− جەر - جەر الەۋمەتتىك اۋماقتىڭ ساقتانۋ - تىزگىندەۋ حاۋىپسىزدىك قامالىن بەكەمدەدى
شينحۋا اگەنتتىگىنىڭ تىلشىلەرى لو گوجۇن، ۋاڭ جۇنلۋ، لي پيڭ، ۋاڭ زىچىن
تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، باس شۋجي شي جينپيڭ الەۋمەتتىك اۋماقتاردىڭ ساقتانۋ - تىزگىندەۋ قىزمەتىنە ايرىقشا ءمان بەرىپ، تالاي رەت ماڭىزدى نۇسقاۋ بەردى جانە ورنالاستىرۋ جاسادى. 4 - ايدىڭ 8 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە، باس شۋجي شي جينپيڭ الەۋمەتتىك اۋماقتاردىڭ باسقارۋ - تىزگىندەۋ شارالارىن ساپالىلاندىرىپ، الەۋمەتتىك اۋماقتىڭ ساقتانۋ - تىزگىندەۋ حاۋىپسىزدىك قامالىن بەكەمدەۋ كەرەكتىگىن قايتالاي باسا دارىپتەدى.
ىندەتكە قارسى اتتانۋدىڭ ءبىرىنشى شەبىندە، بۇكىل ەل بويىنشا 4 ميلليوننان استام الەۋمەتتىك اۋماق قىزمەتكەرى بورىشتى ەستە بەرىك ساقتاپ، 650 مىڭ قالا، اۋىل الەۋمەتتىك اۋماقتارىندا ىندەتتى باقىلاۋ، كىرىپ - شىعۋدى باسقارۋ، ۇگىت - تاربيە جۇرگىزۋ، قورشاعان ورتانى جونگە سالۋ، قيىنشىلىعى بارلارعا كومەكتەسۋ - سۇيەمەلدەۋ سياقتى قىزمەتتەردى ىستەپ، ىندەتتىڭ تارالۋىن تىزگىندەۋگە، بۇقارانىڭ تۇرمىسىن قامتاماسىز ەتۋگە ماڭىزدى ۇلەس قوستى.
مەكەندى قورعاپ، تىنىشتىقتى ساقتاپ، الەۋمەتتىك اۋماقتا ساقتانۋ - تىزگىندەۋدىڭ ۇدايىلانۋىن ىلگەرىلەتتى
”ىندەتتەن ساقتانۋ - تىزگىندەۋ ۇدايىلانۋ ساتىسىنا وتكەننەن كەيىن، ءتىپتى دە تاباندىلىقپەن جالعاستىرۋ، بوساڭسىماۋ كەرەك“. ىندەت تۋىلعاننان بەرى، بەيجيڭ قالاسى شيچىڭ رايوندىق كوميتەتى داشىلان ءمالىسى قىزمەت كوميتەتىنىڭ شۋجيى لي جيە ءار كۇنى كەشتە ءمالى كادرلارىمەن بىرگە ”ەسەپ جاسايدى“. ”قازىر ءالى 135 ادام بەيجيڭگە قايتقان جوق، 11 ادام ءالى ۋحاندا“.
داشىلان ءمالىسى تيان - انمىن الاڭىنىڭ جانىندا عانا، قاراستى اۋماقتا ايگىلى ساياحات ءوڭىرى دە، ادام تىعىز ورنالاسقان تۇرعىندار اۋماعى دا بار. ىندەت تۋىلعاننان بەرى، داشىلان مالىسىندە رايوننان تومەنگە تۇسكەن 140تان استام كادر، مالىدەن تومەنگە تۇسكەن 160تان استام كادر، 150دەن استام الەۋمەتتىك اۋماق قىزمەتكەرى، 300دەن استام پارتيا مۇشەسى ەرىكتىلەرى، 300دەن استام اماندىق قورعاۋشى 1000نان استام ادامدىق ءبىرىنشى شەپ ساقتانۋ - تىزگىندەۋ قوسىنىن بىرگە قۇرىپ، الەۋمەتتىك اۋماقتى جابىق باسقارۋ، كۇزەتكە تۇرىپ كەزەكشىلىك ىستەۋ، وتباسىندا اۋاشالانعان بۇقاراعا قىزمەت وتەۋ، قامتاماسىز ەتۋ، زارارسىزداندىرىپ جويۋ، ىندەتتەن ساقتانۋ سياقتى ءتۇرلى قىزمەتتەردى جاقسى ىستەدى.
