ىندەتتەن ءونىمدى ساقتانۋ - تىزگىندەۋمەن بىرگە، جۇمىستى، ءوندىرىستى قالپىنا كەلتىرۋدى بەلسەندى، ءتارتىپتى ىلگەرىلەتۋ كەرەك
شينحۋا اگەنتتىگىنىڭ 4 - ايدىڭ 9 - كۇنى بەيجيڭنەن بەرگەن حابارى. تاياۋدا ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسى «ىندەتتەن ءونىمدى ساقتانۋ - تىزگىندەۋمەن بىرگە، جۇمىستى، ءوندىرىستى قالپىنا كەلتىرۋدى بەلسەندى، ءتارتىپتى ىلگەرىلەتۋ جونىندەگى جەتەكشى پىكىردى» (تومەندە قىسقاشا «پىكىر» دەلىنەدى) باسىپ تاراتتى.
«پىكىردە» مىنالار اتاپ كورسەتىلدى: وڭىرلەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىنە، ورنالاستىرۋلارىنا ساي، ”سىرتتان كىرۋدەن ساقتانۋ، ىشتە قايتالانۋدان ساقتانۋ“ جالپى تۇلعالىق ساقتانۋ - تىزگىندەۋ تاكتيكاسىن دايەكتىلەندىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ساقتانۋ - تىزگىندەۋدى ۇدايىلاندىرۋ شارت - جاعدايىندا ءوندىرىس، تۇرمىس ءتارتىبىن جىلدام قالپىنا كەلتىرىپ، جۇمىستى، ءوندىرىستى قالپىنا كەلتىرۋدى بەلسەندى، ءتارتىپتى ىلگەرىلەتۋ كەرەك.
«پىكىردە» مىنالار تالاپ ەتىلدى: ءبىرىنشى، جەرگىلىكتى ورىنداردىڭ جانە مەكەمە - ورىنداردىڭ ىندەتتەن ساقتانۋ - تىزگىندەۋ نەگىزگى تۇلعالىق جاۋاپكەرشىلىگىن قاتايتۋ كەرەك. «مەملەكەت بويىنشا تۇرلىشە حاۋىپ - قاتەرلى وڭىرلەردەگى كاسىپورىنداردىڭ، ءىسورىنداردىڭ جۇمىستى، ءوندىرىستى قالپىنا كەلتىرۋ، ىندەتتەن ساقتانۋ - تىزگىندەۋ شاراسى باعدارناماسى» سياقتى تالاپتاردى قاتاڭ تياناقتاندىرىپ، اۋا الماستىرۋدى، زارارسىزداندىرۋدى، سالاماتتىقتى باقىلاۋ - ولشەۋدى جانە كىرۋ - شىعۋدى باسقارۋدى ويداعىداي ىستەپ، قىزمەتكەرلەردىڭ جەكەلىك قورعانۋ تالابىن تياناقتاندىرىپ، ادامداردىڭ توپتاسۋىن جانە كوللەكتيۆ قيمىلداردى مۇمكىندىكتىڭ بارىنشا ازايتۋ كەرەك. ەكىنشى، ۇدايىلانعان ساقتانۋ - تىزگىندەۋ مەن شۇعىل جاعدايدى ءبىر جاقتى ەتۋدى ءوزارا ۇشتاستىرۋ كەرەك. قىزۋ امبولاتورياسى جانە الدىن الا تەكسەرۋ، ءبولىپ دياگنوز قويۋ سياقتى تۇزىمدەردى ساقتاپ قالىپ، ىندەت جاعدايىن شۇعىل ءبىر جاقتى ەتۋ ءتارتىبىن ولشەمدەندىرىپ، ىندەت تۋىلعان زامان شۇعىل جاعدايعا