جۇندۇڭ ەكونوميكالىق - تەحنيكالىق اشۋ رايونى جالپى كاسىپ سالاسى تىزبەگىنىڭ جۇمىستى سايكەسە قالپىنا كەلتىرۋىن ىلگەرىلەتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ، ەرىكتى ءتىلشى ۋاڭ چيانشي 4 - ايدىڭ 6 - كۇنى ۇرىمجىدەن حابارلايدى. 4 - ايدىڭ 6 - كۇنى ساعات 12 مولشەرىندە، جۇندۇڭ ەكونوميكالىق - تەحنيكالىق اشۋ رايونىنداعى شينجياڭ دۇڭفاڭ شيۋاڭ ءتۇستى مەتال شەكتى سەرىكتەستىگىندە ماشينالار گۇرىلدەپ، ءتۇرلى جۇمىس تۇرلەرى تارتىپپەن جۇرگىزىلە باستادى. 24 ساعات بويى تىنباي اينالىسقا تۇسكەن كوپ كريستالدى كرەمني ءوندىرىس سەحىندا، سارالاپ تەكسەرۋشى سۇن لينا جاي كريستالدى كرەمني پلاستينكاسى ءوندىرىس جەلىسىندە مۇقياتتىلىقپەن سارالاپ تەكسەرۋ جۇرگىزدى. تەكسەرىپ - ساراپتاپ بولعاننان كەيىن، قوراپتالىپ كەلەسى ءوندىرىس جۇمىس جۇيەسىنە جونەلتىلەدى.
كرەمني كاسىپ سالاسىنىڭ تىزبەگى ۇزىن، ەلەكترون ونەركاسىبىندە، ونەركاسىپتىك كرەمني كوپ كريستالدى كرەمني، جاي كريستالدى كرەمني جانە ءۇشىنشى ۇرپاق جارتىلاي وتكىزگىش جاساۋعا پايدالاناتىن ماتەريال، ينفورماتسيا كاسىپ سالاسى مەن كۇن ەنەرگيالىق باتەريا فوتوۆولت كاسىپ سالاسىنداعى ءتۇيىندى نەگىزگى ماتەريال. دۇڭفاڭ شيۋاڭنىڭ ديرەكتورى گاۋ شياۋفاڭنىڭ قاراۋىنشا، كرەمني كەنىن ونەركاسىپتىك كرەمنيگە اينالدىرىپ، ونان كوپ كريستالدى كرەمني قالىپتاستىرىپ، جاي كريستالدى كرەمني الىپ، ەڭ سوڭىندا جاي كرەمني پلاستينكاسىن ءوندىرۋ سىندى كەمەلدى كاسىپ سالاسى تىزبەگىن قالىپتاستىرادى، مۇنىمەن ولار نەگىزدىك ماتەريالمەن قامداۋ سىندى وسى شەشۋشى بۋىندا كىنارات تۋىلماۋدى مىقتاپ مەڭگەرە الاتىن بولادى.
ينفورماتسيا كاسىبى مەن فوتوۆولت كاسىپ سالاسىندا كرەمني مەن كرەمني نەگىزدىك جاڭا ماتەريالى جوعارعى جەلى بۋىنى سانالادى، ونىڭ تومەنگى جەلىسى اۆياتسيا، عارىش، ەلەكتروندىق ينفورماتسيا، بيولوگيالىق ءدارى - دارمەك، ماشينا، كۇندەلىكتى پايدالاناتىن حيميالىق بۇيىمدار جانە جەكەلەردىڭ كۇتىمدەلۋ بۇيىمدارى سياقتى بارلىق ونەركاسىپ سالاسى مەن جوعارى، جاڭا تەحنيكا كاسىپ سالاسىنا تۇتاسادى، ءمۇبادا، ءبىزدىڭ ءوندىرىسىمىز ىقپالعا ۇشىراسا، ءبىز زيان تارتىپ قانا قالماستان، وزگە دە كاسىپ سالاسى تىزبەگى دە ءۇزىلىپ قالادى“، - دەدى گاۋ شياۋفاڭ.
