شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى (تىلشىلەر دۇڭ رۇيفىڭ، يۇي جۇنجيە). حالىق ىستەرى مينيسترلىگى نەگىزگى ساتى بيلىك قۇرىلىس جانە الەۋمەتتىك اۋماقتى جونگە سالۋ مەكەمەسىنىڭ باستىعى چىن يۋەلياڭ 4 - ايدىڭ 11 - كۇنى مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ اقپار جاريالاۋ ماجىلىسىندە بىلاي دەدى: الەۋمەتتىك اۋماقتاعى ساقتانۋ - تىزگىندەۋ قىزمەتىنىڭ ۇدايىلانۋىن ىلگەرىلەتۋ − كەزەكتەگى الەۋمەتتىك اۋماق قىزمەتىندەگى ماڭداي الدى مىندەت، قالىڭ الەۋمەتتىك اۋماق قىزمەتكەرلەرى، ءسوز جوق، الەۋمەتتىك اۋماقتىڭ قورعانىس شەبىن قاتاڭ، بەرىك قورعاۋلارى كەرەك.
چىن يۋەلياڭ بىلاي دەدى: ۇدايىلانعان ساقتانۋ - تىزگىندەۋدىڭ مىناداي ءتورت تەتىگى بار: ءبىرىنشى، ۇزاققا سوزىلاتىن شايقاستى قاجىماي - تالماي ويداعىداي جۇرگىزۋ؛ ەكىنشى، پارىقتى مامىلە جاساۋ جانە ءبىر جاقتى ەتۋ؛ ءۇشىنشى، دالمە - ءدال ساقتانىپ - تىزگىندەپ، سالاماتتىق كودىن جالپىلاستىرىپ، ينفورماتسيالاندىرۋ تاسىلدەرىن تولىق قولدانۋ؛ ءتورتىنشى، قوعامنىڭ بىرلەسە قيمىلداۋى، قاتىستى كاسىپ سالاسى وداقتارىنىڭ رولدارىن بەلسەندى ساۋلەلەندىرۋىن ءۇمىت ەتۋ.
تانىستىرۋعا قاراعاندا، حالىق ىستەرى مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى جاقىن ارادا الەۋمەتتىك اۋماقتاعى ساقتانۋ - تىزگىندەۋ جانە قىزمەت وتەۋ قىزمەتىن دالمە - ءدال، ەگجەي - تەگجەيلى جۇرگىزۋگە جەتەكشىلىك ەتۋ جوباسىن بىرلەسىپ باسىپ تاراتىپ، تومەن، ورتاشا، جوعارى قاتەرلى وڭىرلەر مەن ناۋقاس بايقالماعان، ناۋقاس بايقالعان نەمەسە ىندەت تۋىلعان، ناۋقاس تارالعان 3 تۇردەگى الەۋمەتتىك اۋماقتاردى ايىرىپ، الەۋمەتتىك اۋماقتاعى ساقتانۋ - تىزگىندەۋدى، الەۋمەتتىك اۋماقتا قىزمەت وتەۋدى، تۇرعىنداردىڭ ات سالىسۋىن ويداعىداي ىستەۋدىڭ ناقتى تاكتيكاسىن دالمە - ءدال، ەگجەي - تەگجەيلى ورتاعا قويادى، سونداي - اق ينفورماتسيالاندىرۋدى قولدانۋدىڭ ناقتى مىندەتتەرىن جەكە - جەكە ايقىنداپ، جەر - جەردىڭ توتەنشە جاعداي بويىنشا ءبىر جاقتى ەتۋ مەن ۇدايىلانعان ساقتانۋ - تىزگىندەۋ بىرلەستىرىلگەن الەۋمەتتىك اۋماقتاعى ساقتانۋ - تىزگىندەۋ مەحانيزمىن ونان ارى كەمەلدەندىرۋىنە جەتەكشىلىك ەتەدى ەكەن.
چىن يۋەلياڭ بىلاي دەدى: وسى رەتكى ۇزاققا سوزىلاتىن شايقاستى ويداعىداي جۇرگىزۋ ءۇشىن، جەر - جەر، ءسوز جوق، الەۋمەتتىك اۋماق قىزمەتكەرلەرىنىڭ تاسقىنداعان جاۋىنگەرلىك قۋاتىن قاي - قاشان دا ساقتاۋ كەرەك، بۇنىڭ تەتىگى الەۋمەتتىك اۋماق قىزمەتكەرلەرىنە كوڭىل ءبولۋ، قامقورلىق جاساۋ ساياساتىن ويداعىداي تياناقتاندىرۋدا.
3 - ايدىڭ 3 - كۇنى ورتالىقتىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ قىزمەتى باسشىلىق گرۋپپاسى «ىندەتتەن ساقتانۋ - تىزگىندەۋدىڭ ءبىرىنشى شەبىندەگى قالا - اۋىل الەۋمەتتىك اۋماق قىزمەتكەرلەرىنە كوڭىل ءبولۋ، قامقورلىق جاساۋ شارالارىن جالپى بەتتىك تياناقتاندىرۋ جونىندەگى حابارلاندىرۋدى» باسىپ تاراتقان بولاتىن. قازىرگە دەيىن 28 ولكە قاتىستى ارناۋلى ساياسات نەمەسە جوبا جاريالاعان.
