تيانشان تورى   ›   جاڭالىقتار   ›   شينجياڭ حابارلارى

جۇڭگو ۇكىمەتىنىڭ قازاقستانعا بارىپ ىندەتكە قارسى شايقاس جۇرگىزەتىن ەمدەۋ ماماندار گرۋپپاسى اتتاندى

4 - ايدىڭ 9 - كۇنى جۇڭگو ۇكىمەتىنىڭ قازاقىستانعا بارىپ ىندەتكە قارسى شايقاس جۇرگىزەتىن ەمدەۋ ماماندار گرۋپپاسى ءۇرىمجى ديوپۋ حالىقارالىق اۋەجايىندا اتتانۋ سالتىن وتكىزدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 4 - ايدىڭ 9 - كۇنى ۇرىمجىدەن حابارلايدى. قازاقستان ۇكىمەتىنىڭ ۇسىنىسى بويىنشا، ىندەتتەن ساقتانۋ - تىزگىندەۋ قىزمەتىن سەلبەسىپ ورىستەتۋ ءۇشىن جۇڭگو ۇكىمەتىنىڭ قازاقستانعا بارىپ ىندەتكە قارسى شايقاس جۇرگىزەتىن ەمدەۋ ماماندار گرۋپپاسى 4 - ايدىڭ 9 - كۇنى ۇرىمجىدەن اتتاندى. ماماندار گرۋپپاسىن مەملەكەتتىك دەنساۋلىق ساقتاۋ - سالاماتتىق كوميتەتى ۇيىمداستىردى، شينجياڭ ۇيعۇر اۆتونوميالى رايونى تاڭداپ جىبەردى.

  ماماندار گرۋپپاسىن قۇراعان 10 ادام جەكە - جەكە اۆتونوميالى رايوندىق حالىق شيپاحاناسىنان، شينجياڭ مەديتسينا داشۋەسىنە قاراستى 1 - شيپاحانادان، اۆتونوميالى رايوندىق جۇڭ - ي شيپاحاناسىنان، ىلە قازاق اۆتونوميالى وبلىستىق دوستىق شيپاحاناسىنان، ىلە وبلىستىق اۋرۋدان ساقتانۋ جانە تىزگىندەۋ ورتالىعىنان كەلگەن، ولاردىڭ ماماندىعى تىنىس جولى، سالماقتى ناۋقاس، قابىنۋ، جۇڭ - ي، كۇتىمدەۋ، الەۋمەتتىك دەنساۋلىق ساقتاۋ سياقتىلاردى قامتيدى. ماماندار گرۋپپاسىنىڭ باستى مىندەتى: جەرگىلىكتى ورىنداعى ەمدەۋ قۇرىلىمدارىمەن جانە ماماندارمەن تاجىريبە ءبولىسۋ جانە اۋىس - كۇيىس جاساۋ، جۇڭگونىڭ ىندەتكە قارسى اتتانۋ تاجىريبەلەرىن تانىستىرۋ، قازاقستان جاقتىڭ ىندەتتەن ساقتانۋ شارالارىمەن جانە دياگنوز قويۋ - ەمدەۋ تارتىپتەرىمەن ۇشتاستىرا وتىرىپ، قازاقستاننىڭ ناۋقاستاردى سارالاپ تەكسەرۋ، جۇقپالى اۋرۋلاردان ساقتانۋ - تىزگىندەۋ، ناۋقاستاردى باسقارۋ، كلينيكالىق دياگنوز قويۋ - ەمدەۋ، الەۋمەتتىك اۋماقتىڭ سالاماتتىقتى باسقارۋ جانە تاجىريبەحانا سياقتى قىزمەتتەرىنە جەتەكشىلىك ەتۋ جانە اقىل - كەڭەس بەرۋ، قازاقستاننىڭ ەمدەۋ قىزمەتكەرلەرىنە، الەۋمەتتىك دەنساۋلىق ساقتاۋ قىزمەتكەرلەرىنە، تاجىريبەحانا قىزمەتكەرلەرىنە، الەۋمەتتىك اۋماقتاعى ساقتانۋ - تىزگىندەۋ قىزمەتكەرلەرىنە باۋلۋ جۇرگىزۋ جانە ولارعا جەتەكشىلىك ەتۋ، ت. ب.

  ماماندار گرۋپپاسى تاعى شينجياڭ ۇيعۇر اۆتونوميالى رايونىنىڭ جىلۋعا اتاعان 49 مىڭ 600 ءبىر رەتتىك مەديتسينالىق ماسكى، 4800 مەديتسينالىق N95 ماسكى، 2000 پار مەديتسينالىق قورعانۋ كيىمى، 2 رەسپيراتور سياقتى ىندەتكە قارسى ەمدەۋ زاتتىق ماتەريالدارىن جانە ءبىر توپ قۇتقارۋ - ەمدەۋ ءدارى - دارمەكتەرىن قامتىعان قۇتقارۋ - ەمدەۋ زاتتىق ماتەريالدارىن الا باردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.