شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى (تىلشىلەر جاڭ چۋان، ۋ يۋە). قازىنا مينيسترلىگى قوعامدىق قامتاماسىزداندىرۋ مەكەمەسىنىڭ ورىنباسار مەكەمە باستىعى ۋاڭ شينشياڭ 4 - ايدىڭ 10 - كۇنى وتكىزىلگەن مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ماجىلىسىندە مىنانى ءبىلدىردى: قازىنا مينيسترلىگى الدىڭعى مەرزىمدە الدىن الا بوساتقان 103 ميلليارد يۋان نەگىزىندە، تەز ارادا تاعى قيىنشىلىعى بار بۇقارانى قۇتقارۋ، كومەكتەسۋ كومەك قاراجاتىنان مولشەرمەن 53 ميلليارد يۋان بوساتادى، جالپى مولشەرمەن 156 ميلليارد يۋان ورنالاستىرىلىپ، وتكەن جىلعى تۇتاس جىلدىق ناقتىلى اتقارىلعان ساننان اسىپتى.
ۋاڭ شينشياڭ بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى قيىنشىلىعى بار بۇقارانىڭ تۇرمىسىنا ءبىرشاما زور ىقپال جاسادى، سونىمەن بىرگە جەرگىلىكتى ورىنداردىڭ قاتىستى شىعىس قىسىمىن دا ارتتىردى، وسى قاراجات جەر - جەردىڭ قيىنشىلىعى بار بۇقارانى ەڭ تومەنگى شەكتە قامتاماسىز ەتۋ قىزمەتىن ويداعىداي ىستەۋىنە سەپتىگىن تيگىزۋمەن بىرگە، مەملەكەتتىك كەڭەستىڭ باعا ۋاقىتتىق قوسىمشا قاراجاتى تەبىنىن كەزەڭدىك ارتتىرۋ جونىندەگى تالابىن دا تياناقتاندىرادى.
”بۇل قارجى قيىنشىلىعى بار بۇقارانى قۇتقارۋ اقشاسىن، ءاربىر تيىندى ويداعىداي پايدالانۋ، ويداعىداي باسقارۋ كەرەك“. ۋاڭ شينشياڭ بىلاي دەدى: بۇل ءۇشىن، قازىنا مينيسترلىگى مەن حالىق ىستەرى مينيسترلىگى سياقتى قاتىستى تاراۋلار ساياسات، شارالاردى ۇزدىكسىز كەمەلدەندىرىپ، باقىلاۋ - باسقارۋ تەبىنىن ارتتىرىپ، ”دالمە - ءدال“، ”دەر كەزىندە“، ”حاۋىپسىز“ بولۋ سىندى ءۇش پرينسيپتى قۇلشىنا كورنەكتىلەندىرەدى.
ۋاڭ شينشياڭ بىلاي دەدى: قيىنشىلىعى بار بۇقارانىڭ نەگىزگى تۇرمىسىن ويداعىداي قامتاماسىز ەتۋ ەجەلدەن بەرى ءار دارەجەلى قازىنانىڭ قولداۋ كورسەتۋ ءتۇيىنى. سوڭعى جىلدارى ءار دارەجەلى قازىنا ۇسىنىلىم سەرپىنىن ۇزدىكسىز ارتتىرىپ، كومەك ساياسات، شارالارىن كەمەلدەندىرىپ، باستىسى، مىناداي 3 جاقتان قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋدى كۇشەيتتى: قيىنشىلىعى بار بۇقاراعا قوعامدىق قۇتقارۋ - كومەك بەردى، قامقورلىق جاسالاتىن وبيەكتىلەرگە جاردەم اقشا جانە تۇرمىستىق كومەك سياقتىلاردى تاراتتى، شارتقا تولاتىن، قامسىزداندىرۋعا قاتىناسقان جۇمىسسىزدارعا جۇمىسسىزدىق قامسىزداندىرۋ قاراجاتىن نەمەسە جۇمىسسىزدىق كومەك اقشاسىن تاراتتى.
”كەلەسى ساتىدا، قازىنا مينيسترلىگى قاتىستى تاراۋلارمەن بىرگە كومەك ساياساتىن جانە قارجىنى باقىلاۋ - باسقارۋ شاراسىن ۇزدىكسىز كەمەلدەندىرىپ، جەر - جەردىڭ كومەك دەڭگەيىن ۇيلەسىمدى جوعارىلاتۋىنا قولداۋ كورسەتىپ جانە جەتەكشىلىك ەتىپ، قيىنشىلىعى بار بۇقارانىڭ نەگىزگى تۇرمىسىن ەڭ تومەنگى شەكتە قامتاماسىز ەتۋ قىزمەتىن شىن مانىندە ويداعىداي ىستەيدى“، - دەدى ۋاڭ شينشياڭ.
