تيانشان تورى   ›   جاڭالىقتار   ›   سۋرەتتى حابار

چىن چۋانگو ۇرىمجىدە جوعارى مەكتەپتەردىڭ وقۋ باستاۋ، ساباقتى قالپىنا كەلتىرۋ جانە مەكتەپ اۋلاسىندا ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى

چىن چۋانگو ۇرىمجىدە جوعارى مەكتەپتەردىڭ وقۋ باستاۋ، ساباقتى قالپىنا كەلتىرۋ جانە مەكتەپ اۋلاسىندا ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

ساقتانۋ - تىزگىندەۋ شارالارىن دالمە - ءدال تياناقتاندىرىپ، وقۋ باستاۋدى، ساباقتى قالپىنا كەلتىرۋدى دەن قويا ۇيىمداستىرىپ، ءار ۇلت وقىتۋشى - وقۋشىلارىنىڭ سالاماتتىعىنا، وقىتۋ ءتارتىبىنىڭ قالىپتىلىعىنا شىنايى كەپىلدىك ەتۋ كەرەك

  4 - ايدىڭ 8 - كۇنى اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە العاشقى توپتا وقۋ باستاپ، ساباقتى قالپىنا كەلتىرگەن جوعارى مەكتەپتەردىڭ جانە مەكتەپ اۋلاسىنىڭ ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى. سۋرەتتە: چىن چۋانگو ءۇرىمجى كاسىپتىك داشۋەسى ماركسيزم شۋەيۋانىنىڭ عىلمي بايانداما جاساۋ زالىندا ءار ۇلت وقىتۋشى - وقۋشىلارمەن ىقىلاسپەن اڭگىمەلەسىپ، وقىتۋشى - وقۋشىلاردىڭ مەكتەپكە قايتا ورالۋى، ساقتانۋ - تىزگىندەۋ شارالارى، ۇيرەنۋ، تۇرمىس سياقتى جاعدايلارىن ەگجەي - تەگجەيلى ۇعىسۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 4 - ايدىڭ 8 - كۇنى ۇرىمجىدەن حابارلايدى. 4 - ايدىڭ 8 - كۇنى شينجياڭ رايونىنا قاراستى جوعارى مەكتەپتەر توپقا ءبولىپ، ءبىر مەزگىلگە شوعىرلانباي ىركەس - تىركەس وقۋ باستادى. تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە العاشقى توپتا وقۋ باستاپ، ساباقتى قالپىنا كەلتىرگەن جوعارى مەكتەپتەردىڭ جانە مەكتەپ اۋلاسىنىڭ ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، ويداعىداي ىستەۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، باستان - اياق ساق بولىپ، ىندەتتەن ساقتانۋ - تىزگىندەۋدى يگەرىپ، وقۋ باستاۋدى، ساباقتى قالپىنا كەلتىرۋدى دالمە - ءدال، دەن قويا، ويداعىداي ىستەپ، ءار ۇلت وقىتۋشى - وقۋشىلارىنىڭ سالاماتتىعىنا، وقۋ - وقىتۋدىڭ ءتارتىپتى جۇرگىزىلۋىنە شىنايى كەپىلدىك ەتۋ كەرەك.

  چىن چۋانگو ءۇرىمجى كاسىپتىك داشۋەسىنە كەلىپ، بەينەەكران جۇيەسى ارقىلى ساباقحانا، جاتاقحانا، تاجىريبەحانا سياقتى وقىتۋ، تۇرمىس اۋماقتارىن كوزدەن كەشىردى؛ باستاۋىش مەكتەپ وقىتۋشىلارىن دايىنداۋ قوعامدىق ءپان كلاسىندا، ماركسيزم شۋەيۋانى عىلمي بايانداما جاساۋ زالىندا ءار ۇلت وقىتۋشى - وقۋشىلارىمەن ىقىلاستى اڭگىمەلەسىپ، وقىتۋشى - وقۋشىلاردىڭ مەكتەپكە ورالۋى، ساقتانۋ - تىزگىندەۋ شارالارى، ۇيرەنۋ، تۇرمىس سياقتى جاعدايلاردى ەگجەي - تەگجەيلى ۇعىسىپ، ءار ۇلت وقۋشىلارىن ءوزىن - ءوزى ويداعىداي قورعاۋ، سالاماتتىققا، حاۋىپسىزدىككە كەپىلدىك ەتۋ جۇمىسىن جاقسى ىستەۋ العى شارتىندا، ۋاقىتتى مىقتى يگەرىپ، ۇيرەنۋدى كۇشەيتۋگە، قابىلەتتەرىن جوعارىلاتۋعا شابىتتاندىردى. ول بىلاي دەپ اتاپ كورسەتتى: ءاربىر وقىتۋشى - وقۋشىنىڭ دەنساۋلىق احۋالىن دالمە - ءدال يگەرىپ، ”ءبىر ادامعا ءبىر شارا“ قولدانۋ بويىنشا وقىتۋشى - وقۋشىلاردى شينجياڭعا، مەكتەپكە توپقا ءبولىنىپ، قاۋىرت مەزگىلگە شوعىرلانباي ورالۋعا ۇيىمداستىرىپ، مەكتەپكە قايتقان وقىتۋشى - وقۋشىلارعا اۆتوكولىك جىبەرۋ، ۆوكزالدان توسىپ الىپ كەلۋ، دەنساۋلىق جاعدايلارىن باقىلاۋ سياقتى شارالاردى تىڭعىلىقتى تياناقتاندىرۋ كەرەك.