”تاياۋدا بەيجيڭگە ورالعانداردىڭ جاعدايىن ءبىر - بىرلەپ تەكسەرۋدى ءتۇيىندى تۇردە ورىستەتتىك، ءمالى بەيجيڭگە ءالى قايتىپ كەلمەگەن ءاربىر اداممەن يكەمدى بايلانىستى ساقتاپ، بەيجيڭ قالاسىنىڭ ەڭ جاڭا ساياساتىن، داشىلان رايونىنىڭ جۇمىستى، ءوندىرىستى قالپىنا كەلتىرۋدەگى قاتىستى تالاپتارىن تەلەفون، ۋيچات ارقىلى حابارلادىق“. لي جيە بىلاي دەپ تانىستىردى: ىندەتتەن ساقتانۋ - تىزگىندەۋدىڭ جاڭا جاعدايىنا سايكەسۋ ءۇشىن، ءمالى قاراستى اۋماقتاعى 20 مىڭنان استام تۇرعىننىڭ قول تەلەفون ءنومىرىن ءبىر تۇتاس جۇيەگە ەنگىزىپ، ەلەكتروندى كىرۋ - شىعۋ كۋالىگىن جاساپ، ساندى مالىمەتتەندىرۋ تاسىلىنەن تولىق پايدالانىپ، الەۋمەتتىك اۋماقتىڭ ساقتانۋ - تىزگىندەۋ قورعانىسىن بەكەمدەدى.
4 - ايدىڭ 8 - كۇنى ۋحان قالاسى ۋحاننان شىعاتىن جولداردى باسقارۋ - تىزگىندەۋدى كۇشىنەن قالدىردى، ۋحاننىڭ بۇرىنعى جالىندى بەينەسى بىرتە - بىرتە قالپىنا كەلە باستادى. الايدا ”جابىق ۇستاۋدى كۇشىنەن قالدىرۋ“ ”ساقتانۋدى كۇشىنەن قالدىرۋ“ دەگەندىك ەمەس، قالا قاقپاسىن اشۋ ءۇيدىڭ ەسىگىن اشۋ دەگەندىك ەمەس، الەۋمەتتىك اۋماقتىڭ ىندەتتەن ساقتانۋ - تىزگىندەۋ باسقارۋىن تيتتەي بوساڭسىتۋعا بولمايدى.
”4 - ايدىڭ 11 - كۇنگى تاڭعى ءماجىلىستىڭ ءتۇيىنى: ۋحاندا بوگەلىپ قالعانداردىڭ قايتۋ ينفورماتسياسىن جيناۋ؛ تومەنگە تۇسكەن پارتيا مۇشەلەرى ىركەس - تىركەس شەگىنۋ، شاعىن اۋماقتى جابىق تىزگىندەۋدىڭ وتپەلى كەزەڭىنەن ورنىقتى ءوتۋ...“. ۋحان قالاسى حۇڭشان رايونى شىزىشان كوشەسى لوشى جولى الەۋمەتتىك اۋماعى پارتيا باس ياچەيكاسىنىڭ شۋجيى چىن ليپيڭنىڭ ەستەلىك داپتەرىندە ”ىندەتپەن“ شايقاسۋ قىزمەتىنىڭ تۇيىندەرى جازىلىپتى.
چىن ليپيڭ بىلاي دەپ تانىستىردى: 3 - ايدىڭ 16 - كۇنى ىندەتسىز الەۋمەتتىك اۋماق بولىپ باعالانعانىمەن، ءبىراق لوشى جولى الەۋمەتتىك اۋماعىنىڭ جابىق تىزگىندەۋ سەرپىنى كەمىگەن جوق، تۇبەگەيلى جەڭىسكە جەتپەيىنشە شايقاستى اياقتاتپايمىز.
بۇكىل ەلدىڭ كوپتەگەن جەرىندە ءوندىرىس، تۇرمىس ءتارتىبى بىرتىندەپ قالپىنا كەلە باستادى، الەۋمەتتىك اۋماقتىڭ ساقتانۋ - تىزگىندەۋ قىزمەتىنىڭ ۇدايىلانۋىن ىلگەرىلەتۋ كەزەكتەگى الەۋمەتتىك اۋماق قىزمەتىنىڭ ماڭداي الدى مىندەتىنە اينالدى.
