تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

ەل ءىشى - سىرتىنداعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق اينالىم جاعدايىنا تالداۋ جاسادى ىندەتتەن ساقتانۋ - تىزگىندەۋدىڭ ۇدايىلانعان شارالارىن تياناقتاندىرۋدى، جۇمىستى، ءوندىرىستى قالپىنا كەلتىرۋ قىزمەتىن جالپى بەتتىك ىلگەرىلەتۋدى اقىلداسىپ ورنالاستىردى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 4 - ايدىڭ 8 - كۇنى ءماجىلىس اشىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جانە بۇكىل ەلدەگى جۇمىستى، ءوندىرىستى قالپىنا كەلتىرۋ جاعدايى جونىندەگى تەكسەرۋ - زەرتتەۋ مالىمەتىن تىڭدادى، ەل ءىشى - سىرتىنداعى ىندەتتەن ساقتانۋ - تىزگىندەۋ جانە ەكونوميكالىق اينالىم جاعدايىنا تالداۋ جاسادى، ىندەتتەن ساقتانۋ - تىزگىندەۋدىڭ ۇدايىلانعان شارالارىن تياناقتاندىرۋدى، جۇمىستى، ءوندىرىستى قالپىنا كەلتىرۋ قىزمەتىن جالپى بەتتىك ىلگەرىلەتۋدى اقىلداسىپ ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: قازىر ەلىمىزدە ىندەتتەن ساقتانۋ - تىزگىندەۋدىڭ كەزەڭدىك ناتيجەلەرى ىشكەرىلەي بەكەمدەلىپ، جۇمىستى، ءوندىرىستى قالپىنا كەلتىرۋدە ماڭىزدى ىلگەرىلەۋشىلىككە قول جەتتى، ەكونوميكالىق، قوعامدىق اينالىم ءتارتىبى جەدەل قالپىنا كەلدى. سونىمەن بىرگە، حالىقارادا ىندەتتىڭ ۇزدىكسىز ورشۋىمەن، دۇنيە ءجۇزى ەكونوميكاسىنىڭ باسەڭدەۋ قاتەرى كۇشەيىپ، ورنىقسىزدىق، تۇراقسىزدىق فاكتورلار كورنەكتى ارتتى. ەلىمىزدىڭ ىندەتتىڭ سىرتتان كىرۋىنەن ساقتانۋ قىسىمى ۇزدىكسىز ارتىپ، جۇمىستى، ءوندىرىستى قالپىنا كەلتىرۋ جانە ەكونوميكالىق، قوعامدىق دامۋ جاڭا قيىنشىلىقتار مەن سىن - سايىستارعا ءدوپ كەلدى. حالىقاراداعى ىندەت پەن دۇنيە ءجۇزى ەكونوميكاسىنىڭ قاتاڭ دا كۇردەلى جاعدايى الدىندا، ءبىز تومەنگى شەكتە ويلاۋعا تاباندى بولىپ، ءبىرشاما ۇزاق ۋاقىت بويى سىرتقى ورتانىڭ وزگەرىسىنە توتەپ بەرۋدىڭ يدەيالىق دايىندىعىن جانە قىزمەت دايىندىعىن جاقسى ىستەۋىمىز كەرەك. ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ سىندى ساقتانۋ - تىزگىندەۋ قىزمەتىن استە بوساڭسىتپاي، ەكونوميكالىق، قوعامدىق دامۋ قىزمەتىندە تەبىندى ارتتىرۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ءوندىرىس، تۇرمىس ءتارتىبىنىڭ جالپى بەتتىك قالپىنا كەلۋىن جەدەل ىلگەرىلەتۋگە تاباندى بولىپ، جۇمىستى، ءوندىرىستى قالپىنا كەلتىرۋدە ءدوپ كەلگەن قيىنشىلىقتار مەن ماسەلەلەردى مىقتاپ يگەرىپ شەشىپ، ىندەت تۋدىرعان زياندى ەڭ تومەنگى شەككە تۇسىرۋگە كۇش سالىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋدىڭ نىسانا - مىندەتتەرىن جۇزەگە اسىرۋعا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: حالىقاراداعى، ەل ىشىندەگى ىندەت جاعدايىنىڭ وزگەرىسىنە ءجىتى نازار اۋدارىپ، سىرتتان كىرۋدەن ساقتانۋدى، ىشتە قايتا بەلەڭ بەرۋدەن ساقتانۋدى جان - جاقتى تياناقتاندىرىپ، اناعۇرلىم باعىتتامالىلىققا جانە ناقتى ونىمدىلىككە يە ساقتانۋ - تىزگىندەۋ شارالارىن دەر كەزىندە قولدانىپ، ساقتانۋ - تىزگىندەۋ قىزمەتىن ۇزدىكسىز مىقتى، شىنايى، ەگجەي - تەگجەيلى يگەرۋ كەرەك. ءتۇيىندى وڭىرلەردەگى ىندەتتەن ساقتانۋ - تىزگىندەۋ ناتيجەلەرىن بەكەمدەۋ كەرەك. حۋبەي ولكەسى مەن ۋحان قالاسى ۇزدىكسىز تۇردە كۇشتى شوعىرلاندىرىپ، سالماقتى ناۋقاستاردى عىلمي، دالمە - ءدال قۇتقارۋ - ەمدەۋدى جاقسى ىستەپ، شيپاحانادان شىققان ناۋقاستاردىڭ جاعدايىن ۇعىسۋ جانە قايتا تەكسەرۋ قىزمەتىن دەر كەزىندە ويداعىداي ىستەۋ كەرەك. الەۋمەتتىك اۋماقتاردىڭ باسقارۋ - تىزگىندەۋ شارالارىن جاقسارتىپ، الەۋمەتتىك اۋماق ساقتانۋ - تىزگىندەۋ حاۋىپسىزدىك قالتقىسىن بەكەمدەۋ كەرەك. جەر - جەر، اسىرەسە، حۋبەيدىڭ اينالاسىنداعى ولكەلەر ينفورماتسيالىق بايلانىستى، ينفورماتسيادان ورتاق پايدالانۋدى جانە ساقتانۋ - تىزگىندەۋ شارالارىن سايكەستىرۋدى كۇشەيتىپ، ادامداردى باسقارۋ - مەڭگەرۋ، سالاماتتىق كودىن ءوزارا مويىنداۋ سياقتى جاقتاردا ساياساتتىڭ بىرلىگىن، ولشەمنىڭ ءبىرىڭعايلىعىن جۇزەگە اسىرۋ كەرەك. استاناداعى ىندەتتەن ساقتانۋ - تىزگىندەۋ قىزمەتىن ۇزدىكسىز جاقسى يگەرۋ كەرەك. جەر - جەر اۋرۋ بەلگىسى جوق جۇعىمدالۋشىلاردان دالمە - ءدال ساقتانۋ - تىزگىندەۋدى جاقسى يگەرىپ، ىندەتتەن ساقتانۋ - تىزگىندەۋ تورىن اناعۇرلىم تىعىز، اناعۇرلىم بەرىك توقىپ، ىندەتتىڭ قايتالانۋىن تۋدىرۋ مۇمكىندىگى بار بارلىق ساڭلاۋلاردى بىتەۋ كەرەك.

