4 ـ ايدىڭ 5 ـ كۇنى تۇستە، شينجياڭ مەديتسينا داشۋەسىندەگى ءبىر وقۋشى جاتاق بيناسىنا كىرگەندە ەسىك الدىنا ورناتىلعان دەنە تەمپەراتۋرانى ولشەۋ جابدىعى وقۋشىنىڭ دەنە تەمپەراتۋراسىن اۆتوماتتى تۇردە تەز ارادا ولشەپ، جاتاققا تەز قايتۋىنا كەپىلدىك ەتتى.
تيانشان تورى حابارى (حابارىن جازىپ سۋرەتىن تۇسىرگەن تىلشىلەر شىن زۇشياۋ، ۋاڭ چيميڭ، ۋاڭ جوۋ) شينجياڭ ۇيعۇر اۆتونوميالى رايونىنا قاراستى جوعارى مەكتەپتەر 4 - ايدىڭ 8 - كۇنىنەن باستاپ توپقا ءبولىنىپ، ىركەس - تىركەس وقۋ باستايدى. قازىر 1 ـ توپتاعى 22 جوعارى مەكتەپتىڭ وقۋ باستاۋ دايىندىق قىزمەتتەرى نەگىزىنەن ءبىتتى، 4 ـ ايدىڭ 8 ـ كۇنىنەن 12 ـ كۇنىنە دەيىن ىركەس ـ تىركەس وقۋ باستالادى. باسقا مەكتەپتەر ىندەتتەن ساقتانۋ - تىزگىندەۋ جاعدايىنا جانە وقىتۋ جۇمىستارىنىڭ دايىندىق جاعدايىنا نەگىزدەلىپ، وقۋ باستاۋ ۋاقىتىن بەلگىلەيدى.
