تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون اۋىل - قىستاقتىڭ قونىس ورتاسىن رەتتەۋ - وڭاۋ قىزمەتىن ىلگەرىلەتۋ بەينەەكران ءماجىلىسىن اشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 4 - ايدىڭ 8 - كۇنى ۇرىمجىدەن حابارلايدى. 4 - ايدىڭ 8 - كۇنى اۆتونوميالى رايون اۋىل - قىستاقتىڭ قونىس ورتاسىن رەتتەۋ - وڭاۋ قىزمەتىن ىلگەرىلەتۋ بەينەەكران ءماجىلىسىن اشىپ، 2019 - جىلدان بەرگى قىزمەتتەردىڭ ورىستەتىلۋ جاعدايىن جالپى بەتتىك قورىتىندىلاپ، بيىلعى قىزمەتتەر تۋرالى ورنالاستىرۋ جاسادى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: اۋىل - قىستاقتىڭ قونىس ورتاسىن رەتتەۋ - وڭاۋ بيىل، ءسوز جوق، ەسەپ بەرەتىن جاپالى مىندەت. جەر - جەر، تاراۋلار ساياسي دەڭگەيدى جوعارىلاتىپ، يدەيالىق تانىمدى تەرەڭدەتىپ، اۋىل - قىستاقتىڭ الەۋمەتتىك دەنساۋلىق ىستەرىندەگى ولقىلىقتاردى تولىقتاۋ، شارۋالاردىڭ تۇرمىس ساپاسىن جاقسارتۋ، جاپپاي دوڭگەلەك داۋلەتتى قوعام ورناتۋ نىساناسىن جۇزەگە اسىرۋ تۇرعىسىنان جاۋاپكەرشىلىك سەزىم مەن كوكەي تەستىلىك سەزىمدى اناعۇرلىم كۇشەيتىپ، ءارى تىڭعىلىقتى ىلگەرىلەتىپ، تۇرگە ايىرىپ شارا قولدانىپ، ءارى ءىس جۇزىندىكتى شىعار ءتۇيىن ەتىپ، ءبىر تاياقپەن ايداماي، ءىس جۇزىندىكتەن اۋىتقىماي، قالىڭ شارۋالاردىڭ ءتول مۇددەسىنە ساياتىن حالىق تۇرمىسىنا قاتىستى ءىرى ىستەردى شىنايى مىقتى يگەرۋ، ناقتى يگەرۋ، ويداعىداي يگەرۋ كەرەك.

  ءماجىلىس مىنالاردى باسا دارىپتەدى: ماسەلەنى باعدار ەتۋدەن جازباي، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابىنا ساي، اۋىل - قىستاقتىڭ قونىس ورتاسىن رەتتەۋ - وڭاۋ ءتۇيىندى مىندەتىنىڭ تياناقتانۋىن باتىل ويداعىداي يگەرۋ كەرەك. دارەتحانا توڭكەرىسىن تىڭعىلىقتى ىلگەرىلەتىپ، قىستاقتاردى تازارتۋ ارەكەتىن ىشكەرىلەي ورىستەتىپ، اۋىل - قىستاقتىڭ تۇرمىستىق قوقسىقتارىن ءبىر جاقتى ەتۋدى جالپى بەتتىك ىلگەرىلەتىپ، اۋىل - قىستاقتىڭ تۇرمىستىق لاس سۋدى ءبىر جاقتى ەتۋىن ساتىلار بويىنشا ىلگەرىلەتىپ، باسقا دا ءتۇيىندى مىندەتتەردى ءبىر تۇتاس جوسپارلاپ ىلگەرىلەتۋ كەرەك.

  ءماجىلىس مىنالاردى تالاپ ەتتى: جەر - جەر، تاراۋلار اۋىل - قىستاقتىڭ قونىس ورتاسىن جاقسارتۋدى اۋىل - قىستاقتى كوركەيتۋ ستراتەگياسىنىڭ ماڭىزدى مازمۇنى ەتىپ، ماڭىزدى كۇن تارتىپكە ەنگىزىپ، قامتاماسىز ەتۋ تەبىنىن ارتتىرىپ، اۋىل - قىستاقتاردىڭ قونىس ورتاسىن رەتتەۋ - وڭاۋدىڭ 3 جىلدىق ارەكەتىندەگى نىسانا - مىندەتتەردى دەر كەزىندە ورىنداۋعا شىنايى كەپىلدىك ەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىنا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە كۇش ۇستەۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.