كاسىپورىننىڭ قالىپتى ءوندىرىس تيجاراتىنا كۇش سالا كەپىلدىك ەتۋ ءۇشىن، جۇندۇڭ ەكونوميكالىق - تەحنيكالىق اشۋ رايونى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىمەن سايكەسىپ، ىندەتتەن ساقتانۋ - تىزگىندەۋ مەزگىلىندە كاسىپورىننىڭ شينجياڭ سىرتىنداعى جۇمىسشىلارىنىڭ قايتا ورالىپ جۇمىستى قالپىنا كەلتىرۋىنە قىزمەت وتەيتىن ارناۋلى كەزەكشى پويەز ورنالاستىردى. 3 - ايدىڭ 14 - كۇنى دۇڭفاڭ شيۋاڭنىڭ قىزمەت ورنىنا ورالعان 472 جۇمىسشىسى حاۋىپسىز، ءتارتىپتى تۇردە كاسىپورىنعا جەتكىزىلىپ، كاسىپورىننىڭ قالىپتى ءوندىرىستى قالپىنا كەلتىرۋىنە شىنايى كەپىلدىك ەتىلدى. بيىل العاشقى 2 ايدا وسى سەرىكتەستىك كوپ كريستالدى كرەمنيدەن 8000 توننا، اليۋمين ونىمدەرىنەن 140 مىڭ توننا، ونەركاسىپتىك كرەمنيدەن 40 مىڭ توننا ءوندىردى، ونەركاسىپتىڭ ءوندىرىس قۇنى 2 ميلليارد 700 ميلليون يۋانعا جەتىپ، بىلتىرعى سايكەس مەزگىلدەگىدەن ％7.0 ارتتى.
”مۇنداي ناتيجەگە قول جەتكىزەرىمىزدى، شىنىندا، ويلاماعان ەكەنبىز“، - دەدى گاۋ شياۋفاڭ، سەرىكتەستىكتىڭ ونەركاسىپتىك كرەمني ءونىم مولشەرى بىلتىرعى سايكەس مەزگىلدەگىدەن ％42 مولشەرىندە ارتتى، كوپ كريستالدى كرەمني ءونىم مولشەرى بىلتىرعى سايكەس مەزگىلدەگىدەن ％110 مولشەرىندە ارتتى، ءونىم مولشەرىنىڭ ارتۋى تومەنگى جەلى كاسىپ سالاسى تىزبەگىنىڭ ءوندىرىس قاجەتىن قاناعاتتاندىرۋمەن بىرگە، جۇمىس ورنىن دا كوبەيتىپ، قىزمەتشىلەردىڭ كىرىسىن جوعارىلاتتى.
مىنە بۇل جۇندۇڭ ەكونوميكالىق - تەحنيكالىق اشۋ رايونىنىڭ جوعارى - تومەن جەلىدەگى ءوندىرىس قۋاتىن بار كۇشپەن جانداندىرعاندىعىنىڭ شاعىن كورىنىسى. كاسىپورىننىڭ ىندەت ىقپالىنان تۋىلعان زات تاسىمال، شيكىزات - ماتەريالدىڭ كەمشىل بولۋى، ونىمدەردىڭ ساتىلماي قالۋى سياقتى ماسەلەلەرگە قاراتا وسى اشۋ رايونى كاسىپورىننىڭ تاپسىرىسى بويىنشا ءوندىرىس جاعدايىنا كۇن سايىن زەرتتەۋ جۇرگىزىپ، تۇجىرىم جاساپ، تۇساۋ بولىپ وتىرعان بوگەتتەردى ءبىر - بىرلەپ انىقتاپ، بارلىق شارالاردى قولدانىپ شەشتى. مۇنان سىرت، وسى اشۋ رايونى تاعى «جۇندۇڭ ەكونوميكالىق - تەحنيكالىق اشۋ رايونىنىڭ ىندەت ىقپالىنا توتەپ بەرىپ، تيجارات وزىندىك قۇنىن تومەندەتىپ، ورنىقتىلىقتى، دامۋدى جەبەۋ شاراسى» سياقتىلاردى شىعارىپ، كاسىپورىندا جوعارى - تومەن جەلىنى بىرگە ىسكە قوسۋ ارقىلى بوگەت تۇيىندەردى اشۋىنا، قيىن تۇيىندەردى شەشۋىنە، ولقى تۇيىندەردى تولىقتاۋىنا كومەكتەسىپ، جالپى كاسىپ سالاسى تىزبەگىنىڭ جۇمىستى، ءوندىرىستى قالپىنا كەلتىرۋىنە دەم بەردى.
