شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 8 - كۇنى كەشتە وڭتۇستىك افريكانىڭ زۇڭتۇڭى رامافوسامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگودا جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، وڭتۇستىك افريكا ۇكىمەتى مەن قوعامىنىڭ ءار سالاسى الۋان ءتۇرلى فورمالارمەن جۇڭگو جاقتان حال سۇرايتىندىعىن جانە قولداۋ كورسەتەتىندىگىن ءبىلدىردى. ”جولداس ۇستىنە باۋىرلاس بولۋ“ − ەكى ەلدىڭ، ەكى پارتيانىڭ ەرەكشە دوستىق قارىم - قاتىناسىنىڭ بەلگىسى. جۇڭگو جاق وڭتۇستىك افريكانىڭ ىندەتكە قارسى اتتانۋداعى قۇلشىنىسىن تاباندىلىقپەن قولدايدى، وڭتۇستىك افريكانىڭ قاجەتىنە قاراي قولىنان كەلگەنىنشە ۇزدىكسىز كومەك كورسەتىپ، ساقتانۋ - تىزگىندەۋ تاجىريبەلەرىن وڭتۇستىك افريكامەن ورتاقتاسىپ، ەمدەۋ - دەنساۋلىق ساقتاۋ سالاسىنداعى سەلبەستىكتى كۇشەيتۋدى قالايدى. زۇڭتۇڭ مىرزانىڭ باسشىلىعىندا، وڭتۇستىك افريكا ۇكىمەتىنىڭ ءبىر قىدىرۋ توتەپ بەرۋ شاراسىن قولدانۋىنىڭ بەلسەندى ونىمدىلىككە قول جەتكىزەتىندىگىنە سەنەمىن. ءبىز جۇڭگونىڭ وڭتۇستىك افريكاداعى چياۋمين باۋىرلاستارىن وڭتۇستىك افريكانىڭ ىندەتكە قارسى اتتانۋ ارەكەتىن بەلسەنە قولداۋعا، وعان سايكەسۋگە ىنتالاندىرامىز، وڭتۇستىك افريكا ۇكىمەتىنىڭ ولاردىڭ ءومىرىنىڭ حاۋىپسىزدىگى مەن دەنساۋلىعىنا، سونداي - اق زاڭدى ۇقىق - مۇددەسىنە ايرىقشا ءمان بەرۋىن ءارى ويداعىداي قورعاۋىن ءۇمىت ەتەمىن. جۇڭگو جاق وڭتۇستىك افريكامەن ساياسي ءوزارا سەنىمدىلىكتى نىعايتىپ، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءوزارا ءتۇسىنىسىپ، ءوزارا قولداۋ كورسەتىپ، ەكى جاقتى سەلبەستىكتىڭ بەلسەندى ىلگەرىلەۋشىلىككە قول جەتكىزۋىن جەبەپ، بريكس ەلدەرى، 20 ەل توبى سياقتى جۇلگەلەردەگى سەلبەستىكتى كۇشەيتۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن افريكا قيىن - قىستاۋ كەزدەردى بىرگە وتكەرگەن جاقسى باۋىرلاستار. جۇڭگو جاق افريكاداعى ىندەت جاعدايىنا قاداعالاي نازار اۋدارىپ، افريكا وداعىنا جانە ديپلوماتيالىق قارىم - قاتىناس ورناتقان افريكا ەلدەرىنىڭ بارىنە توپقا ءبولىپ ىندەتكە قارسى اتتانۋ زاتتىق ماتەريالدارىن كومەككە بەردى، ەكى جاقتىڭ ماماندارى تالاي رەت بەينەەكراندا پىكىرلەستى، كوپتەگەن جۇڭگو كاسىپورىندارى، جەرگىلىكتى ورىندار، حالىقتىق قۇرىلىمدار دا ىندەتكە قارسى اتتانۋ زاتتىق ماتەريالدارىن بەلسەنە ۇسىنىپ، قولداۋ كورسەتتى. جۇڭگو جاق افريكا ەلدەرىنە ۇزدىكسىز قولداۋ كورسەتىپ، افريكا اۋرۋدى تىزگىندەۋ ورتالىعىنىڭ قۇرىلىسىن ىلگەرىلەتۋدى جەدەلدەتىپ، جۇڭگو مەن افريكانىڭ الەۋمەتتىك دەنساۋلىق ساقتاۋ جانە اۋرۋدان ساقتانۋ - تىزگىندەۋ سەلبەستىگىن كۇشەيتىپ، افريكانىڭ ىندەتتەن ساقتانۋ - تىزگىندەۋ قابىلەتىن ءوسىرۋىن دەمەۋدى قالايدى. حالىقارالىق قوعام ادامزاتتىڭ تاعدىرلاس ورتاق تۇلعاسى ۇستانىمىن بەرىك ۇستانىپ، ىنتىماقتى، سايكەستىكتى، سەلبەستىكتى كۇشەيتىپ، ىندەتتىڭ تارالۋىن باتىل تىزگىندەپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋ كەرەك. جۇڭگو جاق وڭتۇستىك افريكامەن بىرگە 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەل باسىلارى ەرەكشە كەڭەسىنىڭ قاتىستى تابىستارىن ويداعىداي تياناقتاندىرىپ، ىندەتتەن ساقتانۋ - تىزگىندەۋ حالىقارالىق سەلبەستىگىن بىرگە ىلگەرىلەتىپ، افريكانىڭ جانە الەمنىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋدى قالايدى.
