باس شۋجي شي جينپيڭنىڭ ۋحان دۇڭحۋ شينچىڭ الەۋمەتتىك اۋماعىنداعى بارلىق الەۋمەتتىك اۋماق قىزمەتكەرلەرىنە قايتارعان جاۋاپ حاتى رايونىمىزداعى الەۋمەتتىك اۋماق قىزمەتكەرلەرىن شابىتتاندىردى، جىگەرلەندىردى −
شينجياڭ گازەتىنىڭ جالپىلىق اقپارات قۇرالدارى تىلشىلەرى
4 - ايدىڭ 8 - كۇنى باس شۋجي شي جينپيڭ ۋحان قالاسى دۇڭحۋ شينچىڭ الەۋمەتتىك اۋماعىنداعى بارلىق الەۋمەتتىك اۋماق قىزمەتكەرلەرىنە جاۋاپ حات قايتارىپ، قالا، اۋىلدارداعى قالىڭ الەۋمەتتىك اۋماق قىزمەتكەرلەرىنەن ىقىلاسپەن حال سۇراپ، ولاردى ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە تۇبەگەيلى قول جەتكىزۋگە تاعى دا تىڭ ۇلەس قوسۋعا شابىتتاندىردى. تيانشاننىڭ وڭتۇستىگى مەن سولتۇستىگىندە ەرلىكپەن شايقاس جاساپ جاتقان الەۋمەتتىك اۋماق قىزمەتكەرلەرى مۇنان زور شابىت الىپ، ايرىقشا جىگەرلەندى، كوپشىلىك باس شۋجيدىڭ ماڭىزدى تاپسىرماسىن ەستە بەرىك ساقتاپ، تىنباي شايقاس جاساۋ ستيلىن ۇزدىكسىز ساۋلەلەندىرىپ، ىندەتتەن ساقتانۋ - تىزگىندەۋ قىزمەتتەرىن ەگجەي - تەگجەيلى، ناقتى يگەرىپ، بۇقاراعا ىقىلاسپەن، سۇيىسپەنشىلىكپەن قىزمەت وتەيتىندىكتەرىن ءبىلدىردى.
”كوپشىلىك ايرىقشا جىگەرلەندى جانە شابىتتاندى“
ىقىلاستى تاپسىرما ەرلىكپەن ىلگەرىلەۋگە جەبەدى، شىنايى سالەم جۇرەككە شۋاق شاشتى.
”الەۋمەتتىك اۋماق كادرلارىنىڭ ءبارى ۋيچات دوستىق شەڭبەرىندە وسى جاۋاپ حاتتى بىردەي كورىپ، وقىدى، كوپشىلىك ايرىقشا جىگەرلەندى جانە شابىتتاندى“، - دەدى ءۇرىمجى قالاسى تيانشان رايونى ىرداۋچياۋ اۋماعى باسقارۋ كوميتەتى كۋانبەي كوشەسى الەۋمەتتىك اۋماعى پارتيا ياچەيكاسىنىڭ ورىنباسار شۋجيى نيە حۇي − ”ءبىز، ءسوز جوق، باس شۋجيدىڭ تاپسىرماسىن ەستە بەرىك ساقتاپ، ءوزىمىز ونەگە بولىپ، اتويلاپ الدا ءجۇرىپ، الەۋمەتتىك اۋماقتىڭ ساقتانۋ - تىزگىندەۋ قىزمەتىن ونان ارى تىڭعىلىقتى، ونان ارى ەگجەي - تەگجەيلى ىستەيمىز“.
