شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 4 - ايدىڭ 12 - كۇنى ۇرىمجىدەن حابارلايدى. 4 - ايدىڭ 12 - كۇنى ءۇرىمجى ديوپۋ حالىقارالىق اۋەجايىنىڭ شىعىس زات تاسىمال اۋماعىندا، اۆتونوميالى رايوننىڭ زات تاسىمال كاسىبىنىڭ ”13 - بەسجىلدىق“ جوباداعى ءتۇيىندى نىسانى − ءۇرىمجى اۋەجايى اۆياتسيالىق زات تاسىمال باقشاسى شىعىس ءبولىپ تاراتۋ پۋنكتىنىڭ ۇيلەرى نىسانى جەدەل قۇرىلىس جۇرگىزۋدە.
تانىستىرۋعا قاراعاندا، ءبولىپ تاراتۋ پۋنكتىنىڭ ۇيلەرى ءارقايسى اۆياتسيا سەرىكتەستىكتەرى مەن زات يەلەرى ءۇشىن حالىقارالىق اۆياتسيالىق زات تاسىمالى بويىنشا جەر بەتىندە قىزمەت وتەيتىن بەيتاراپ قوعامدىق تاسىمال قىزمەت وتەۋ تۇرىندەگى زات تاسىمالى جۇيەسى ينجەنەرياسى، ءۇرىمجى اۋەجايى اۆياتسيالىق زات تاسىمالى باقشاسىنىڭ ماڭىزدى قۇرامداس بولىگى، سونداي - اق ماڭىزدى كوپ ءتۇرلى ۇلاسپالى تاسىمال كوشىرىپ تيەۋ قۇرىلعىسى. نىساننىڭ يەلەيتىن جالپى جەرى 98 مىڭ شارشى مەتردەن اسادى، جالپى قۇرىلىس اۋدانى 6600 شارشى مەتردەن اسادى، جيىنى مولشەرمەن 299 ميلليون 870 مىڭ يۋان قارجى قوسىلادى ەكەن.
جۇڭگو قۇرىلىس 3 - مەكەمەسى توبى شەكتى سەرىكتەستىگىنىڭ اۆياتسيالىق زات تاسىمالى باقشاسى نىسانىنىڭ جاۋاپتىسى ليۋ يۇڭشۇي بىلاي دەدى: نىساننىڭ تەز ارادا جۇمىس باستاۋىن جەبەۋ ءۇشىن، كوپتەگەن باقىلاۋ - باسقارۋ تاراۋى ”جاسىل ارنا“ اشتى. قازىر ىندەتتەن ساقتانۋ - تىزگىندەۋ قىزمەتىن قاتاڭ تۇردە ويداعىداي ىستەۋ العى شارتىندا، نىسان قۇرىلىسىنىڭ قارقىنى تەزدەتىلۋدە. شينجياڭ اۋەجاي توبى شەكتى جاۋاپكەرشىلىك سەرىكتەستىگى جوندەۋ ينجەنەرياسى ءبولىمى ءۇي قۇرىلىسىن باسقارۋ كەڭسەسىنىڭ مەڭگەرۋشىسى جاڭ يوۋ - ۋي بۇل نىساننىڭ مەجەمەن 12 - ايدا ىسكە قوسىلاتىندىعىن ايتتى.
ءۇرىمجى اۋەجايى اۆياتسيالىق زات تاسىمالى باقشاسىنىڭ جەر اۋدانى مولشەرمەن 525 مۋ، جوبا نىساناسى 2030 - جىلى حالىقارالىق جۇك تاسىمال مولشەرىن 200 مىڭ تونناعا جەتكىزۋ، شىعىس ءبولىپ تاراتۋ پۋنكتى ۇيلەرىنىڭ بەكىتىلگەن جوبا نىساناسى 120 مىڭ توننالىق زات تاسىمال مولشەرىن ءبىر جاقتى ەتۋ سۇرانىسىن قاناعاتتاندىرۋ.