رامافوسا مىنالاردى ءبىلدىردى: جۇڭگو جاق باتىل دا پارمەندى شارا قولدانىپ، ىندەتتى تىزگىندەپ، وزگە ەلدەرگە ونەگە بولدى، پايدالى ۇلگى ۇسىندى. جۇڭگو جاقتىڭ ۇزاق ۋاقىتتان بەرى وڭتۇستىك افريكاعا جانە افريكاعا ءتۇرلى قولداۋ كورسەتكەندىگىنە، اسىرەسە، كەزەكتەگى قيىن - قىستاۋ كەزەڭدە وڭتۇستىك افريكا مەن افريكا ەلدەرىنىڭ ىندەتكە قارسى اتتانۋى ءۇشىن قىمباتتى كومەك كورسەتكەندىگىنە العىس ايتامىن، بۇل وڭتۇستىك افريكا جانە افريكا ەلدەرى جونىنەن ايرىقشا ماڭىزدى، ءبىزدىڭ ىندەتتى جەڭۋ سەنىمىمىزدى نىعايتتى. مەن سىزبەن بىرگە قۇلشىنىس جاساپ، 20 ەل توبى ەل باسىلارى ەرەكشە كەڭەسىندەگى ورتاق تانىمدى تياناقتاندىرىپ، الەمنىڭ ىنتىماقتى، سەلبەستىكتى كۇشەيتۋىن ىلگەرىلەتۋدى قالايمىن. وڭتۇستىك افريكا جۇڭگو جاقتىڭ وزەكتى مۇددەسىنە ساياتىن ماسەلەلەردە جۇڭگو جاقتى ۇزدىكسىز قولدايدى، وڭتۇستىك افريكا - جۇڭگو جانە افريكا - جۇڭگو قارىم - قاتىناسىنىڭ دامۋىن تاباندىلىقپەن ىلگەرىلەتەدى.
شينحۋا اگەنتتىگىنىڭ 4 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 8 - كۇنى كەشتە تۇركيانىڭ زۇڭتۇڭى ەردوعانمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: كەزەكتە جاڭا تيپتى ايدارشا ۆيرۋس وكپە قابىنۋ ىندەتى الەمگە تارالىپ، تۇركيا دا قاتاڭ سىنعا ءدوپ كەلدى، مەن جۇڭگو ۇكىمەتى مەن جۇڭگو حالقى اتىنان تۇركيا ۇكىمەتىنەن جانە تۇركيا حالقىنان شىنايى حال سۇرايتىندىعىمدى جانە تاباندى قولداۋ كورسەتەتىندىگىمدى بىلدىرەمىن. توتەنشە ماشاقاتتى قۇلشىنىس ارقىلى جۇڭگو حالقى ەڭ قيىن كەزەڭنەن ەندى عانا ءوتىپ، ءوندىرىس، تۇرمىس ءتارتىبىن جەدەل قالپىنا كەلتىرۋدە. ءبىز ەمدەۋ، ىندەتتەن ساقتانۋ زاتتىق ماتەريالدارىن ءوندىرۋ قابىلەتىن وسىرۋگە باسا ءمان بەرىپ، الەمنىڭ ىندەتكە قارسى اتتانۋىن مۇمكىندىكتىڭ بارىنشا زاتتىق ماتەريالدارمەن قامتاماسىز ەتۋگە قۇلشىنامىز. جۇڭگو جاق تۇركيا جاققا ءبىر توپ ىندەتكە قارسى تۇرۋ زاتتىق ماتەريالدارىن كومەككە بەردى ءارى ەكى ەلدىڭ ەمدەۋ - دەنساۋلىق ساقتاۋ ماماندارىن بەينەەكراندا پىكىرلەسۋگە ورنالاستىرىپ، ىندەتكە قارسى اتتانۋ تاجىريبەلەرىن ورتاقتاستى. جۇڭگو جاق تۇركيا