  شينجياڭ مەديتسينا داشۋەسىندە، چىن چۋانگو كلينيكا، اۋىز قۋىسى شيپاگەرلىگى نەگىزگى ساباعى مەن اماليات ساباعى وقىتۋ زالىندا ءار ۇلت وقۋشىلارىنىڭ ۇيرەنۋ، تۇرمىس جاعدايىن ىشكەرىلەي ۇعىستى؛ اسحاناعا كىرىپ، اۋاشا تاماقتانۋ، ازىق - تۇلىك حاۋىپسىزدىگى، ورتانى زارارسىزداندىرۋ سياقتى شارالاردىڭ تياناقتانۋ احۋالىنا جۇمىس باسىندا تەكسەرۋ - زەرتتەۋ جۇرگىزدى. ول بىلاي دەپ اتاپ كورسەتتى: ساقتانۋ - تىزگىندەۋ جاۋاپكەرشىلىگىن كلاس مەڭگەرۋشىلەرى، جەتەكشىلەر، وقىتۋشى - قىزمەتكەرلەر سياقتى ”نەرۆ ۇشىنا“ دەيىن ەگجەي - تەگجەيلى ءبولىپ تياناقتاندىرىپ، ءار بۋىنداعى قىزمەت وتەۋ، باسقارۋ قىزمەتىن دالمە - ءدال، دەن قويا، ويداعىداي ىستەپ، وقۋشىلاردىڭ ءوزىن ويداعىداي قورعاۋىنا عىلمي جەتەكشىلىك ەتىپ، ولاردىڭ ۇيرەنۋدە، تۇرمىستا الاڭسىز، كوڭىلدى بولۋىنا شىنايى كەپىلدىك ەتۋ كەرەك.