جىجياڭنىڭ حاڭجوۋىندا، سول جەردە ىندەتتىڭ تارالۋىنىڭ نەگىزىنەن تيىلۋىنا ىلەسە، قالا تۇرعىندارىنىڭ تۇرمىسى بىرتىندەپ قالىپقا ءتۇستى. ءتىلشى كوپتەگەن شاعىن اۋماقتاردا، شاعىن اۋماقتىڭ قاقپاسىندا ەرىكتىلەر، اماندىق قورعاۋشىلار نەمەسە قوجالىق قىزمەتكەرلەرى كەزەكشىلىكتە تۇرعانىمەن، ”حاڭجوۋ سالاماتتىق كودى“ جاسىل كودىن كورسەتسە بولعانى ەركىن كىرىپ - شىعا الاتىنىن، تەز جولداما جەتكىزۋشى جىگىتتەر، سۋ، ەلەكتر جوندەۋشىلەردىڭ دە جاسىل كود ارقىلى شاعىن اۋماققا قالىپتى كىرىپ - شىعا الاتىندىعىن كوردى.
”كوزگە كورىنەتىن قاراۋىلداردى شەگىندىرىپ، كوزگە كورىنبەيتىن ۇلى قورعان ورناتۋ، شۇعىل جاعدايعا توتەپ بەرۋدى شاپشاڭداتۋدى، ءتۇيىندى باسقارۋ - تىزگىندەۋدىڭ دالمە - دالدىگىن جۇزەگە اسىرۋ تىپتەن قاجەت“. حاڭجوۋ قالاسى جياڭگان رايونى سىجيچيڭ ءمالىسى چيانتاڭ الەۋمەتتىك اۋماعى پارتكومىنىڭ شۋجيى ۋاڭ شياڭ وزدەرىنىڭ ۇگىت پەن جەتەكشىلىكتى كۇشەيتىپ، 4600دەن استام وتباسى، 18 مىڭنان استام تۇرعىننىڭ بارلىعى ات سالىساتىن، بارلىعى كۇش شىعاراتىن الەۋمەتتىك اۋماقتىڭ ساقتانۋ - تىزگىندەۋىنىڭ جاڭا جاعدايىن قالىپتاستىرماقشى ەكەندىكتەرىن ايتتى.
عىلىم - تەحنيكالىق ءتاسىل ارقىلى دەم بەرىپ، دارەجەگە، تۇرگە بولىنگەن دالمە - ءدال ساقتانۋ - تىزگىندەۋدى ىلگەرىلەتتى
ىندەتتەن ساقتانۋ - تىزگىندەۋ ۇدايىلانعان جاڭا جاعدايدا، الەۋمەتتىك اۋماق ءالى دە سىرتتان كىرۋدەن ساقتانۋدىڭ، ىشتە قايتا بەلەڭ بەرۋىنەن ساقتانۋدىڭ ماڭىزدى قورعانىس شەبى. بۇكىل ەلدىڭ كوپتەگەن جەرلەرى الەۋمەتتىك اۋماقتىڭ ساقتانۋ - تىزگىندەۋ قىزمەتتەرىن ەگجەي - تەگجەيلى، ناقتى يگەرۋمەن بىرگە، عىلمي، دالمە - ءدال، ەگجەي - تەگجەيلى بولۋدى، تۇرگە ءبولىپ ساقتانۋ - تىزگىندەۋدى ۇزدىكسىز كۇشەيتىپ، جالپى بەتتىك ساقتانۋ - تىزگىندەۋ تورىنىڭ كۇشىن، ونىمدىلىگىن نىعايتتى.
”شەتەلدە وقيتىن شياۋ جاڭ امەريكادان ەلگە قايتىپ كەلگەننەن كەيىن، شي - اندا 14 كۇن اۋاشالانىپ، بۇگىن كەشتە بەيجيڭگە قايتىپ كەلدى، ەرتەڭ ءبىز بىرگە وعان امانداسا بارامىز“. 4 - ايدىڭ 10 - كۇنى كەشكى ساعات 8دە، بەيجيڭ قالاسى دۇڭچىڭ رايونى جياۋداۋكوۋ ءمالىسى فۋشياڭ الەۋمەتتىك اۋماعى پارتكومىنىڭ شۋجيى لي دىچيڭ الەۋمەتتىك اۋماقتىڭ سايكەستىرۋ ماجىلىسىندە الەۋمەتتىك اۋماق قىزمەتكەرلەرىنە قىزمەت تاپسىرىپ جاتتى.
لي دىچيڭ تانىستىرىپ بىلاي دەدى: قازىر فۋشياڭ الەۋمەتتىك اۋماعىندا بەيجيڭگە ءالى ورالماعان 68 ادام، شەتەلدە بەيجيڭگە ورالۋدى كۇتىپ تۇرعان 11 ادام بار، مۇنىڭ ىشىندە فرانسيادا 2 ادام، امەريكادا ءبىر ادام، يتاليادا ءبىر ادام بار... ىندەت ساندى مالىمەتىنىڭ مۇنداي ەگجەي - تەگجەيلى ءارى يكەمدى جاڭالانۋى فۋشياڭ الەۋمەتتىك اۋماعى جاساعان ”ىندەتپەن“ شايقاسۋ حالىق جاعدايى كارتاسىنىڭ ناتيجەسى.
فۋشياڭ الەۋمەتتىك اۋماعى بەيجيڭ قالاسىنىڭ وزەكتى رايونىندا، جاتاعان ءۇيلى اۋلالار مەن عيمارات ۇيلەر ايقىش - ۇيقىش ورنالاسقان، 1336 تۇرعىننىڭ اراسىندا ءۇيدى مايعا الۋشىلار مەن جەرگىلىكتى تۇرعىندار ارالاس قونىستانعان، باسقارۋ - تىزگىندەۋ قيىندىعى زور. دالمە - ءدال ساقتانۋ - تىزگىندەۋدى كۇشەيتۋ ءۇشىن، فۋشياڭ الەۋمەتتىك اۋماعى تۇرعىندار تىزىمدىگىن جاساپ، جاسىل، قىزعىلت، قىزىل جانە كارتون ادام سىندى 4 ءتۇرلى بەينەمەن تۇرعىندارعا تۇرگە ءبولىپ بەلگى جاسادى.
”بەيجيڭگە ورالعانداردىڭ 14 كۇن ۇيىندە باقىلاۋ مەرزىمى تولعاننان كەيىن، جاپسىرما قاعاز قىزعىلت رەڭنەن جاسىل رەڭگە وزگەرەدى، بۇل تەكسەرۋ ۋاقىتىن بارىنشا ۇنەمدەپ، قىزمەت ونىمدىلىگىن جوعارىلاتتى“. لي دىچيڭ تانىستىرىپ بىلاي دەدى: قازىر ”ىندەتپەن“ شايقاسۋدىڭ حالىق جاعدايى كارتاسى بىرتىندەپ ەلەكتروندانىپ، الەۋمەتتىك اۋماقتىڭ ىندەتتەن ساقتانۋداعى ۇلكەن مي ورتالىق جۇيەسىنە اينالدى.
”ەلەكتروندى كارتادان الەۋمەتتىك اۋماقتاعى 193 اۋلانى تۇگەلدەي اشىپ كورىپ، ءار ءۇيدىڭ، ءار وتباسىنىڭ ىندەت ساندى مالىمەتىن ناقتى ۋاعىندا كورۋگە جانە جاڭالاۋعا بولادى، ىندەتتەن ساقتانۋ اناعۇرلىم زەردەلى، دالمە - ءدال بولدى، نەگىزگى ساتىداعى الەۋمەتتىك اۋماق قىزمەتكەرلەرىنىڭ جۇمىستى كوپ قايتالاپ ىستەۋىنەن دە ساقتانىپ، ولاردىڭ ۋاقىت شىعارىپ ىندەتتەن ساقتانۋعا قاتىستى ناقتى ىستەردى اناعۇرلىم كوپ ىستەۋىنە مۇمكىندىك تۋىلدى“، - دەدى لي دىچيڭ.
ۋحان اشۋ رايونى (حاننان رايونى) جۋانكوۋ كوشەسى فيسۇي جيۋشي الەۋمەتتىك اۋماعىندا، الەۋمەتتىك اۋماق جاسىل، قىزىل، سارى 3 رەڭدى جولحات شىعاردى. مۇنىڭ ىشىندە، جاسىل رەڭدى جۇمىستى قالپىنا كەلتىرۋ كارتچكاسى شوعىرلى ءبىتىرىلدى، ۇزاق ۋاقىت كۇشكە يە بولدى؛ قىزىل رەڭدى جۇمىس ءبىتىرۋ كارتچكاسىنا، سارى رەڭدى زات ساتىپ الۋ كارتچكاسىنا كەزەكشىلىك ورنىندا ۋاقىتتىق ءوتىنىش ەتىپ، شەكتى مەرزىمدە پايدالانۋعا بەرىلدى، سول كۇنى عانا كۇشكە يە بولدى. سالاماتتىق كودى مەن 3 رەڭدى كارتچكا سايكەستىرىپ پايدالانىلىپ، تۇرعىنداردىڭ كىرىپ - شىعۋ قاجەتى دالمە - ءدال پارىقتالىپ، تۇرعىندار ”وتە قاجەتتى بولماسا ۇيدەن شىقپاۋعا“ ءونىمدى جەتەكتەلدى.
