تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحى، ت.ب لاردى جەتكىزدى، ۇيرەندى

دالمە - ءدال ساقتانىپ - تىزگىندەپ، قاتەردى ورايعا اينالدىرىپ، ورايدى مىقتى يگەرىپ، قايراتتانا قامال الىپ، ۇدايىلانعان ساقتانۋ - تىزگىندەۋ بارىسىندا ەكونوميكالىق اينالىمنىڭ ساپاسى مەن ونىمدىلىگىن جوعارىلاتۋ كەرەك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 4 - ايدىڭ 9 - كۇنى ۇرىمجىدەن حابارلايدى. 4 - ايدىڭ 9 - كۇنى تۇستەن كەيىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىنىڭ رۋحىن جانە ۋحاننىڭ دۇڭحۋ شينچىڭ الەۋمەتتىك اۋماعىنداعى بارلىق الەۋمەتتىك اۋماق قىزمەتكەرلەرىنە قايتارعان جاۋاپ حاتىنىڭ رۋحىن جەتكىزىپ، ۇيرەنىپ، اۆتونوميالى رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: بۇكىل رايونىمىزدىڭ جەر - جەرى، تاراۋلارى باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، سىرتقى ورتانىڭ وزگەرىسىنە ءبىرشاما ۇزاق ۋاقىت توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي ىستەپ، ىرىقتىلىقپەن وزگەرىسكە ۇمتىلىپ، قاتەردى ورايعا اينالدىرىپ، ورايدى مىقتى يگەرىپ، قايراتتانا قامال الىپ، ىندەتتەن ۇدايىلانعان ساقتانۋ - تىزگىندەۋ بارىسىندا ەكونوميكالىق اينالىمنىڭ ساپاسى مەن ونىمدىلىگىن جوعارىلاتۋعا تاباندى بولىپ، تۇتاس جىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن جالپى بەتتىك ورىنداۋعا شىنايى كەپىلدىك ەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جالپى بەتتىك قول جەتكىزۋگە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە شىنايى كەپىلدىك ەتۋ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋعا شىنايى كەپىلدىك ەتۋ كەرەك.

  ءبىرىنشى، باستان - اياق ساق بولىپ، ىندەتتەن ساقتانۋ - تىزگىندەۋدى ويداعىداي يگەرۋ كەرەك. جاڭا جاعدايدا ساقتانۋ - تىزگىندەۋدى ۇدايىلاندىرۋ قىزمەتىن تيتتەي دە بوساڭسىماي ويداعىداي يگەرىپ، سىرتتان كىرۋدەن ساقتانۋدى، ىشتە قايتا بەلەڭ بەرۋىنەن ساقتانۋدى جاپپاي تياناقتاندىرىپ، شەكارا وتكەلدەرىن باسقارۋ جانە دەنساۋلىق ساقتاۋ - ىندەتتەن ساقتانۋدى كۇشەيتىپ، شەكارادان كىرگەندەردى جالپى بارىستىق جابىق باسقارۋدى قاتاڭ تياناقتاندىرىپ، اۋرۋ بەلگىسى جوق جۇعىمدالۋشىلاردان دالمە - ءدال ساقتانۋ - تىزگىندەۋدى ويداعىداي ىستەپ، ءتۇيىندى ورىندارداعى ىندەتتەن ساقتانۋدى كۇشەيتىپ، الەۋمەتتىك اۋماقتىڭ باسقارۋ - تىزگىندەۋ شارالارىن ساپالىلاندىرىپ، الەۋمەتتىك اۋماق قىزمەتكەرلەرىنە كوڭىل ءبولىپ، قامقورلىق جاساپ، بىرلەسىپ ساقتانۋدىڭ، بىرلەسىپ تىزگىندەۋدىڭ، بۇقارالىق ساقتانۋدىڭ، بۇقارالىق تىزگىندەۋدىڭ قاتاڭ قورعانىس شەبىن قۇرىپ، ساقتانۋ - تىزگىندەۋ ناتيجەلەرىن ۇزدىكسىز بەكەمدەۋ، كەڭەيتۋ كەرەك.

