تيانشان تورى   ›   ۇيرەنۋ   ›   ماڭىزدى حۇجاتتار

اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە قولباسشىلىق ەتۋ شتابى «حابارلاندىرۋ» باسىپ تاراتتى

جەكەشە ساۋدا - ونەركاسىپشىلەردىڭ شاعىن سومالى امانات - قارىزىن تەز تەكسەرۋگە، تەز بەكىتۋگە، تەز تاراتۋعا شىنايى كەپىلدىك ەتۋ كەرەك

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفەي 4 - ايدىڭ 10 - كۇنى ۇرىمجىدەن حابارلايدى. اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە قولباسشىلىق ەتۋ شتابىنان ۇعىسۋعا قاراعاندا، 4 - ايدىڭ 9 - كۇنى اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە قولباسشىلىق ەتۋ شتابى «جەكەشە ساۋدا - ونەركاسىپشىلەرگە شاعىن سومالى امانات - قارىز اقشا بەرۋ ساياساتىن ناقتى، ەگجەي - تەگجەيلى تياناقتاندىرۋدى ونان ارى ىلگەرىلەتۋگە قاتىستى تالاپتار جونىندەگى حابارلاندىرۋدى» باسىپ تاراتىپ، قارىز بەرۋدى ۇستىنە العان بانكەلەردىڭ قىزمەت بارىسىن قاراپايىمداستىرىپ، تەز تەكسەرۋگە، تەز بەكىتۋگە، تەز تاراتۋعا شىنايى كەپىلدىك ەتۋدى تالاپ ەتكەن.

  «حابارلاندىرۋدا» مىنالار ايقىن بەلگىلەندى: جەكەشە ساۋدا - ونەركاسىپشىلەرگە شاعىن سومالى امانات - قارىز اقشا بەرۋ ساياساتىن تياناقتاندىرۋ قىزمەتى بارىسىندا، الەۋمەتتىك اۋماق (اۋىل - قالاشىق) قىزمەت كەڭسەسى مەن اۋدان (قالا، رايون) قىزمەت كەڭسەسى تەكسەرۋ، قايتالاي تەكسەرۋ ”ەكى دارەجە بىرلەسىپ تەكسەرۋ“ جاۋاپكەرشىلىگىن ارقالايدى. قارىز بەرۋدى ۇستىنە العان بانكەلەر الەۋمەتتىك اۋماق (اۋىل - قالاشىق) قىزمەت كەڭسەسى ۇسىنعان «جەكەشە ساۋدا - ونەركاسىپشىلەردىڭ شاعىن سومالى امانات - قارىز الۋ ءوتىنىشىن تەكسەرۋ كەستەسى» جانە جيناقتاۋ كەستەسى بويىنشا، جەكەشە ساۋدا - ونەركاسىپشىلەردىڭ شاعىن سومالى امانات - قارىز الۋ ءوتىنىشىن تەكسەرىپ بەكىتەدى. قارىز بەرۋدى ۇستىنە العان بانكەلەر تەكسەرىپ بەكىتۋ ناتيجەسى بويىنشا قارىز الۋشىمەن كىرەۋسىز، كەپىلسىز قارىز اقشا بەرۋ توقتامىنا قول قويىپ، 2 قىزمەت كۇنى ىشىندە قارىز اقشانى تاراتادى.

  «حابارلاندىرۋدا» مىنالار باسا دارىپتەلدى: جەكەشە ساۋدا - ونەركاسىپشىلەرگە ”كىرەۋسىز، كەپىلسىز، ءوسىمى قازىنادان تولەنەتىن“ شاعىن سومالى امانات - قارىز اقشا بەرۋ ساياساتىن ناقتى، تىڭعىلىقتى، ەگجەي - تەگجەيلى تياناقتاندىرۋعا شىنايى كەپىلدىك ەتۋ ءۇشىن، قارىز بەرۋدى ۇستىنە العان بانكەلەر ءارقايسى اۋدان (قالا، رايون) بانكەلەرىنىڭ بولىمشە ورگاندارىنا قارىز اقشانى تەكسەرىپ بەكىتۋ ۇقىعىن بەرەدى، بولىمشە بانكەنىڭ نەمەسە باس بانكەنىڭ تەكسەرىپ بەكىتۋىنە جولدامايدى، قارىز بەرۋدى ۇستىنە العان بانكەلەردىڭ قارىز اقشانى تەكسەرىپ بەكىتۋ ۋاقىتىن قىسقارتىپ، تەز تەكسەرۋ، تەز بەكىتۋ، تەز تاراتۋدى شىن مانىندە ورىندايدى.

  اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە قولباسشىلىق ەتۋ شتابى جەكەشە ساۋدا - ونەركاسىپشىلەرگە شاعىن سومالى امانات - قارىز اقشا بەرۋ ساياساتىنا ءتۇيىندى تۇردە نازار اۋدارىپ، جەتەكشىلىك ەتۋ، قۋزاۋ تەبىنىن كۇشەيتىپ، جەكەشە ساۋدا - ونەركاسىپشىلەرگە شاعىن سومالى امانات - قارىز اقشا بەرۋ ساياساتىن تياناقتاندىرۋدىڭ ”كۇندەلىكتى قاتارعا تۇرعىزۋ، كۇندەلىكتى مالىمدەۋ“ ءتۇزىمىن ورناتادى.

  ۇعىسۋعا قاراعاندا، جەكەشە ساۋدا - ونەركاسىپشىلەرگە شاعىن سومالى امانات - قارىز اقشا بەرۋ ساياساتى 3 - ايدىڭ ورتاسىندا جولعا قويىلعاننان بەرى، تۇتاس رايوندا جالپى 20 مىڭ 226 جەكە ساۋداگەرگە ءبىر ميلليارد 184 ميلليون يۋان قارىز اقشا بەرىلگەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.