تيانشان تورى   ›   جاڭالىقتار   ›   عىلىم-تەحنيكا

رايونىمىزدا بيىل 5G بازالىق ستانسياسىنان 4010ى جالپى بەتتىك سالىنادى

كەلەر جىلدىڭ سوڭىندا بارلىق ايماق دارەجەلى قالالارعا 5G ينتەرنەتى جالپىلاسادى

  شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 4 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق حابارلاسۋ ىستەرىن باسقارۋ مەكەمەسىنەن ۇعىسۋىمىزشا، رايونىمىز ءۇرىمجىنى وزەك ەتىپ، تۇتاس شينجياڭدى 5Gدى قولدانۋعا جەتەكتەپ، كەلەر جىلدىڭ سوڭىندا بارلىق ايماق دارەجەلى قالالاردا 5G ينتەرنەتىنىڭ جالپىلاسۋىن جۇزەگە اسىرادى ەكەن.

  2019 - جىلى ءۇرىمجى 5G ساۋدالىق قولدانىسقا تۇسكەن بۇكىل ەلدەگى تۇڭعىش توپتاعى قالاعا اينالدى. سول جىلى 3 نەگىزگى تەلەگراف كاسىپورنى 126 ميلليون يۋان قارجى قوسىپ، 5G ۇلگى ارقىلى ءتۇسىندىرۋ جانە ساۋدالىق قولدانىس سىناق ءتۇيىنى پۋنكتىنەن 518ىن قۇردى.

  قاتىستى جوباعا ساي، رايونىمىز ءۇرىمجىنى وزەك ەتىپ، تۇتاس شينجياڭدا 5G قولدانۋعا جەتەكشىلىك ەتىپ، ونەركاسىپ، ساياحات كاسىبى سالاسىندا 5G ينتەرنەتىن الدىمەن قۇرادى جانە قولدانادى، سونداي - اق 5G قولدانۋ ورنى جانە قولدانۋ سالاسى ءورىسىن كەڭەيتۋ ارقىلى 5G ينتەرنەتىن تۇتاس شينجياڭدا بىرتىندەپ جالپىلاستىرىپ، سيفرلى شارۋاشىلىق جاڭا كاسىبى مەن جاڭا كاسىپ كۇيىن بەلسەنە جەتىلدىرەدى.

  بيىل 3 نەگىزگى تەلەگراف كاسىپورنى شينجياڭدا وسى جىلى 5G بازالىق ستانسياسىنان 4010ىن سالۋدى بەكىتتى، كەزەكتە جۇمىس جاپپاي باستالىپ، 5G ينتەرنەت قۇرىلىسى كۇش سالا ىلگەرىلەتىلۋدە. كەلەر جىلى رايونىمىز 5G ينتەرنەت قۇرىلىسى تەبىنىن ۇزدىكسىز ارتتىرىپ، جىل سوڭىندا بارلىق ايماق دارەجەلى قالالاردا 5G ينتەرنەتىن جالپىلاستىرۋدى جۇزەگە اسىرادى.

  سوڭعى جىلداردان بەرى، ”قولدانۋ، قولدانا الۋ، جاقسى قولدانۋ“ توڭىرەگىندە رايونىمىز ينفورماتسيا، حابارلاسۋ كاسىبىندە نەگىزدىك قۇرىلعى قۇرىلىسى، ينتەرنەت سيىمدىلىعىن كەڭەيتۋ، ساپالىلاندىرۋ، قىزمەت وتەۋ ساپاسىن جوعارىلاتۋ، ءونىم زەرتتەپ اشۋ، جالپىلاستىرۋ جانە توپتاما قاراجاتىن ارزانداتۋ سياقتى قىزمەتتەردى ۇزدىكسىز ورىستەتىپ، ءار ۇلت بۇقاراسىنىڭ حابارلاسۋ قاجەتىن ءبىرشاما جاقسى قاناعاتتاندىردى. 2019 - جىلى قاعىلىق اۋدانى شيحىشيۋ اۋىلى راسكام قىستاعىنا كەڭ ارنالى حابارلاسۋ تورابى جەتىپ، تۇتاس شينجياڭداعى اۋىر كەدەي قىستاقتاردىڭ بارىنە كەڭ ارنالى ينتەرنەت جالعانىپ، رايونىمىزداعى اكىمشىلىك قىستاقتاردا كەڭ ارنالى ينتەرنەتتىڭ جالپىلاسۋ مولشەرى %99كە جەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى