تيانشان تورى   ›   جاڭالىقتار   ›   ەل ءىشى حابارى

ساۋدا مينيسترلىگى: سىرتقى ساۋدا كاسىپورىندارىنىڭ بازاردى ساقتاۋىنا، تاپسىرىستى ساقتاۋىنا، ۇلەستى ساقتاۋىنا كومەكتەسەدى

  شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى (چىن ۋيۋي، داي شياۋحى). ساۋدا مينيسترلىگى مينيسترىنىڭ كومەكشىسى رىن حۇڭبيننىڭ 4 - ايدىڭ 10 - كۇنگى تانىستىرۋىنا قاراعاندا، ساۋدا مينيسترلىگى بۇكىل ەلدەگى 400 مىڭنان استام سىرتقى ساۋدا كاسىپورىندارىنىڭ جۇمىستى، ءوندىرىستى قالپىنا كەلتىرۋ تاپسىرىس جاعدايىنا تەكسەرۋ جۇرگىزىپ، كاسىپورىندارعا دالمە - ءدال كومەكتەسىپ، سۇيەمەلدەپ، سىرتقى ساۋدا كاسىپورىندارىنىڭ بازاردى ساقتاۋىنا، تاپسىرىستى ساقتاۋىنا، ۇلەستى ساقتاۋىنا كومەكتەسەدى.

  رىن حۇڭبين سول كۇنى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ماجىلىسىندە بىلاي دەپ تانىستىردى: قازىرگى تاڭدا، ەل ىشىندەگى ىندەتتەن ساقتانۋ - تىزگىندەۋ جاعدايى ۇزدىكسىز جاقسارۋدا، سىرتقى ساۋدا كاسىپورىندارىنىڭ جۇمىستى، ءوندىرىستى قالپىنا كەلتىرۋى ءتارتىپتى ىلگەرىلەۋدە، الايدا ىندەت بۇكىل الەمدە كەڭىنەن جايىلىپ، جىلدام تارالىپ، الەمدىك ەكونوميكا مەن ساۋداعا وراسان زور سوققى الا كەلدى. جۋىقتا ساۋدا مينيسترلىگىنىڭ ءتۇيىندى ولكە، قالالارعا، ءارقايسى يمپورت - ەكسپورت ساۋدا قوعامدارى مەن ءتۇيىندى كاسىپورىندارعا جاي - جاپسارىن ۇعىسا تەكسەرۋ - زەرتتەۋ جۇرگىزۋ جاعدايىنان قاراعاندا، سىرتقى ساۋدا كاسىپورىندارى قولداعى تاپسىرىستىڭ كۇشىنەن قالۋى نەمەسە مەرزىمىنىڭ كەشىكتىرىلۋى، جاڭا تاپسىرىسقا كەلىسىم جاساسۋدىڭ قيىنعا سوعۋى، زات اينالىمى تاسىمالىنىڭ ىركىلىسسىز بولماۋى سياقتى ماسەلەلەرگە جاپپاي ءدوپ كەلىپ وتىر.

  رىن حۇڭبين مىنانى ءبىلدىردى: سيفرلى سىرتقى ساۋدا قىزمەت وتەۋ تۇعىرىن جەدەل زەرتتەپ، ورناتىپ، جەلىدە تۇرلىشە كورمە جينالىستارىن وتكىزۋ ارقىلى كاسىپورىنداردى كورمەدەن بۇرىنعى ءتۇيىلىسۋدى، جەلىدە تانىستىرۋدى، سول جەردىڭ وزىندە تىكە تاراتۋدى، قاشىقتان كەڭەسۋدى ويداعىداي ىستەۋگە باستاپ، كاسىپورىنداردىڭ جاڭادان تاپسىرىس قابىلداۋىنا قولايلىلىق جاساۋ كەرەك. سونىمەن بىرگە، سىرتقى ساۋدا ونىمدەرىندە ەل ىشىندە ساتۋدى جەبەپ، حالىقارالىق ولشەم مەن ەل ءىشى ولشەمىنىڭ ۇشتاسۋىن جەدەلدەتىپ، ىشكى - سىرتقى ساۋداداعى ”بوگەتتەردى“ اشىپ، سىرتقى ساۋدا ونىمدەرىنىڭ ەل ءىشى بازارىنا كىرۋىن تەزدەتۋ كەرەك. مۇنان تىس، حالىقارالىق زات اينالىمى قامداۋ تىزبەگىنىڭ ورنىقتىلىعىن، ىركىلىسسىزدىگىن قامتاماسىز ەتىپ، سىرتقى ساۋدا كاسىپ سالاسى تىزبەگىندەگى شەشۋشى ونىمدەردى ءوندىرۋ مەن يمپورت - ەكسپورتقا ءتۇيىندى تۇردە كەپىلدىك ەتۋ قاجەت.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى