شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 10 - كۇنى كەشتە ۆەنەسۋەلانىڭ زۇڭتۇڭى مادۋرومەن تەلەفوندا سويلەستى.
شي جينپيڭ جۇڭگو ۇكىمەتى مەن جۇڭگو حالقى اتىنان ۆەنەسۋەلا ۇكىمەتىنەن جانە حالقىنان شىنايى حال سۇرايتىندىعىن جانە تاباندى قولداۋ كورسەتەتىندىگىن ءبىلدىردى. شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو جاق باستان - اياق اشىق بولۋ، جاريا بولۋ، جاۋاپتى بولۋ پوزيتسياسىن ۇستانىپ، دۇنيە جۇزىلىك دەنساۋلىق ساقتاۋ ۇيىمىمەن جانە حالىقارالىق قوعاممەن ىندەت ينفورماتسيالارىن دەر كەزىندە ورتاقتاسىپ، حالىقارالىق سەلبەستىكتى كەڭ كولەمدە ورىستەتتى. ءبىز ادامزاتتىڭ تاعدىرلاس ورتاق تۇلعاسى تانىمىن ۇستانىپ، قاجەت ەتىپ وتىرعان ەلدەرگە قولىمىزدان كەلگەنىنشە قولداۋ جانە كومەك كورسەتىپ وتىرمىز . مەن ۆەنەسۋەلاداعى ىندەتتىڭ كەڭەيۋىنە ايرىقشا نازار اۋدارىپ وتىرمىن. مەن ۆەنەسۋەلا ۇكىمەتىنىڭ دەرەۋ ىندەتتەن ساقتانۋ شارالارىن باتىل قولدانىپ، ءوز ەلى حالقىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولۋ پوزيتسياسىن تولىق ايگىلەگەندىگىن بايقادىم. جۇڭگو جاق ۆەنەسۋەلا جاقتىڭ قازىرگى جاعدايىن تۇسىنەدى، ۆەنەسۋەلا جاققا ىندەتتەن ساقتانۋ بويىنشا بىرنەشە توپتا زاتتىق ماتەريال كومەك ەتتى ءارى جوعارى ورەلى ەمدەۋ ماماندار گرۋپپاسىن جىبەردى. ءبىز ۆەنەسۋەلا جاقپەن ساقتانۋ - تىزگىندەۋ سەلبەستىگىن كۇشەيتىپ، ۇزدىكسىز كومەك كورسەتۋدى قالايمىز.
شي جينپيڭ بىلاي دەپ اتاپ كورسەتتى: جۇڭگو مەن ۆەنەسۋەلا جالپى بەتتىك ستراتەگيالىق سەرىكتەر، ەكى ەل حالقىنىڭ دوستىق سۇيىسپەنشىلىگى تەرەڭ. جۇڭگو جاق ۆەنەسۋەلا ۇكىمەتى مەن حالقىنىڭ مەملەكەتتىڭ يەلىك ۇقىعىن قورعاۋىنا، قوعام ورنىقتىلىعىن ساقتاۋىنا، حالىق تۇرمىسىن جاقسارتۋىنا قولداۋ كورسەتەدى، ۆەنەسۋەلا حالقىنىڭ ءوز ەلىنىڭ جاعدايىنا ۇيلەسەتىن دامۋ جولىن قاراستىرۋىنا قولداۋ كورسەتەدى. جۇڭگو جاق ۆەنەسۋەلا ماسەلەسىن ساياسي جولمەن شەشۋدى ىلگەرىلەتۋدە ۇزدىكسىز سىندارلى رول اتقارۋدى قالايدى.
مادۋرو مىنالاردى ءبىلدىردى: جۇڭگو جاق جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە ماڭىزدى كەزەڭدىك ناتيجەگە قول جەتكىزدى، جۇڭگو جاقتىڭ تابىستى ءادىسى ۆەنەسۋەلا جاقتىڭ ۇيرەنۋىنە، ۇلگى الۋىنا تاتيدى. جۇڭگو جاق ۆەنەسۋەلا جاققا قىرۋار كومەك بەردى ءارى ەمدەۋ ماماندار گرۋپپاسىن جىبەرىپ، ۆەنەسۋەلا حالقىمەن تىزە قوسا وتىرىپ كۇرەس جاسادى. قيىنشىلىق كەزەڭىندە تۇرعان ۆەنەسۋەلا حالقى جونىنەن العاندا، جۇڭگو جاقتىڭ قولداۋى مەن كومەگى ايرىقشا قۇندى بولىپ، ءىس جۇزىندىك ارەكەتى ارقىلى دۇنيە جۇزىنە ىنتىماق، سەلبەستىك رۋحىن ايگىلەدى. مەن ۆەنەسۋەلا حالقى اتىنان جۇڭگو كوممۋنيستىك پارتياسىنا، جۇڭگو ۇكىمەتىنە جانە جۇڭگو حالقىنا قۇرمەت بىلدىرەمىن جانە العىس ايتامىن. ۆەنەسۋەلا جاق جۇڭگو جاقپەن ىندەتتەن ساقتانۋ - تىزگىندەۋ سالاسىنداعى اۋىس - كۇيىستى، سەلبەستىكتى كۇشەيتۋدى قالايدى ءارى دۇنيە جۇزىلىك دەنساۋلىق ساقتاۋ ۇيىمىنىڭ قىزمەتىن قولدايدى. ۆەنەسۋەلا جۇڭگو جاقپەن بولعان جالپى بەتتىك ستراتەگيالىق سەرىكتەستىك قارىم - قاتىناسىن قاستەرلەيدى، جۇڭگومەن ۇزدىكسىز سەلبەستىكتى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋدى ءۇمىت ەتەدى.