  ءماجىلىس مىنالاردى تالاپ ەتتى: قۇرلىق، تەڭىز شەكارا وتكەلدەرىندەگى ىندەتتەن ساقتانۋ - تىزگىندەۋدى كۇشەيتىپ، سىرتتان كىرۋدەن ساقتانۋداعى ءالسىز بۋىنداردى جەدەل تولىقتاۋ كەرەك. شەكارالىق قالالارداعى ىندەتتەن ساقتانۋ - تىزگىندەۋ قىزمەتكەرلەرى جانە زاتتىق ماتەريالدار قامتاماسىزدىعى تەبىنىن ارتتىرىپ، دەنساۋلىق ساقتاۋ كارانتينى، ىندەتتەن ساقتانۋ زاتتىق ماتەريالدارى، ەمدەۋ - قورعاۋ كۇشتەرى، اۋاشالاۋ شارت - جاعدايى سياقتى جاقتاردا كەزدەسكەن قيىنشىلىقتاردى سايكەستىرىپ جاقسى شەشۋ كەرەك. شەكارادان كىرگەن بارلىق ادامعا تۇگەلدەي 14 كۇن شوعىرلى اۋاشالاۋ جۇرگىزۋ تالابىن قاتاڭ تياناقتاندىرىپ، شەكارا سىرتىنان كىرۋدىڭ جەرگىلىكتى ناۋقاسپەن ساباقتاسۋىن ەڭ جوعارى شەكتە ازايتۋ كەرەك. ىندەتتەن ساقتانۋ - تىزگىندەۋدەگى حالىقارالىق سەلبەستىكتى ىشكەرىلەي ورىستەتىپ، حالىقارالىق ىندەتتەن ساقتانۋ - تىزگىندەۋگە بەلسەندىلىكپەن كۇش قوسۋ كەرەك.

  ءماجىلىس مىنالاردى اتاپ كورسەتتى: قازىر ەلىمىز ەكونوميكالىق دامۋدا ءدوپ كەلگەن قيىنشىلىقتار ۇلعايدى. ءار دارەجەلى پارتكومدار مەن ۇكىمەتتەر كوكەي تەستىلىك سەزىمدى كۇشەيتىپ، ىندەتتەن ساقتانۋ - تىزگىندەۋ شارالارىن جەر جاعدايىنا، ۋاقىتقا قاراي وتىرىپ جاقسارتىپ، كەمەلدەندىرىپ، امالدىڭ بارىنشا جۇمىستى، ءوندىرىستى قالپىنا كەلتىرۋگە ءتيىمدى شارت - جاعداي جاراتىپ، كاسىپ اينالىمىن، بازار اينالىمىن، ەكونوميكالىق، قوعامدىق اينالىمدى ورايدى قولدان بەرمەي ىركىلىسسىزدەندىرۋ كەرەك. جۇمىستى، ءوندىرىستى قالپىنا كەلتىرۋ ساياساتتارىن تياناقتاندىرۋ تەبىنىن ارتتىرىپ، قيىنشىلىعى بار سالالار مەن ورتا، شاعىن، ۇساق كاسىپورىنداردى سۇيەمەلدەۋدى - قولداۋدى كۇشەيتىپ، ەل ءىشى سۇرانىسىن كۇش سالا كەڭەيتىپ، ءتۇرلى ساۋدا سارايلارىنىڭ، بازارلاردىڭ جۇمىستى، بازاردى قالپىنا كەلتىرۋىن تارتىپپەن ىلگەرىلەتىپ، تۇرمىسقا قىزمەت وتەۋ كاسىبىنىڭ قالىپتى تيجاراتىن جەبەپ، تۇرعىنداردىڭ تۇتىنۋىن بەلسەندىلىكپەن كەڭەيتىپ، قارجى قوسۋ نىسانى قۇرىلىستارىن جەدەل ىلگەرىلەتىپ، قامداۋ مەن قاجەتسىنۋدىڭ تاماشا ىقپالداستىعىن قالىپتاستىرۋ كەرەك.

  ءماجىلىس مىنالاردى تالاپ ەتتى: حالىق تۇرمىسىن قامتاماسىز ەتۋ جانە جاقسارتۋ قىزمەتىن كۇشەيتۋ كەرەك. ەلىمىز اۋىل شارۋاشىلىعىندا جىل سايىن مول ءونىم الدى، استىق قورى جەتكىلىكتى، استىقپەن جانە ماڭىزدى اۋىل شارۋاشىلىق ونىمدەرىمەن قامداۋعا كەپىلدىك ەتۋگە قارىمى قاپتال جەتەدى. كوكتەمگى اۋىل شارۋاشىلىق ءوندىرىسىن جاقسى يگەرىپ، استىق بازارىنداعى باعانى قاداعالاۋ مەن باقىلاۋ - باسقارۋدى كۇشەيتىپ، شوشقا ەتى، جەمىس - كوكونىس سياقتى قوسىمشا ازىق - تۇلىك ءوندىرىسىنىڭ اينالىمىن ۇيىمداستىرۋدى ۇزدىكسىز جاقسى ىستەپ، بازارداعى قامداۋ مەن باعانىڭ نەگىزىنەن تۇراقتى بولۋىنا كەپىلدىك ەتۋ كەرەك. قيىنشىلىعى بار بۇقارانىڭ نەگىزگى تۇرمىس قامتاماسىزدىعىن كۇشەيتىپ، قالا - اۋىلدارداعى ەڭ تومەنگى تۇرمىستى قامتاماسىزداندىرۋ، قامقورلىق قاراجاتى، جاردەماقى سياقتى قامتاماسىزداندىرۋ ولشەمىن لايىقتى جوعارىلاتىپ، ىندەت سەبەبىنەن جانە اۋرۋ سەبەبىنەن قيىنشىلىقتا قالعان ادامداردى قۇتقارۋ - كومەكتەسۋ كولەمىنە كىرگىزىپ، ىندەتتىڭ ىقپالى اۋىر بولعان وڭىرلەردە ۋاقىتتىق تۇرمىستىق جاردەماقى تاراتىپ، قاتىستى باعا قوسىمشا قاراجاتى بىرلەسكەن ارەكەت مەحانيزمىن دەر كەزىندە ىسكە قوسۋ كەرەك. جۇمىسسىزدىق قامسىزداندىرۋىنىڭ قامتۋ اۋماعىن كەڭەيتىپ، جۇمىسسىز قالعان ادامداردىڭ نەگىزگى تۇرمىسىن اناعۇرلىم ويداعىداي قامتاماسىز ەتۋ كەرەك.

  ءماجىلىس مىنالاردى باسا دارىپتەدى: حاۋىپسىزدىك قاتەرىنەن ساقتانۋ قىزمەتتەرىن ناقتى يگەرۋ كەرەك. ءومىر بارىنەن قىمبات، حاۋىپسىزدىك ءبىرىنشى ورىندا. وڭىرلەر، تاراۋلار حاۋىپسىز وندىرىستەگى تۇلعالىق جاۋاپكەرشىلىگىن ناقتىلاندىرىپ، حاۋىپسىز ءوندىرىس جانە ورمان، جايلىم ورتىنەن ساقتانۋ، تاسقىننان ساقتانۋ، قۋاڭشىلىققا قارسى اتتانۋ سياقتى اپاتتان ساقتانۋ، اپات زيانىن ازايتۋ قىزمەتىن جالپى بەتتىك جاقسى ىستەۋ كەرەك. ءتۇرلى حاۋىپسىزدىك كومەسكى قاتەرلەرىن ىشكەرىلەي اداقتاپ تەكسەرىپ، ءتۇرلى شۇعىل جاعدايعا توتەپ بەرۋ دايىندىق جوبالارىن كەمەلدەندىرىپ، شۇعىل جاعدايعا توتەپ بەرۋ، ءبىر جاقتى ەتۋ قابىلەتىن جوعارىلاتىپ، حالىق بۇقاراسىنىڭ ءومىرى مەن مال - مۇلكىنىڭ اماندىعىنا شىنايى كەپىلدىك ەتۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.