توتەپ بەرۋ دايىندىق جوباسىن دەرەۋ اتقارىپ ءارى دالمە - ءدال باسقارىپ - تىزگىندەپ، ىندەت ينفورماتسياسىن اشىق، جاريا تاراتۋ كەرەك. ءۇشىنشى، ءوندىرىس ءتارتىبىن وڭىرگە، دارەجەگە ءبولىپ قالپىنا كەلتىرۋ كەرەك. حاۋىپ - قاتەرى تومەن وڭىرلەر شۇعىل جاعدايعا توتەپ بەرۋ سيپاتتى اسىرە داعدىلى ساقتانۋ - تىزگىندەۋدەن ۇدايىلانعان ساقتانۋ - تىزگىندەۋگە قاراي بۇرىلىس جاساپ، قالىپتى ءوندىرىس، تۇرمىس تارتىبىمەن سايكەسپەيتىن ساقتانۋ - تىزگىندەۋ شاراسىن دەر كەزىندە كۇشىنەن قالدىرۋ كەرەك، تەكسەرىپ بەكىتۋ، ەستەلىككە الۋ سياقتى تاسىلدەردى قولدانىپ، كاسىپورىنداردىڭ جۇمىستى قالپىنا كەلتىرۋىن كەشىكتىرۋگە بولمايدى. ءتورتىنشى، جالپى كاسىپ سالاسى تىزبەگىنىڭ جۇمىستى، ءوندىرىستى قالپىنا كەلتىرۋىن ىلگەرىلەتۋ كەرەك. كاسىپورىنداردىڭ ادام ىستەتۋ، قارجى، شيكىزاتپەن قامداۋ جانە كەلەلى نىسانداردا جۇمىس باستاۋ، جۇمىستى قالپىنا كەلتىرۋ سياقتى ماسەلەلەرىن دەر كەزىندە كومەكتەسىپ شەشىپ، قامداۋ تىزبەگىندەگى وزەكتى كاسىپورىنداردىڭ جوعارعى - تومەنگى جەلىنى، اسىرەسە، سايكەستى ورتا، شاعىن كاسىپورىنداردىڭ جۇمىستى، ءوندىرىستى قالپىنا كەلتىرۋىن قولداۋ كەرەك. اۋىل شارۋاشىلىعى ءوندىرىسىن جانە ماڭىزدى قوسىمشا ازىق - تۇلىك ونىمدەرى ءوندىرىسىن ورنىقتىرۋدى، قامداۋمەن قامتاماسىز ەتۋدى ويداعىداي يگەرىپ، اۋىل شارۋاشىلىعى ونىمدەرى بازارىنىڭ تيجاراتىن جالپى بەتتىك قالپىنا كەلتىرۋ كەرەك. بەسىنشى، قىزمەت وتەۋ كاسىبىنىڭ جۇمىستى، بازاردى قالپىنا كەلتىرۋىن ىلگەرىلەتۋ كەرەك. حاۋىپ - قاتەرى تومەن وڭىرلەردە تيجاراتشىلار جۇمىستى، بازاردى قالپىنا كەلتىرۋ ۋاقىتىن دەربەس ۇيعارىپ، الدىن الا كەلىسۋ، ءبولۋ، شەكتەۋ سياقتىلار ارقىلى ادامداردىڭ تىعىزدىعىن تىزگىندەۋ كەرەك. بۇكىل مەملەكەتتىك سيپات العان مادەنيەت، دەنە تاربيە قيمىلدارى جانە ولكە اتتاپ، شەكارا اتتاپ ساياحاتتاۋ سياقتىلاردى ۋاقىتشا قالپىنا كەلتىرمەۋ كەرەك. زات اينالىمى، جەدەل جەتكىزۋ كاسىبىنىڭ قاتىستى ساقتانۋ - تىزگىندەۋ شاراسىن كەمەلدەندىرىپ، جەدەل جەتكىزۋشىلەردىڭ الەۋمەتتىك اۋماققا (قىستاققا) كىرىپ زات جەتكىزۋىنە