شينحۋا اگەنتتىگىنىڭ 4 - ايدىڭ 10 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 10 - كۇنى كەشتە مەكسيكانىڭ زۇڭتۇڭى لوپەسپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: قازىر مەكسيكا سياقتى لاتىن امەريكاسى جانە كارايب ەلدەرىندە ىندەت ۇزدىكسىز كەڭەيۋدە، مەن جۇڭگو ۇكىمەتى مەن جۇڭگو حالقى اتىنان مەكسيكا ۇكىمەتى مەن مەكسيكا حالقىنان شىنايى حال سۇرايتىندىعىمدى جانە تاباندى قولداۋ كورسەتەتىندىگىمدى بىلدىرەمىن. زۇڭتۇڭ مىرزانىڭ باسشىلىعىندا، مەكسيكانىڭ تەز ارادا ىندەتتى جەڭەتىندىگىنە سەنەمىن. جۇڭگو جاق مەكسيكا جاققا قولىنان كەلگەنىنشە ۇزدىكسز قولداۋ كورسەتۋدى، وتە - موتە، مەكسيكانىڭ جۇڭگودان ىندەتتەن ساقتانۋعا شۇعىل قاجەتتى زاتتىق ماتەريالدار ساتىپ الۋىنا سايكەسۋدى قالايدى. ەكى جاقتىڭ تاعى ۇزدىكسىز تۇردە ماماندار بەينەەكران ءماجىلىسى سياقتى تاسىلدەرمەن ىندەتتەن ساقتانۋ - تىزگىندەۋ جانە ەمدەۋ تاجىريبەلەرى جونىندە پىكىر اۋىستىرۋىنا بولادى.
شي جينپيڭ بىلاي دەپ باسا دارىپتەدى: جۇڭگو جاق باستان - اياق ادامزاتتىڭ تاعدىرلاس ورتاق تۇلعاسى ۇستانىمىنا تاباندى بولىپ، ىندەتكە قارسى اتتانۋدىڭ حالىقارالىق سەلبەستىگىن بەلسەنە ورىستەتىپ، دۇنيە جۇزىلىك دەنساۋلىق ساقتاۋ ۇيىمىنىڭ قىزمەتىنە تاباندى قولداۋ كورسەتتى. 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋىنا توتەپ بەرۋ جونىندەگى ەل باسىلارى ەرەكشە كەڭەسىندە، مەن ىندەتكە قارسى اتتانۋدىڭ حالىقارالىق سەلبەستىگى جانە دۇنيە ءجۇزى ەكونوميكاسىن ورنىقتىرۋ جونىندە 4 دارىپتەمەنى العا قويدىم. جۇڭگو جاق مەكسيكانى قامتىعان ءارقايسى مۇشە ەلدەرمەن بايلانىس جاساۋدى، سايكەسۋدى كۇشەيتىپ، ەل باسىلارى كەڭەسىنىڭ ورتاق تانىمىن تياناقتاندىرۋدى قالايدى. وسى رەتكى ىندەتكە قارسى اتتانۋ سەلبەستىگى ارقىلى جۇڭگو مەن مەكسيكا ەكى ەل حالقىنىڭ دوستىعى ۇزدىكسىز تەرەڭدەپ، ەكى جاق قارىم - قاتىناسىنىڭ ستراتەگيالىق سيپاتى ۇزدىكسىز جوعارىلايتىندىعىنا سەنەمىن. جۇڭگو جاق مەكسيكا جاقپەن بىرلەسكەن مەملەكەتتەر ۇيىمى سياقتى كوپ جاقتى جۇلگەدە بايلانىس جاساۋدى، سايكەسۋدى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋدى قالايدى.
لوپەس مىنالاردى ءبىلدىردى: مەكسيكا جاق جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ قيىن كەزەڭىندە تۇرعاندا، جۇڭگو جاق مەكسيكا جاقتىڭ ىندەتكە قارسى اتتانۋىنا قۇندى قولداۋ كورسەتتى جانە كومەكتەستى، بۇل مەكسيكا جونىنەن توتەنشە ماڭىزدى. مەكسيكا جۇڭگومەن باۋىرلاستىق، دوستىق قارىم - قاتىناستى باستان - اياق ساقتاپ كەلەدى، مەكسيكا جاق جۇڭگومەن قارىم - قاتىناستى بەلسەنە دامىتۋعا ۇزدىكسىز كۇش سالىپ، جۇڭگو جاقپەن ىندەتكە قارسى اتتانۋ جانە الەۋمەتتىك دەنساۋلىق ساقتاۋ سياقتى سالالاردا اۋىس - كۇيىستى، سەلبەستىكتى كۇشەيتۋدى قالايدى.