جاقتىڭ قاجەتىنە قاراي، تۇركيا جاقتىڭ ىندەتكە قارسى اتتانۋىنا كومەك كورسەتۋدى ءارى تۇركيا جاقتىڭ جۇڭگودان ەمدەۋ زاتتىق ماتەريالدارىن ساتىپ الۋىنا سايكەسۋدى جانە وعان قولايلىلىق تۋدىرۋدى قالايدى. زۇڭتۇڭ مىرزانىڭ باسشىلىعىندا، تۇركيانىڭ ىندەتتى، ءسوز جوق، جەڭەتىندىگىنە سەنەمىن.
شي جينپيڭ بىلاي دەپ باسا دارىپتەدى: ۆيرۋستا مەملەكەت شەكاراسى بولمايدى، ناسىلگە بولمەيدى، حالىقارالىق قوعام بىرىككەن كۇش قالىپتاستىرعاندا عانا، شايقاستا جەڭىسكە جەتە الادى. جۇڭگو - تۇركيا ەكى جاق تىعىز سەلبەسىپ، سايكەستىكتى كۇشەيتىپ، 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەل باسىلارى ەرەكشە كەڭەسىندەگى ورتاق تانىمىن تياناقتاندىرىپ، حالىقارالىق ىندەتكە قارسى اتتانۋ سەلبەستىگىنە بىرگە كۇش ۇستەۋ كەرەك. ەكى ەل قول ۇستاسا قۇلشىنىپ، ساياسي ءوزارا سەنىمدىلىكتى نىعايتۋ، اسىرەسە، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءوزارا ءتۇسىنىسىپ، ءوزارا قولداۋ كورسەتىپ، دامۋ ستراتەگياسىن ۇشتاستىرۋدى كۇشەيتىپ، ءتۇرلى سالاداعى ناقتى ىستەر سەلبەستىگىن تەرەڭدەتىپ، ەكى جاقتى قارىم - قاتىناستىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك.
ەردوعان مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ادامزات ءدوپ كەلىپ وتىرعان ورتاق شايقاس. جۇڭگو حالقى ەرلىكپەن قۇلشىنىس جاساپ، ىندەتتى جەڭىپ، دۇنيە جۇزىنە ونەگە كورسەتتى. جۇڭگو بار كۇشىمەن دۇنيە ءجۇزى ءۇشىن ەمدەۋ، ىندەتكە قارسى اتتانۋ زاتتىق ماتەريالدارىن ءوندىرىپ جانە ونىمەن قامداپ، دۇنيە ءجۇزىن ايرىقشا شابىتتاندىردى. تۇركيا - جۇڭگو ەكى ەل حالقى ءبىر - ءبىرىن قولدايدى، ءوزارا دوستىعىنىڭ تاريحى ۇزاق ءارى بەرىك. جۇڭگو جاقتىڭ تۇركيا جاقتىڭ ىندەتكە قارسى اتتانۋىن قولداعاندىعىنا ءارى تۇركيا جاقتىڭ جۇڭگودان ەمدەۋ زاتتىق ماتەريالدارىن ساتىپ الۋىنا قولايلىلىق جاساعاندىعىنا العىس ايتامىن. تۇركيا جاق جۇڭگو جاقپەن ساۋدا، فينانس، اۆياتسيا قاتارلى سالالارداعى ناقتى ىستەر سەلبەستىگىن كۇشەيتۋدى ءۇمىت ەتەدى. ىندەت اياقتاعاننان كەيىن، جۇڭگونىڭ اناعۇرلىم گۇلدەنۋىن، حالىقتىڭ اناعۇرلىم باقىتتى بولۋىن تىلەيمىن.
