4-ايدىڭ 8-كۇنى، شينجياڭ شايار اۋدانىنا ورنالاسقان تارىم مۇناي الابىنىڭ مانشىن 1-قۇدىعىندا قىزمەتكەرلەر 10 ميلليمەترلىك ماي شۇمەگىنەن سىناق رەتىندە ءونىم الىپ، بۇل قۇدىقتىڭ كۇندىك وڭدەلمەگەن مۇنايى 624 تەكشەمەتر، كۇنىنە وندىرىلگەن تابيعي گاز 371 مىڭ تەكشەمەتر بولۋ سىندى تاماشا ولجاعا يە بولدى. بۇل تارىم ويپاتىندا ءبىر ءوڭىر دارەجەسىندە مۇناي، گاز مول بولاتىن وپىرىق بەلدەۋ تابىلعانىن، مۇناي بايلىعىنىڭ مولشەرى 228 ميلليون تونناعا جەتكەنىن بىلدىرەدى.
ۇعىسۋعا قاراعاندا، مانشىن 1-قۇدىعى تارىمنىڭ سولتۇستىك جانە ورتا بولەگىندەگى ەكى ۇلكەن بايىرعى قۇدىق ارالىعىنا ورنالاسقان، مۇناي - گاز بارلاۋدىڭ ماقسات قاباتى 440 ميلليون جىلدىق ەجەلگى تەڭىز تەكتى تۇز جىنىستى جەر قاباتى، ول جارقىشاقتار مەن ۇڭگىردى نەگىز ەتەدى، تارىم مۇناي الابىن بارلاۋ دۇنيە جۇزىلىك ٴبىر قىدىرۋ قيىن ماسەلەلەردى شەشتى، سولتۇستىك تارىم - ورتا تارىم بولەگى تۇتاس تۇلعاسىندا مۇناي بار ەكەندىگىن، جاڭادان قوسىلعان مۇناي بايلىعىنىڭ مولشەرى 228 ميلليون توننا، مۇناي ، تابيعي گاز بايلىعىنىڭ كومەسكى كۇشى زور ەكەندىگىن دالەلدەدى.
قازىر، تارىم مۇناي الابى سولتۇستىك تارىم، ورتا تارىم سىندى ەكى ٴىرى بارلاۋ ـ اشۋ نەگىزگى شايقاس مايدانىن قالىپتاستىرىپ، وڭدەلمەگەن مۇنايدىڭ ورنىقتى ٴونىم الۋىنىڭ تىرەگىنە اينالدى. ال، وسى رەتكى مانشىن 1-قۇدىعىنان قامال الۋ سولتۇستىك تارىم-ورتا تارىم تۇتاس تۇلعالىق مۇنايلىعى دالەلدەنىپ، تارىم مۇناي الابى مۇنايىنىڭ جەدەل دامۋىنا بايلىق نەگىزىن قالادى.
تارىم ويپاتىنداعى كاربوناتتى جىنىس مۇناي - گاز قورى مول ، ويپاتتاعى مۇناي - گاز بايلىعى جالپى مولشەرىنىڭ % 38ىن ۇستايدى، تارىم مۇناي الابىنداعى مۇناي قورىن ارتتىرىپ، ءونىمدى ارتتىرۋدىڭ ماڭىزدى سالاسى سانالادى. قازىر قاراقاتاڭ، لۇنگۋ، ورتا تارىم 1-ءنومىرى قاتارلى 7 كاربوناتتى جىنىس جوعارى ءونىمدى الابى اشىلىپ، مۇناي - گاز ٴونىم مولشەرى 2019 - جىلى 3 ميلليون 750 مىڭ تونناعا جەتىپ، تارىم مۇناي الابى سولتۇستىك تارىم-ورتا تارىم مۇنايلىقتاعى 10 ميلليون توننالىق ٴىرى مۇناي ـ گاز رايونى قۇرىلىسىن تەزدەتۋىنە بەرىك نەگىز قالادى.
