669 مىڭنان استام بۇقاراعا (رەت) قىزمەت ەتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 4 - ايدىڭ 9 - كۇنى ۇرىمجىدەن حابارلايدى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى ورىستەتىلگەننەن بەرى، رايونىمىز ”شيپاگەر + سەسترا + ەمدەۋ قامسىزداندىرۋ قىزمەتكەرلەرى“ ۇلگىسىن قولدانىپ، جيىنى 1368 جىلجىمالى ەمدەۋ اترەتىن قۇرىپ، ىرىقتى تۇردە وتباسىلارىنا بارىپ ەمدەپ، ءدارى - دارمەك، ەمدەۋ قامسىزداندىرۋىن جەتكىزىپ، جيىنى 669 مىڭنان استام بۇقاراعا )رەت( قىزمەت وتەدى.
ۇعىسۋعا قاراعاندا، 3 - ايدىڭ 3 - كۇنىنەن بەرى، اۆتونوميالى رايوندىق پارتكوم مەن ۇكىمەت حالىق تۇرمىسىن قامتاماسىز ەتۋ قىزمەتىنە باسا ءمان بەرىپ، نازاردى بۇقارانىڭ اۋرۋ كورسەتۋ، ەمدەلۋ تىلەگىنە شوعىرلاندىرىپ، بۇكىل رايونىمىزداعى 2 - دارەجەلى جانە 2 - دارەجەلىدەن جوعارى شيپاحانالاردى ەمدەۋ قامسىزداندىرۋدى ءبىتىرۋشى قىزمەتكەرلەرمەن بىرگە جىلجىمالى ەمدەۋ اترەتىن قۇرۋعا دەرەۋ ۇيىمداستىرىپ، ورنالاستىرىپ، ىندەت كەزىندە بۇقارانىڭ اۋرۋ كورسەتۋى، ەمدەلۋى قيىن بولۋ سياقتى ماسەلەلەردى شەشكەن. ءار دارەجەلى جىلجىمالى ەمدەۋ اترەتتەرى الەۋمەتتىك اۋماقتارعا (اۋىل - قالاشىق) بارىپ، ناۋقاستاردىڭ ۇيلەرىنە بارىپ، ەمدەۋدەن قىزمەت وتەپ، تاماشا ونىمدىلىككە قول جەتكىزگەن.
بۇكىل رايوندا جۇمىستى، ءوندىرىستى قالپىنا كەلتىرۋ مەن تۇرمىس ءتارتىبىنىڭ ۇزدىكسىز قالپىنا كەلۋىنە ىلەسە، بۇقارانىڭ اۋرۋ كورسەتۋى، ەمدەلۋى قيىن بولۋ ماسەلەسى بىرتىندەپ شەشىلە باستادى. اۆتونوميالى رايوندىق پارتكوم مەن ۇكىمەت نازاردى ەرەكشە قيىنشىلىعى بار بۇقاراعا ەمدەۋ قامتاماسىزداندىرۋ قىزمەت وتەۋ قىزمەتىنە اناعۇرلىم شوعىرلاندىردى ءارى جۋىقتا «ەرەكشە قيىنشىلىعى بار بۇقاراعا ەمدەۋ قامتاماسىزداندىرۋى قىزمەت وتەۋىن ويداعىداي ىستەۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىندى) تاراتىپ، اۋداننان جوعارى ءاربىر ۇكىمەت شيپاحانالارى (جۇڭ - ي شيپاحاناسىن قامتيدى) ءبىر جىلجىمالى ەمدەۋ اترەتىن (مامانداندىرىلعان كۇتىمدەۋ اترەتى) ءۇرتىس ساقتاپ، ەمدەۋ قامسىزداندىرۋى تاراۋلارىمەن ۇزدىكسىز بىرلەسىپ، ەمدەۋمەن ەمدەۋ قامسىزداندىرۋىن قوسىپ ءبىتىرۋ قىزمەت وتەۋىن ورىستەتىپ، نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ (الەۋمەتتىك اۋماق دەنساۋلىق ساقتاۋ قىزمەت وتەۋ ورتالىعى، اۋىل - قالاشىق ەمحاناسى) قۋاتى جەتپەيتىن ارناۋلى ماماندىقتان قىزمەت وتەۋىن ءتۇيىندى شەشەدى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەديتسينالىق اكىمشىلىك، مەديتسينالىق باسقارۋ باسقارماسىنىڭ ورىنباسار باستىعى مو لياڭ مىنانى ءبىلدىردى: كەلەر ساتىدا، اۆتونوميالى رايوندىق دەنساۋلىق ساقتاۋ، سالاماتتىق كوميتەتى «حابارلاندىرۋداعى» تالاپتار بويىنشا، ءار دارەجەلى، ءار تۇردەگى ەمدەۋ قۇرىلىمدارىن ەرەكشە قيىنشىلىعى بار بۇقاراعا، اسىرەسە، شۇعىل، قاتەرلى، سالماقتى، ۇلكەن ناۋقاستارعا شۇعىل ەمدەۋ، امبولاتوريادا ەمدەۋ، شيپاحاناعا جاتقىزۋ بويىنشا الدىمەن قىزمەت وتەۋگە ۇيىمداستىرىپ، ناۋقاستارعا نۇسقاۋ جاساۋدان ارناۋلى قىزمەت وتەۋىن ورنالاستىرىپ، ەمدەلۋ، تەكسەرىلۋ، شيپاحاناعا جاتۋ كۇتۋ ۋاقىتىن قىسقارتادى. ۋيچاتتى، ينتەرنەت قىزمەت وتەۋدى قولدانۋدى بىلمەيتىن، ءتىپتى، 120 نى شاقىرۋدى، تەلەفوندا كۇنى بۇرىن كەلىسۋدى بىلمەيتىن قيىنشىلىعى بار ناۋقاستارعا قاراتا، تاعى ەمدەۋ قۇرىلىمدارىنان تىزىمگە الۋدى تالاپ ەتىپ، العاشقى دياگنوز ءبولىمى، نەگىزگى دياگنوز ءبولىمى ىرىقتى تۇردە دەر كەزىندە جاعدايىن ۇعىسۋ بويىنشا قىزمەت وتەيدى. ۇزاق ۋاقىتتىق ءونىمدى مەحانيزم ورناتىپ، ناۋقاستاردىڭ اۋرۋ كورسەتۋ رازىلىق دەڭگەيىن ۇزدىكسىز ارتتىرىپ، جىلجىمالى ەمدەۋ اترەتىن حالىق تۇرمىسىنىڭ تومەنگى شەگىنەن تۇسىرمەيتىن، ەرەكشە قيىنشىلىعى بار بۇقارانىڭ اۋرۋ كورسەتۋىندەگى ”ەڭ سوڭعى 100 مەتر“ ماسەلەسىن شەشەتىن پارمەندى كەپىلگە، شىنىمەن، اينالدىرادى.
ۇعىسۋعا قاراعاندا، قاشقار ايماقتىق 1 - حالىق شيپاحاناسىنىڭ جىلجىمالى ەمدەۋ اترەتى قۇرىلعاننان بەرى، 2800 اۋىر، سالماقتى ناۋقاس، سوزىلمالى ناۋقاس، جاسى ۇلعايعان، ءسابي سياقتى ناۋقاستاردىڭ ۇيلەرىنە بارىپ ەمدەۋدەن قىزمەت وتەگەن ءارى شيپاحاناعا جاتۋعا ءتيىستى ناۋقاستارعا جاسىل ارنا اشقان. وسى شيپاحانانىڭ ەمدەۋ ىستەرى ءبولىمىنىڭ ورىنباسار مەڭگەرۋشىسى تان شينحۋا بىلاي دەدى: ءبىز جىلجىمالى ەمدەۋ اترەتىن باسقارۋدى ۇزدىكسىز كۇشەيتىپ، كۇنى بۇرىن كەلىسۋ جانە جاعدايىن دەر كەزىندە ۇعىسۋ مەحانيزمىن ورناتىپ، ءجۇرىس - تۇرىسى قولايسىز ناۋقاستاردىڭ ۇيلەرىنە جۇرەك سۋرەتتەۋىش، الىپ جۇرۋگە قولايلى B تيپتى ۋلترا تولقىندى تەكسەرۋ اسپابىن اپارىپ قىزمەت وتەيمىز.