”الەۋمەتتىك اۋماق كەڭ، ادام كوپ، تەك ەگجەي - تەگجەيلى بولعاندا عانا ساڭلاۋ قالدىرماۋعا، اعاتتىق جىبەرمەۋگە شىنايى كەپىلدىك ەتۋگە بولادى“، - دەدى فيسۇي جيۋشي الەۋمەتتىك اۋماعىنىڭ شۋجيى سۇن حۇڭحۇي.
حاڭجوۋ قالاسى سايحى ءمالىسى جيڭي الەۋمەتتىك اۋماعىندا، شاعىن اۋماق زەردەلى ورتا مي جۇيەسى اۋماقتاعى ادامدار شوعىرلى ورىندارعا ناقتى ۋاقىتتا بەينەەكراندىق شارلاپ تەكسەرۋ جۇرگىزەدى، قاراستى اۋماقتا ادامدار تىم شوعىرلانعان جاعداي بايقالسا، الدىن الا ساقتاندىرادى، الەۋمەتتىك اۋماق قىزمەتكەرلەرى دەرەۋ سول جەرگە بارىپ، شوعىرلانعان ادامداردى تاراپ كەتۋگە ءناسيحاتتايدى.
”اۆتوكولىك باسقارۋ جۇيەسى AI زەردەلى تانۋ، ءىرى ساندى مالىمەت، بۇلتتىق اماناتتاۋ سياقتى تەحنيكالاردان پايدالاندى، حاۋىپ - قاتەرى جوعارى وڭىرلەرگە بارعان اۆتوكولىكتەردىڭ الەۋمەتتىك اۋماققا كىرگەنى بايقالسا، جۇيە ەڭ الدىمەن ينفورماتسياسىن تۇراقتاندىرىپ، الەۋمەتتىك اۋماققا اداقتاپ تەكسەرۋ جۇرگىزۋدى ەسكەرتەدى“. جيڭي الەۋمەتتىك اۋماق پارتكومىنىڭ شۋجيى چىن كاي تانىستىرىپ بىلاي دەدى: عىلىم - تەحنيكالىق ءتاسىل بۇقارالىق ساقتانۋ، بۇقارالىق تىزگىندەۋدى ءتىپتى دە پارمەندى جۇرگىزۋگە مۇمكىندىك جاسادى، ماسەلەن، ۇيدە اۋاشالانىپ جاتقان ادامدار ءوز بەتىمەن سىرتقا شىقسا، كورشىلەرى ”سۇيشوۋپاي“ ارقىلى ينفورماتسيانى جۇيەگە شىعارادى، الەۋمەتتىك اۋماق ءبىر جايلى ەتەدى.
كوپ جاقتىڭ كۇشتەرى تۇگەل ات سالىسىپ، ورتاق مەكەنىمىزدى قورعادى
وسى رەتكى ىندەتتەن ساقتانۋ - تىزگىندەۋدىڭ حالىقتىق شايقاسىندا، جەر - جەر پارتيا قۇرىلىسى ارقىلى قوعامدىق جونگە سالۋعا جەتەكشىلىك ەتۋدىڭ وزگەشە باسىمدىعىن تولىق ساۋلەلەندىردى، الەۋمەتتىك اۋماقتارداعى قالىڭ پارتيالى كادرلار وزدەرى ونەگە بولىپ، اتويلاپ الدا ءجۇرىپ، ۇزدىكسىز شايقاس جۇرگىزۋ ستيلىن ساۋلەلەندىرىپ، ىندەتتەن ساقتانۋ - تىزگىندەۋ قىزمەتتەرىن ەگجەي - تەگجەيلى ناقتى يگەرىپ، تومەنگە تۇسكەن كادرلار، قىزمەتتەگى پارتيا مۇشەلەرى، ەرىكتىلەر سياقتى ءار جاقتاعى ادامدارمەن بىرگە، بىرلەسىپ ساقتانۋدىڭ، بىرلەسىپ تىزگىندەۋدىڭ، بۇقارالىق ساقتانۋدىڭ، بۇقارالىق تىزگىندەۋدىڭ قۋاتتى كۇشىن قالىپتاستىرىپ، سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ الەۋمەتتىك اۋماق قورعانىس شەبىن بەرىك ساقتادى.