ساقتانۋ - تىزگىندەۋ شارالارىن تياناقتاندىرۋ، ناقتىلاندىرۋ ءۇشىن، جاڭاءشار اۋدانى جاڭاءشار قالاشىعى ياڭگۋاڭ جينيۋان الەۋمەتتىك اۋماعى ءار كۇنى دەرلىكتەي قاراستى اۋماقتاعى كىرىپ - شىققان تۇرعىنداردىڭ دەنە تەمپەراتۋراسىن ولشەدى جانە جيناقتاپ تۇردى، سونداي - اق تۇرعىنداردىڭ تۇرمىسىن كۇندەلىكتى قىزمەت وتەۋمەن قامدادى. الەۋمەتتىك اۋماق تۇرعىندار كوميتەتىنىڭ ورىنباسار مەڭگەرۋشىسى ءيۇسۇپجان مامەت بىلاي دەدى:”باس شۋجيدىڭ ىندەتتەن ساقتانۋ - تىزگىندەۋ شايقاسىندا الەۋمەتتىك اۋماق قىزمەتكەرلەرىن تۇراقتاندىرۋى جۇرەگىمىزدى شۋاققا بولەدى، بارلىق ەڭبەگىمىزدى تاتيدى دەپ سەزىندىك. ءبىز ىندەتتەن ساقتانۋ - تىزگىندەۋدى مىقتاپ يگەرۋدى باستان - اياق تىڭعىلىقتى جۇرگىزىپ، جاڭا جاعدايدا ساقتانۋ - تىزگىندەۋدى ۇدايىلاندىرۋ قىزمەتىن استە بوساڭسىماي مىقتاپ يگەرىپ، باس شۋجيدىڭ تاپسىرماسىن ورىنداۋىمىز كەرەك“.
”اناعۇرلىم زور قايراتپەن بۇقاراعا قىزمەت وتەيمىز“
باس شۋجي شي جينپيڭنىڭ ءسوزى تيانشاننىڭ وڭتۇستىگى مەن سولتۇستىگىندەگى الەۋمەتتىك اۋماق قىزمەتكەرلەرىن ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە تۇبەگەيلى جەتۋگە تىڭ ۇلەس قوسۋعا جىگەرلەندىردى.
”ىندەت جاعدايى كۇننەن - كۇنگە جاقسارا تۇسكەنىمەن، الايدا، ساقتانۋ - تىزگىندەۋ مىندەتىن استە بوساڭسىتۋعا بولمايدى. الەۋمەتتىك اۋماق ءالى دە سىرتتان كىرۋدەن ساقتاناتىن، ىشتە قايتا بەلەڭ بەرۋدەن ساقتاناتىن ماڭىزدى قورعانىس شەبى. باس شۋجيدىڭ جاۋاپ حاتى بىزگە شابىت بەردى، سونداي - اق الەۋمەتتىك اۋماقتاردىڭ جاڭا جاعدايدا ساقتانۋ - تىزگىندەۋدى ۇدايىلاندىرۋ قىزمەتىن مىقتى يگەرۋىنە تالاپتار قويدى“. قۇمىل قالاسى يجوۋ رايونى شيحى ءمالى باسقارماسى بينحى جولى الەۋمەتتىك اۋماعىنىڭ كادرى ي بيڭشين بىلاي دەدى: ”قازىر قاراستى اۋماقتاعى كاسىپورىندار مەن جەكە ساۋدا - ونەركاسىپشىلەر جۇمىستى، ءوندىرىستى ءتارتىپتى قالپىنا كەلتىرۋدە، كۇندەلىكتى اداقتاۋ - تەكسەرۋ قىزمەتىن ويداعىداي ىستەۋمەن بىرگە، ءبىز ءتۇرلى تاسىلدەر ارقىلى ىندەتتەن ساقتانۋ - تىزگىندەۋ بىلىمدەرىن ۇگىتتەۋ تەبىنىن كۇشەيتىپ، ىندەتتەن ساقتانۋ - تىزگىندەۋ قىزمەتتەرىن ەگجەي - تەگجەيلى، ناقتى يگەرەمىز“.
