شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ مەن ارگەنتينانىڭ زۇڭتۇڭى فەرناندەز جۋىقتا ءوزارا حات جولداپ، ەكى ەلدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋى جونىندە پىكىرلەستى.
شي جينپيڭ جۇڭگو ۇكىمەتى جانە جۇڭگو حالقى اتىنان ارگەنتينا ۇكىمەتى مەن حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعاندىعى جونىندە شىنايى حال سۇرايتىندىعىن ءبىلدىردى. شي جينپيڭ مىنالاردى ءبىلدىردى: جۇڭگو جاق ارگەنتينانىڭ ىندەتكە قارسى اتتانۋ شارالارىن باتىل قولداپ، ارگەنتينا جاقتى ىندەتكە قارسى اتتانۋ زاتتىق ماتەريالدارىمەن جەدەل قامدادى، ەكى ەل ماماندارى ىندەتتەن ساقتانۋ - تىزگىندەۋ جونىندە تاجىريبە اۋىستىرۋ ءماجىلىسىن وتكىزدى. جۇڭگو جاق ارگەنتينا جاقپەن ساقتانۋ - تىزگىندەۋ تاجىريبەلەرىن جانە دياگنوز قويۋ - ەمدەۋ جوباسىن ۇزدىكسىز ورتاق پايدالانىپ، ارگەنتينا جاققا قولىنان كەلگەنىنشە زاتتىق ماتەريالداردى كومەككە بەرىپ، ىندەتكە قارسى اتتانۋ جاعىنداعى اۋىس - كۇيىستى، سەلبەستىكتى كۇشەيتىپ، دۇنيە ءجۇزىنىڭ جانە ءوڭىردىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋعا بەلسەندى ۇلەس قوسۋدى قالايدى.
فەرناندەز جۇڭگو جاقتىڭ ارگەنتينا جاققا بار كۇشپەن قولداۋ كورسەتكەندىگىنە العىس ايتتى. فەرناندەز مىنانى ءبىلدىردى: جۇڭگو ىندەتتەن ساقتانۋ - تىزگىندەۋدە قۋاتتى باسشىلىق قابىلەتى مەن جاسامپازدىق كۇشىن ايگىلەپ، ارگەنتيناعا ونەگە بولدى. جۇڭگو جاق دۇنيە ءجۇزى بويىنشا اسا ماماندانعان ساقتانۋ - تىزگىندەۋ تاجىريبەسىنە يە، ءبىز جۇڭگو جاقتان ۇيرەنۋدى، ۇلگى الۋدى ءۇمىت ەتەمىز. ەكى ەلدىڭ ىندەتتەن ساقتانۋ - تىزگىندەۋ سەلبەستىگىنىڭ ارگەنتينا - جۇڭگو حالىقتارىنىڭ دوستىق، ءوزارا تيىمدىلىك جاساۋ قارىم - قاتىناسىن تەرەڭدەتەتىندىگىنە كامىل سەنەمىن.
