋ سياقتى قىزمەتتەردى ءتىپتى دە ەگجەي - تەگجەيلى، ءتىپتى دە قاتاڭ تۇردە ويداعىداي ىستەپ، ىندەتتەن ساقتانۋ - تىزگىندەۋ مەن وقۋ باستاۋ، ساباقتى قالپىنا كەلتىرۋدى قاتار يگەرۋ، ەكى جاعىندا اقساتپاۋ، ەكى جاعىندا جەبەۋگە شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: وقىتۋشى - وقۋشىلاردىڭ باس اماندىعى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىن بار كۇشپەن ويداعىداي يگەرۋ كەرەك. شارالاردى عىلمي، دالمە - ءدال، ەگجەي - تەگجەيلى اتقارىپ، قىزمەتتى تياناقتاندىرۋدى قاتاڭ يگەرىپ، وقۋ باستاۋ قىزمەتىنىڭ حاۋىپسىز، ءتارتىپتى بولۋىنا شىنايى كەپىلدىك ەتۋ كەرەك. وقۋ باستاۋ قىزمەتى جوباسىن، وقىتۋشى - وقۋشىلاردىڭ مەكتەپتە ورالۋ قىزمەتى جوباسىن جانە ءتۇرلى شۇعىل جاعدايعا توتەپ بەرۋ دايىندىق جوباسىن كەمەلدەندىرىپ، تولىقتىرىپ، مەكتەپكە دەيىن دالمە - ءدال بولۋدى، ادامعا دەيىن دالمە - ءدال بولۋدى، جۇمىسقا دەيىن دالمە - ءدال بولۋدى ورىنداۋ كەرەك. ساقتانۋ - تىزگىندەۋ شارالارىن ناقتاپ تياناقتاندىرىپ، مەكتەپ ورتاسىنىڭ تازالىعىن جالپى بەتتىك تۇبەگەيلى رەتتەپ، وڭاپ، كلاس، جاتاق، اسحانا سياقتى ادام شوعىرلانعان وڭىرلەر مەن ءتۇيىندى ورىنداردى زارارسىزداندىرۋ، اۋا الماستىرۋ سياقتى قىزمەتتەردى ويداعىداي يگەرىپ، ىندەتتەن ساقتانۋ كۇشىن عىلمي، ۇيلەسىمدى سەپتەپ، ىندەتتەن ساقتانۋ زاتتىق ماتەريالدارىمەن قامتاماسىز ەتۋ كەرەك. شينجياڭنىڭ ءىشى - سىرتىنان مەكتەپكە ورالاتىن وقىتۋشى - وقۋشىلار قىزمەتىن دەن قويا، سۇيىسپەنشىلىكپەن، كۇش سالا ويداعىداي ۇيىمداستىرىپ، مەكتەپكە ورالۋ ولشەمىن قاتاڭ تياناقتاندىرىپ، مەكتەپكە ورالۋ بارىسىندا ساقتانۋ - تىزگىندەۋدى كۇشەيتىپ، بەكەتتەن توسىپ الۋ قىزمەت وتەۋىن ناقتاپ ىستەپ، وقىتۋشى - وقۋشىلاردىڭ دەنساۋلىعىن تەكسەرۋ، باقىلاۋ قىزمەتىن ويداعىداي تياناقتاندىرىپ، مەكتەپكە ورالعان وقىتۋشى - وقۋشىلاردىڭ بۇكىلدەي حاۋىپسىز بولۋىنا شىنايى كەپىلدىك ەتۋ كەرەك. ازىق - تۇلىك حاۋىپسىزدىگى جاۋاپكەرشىلىك ءتۇزىمىن تياناقتاندىرىپ، اس - سۋ حاۋىپسىزدىگىنە شىنايى كەپىلدىك ەتۋ كەرەك. قاۋىرت مەزگىلگە شوعىرلاندىرماي تاماقتاندىرۋدى باسقارۋدى تياناقتاندىرىپ، توپتىق تاماقتانۋدان جانە شوعىرلانعان قيمىلداردان ساقتانۋ كەرەك. وقۋشىلاردىڭ جاتاقتا جاتۋىن باسقارۋدى كۇشەيتىپ، وقىتۋشى - وقۋشىلاردىڭ قاجەتتى قورعانۋىن ويداعىداي ىستەۋ كەرەك. وقىتۋ جوسپارىن رەتتەپ، ساپالىلاندىرىپ، وقىتۋ ساپاسىنا كەپىلدىك ەتىپ، ىندەتتەن ساقتانۋدى تياناقتى جۇرگىزۋىنە، مەكتەپ حاۋىپسىزدىگىنە، وقىتۋدىڭ ءتارتىپتى بولۋىنا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: جوعارى مەكتەپ پارتكومدارى تۇلعالىق جاۋاپكەرشىلىكتى باتىل ارقالاپ، پارتكوم شۋجيى ءبىرىنشى جاۋاپتى ادام بولۋ جاۋاپكەرشىلىگىن ويداعىداي اتقارىپ، قىزمەت ورنىنان تاپجىلماي، الدىڭعى شەپتە تۇرىپ قولباسشىلىق ەتىپ، جاۋاپكەرشىلىگىن ءبىلۋدى، جاۋاپكەرشىلىگىن وتەۋدى، جاۋاپكەرشىلىگىن ادا ەتۋدى شىنايى ورىنداۋ كەرەك. ءارقايسى شۋەيۋان، فاكۋلتەت، تاراۋ، كلاس ساتىلار بويىنشا جاۋاپكەرشىلىكتى قاتايتىپ، كلاس جەتەكشىسى، جەتەكشى سياقتى بارلىق وقىتۋشى، جۇمىسشى - قىزمەتكەرلەردىڭ بەلسەندىلىگىن، ىرىقتىلىعىن جۇمىلدىرىپ، قىزمەتتىڭ بىرىككەن كۇشىن ۇيىستىرۋ كەرەك. مەكتەپتەردىڭ ءار دارەجەلى پارتيا ۇيىمدارىنىڭ جاۋىنگەر قورعاندىق رولىن جانە قالىڭ پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، پارتيا تۋىن مەكتەپتەردىڭ ىندەتتەن ساقتانۋ - تىزگىندەۋ شايقاسىنىڭ ءبىرىنشى شەبىندە اسقاق جەلبىرەتۋ كەرەك.
اڭگىمە ماجىلىسىندە، شينجياڭ مەديتسينا داشۋەسى سياقتى 5 جوعارى مەكتەپتىڭ پارتكوم شۋجيلەرى پىكىر اۋىستىرىپ ءسوز سويلەدى.
4 - ايدىڭ 6 - كۇنى تۇستەن بۇرىن لي پىڭشين جانە ونىڭ سەرىكتەرى شينجياڭ پەداگوگيكا داشۋەسىنىڭ ۋىنچۋان مەكتەپ رايونىنا بارىپ وقۋ باستاۋ، ساباقتى قالپىنا كەلتىرۋ قىزمەتىنە تەكسەرۋ - زەرتتەۋ جۇرگىزدى ءارى مەكتەپ پارتكوم القالارىمەن اڭگىمە وتكىزدى.
اۆتونوميالى رايون جانە بيڭتۋان باسشىلارىنان رىن حۋا، لۋ شۇيپيڭ ماجىلىسكە قاتىناستى.