4 - ايدىڭ 10 - كۇنى تاڭەرتەڭ ەرتە قۇلجا قالاسى ءدوڭمالى ءمالى باسقارماسى ءدوڭمالى الەۋمەتتىك اۋماعى تۇرعىندار كوميتەتىنىڭ ورىنباسار مەڭگەرۋشىسى ياقۇپجان مامەتالي كۇندەگىدەي تەلەفون جالعاپ، جياڭنان شاعىن اۋماعىنىڭ تۇرعىنى ۋاڭ شۋحۋانىڭ دەنساۋلىق جاعدايىن سۇراستىردى. ۋاڭ شۋحۋا مەرزىم سايىن بۇيرەك دياليزى بويىنشا ەمدەلەدى، الايدا ونىڭ بالالارى قاسىندا بولماعاندىقتان، ياقۇپجان ۇنەمى قارتتى شيپاحاناعا اپارىپ تۇرادى. ”باس شۋجي دەن قويا، سۇيىسپەنشىلىكپەن بۇقاراعا قىزمەت وتەۋ كەرەك دەگەن، بۇل الەۋمەتتىك اۋماق قىزمەتىنە قويىلعان تالاپ، سونداي - اق ءبىزدى جەبەگەندىك. بۇدان بىلاي ءبىز قىزمەت وتەۋدى ونان ارى ەگجەي - تەگجەيلى، ونان ارى ەتەنەلىكپەن ىستەپ، اناعۇرلىم زور قايراتپەن بۇقاراعا قىزمەت وتەيمىز“، - دەدى ياقۇپجان.
”كوپشىلىك ءۇشىن جانۇياسىن قيدى، ولار القاۋعا تاتيدى“
”ىندەتتەن ساقتانۋ - تىزگىندەۋ كەزىندە الەۋمەتتىك اۋماق كادرلارى تۇرمىستىق قاجەتتى بۇيىمداردى ساتىپ الۋىمىزعا كومەكتەسىپ، تۇرمىستاعى ءىس جۇزىندىك ماسەلەلەرىمىزدى شەشىپ بەردى، ءار كۇنى ءتۇن ورتاسىنا دەيىن قاربالاستاپ، كوپشىلىك ءۇشىن جانۇياسىن قيدى، ولار القاۋعا تاتيدى“. 4 - ايدىڭ 10 - كۇنى گازەتتەن باس شۋجي شي جينپيڭنىڭ جاۋاپ حاتىن كورگەن اۋات اۋدانى اۋات قالاشىعى حىبين الەۋمەتتىك اۋماعىنىڭ تۇرعىنى پاتيگۇل ماحمۇت قاسىنداعى الەۋمەتتىك اۋماق قىزمەتكەرىن القاپ: ”كوپتەگەن تۇرعىن الەۋمەتتىك اۋماق قىزمەتكەرلەرىنىڭ ءوز باستارىنان ونەگە كورسەتىپ، اتويلاپ الدا جۇرگەن رۋحىنان اسەرلەنىپ، ەرىكتىلەر قوسىنىنا كىرىپ، الەۋمەتتىك اۋماقتىڭ ءتۇرلى قىزمەتتەرىنە سايكەسە كومەكتەستى“، - دەدى.
قۇتىبي اۋدانى قۇتىبي قالاشىعى باقىت الەۋمەتتىك اۋماعىنىڭ تۇرعىنى پان چىڭنىڭ كوڭىلىندە قاسىنداعى الەۋمەتتىك اۋماق قىزمەتكەرلەرى قۇددى ءوز جاقىنىنداي ەدى. ”كۇرىش - ۇن، كوكونىس جەتكىزىپ بەردى... ولار كۇنى - ءتۇنى دەمەي الەۋمەتتىك اۋماقتاعى تۇرعىندارعا قىزمەت وتەدى. مۇنداي جاقسى كادرلار تۇتاس قوعامنىڭ كوڭىل بولۋىنە، قامقورلىق كورسەتۋىنە تاتيدى“، - دەدى پان چىڭ.
(ءتىلشى جاۋ چۇنحۋا، قاتىناسقان تىلشىلەر يۇي شي، جاڭ جىلي، گى يوۋجۇن، رايدا، ءجازيرا نەسىپبەك، ەرىكتى ءتىلشى شۇي چىڭشيۋ، ما جى)