  ەكىنشى، بارلىق امالدى قولدانىپ، ەكونوميكانىڭ ومىرشەڭدىگىن قاۋلاتۋ كەرەك. جاڭا دامۋ ۇستانىمىن تاباندىلىقپەن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، قامداۋ جاعىنداعى قۇرىلىمدىق رەفومانى تەرەڭدەتىپ، ءۇش ءىرى قامال الۋ شايقاسىن باتىل، ويداعىداي جۇرگىزىپ، ”التىنى ورنىقتىرۋ“ قىزمەتىن جالپى بەتتىك ويداعىداي ىستەۋ كەرەك. كاسىپورىندارعا تيىمدىلىك جاساۋ ساياساتتارىن جالپى بەتتىك تياناقتاندىرىپ، كومەكتەسۋ - سۇيەمەلدەۋ تەبىنىن ۇزدىكسىز ارتتىرىپ، قيىنشىلىقتاردى ىقىلاسپەن، سۇيىسپەنشىلىكپەن شەشىپ، كاسىپ سالاسى اينالىمىنىڭ، بازار اينالىمىنىڭ، ەكونوميكالىق، قوعامدىق اينالىمنىڭ ىركىلىسسىزدىك دەڭگەيىن ۇزدىكسىز جوعارىلاتىپ، جۇمىستى، ءوندىرىستى قالپىنا كەلتىرۋدىڭ ساپاسىن جوعارىلاتىپ، ونىمدىلىگىن ءوسىرۋدى، قىزمەت وتەۋ سالاسىنىڭ قالىپتى تيجارات جۇرگىزۋىن بار كۇشپەن ىلگەرىلەتۋ؛ نازاردى ءتۇيىندى سالالارعا شوعىرلاندىرىپ، ۇتىمدى قارجى قوسۋدى كەڭەيتىپ، ءىرى نىساندار قۇرىلىسىن جەدەل ىلگەرىلەتۋ؛ بازار سەنىمىن سەرپىلتىپ، بازاردىڭ قامداۋىن مولايتىپ، كوپ ءتۇرلى شارانى قاتار قولدانىپ، تۇتىنۋ كولەمىنىڭ كەڭەيۋىن، ساپاسىنىڭ ءوسۋىن جەبەۋ؛ جىبەك جولى ەكونوميكالىق بەلدەۋىندەگى وزەكتى رايون قۇرۋدى جەدەلدەتىپ، جوعارى دەڭگەيدەگى ەسىك اشۋدى كەڭەيتىپ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ قىزمەتىن تىڭعىلىقتى، ويداعىداي ىستەۋ كەرەك.

  ءۇشىنشى، كەدەيلىكتەن ارىلتۋدان قامال الۋ شەشۋشى شايقاسىن باسى - قاسىندا قاداعالاۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز ۇشتاستىرىپ، نازاردى وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەرگە جانە ەرەكشە كەدەي قاۋىمعا شوعىرلاندىرىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپ“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، قاداعالاۋ ارقىلى شايقاستى جەبەپ، قاداعالاۋ مەن شايقاس جۇرگىزۋدى بىرلەستىرىپ، رەتتەۋ - تۇزەتۋدى، تياناقتاندىرۋدى تەرەڭدەتىپ، ولقىلىقتار مەن ءالسىز تۇستاردى تولىقتاپ، قايتا كەدەيلەسۋدەن ساقتانۋدى باقىلاۋ - ساراپتاۋ، ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن ارىلتۋ جەتىستىكتەرىن بەكەمدەپ، كەدەيلىكتەن ارىلتۋدان قامال الۋ مىندەتىن دەر كەزىندە، جوعارى ساپامەن ورىنداۋعا شىنايى كەپىلدىك ەتۋ كەرەك.

  ءتورتىنشى، ەگىن، مال شارۋاشىلىعىندا ءونىمدى مولايتۋ، كىرىستى ارتتىرۋدى ۇزدىكسىز ىلگەرىلەتۋ كەرەك. اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل - قىستاقتى گۇلدەندىرۋ ستراتەگياسىن ىشكەرىلەي اتقارىپ، كوكتەمگى اۋىل شارۋاشىلىعى ءوندىرىسىن جالپى بەتتىك ويداعىداي يگەرىپ، شارۋالارعا تيىمدىلىك جاساۋ ساياساتتارىن تياناقتاندىرىپ، ەگىس كولەمىن، ءونىم مولشەرىن ورنىقتىرىپ، اۋىل شارۋاشىلىعىنا تەحنيكالىق قىزمەت وتەۋدى، اۋىل شارۋاشىلىق ماتەريالدارىن ورنالاستىرۋدى، دەرت - دەربەزدەن، زياندى جاندىكتەردەن ساقتانۋ جانە ونى تىزگىندەۋدى كۇشەيتىپ، ەگىن، مال شارۋاشىلىعىنىڭ جوعارى ساپالى دامۋىن، ەگىنشى - مالشىلاردىڭ كىرىسىنىڭ ۇزدىكسىز ارتۋىن جەبەۋ كەرەك.