  چىن چۋانگو تەكسەرۋ - زەرتتەۋ بارىسىندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وقۋشىلارعا، اتا - انالارعا، قوعامعا وسكەلەڭ جاۋاپتى بولۋ پوزيتسياسىمەن، ىندەتتەن ساقتانۋ - تىزگىندەۋ جانە وقۋ باستاۋ، ساباقتى قالپىنا كەلتىرۋ قىزمەتتەرىن باتىل تۇردە ەگجەي - تەگجەيلى، ناقتى، ويداعىداي يگەرىپ، حاۋىپسىز، ءتارتىپتى، بۇكىلدەي اعاتسىز بولۋعا شىنايى كەپىلدىك ەتۋ كەرەك. ساقتانۋ - تىزگىندەۋ شارالارىن كۇشەيتىپ، سالاۋاتىن تەكسەرۋ، دەنە تەمپەراتۋراسىن ولشەۋ، ماسكى تارتۋ سياقتى شارالاردى قاتاڭ تياناقتاندىرىپ، ساباقحانا، جاتاقحانا، اسحانا، كىتاپحانا سياقتى ورىنداردا اۋا الماستىرۋدى، زارارسىزداندىرۋدى، تازالاپ كىرشىكسىزدەندىرۋدى كۇشەيتىپ، ىندەتتىڭ سىرتتان كىرۋىنەن، توپتاسۋدان پايدا بولۋىنان باتىل ساقتانۋ كەرەك. مەكتەپ اۋلاسىن باسقارۋدى كۇشەيتىپ، رايون، اۋماق بويىنشا شاعىن باسقارۋ توركوزىن قۇرىپ، وقۋشىلاردى اۋاشا ۋاقىتتا ساباق وقۋعا، جاتاققا ۇيلەسىمدى جايعاسۋعا، بولەك - بولەك تاماقتانۋعا دەن قويا ورنالاستىرىپ، ساباقتان تىس ۋاقىتىن عىلمي جايعاستىرىپ، توپىرلاپ ۇيمەلەۋدەن ساقتانۋ؛ ۇگىت - تاربيەنى جانە وتباسى مەن مەكتەپتىڭ بايلانىسىن كۇشەيتىپ، وقۋشىلاردىڭ باسقارۋعا ىرىقتى تۇردە بويسۇنۋىنا، ساقتانۋ تانىمىن كۇشەيتۋىنە جەتەكشىلىك ەتۋ كەرەك. زاتتىق ماتەريالدارمەن قامتاماسىز ەتۋدى كۇشەيتىپ، ماسكى، تەمپەراتۋرا ولشەگىش، زارارسىزداندىرۋ سۋى سياقتى ىندەتتەن ساقتانۋ، زارارسىزداندىرۋ - جويۋ بۇيىمدارىمەن تولىق قامداپ، ساقتانۋ - تىزگىندەۋ قاجەتىن ءونىمدى قامتاماسىز ەتۋ كەرەك. تاربيەلەۋدى، وقىتۋدى كۇشەيتىپ، تاربيەلەۋ، وقىتۋ جوباسىن جاقسارتىپ، كەمەلدەندىرىپ، ءتاسىلدى جاڭالاپ، عىلمي ورنالاستىرىپ، مازمۇندى ساپالىلاندىرىپ، جەتەكشىلىكتى كۇشەيتىپ، وقىتۋ ساپاسىنىڭ ءتۇسىپ كەتپەۋىنە شىنايى كەپىلدىك ەتۋ؛ مەكتەپ بىتىرەتىن جىلدىقتاعى وقۋشىلاردىڭ ديسسەرتاتسيا قورعاۋ، عىلمي دارەجە ءوتىنۋ، جۇمىستانۋ، شارۋاشىلىق قۇرۋ سياقتى قىزمەتتەرىن ءبىر تۇتاس جوسپارلاپ، ويداعىداي ىستەپ، جۇمىستانۋعا قىزمەت وتەۋ، جەتەكشىلىك ەتۋ قىزمەتىن قۇلشىنا جاقسى ىستەۋ كەرەك. شۇعىل جاعدايعا توتەپ بەرۋدى، ءبىر جاقتى ەتۋدى كۇشەيتىپ، قىزمەت دايىندىق جوباسىن كەمەلدەندىرىپ، كەزەكشىلىك ىستەۋدى، كۇزەتكە تۇرۋدى ۇدايىلاندىرىپ، مەكتەپ اۋلاسىنداعى حاۋىپسىزدىك كومەسكى كىناراتتارىن جالپى بەتتىك ءبىر - بىرلەپ تەكسەرىپ، مەكتەپ اۋلاسىنداعى ازىق - تۇلىك، ءورت ءسوندىرۋ، ورتتەن ساقتانۋ، تاجىريبەحانا سياقتى ءتۇيىندى بۋىنداردىڭ حاۋىپسىزدىگىن باسقارۋدى كۇشەيتىپ، مەكتەپ اۋلاسىنىڭ حاۋىپسىزدىگىن شىن مانىندە ويداعىداي قورعاۋ كەرەك. جاۋاپكەرشىلىكتى تياناقتاندىرۋدى كۇشەيتۋ كەرەك، جەر - جەر جانە ءارقايسى جوعارى مەكتەپ پارتكومدارى قاراستى جەر جاۋاپكەرشىلىگىن جانە تۇلعالىق جاۋاپكەرشىلىكتى مۇقيات تياناقتاندىرىپ، اركىم ءوز جاۋاپكەرشىلىگىن ءبىلۋ، اركىم ءوز جاۋاپكەرشىلىگىن ادا ەتۋ، اركىم ءوز جاۋاپكەرشىلىگىن ارقالاۋ، پارتكوم شۋجيى ءبىرىنشى جاۋاپتى ادام جاۋاپكەرشىلىگىن قاتاڭ تياناقتاندىرىپ، ءوزى كۇش شىعارىپ، ءوزى ات سالىسىپ، ءوزى يگەرۋ؛ وقۋ - اعارتۋ اكىمشىلىك تاراۋلارى ءبىر تۇتاس جوبالاپ، باسشىلىقتى كۇشەيتۋ؛ قاتىستى تاراۋلار ءوز مىندەتتەرىن ادا ەتىپ، سايكەسە بىرلەسىپ قيمىل جۇرگىزۋ؛ جوعارى مەكتەپتەردەگى پارتيالى كادرلار شىنايى يگەرىپ، ناقتى ىستەپ، ناقتى، ەگجەي - تەگجەيلى تياناقتاندىرىپ، وقۋ باستاۋ، ساباقتى قالپىنا كەلتىرۋ جانە ىندەتتەن ساقتانۋ، تىزگىندەۋ قىزمەتىن ءبىر تۇتاس جوسپارلاپ، ويداعىداي ىستەۋدىڭ قۋاتتى بىرىككەن كۇشىن شىنايى ۇيىستىرۋ كەرەك.

  اۆتونوميالى رايون باسشىلارىنان شۇي حايرۇڭ، رىن حۋا قاتارلىلار تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.