جوعارى مەكتەپ تاۋىساتىن وقۋشىلاردى جۇمىستاندىرۋ قىزمەتىن ىشكەرىلەي ورنالاستىرىپ، ويداعىداي ىستەۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 4 - ايدىڭ 10 - كۇنى ۇرىمجىدەن حابارلايدى. تاياۋدا اۆتونوميالى رايون «ىندەتتەن ساقتانۋ - تىزگىندەۋ جاعدايىندا جوعارى مەكتەپتەردەگى 2020 - جىلى مەكتەپ تاۋىساتىن وقۋشىلاردىڭ وقۋىن باسقارۋ جانە جۇمىستانۋىنا قىزمەت وتەۋ قىزمەتىن جاقسى ىستەۋ جونىندەگى ءادىستى» العا قويىپ، رايونىمىزداعى جەر - جەردىڭ، ءارقايسى مەكەمە - ورىنداردىڭ، ءارقايسى جوعارى مەكتەپتەردىڭ جاڭا تيپتى ايدارشا ۆيرۋس وكپە قابىنۋ ىندەتىنە بەلسەنە توتەپ بەرۋىن ىلگەرىلەتۋگە ىشكەرىلەي جەتەكشىلىك ەتۋ، جۇمىستانۋعا ينتەرنەتتە قىزمەت وتەۋدى ورىستەتۋ، جۇمىستانۋ ارناسىن كەڭەيتۋ، جۇمىستانۋى قيىن بولعاندارعا كومەكتەسۋ - سۇيەمەلدەۋدى كۇشەيتۋ سياقتى قىزمەتتەر جونىندە ورنالاستىرۋ جاسادى.
«ادىستە» مىنالار اتاپ كورسەتىلدى: كاسىپورىنداردى جوعارى مەكتەپ بىتىرگەن وقۋشىلاردى قابىلداپ، جۇمىستاندىرۋعا جەبەۋ كەرەك. قابىلداپ، جۇمىستاندىرۋ قابىلەتى كۇشتى كاسىپ سالاسىنىڭ دامۋىن قولداپ، مەكتەپ بىتىرگەن وقۋشىلاردىڭ جاڭاشا جۇمىستانۋ كۇيىمەن، يكەمدى، كوپ ءتۇرلى تاسىلمەن كوپ نەگىزدى جۇمىستانۋىن قولداۋ قاجەت. جوعارى مەكتەپ بىتىرگەن وقۋشىلاردى جۇمىسقا قابىلداۋدا قوعامدىق قامسىزداندىرۋ بويىنشا قوسىمشا قاراجات بەرۋ ساياساتىن تياناقتاندىرۋ، ءتۇرلى كاسىپورىندار جۇمىسقا قابىلداعان جوعارى مەكتەپ بىتىرگەن وقۋشىلارعا كاسىپورىنداردىڭ ءىس جۇزىندە تاپسىراتىن نەگىزگى زەينەتكەرلىك قامسىزداندىرۋى، نەگىزگى ەمدەۋ قامسىزداندىرۋى، جۇمىسسىزدىق قامسىزداندىرۋ قاراجاتىنىڭ قوسىندىسى بويىنشا قوسىمشا قاراجات بەرۋ، مەرزىمى 3 جىل.
«ادىستە» مىنالار باسا دارىپتەلدى: مەكتەپ بىتىرگەن وقۋشىلاردى نەگىزگى ساتىعا، وسى زامانعى ەگىنشىلىك كاسىبى، اۋىل شارۋاشىلىعى تەحنيكاسى، اۋىل شارۋاشىلىعى ونىمدەرىن مانەرلەۋ، سەيىل - سەرۋەن اۋىل شارۋاشىلىعى، اۋىل - قىستاق ساياحاتى، اۋىل - قىستاق ەلەكتروندىق ساۋداسى، اۋىل - قىستاق سەلبەستىك ەكونوميكاسى جانە نەگىزگى ساتى سۋ يگىلىگى سياقتى سالالاردا جۇمىستانۋعا، شارۋاشىلىق قۇرۋعا جەتەكتەۋ جانە شابىتتاندىرۋ كەرەك. جاپپاي ۇگىتتەپ، اتتانىسقا كەلتىرىپ جانە ءتۇيىندى تۇردە دالمە - ءدال جيناپ، جوعارى مەكتەپ بىتىرگەن وقۋشىلاردى ارمياعا قاتىناسۋعا جەتەكتەۋ كەرەك.
