لي پىڭشين سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ەكونوميكالىق اينالىمنىڭ ساپاسى مەن ونىمدىلىگىن جوعارىلاتۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 4 - ايدىڭ 11 - كۇنى سانجىدان حابارلايدى. 4 - ايدىڭ 10 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين سانجى حۇيزۋ اۆتونوميالى وبلىسىنىڭ سانجى قالاسىنا بارىپ، مەكتەپتەردىڭ وقۋ باستاۋ، ساباقتى قالپىنا كەلتىرۋ جانە ىندەتتەن ساقتانۋ - تىزگىندەۋ، كوكتەمگى ەگىس ءوندىرىسى، كاسىپورىنداردىڭ جۇمىستى، ءوندىرىستى قالپىنا كەلتىرۋى، ەكولوگيالىق وركەنيەت قۇرىلىسى سياقتى قىزمەتتەرگە جۇمىس ۇستىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، باستان - اياق ساق بولىپ، ىندەتتەن ساقتانۋ - تىزگىندەۋدى ويداعىداي يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ەكونوميكالىق اينالىمنىڭ ساپاسى مەن ونىمدىلىگىن جوعارىلاتۋعا تاباندى بولىپ، تۇتاس جىلدىق ەكونوميكالىق، قوعامدىق دامۋ نىسانالارى مەن مىندەتتەرىن جاپپاي ورىنداۋعا شىنايى كەپىلدىك ەتۋ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتۋگە، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋگە شىنايى كەپىلدىك ەتۋ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاۋعا شىنايى كەپىلدىك ەتۋ كەرەك.
سانجى قالالىق 7 - ورتا مەكتەپتە لي پىڭشين دەنە تەمپەراتۋراسىن ىرىقتىلىقپەن ولشەتكەن سوڭ، مەكتەپتىڭ كەزەكشىلەر بولمەسى، جاتاقحاناسى، اسحاناسى، ۋاقىتشا قالدىرىپ باقىلاۋ ورنى سياقتىلارعا بارىپ، وقىتۋشى - وقۋشىلاردىڭ مەكتەپكە ورالۋ، ءبىر ۋاقىتقا شوعىرلاندىرماي تاماقتاندىرۋ، ازىق - تۇلىك حاۋىپسىزدىگى، ورتانى زارارسىزداندىرۋ، ىندەتتەن ساقتانۋ زاتتىق ماتەريالدارىن ساقتاۋ جانە تاربيەلەۋ، وقىتۋ احۋالىن ەگجەي - تەگجەيلى ۇعىستى. ول بىلاي دەپ باسا دارىپتەدى: سالاۋاتىن تەكسەرۋ، دەنە تەمپەراتۋراسىن ولشەۋ، ماسكى تارتۋ سياقتى شارالاردى قاتاڭ تياناقتاندىرىپ، ساباقحانا، جاتاقحانا، اسحانا سياقتى ادامدار شوعىرلى وڭىرلەردە جانە ءتۇيىندى ورىنداردا زارارسىزداندىرۋ، اۋا الماستىرۋ سياقتى قىزمەتتەردى جاقسى يگەرىپ، ساقتانۋ - تىزگىندەۋ بىلىمدەرى جونىندەگى ۇگىت - تاربيەنى مۇقيات ورىستەتىپ، ساقتانۋ - قورعانۋ زاتتىق ماتەريالدارىن ورنالاستىرۋدى، ساقتاۋدى تىڭعىلىقتى ويداعىداي ىستەپ، حاۋىپسىز، ءتارتىپتى بولۋعا، تيتتەي دە اعاتتىق جىبەرمەۋگە شىنايى كەپىلدىك ەتۋ كەرەك. قالىپتى وقىتۋ ءتارتىبىن جاپپاي قالپىنا كەلتىرۋمەن بىرگە، وقىتۋ مازمۇنىنا رەفورما جاساۋعا جانە وقىتۋ فورماسى مەن ادىسىنە جاڭالىق ەنگىزۋگە ءمان بەرىپ، ساباقحانانىڭ ونىمدىلىگىن جوعارىلاتىپ، وقىتۋ مىندەتىن جوعارى ساپامەن ورىنداۋعا شىنايى كەپىلدىك ەتۋ كەرەك.
لي پىڭشين تاعى سانجى قالاسى سانگۇڭ قالاشىعى ارگۇڭ قىستاعىنا بارىپ، دۇمبە ءبيدايدىڭ كوكتەۋ جاعدايىن جانە كوكتەمگى ءوندىرىس احۋالىن جۇمىس ۇستىندە تەكسەردى؛ شينجياڭ باتىس بولىك ەكولوگيالىق مال شارۋاشىلىعى شەكتى سەرىكتەستىگىندە 5000 ءسۇتتى سيىر ەكولوگيالىق باعىمشىلىق قۇرىلىسى نىسانى احۋالىنا تەكسەرۋ - زەرتتەۋ جۇرگىزدى. لي پىڭشين مىنالاردى باسا دارىپتەدى: سانجى وبلىسى 1 - كاسىپتە دەڭگەيدى جوعارىلاتۋعا تاباندى بولىپ، اۋىل شارۋاشىلىعى، اۋىل - قىستاق، شارۋالارعا قىزمەت وتەپ، عىلىم - تەحنيكالىق تىرەكتى كۇشەيتىپ، اۋىل - قىستاقتى گۇلدەندىرۋ ستراتەگياسىن كۇش سالا اتقارىپ، اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىن ىلگەرىلەتىپ، تيانشاننىڭ سولتۇستىك بوكتەرىندە وسى زامانعى اۋىل شارۋاشىلىعىنان ۇلگى كورسەتۋ رايونىن قۇلشىنا قالىپتاستىرۋ كەرەك. ساياساتتىق سۇيەمەلدەۋ جۇيەسىن ورناتىپ، كەمەلدەندىرىپ، ەگىن، مال شارۋاشىلىعىندا باستاماشى كاسىپورىنداردان ءبىر توبىن كۇش سالا جەتىلدىرىپ، ۇلگى كورسەتۋ، جەتەكشىلىك ەتۋ رولىن شىن مانىندە ساۋلەلەندىرۋ كەرەك. عىلىم - تەحنيكالىق تىرەكتى كۇشەيتىپ، عىلمي زەرتتەۋ ورىندارىمەن سەلبەستىك جاساۋ سەرپىنىن ارتتىرىپ، ءوندىرۋدىڭ، وقىتۋدىڭ، زەرتتەۋدىڭ توعىسا دامۋىن كۇشەيتىپ، اۋىل شارۋاشىلىعى ءوندىرىسىنىڭ ونىمدىلىگىن شىن مانىندە جوعارىلاتۋ كەرەك.
توۋتۇنحى جاعالاۋىنداعى جالپىلىق رەتتەۋ - وڭاۋ ينجەنەرياسى سانجى قالاسىن جانە ءۇرىمجى قالاسىن، بيڭتۋان 12 - شىسىن شارپىپ جاتقان اۆتونوميالى رايوننىڭ ءتۇيىندى حالىق تۇرمىسى ينجەنەرياسى، سالىنىپ بولعاننان كەيىن، توۋتۇنحى تابيعي ەكولوگيالىق ورتاسىنىڭ دەڭگەيىن جاپپاي جوعارىلاتادى. لي پىڭشين توۋتۇنحى ۇلكەن كوپىرى جاعالاۋىنا بارىپ، ينجەنەريانىڭ اياق الىسىن جۇمىس ۇستىندە تەكسەردى. ول بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرىپ، تياناقتاندىرىپ، بيڭتۋان مەن جەرگىلىكتى ورىننىڭ ەكولوگيالىق ورتاسىن قورعاۋدى ءبىر تۇتاس ورنالاستىرىپ سايكەستىرۋگە، بيڭتۋان مەن جەرگىلىكتى ورىن بىرلەسىپ قيمىلداۋعا تاباندى بولىپ، تاۋ، سۋ، ورمان، اتىز، كول، جايلىمدى جۇيەلى جونگە سالۋدى ءبىر تۇتاس جوسپارلاپ، توۋتۇنحىنىڭ سۋ قاينارىن ساقتاۋ كەڭىستىگىن زاڭ بويىنشا قورعاپ، تۇنىق سۋدى قورعاۋ شايقاسىن ويداعىداي جۇرگىزىپ، تاماشا ەكولوگيالىق ورتامەن جاعالاۋداعى ءار ۇلت بۇقاراسىنا يگىلىك جەتكىزۋ كەرەك.
شينجياڭ ينفورماتسيا كاسىپ سالاسى باقشاسىندا لي پىڭشين بۇرىننان بار نىسانداردىڭ جۇرگىزىلۋ احۋالىن جانە باقشا رايونىنىڭ بولاشاق دامۋ جوباسىن تاپتەشتەي ۇعىستى. لي پىڭشين بىلاي دەپ باسا دارىپتەدى: جاڭا دامۋ ۇستانىمى ارقىلى ءتۇيىندى نىسان قۇرىلىستارىنا ءبىر تۇتاس جەتەكشىلىك ەتۋگە تاباندى بولىپ، مەملەكەتتىڭ كاسىپ سالاسى ساياساتىن جانە قارجى قوسۋ بەتالىسىن ءداپ باسىپ كوزدەپ، وزىندىك ارتىقشىلىعىن جانە كاسىپ سالاسى نەگىزىن تياناق ەتىپ، شىن مانىندە ولقىلىقتاردى تولىقتاپ، ءالسىز تۇستاردى كۇشەيتۋ كەرەك. اسىرەسە، ورايدى مىقتاپ يگەرىپ، 5G، ساندى مالىمەت ورتالىعىن ۋاكىل ەتكەن جاڭا تيپتى نەگىزدىك قۇرىلعىلار قۇرىلىسىن ۇزدىكسىز ىلگەرىلەتىپ، بۇكىل رايون ەكونوميكاسىنىڭ جوعارى ساپالى دامۋىن جەبەۋگە باياندى قوزعاۋشى كۇش جانە تەبىن ۇستەۋ كەرەك.