جول قويۋ كەرەك. التىنشى، جولاۋشىلار تاسىمالىن قالپىنا كەلتىرۋدى جانە قىزمەت ورنىنا ورالۋعا قىزمەت وتەۋدى ويداعىداي ىستەۋ كەرەك. حاۋىپ - قاتەرى تومەن وڭىرلەر ارا ادامداردىڭ ءجۇرىس - تۇرىسىنا (شەكارادان كىرگەن ادامداردان سىرت) ەندىگارى كەدەرگى جاساۋعا بولمايدى. ءونىمدى ساقتانۋ - تىزگىندەۋ العى شارتىندا، قالا - اۋىل جولدارىن، الەۋمەتتىك قاتىناس - تاسىمال قىزمەت وتەۋىن جالپى بەتتىك قالپىنا كەلتىرۋ كەرەك، حاۋىپ - قاتەرى تومەن وڭىرلەردەگى ادامدارعا قىزمەتكە شىعۋ الدىندا اۋاشالاۋ جۇرگىزبەۋگە بولادى. جەتىنشى، قاتىناس ءتارتىبىن قامتاماسىز ەتۋدى كۇشەيتۋ كەرەك. حۋبەيدان، ۋحاننان كەتۋ ارنالارىن باسقارۋ - تىزگىندەۋ شاراسىن كۇشىنەن قالدىرعاننان كەيىنگى قاتىناس ءتارتىبىن قامتاماسىز ەتۋدى ويداعىداي ىستەپ، ساقتانۋ - تىزگىندەۋ شارالارىن تياناقتاندىرۋ العى شارتىندا، حۋبەي ولكەسىنە جانە ۋحان قالاسىنا كىرەتىن - شىعاتىن تاس جول، سۋ جولى، اۆياتسيا، تەمىر جول جولاۋشىلار تاسىمالىن ءتارتىپتى قالپىنا كەلتىرۋ كەرەك. شەكارادان كىرگەن ادامداردى، اۆتوكولىكتەردى باسقارۋدى قاتايتىپ، سىرتتان كىرۋدەن ساقتانۋ جانە حالىقارالىق زات اينالىمى ارناسىن ىركىلىسسىزدەندىرۋ قىزمەتىن ءبىر تۇتاس جوسپارلاپ ويداعىداي ىستەۋ كەرەك.
«پىكىردە» مىنالار باسا دارىپتەلدى: وڭىرلەر، تاراۋلار شىنايى يگەرىپ، ناقتى ىستەپ، فورماشىلدىقتان، تورەشىلدىكتەن قاتاڭ ساقتانىپ، ساقتانۋ - تىزگىندەۋ شاراسىن ”ءبارىن ءبىر شىبىقپەن ايداۋدى“، ساقتانۋ - تىزگىندەۋ تالابىن ”ساتىلار بويىنشا كۇشەيتۋدى“ باتىل تۇزەتىپ، جۇمىستى، ءوندىرىستى قالپىنا كەلتىرۋگە كورسەتكىش شىعارۋ، ساندى مالىمەتتى جالعان مالىمدەۋ سياقتى ارەكەتتەردى تيىپ، ءتۇرلى مالىمدەۋ كەستەسىن كۇش سالا بىرىكتىرىپ، قۋزاۋ - تەكسەرۋ مولشەرىن، رەت سانىن قاتاڭ مەڭگەرۋ كەرەك. شابىتتاندىرۋ مەحانيزمىن جانە قاتەلىككە جول بەرۋ، قاتەلىكتى تۇزەتۋ مەحانيزمىن ورناتىپ، اقاۋسىزداندىرىپ، ىرىقتىلىقپەن ىسكەرلىك كورسەتۋدى، جاۋاپكەرشىلىك ارقالاۋدى كۇشەيتىپ، نەگىزگى ساتىنىڭ قيىنشىلىقتى جەڭۋىنە، اۋىرتپالىقتى جەڭىلدەتۋىنە شىنايى كومەكتەسۋ كەرەك.