«ادىستە» مىنالار اتاپ كورسەتىلدى: جوعارى مەكتەپ بىتىرگەن وقۋشىلاردىڭ دەربەس شارۋاشىلىق قۇرۋىن كۇش سالا ىلگەرىلەتۋ كەرەك. جوعارى مەكتەپ بىتىرگەن وقۋشىلاردى شارۋاشىلىق قۇرۋ كەپىل قارىز اقشاسىمەن سۇيەمەلدەۋ ساياساتىن تياناقتاندىرۋ كەرەك، اۆتونوميالى رايونداعى جوعارى مەكتەپ بىتىرگەن وقۋشىلار شارۋاشىلىق قۇرعان جەرىندە ەڭ جوعارى بولعاندا 150 مىڭ يۋان شارۋاشىلىق قۇرۋ كەپىل قارىز اقشاسىن ءوتىنىش ەتۋىنە بولادى. شاعىن، ۇساق كاسىپورىندار شارۋاشىلىق قۇرۋدا ەڭ جوعارى بولعاندا 3 ميلليون يۋان شارۋاشىلىق قۇرۋ كەپىل قارىز اقشاسىن ءوتىنىش ەتۋىنە بولادى ءارى ساياساتتىق بەلگىلەمە بويىنشا ءوسىمى قازىنادان تولەنەدى. ”جوعارى مەكتەپ وقۋشىلارىن شارۋاشىلىق قۇرۋعا جەتەكشىلىك ەتۋ جوسپارىن“ ىشكەرىلەي ىلگەرىلەتىپ، جوعارى مەكتەپ وقۋشىلارىنىڭ جاڭادان گۇلدەنگەن كاسىپ سالاسىندا شارۋاشىلىق قۇرۋىن قولداپ، شاعىن، ۇساق كاسىپورىنداردىڭ سالىقتى ازايتۋ، اقىنى تومەندەتۋ، شارۋاشىلىق قۇرۋ بويىنشا باۋلۋ قوسىمشا قاراجاتىن بەرۋ سياقتى سۇيەمەلدەۋ ساياساتتارىن تياناقتاندىرۋ كەرەك.
«ادىستە» مىنالار تالاپ ەتىلدى: جوعارى مەكتەپ بىتىرگەن وقۋشىلاردىڭ جۇمىستانۋىنا جەتەكشىلىك ەتۋ، قىزمەت وتەۋ دەڭگەيىن جوعارىلاتۋ كەرەك. ءارقايسى جوعارى مەكتەپتەر جۇمىستاندىرۋ ۇلكەن بازارىن جەلىدە ۇيىمداستىرىپ، مەكتەپ بىتىرگەن وقۋشىلاردىڭ كاسىپ تاڭداۋ ۋاقىتىن ۇيلەسىمدى ۇزارتۋ كەرەك، مەكتەپ بىتىرگەن وقۋشىلار بەلگىلەمە بويىنشا نوپوسىن، ارحيۆىن مەكتەپتە 2 جىل ساقتاتىپ قويۋىنا بولادى، مەكتەپتەر مەكتەپ تاۋىسىپ جۇمىستانباعان مەكتەپ بىتىرگەن وقۋشىلارعا جۇمىستاندىرۋ بويىنشا ۇزبەي قىزمەت وتەۋى كەرەك. ارحيۆ تۇرعىزىلىپ كارتچكالاندىرىلعان كەدەي وتباسىنداعى، مۇگەدەك، ت.ب مەكتەپ بىتىرگەن وقۋشىلارعا قاراتا ”ءبىر ادامعا ءبىر امال“ بويىنشا تۇرگە ءبولىپ كومەكتەسۋ - سۇيەمەلدەۋ كەرەك. كەزەكتەگى جۇمىستانۋ اۋقىمىنا جانە ىندەت ىقپالىنا مەڭزەس، مەكتەپ بىتىرگەن وقۋشىلاردىڭ جۇمىستانۋىنا پسيحولوگيالىق جەتەكشىلىك ەتۋدى جانە يدەيالىق تاربيە جۇرگىزۋدى كۇشەيتۋ كەرەك.