  بەسىنشى، سەرپىندى ارتتىرىپ، حالىق تۇرمىسىن قامتاماسىز ەتۋ، جاقسارتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامسىزداندىرۋ، تۇرعىن ءۇي سياقتى حالىققا ءتيىمدى ينجەنەريالاردى تىڭعىلىقتى، ويداعىداي ىستەپ، كۇرىش، ۇن، استىق، ازىقتىق ماي، ەت، جۇمىرتقا، ءسۇت، كوكونىس سياقتى اۋىل شارۋاشىلىعى قوسىمشا ازىق - تۇلىك ءوندىرىسىنىڭ ۇيىمداستىرۋ، اينالىمعا سالۋ جانە قامداۋعا كەپىلدىك ەتىپ، باعانى ورنىقتىرۋ قىزمەتىن كۇش سالا جاقسى يگەرىپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋدى كۇشەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  التىنشى، جاۋاپكەرشىلىكتى تياناقتاندىرىپ، حاۋىپسىزدىك قاتەرلەرىنەن ساقتانۋ كەرەك. ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، ورمان، جايلىم ورتىنەن ساقتانۋ، تاسقىننان ساقتانىپ، قۋاڭشىلىققا قارسى تۇرۋ سياقتى اپاتتان ساقتانۋ، اپات زيانىن ازايتۋ قىزمەتىن جالپى بەتتىك ويداعىداي ىستەۋ؛ حاۋىپسىزدىك كومەسكى قاتەرلەرىن ىشكەرىلەي اداقتاپ تەكسەرىپ، ارناۋلى رەتتەۋ - جونگە سالۋدى تىڭعىلىقتى ورىستەتىپ، ءوندىرىس حاۋىپسىزدىگىنىڭ تومەنگى شەگىن قاتاڭ ساقتاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك.

  جەتىنشى، ساقتىق دابىلىن ۇزبەي قاعىپ، قوعام ورنىقتىلىعىن قورعاۋ كەرەك. نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، ورنىقتىلىقتى قورعاۋدىڭ ۇتىمدى دا ءونىمدى شارالارىنا بۇلجىماي تاباندى بولىپ، بۇقارالىق قىزمەتتى ىشكەرىلەي ەگجەي - تەگجەيلى، ويداعىداي ىستەپ، قوعامدىق كەلەلى جاعدايدىڭ باياندى جاراسىمدىلىعىن، ورنىقتىلىعىن ساقتاۋ كەرەك.

  سەگىزىنشى، قاتەردى ورايعا اينالدىرىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋ كەرەك. جەر - جەر، تاراۋلار ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ جاۋاپكەرشىلىك سەزىمىن، كوكەي تەستىلىك سەزىمىن، بورىشتىلىق سەزىمىن شىنايى كۇشەيتىپ، تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، تۇجىرىمداۋ قابىلەتىن، مەڭگەرۋ قابىلەتىن جانە توتەپ بەرۋ قابىلەتىن كۇش سالا ءوسىرىپ، جاۋاپكەرشىلىك ارقالايتىن جۇرەكتىلىكپەن، عىلمي ساقتاناتىن - تىزگىندەيتىن پاراساتپەن، ءبىر تۇتاس جوسپارلاپ، تەڭ ءمان بەرەتىن ءادىس - امالمەن، ۇيىمداستىرىپ، اتقاراتىن قابىلەتپەن پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن باتىل تۇردە ناقتى، ەگجەي - تەگجەيلى، تىڭعىلىقتى يگەرۋ كەرەك.

  شوكىرات زاكىر، شاۋكەت يمىن، نۇرلان ءابىلماجىن، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، ۋاڭ جۇنجىڭ، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.