”95 - جىلدىڭ تۇلەگى“ مالي ۋچاڭداعى شوۋ - ي شۋەيۋانىنىڭ 2 - جىلدىعىنىڭ وقۋشىسى. ىندەت كەزىندە، ول الەۋمەتتىك اۋماقتا ەرىكتى قىزمەت وتەۋگە تىزىمدەلىپ، ۋحان قالاسى ۋچاڭ رايونى بايشاجوۋ كوشەسى چىڭنان الەۋمەتتىك اۋماعىنداعى جاسى ەڭ كىشى ەرىكتىگە اينالدى، قازىرگە دەيىن ىندەتپەن ۇزبەي 50 نەشە كۇن شايقاستى. ۋحاندا 50 مىڭنان استام مالي سياقتى ەرىكتىلەر ماسكى تارتىپ، قىزىل مايكى كيىپ، كەۋدە كەرە قارسى اتتانىپ، جياڭچىڭداعى كوركەم كورىنىسكە اينالدى.
”جاقسى قىزمەت وتەۋشى، ۇگىتشى، قوعام جاعدايى مەن حالىق رايىن تەكسەرۋشى بولايىق... “ ۋحان قالاسى حۇڭشان رايونى شيڭفۋ الەۋمەتتىك اۋماعىندا، بۇقارالىق قىزمەت اترەتىنىڭ قىزمەت جاۋاپكەرشىلىگى قابىرعاعا جازىلىپ، بىردەن كوزگە تۇسەدى، تومەنگە تۇسكەن كادرلار مەن الەۋمەتتىك اۋماقتاعى ءتۇرلى كۇشتەر 4 شاعىن اترەت بولىپ ۇيىمداسىپ، ءوز جاۋاپكەرشىلىكتەرىن ادا ەتتى. ىندەتتەن ساقتانۋ - تىزگىندەۋ جاعدايىنىڭ جاقسارۋىنا ىلەسە، پارتيالى كادرلاردىڭ باستاۋىندا، قوجالىق باسقارۋشىلاردى، ەرىكتىلەردى، توركوزدەندىرىپ باسقارۋ قىزمەتكەرلەرىن نەگىزگى تۇلعا ەتكەن ۇدايىلانعان ساقتانۋ - تىزگىندەۋ قوسىنى ۋحاندا قالىپتاسۋدا.
جىجياڭ ولكەسى چۇيجوۋ قالاسى چاڭشان اۋدانى تيانما ءمالىسى جينچۋان الەۋمەتتىك اۋماعىندا، ورتاشا جاسى 68 جاستاعى ”توقىلداۋىق“ قىزمەت وتەۋ اترەتىندە قازىر 36 قارت ەرىكتى بار، وسى ساقا پارتيا مۇشەلەرى، ساقا جولداستار زەينەتكە شىقسادا شەپتەن شەگىنبەي، جۇمىستان قول ۇزسەدە پارتيادان قول ۇزبەي، ىندەتكە قارسى اتتانۋدىڭ ەرىكتى قيمىلىنا جيىنى 600دەن استام ادام - رەت قاتىناسىپ، ىندەتتەن ساقتانۋ - تىزگىندەۋگە ”كەشكى كۇننىڭ ارايىن“، ”اق سامايدىڭ ساۋلەسىن“ ارنادى.
بەيجيڭدە، قالا، رايون ەكى دارەجەلى ورىن 74 مىڭنان استام كادردى الەۋمەتتىك اۋماقتارعا (قىستاقتارعا) جاۋاپكەرلىك ارقالاۋعا، تىرەك بولۋعا تاڭداپ جىبەردى، 189 مىڭ قىزمەتتەگى پارتيا مۇشەلەرى الەۋمەتتىك اۋماقتارعا (قىستاقتارعا) بارىپ تىزىمدەلىپ، اتتانىس دابىلىن قاقتى؛ الەۋمەتتىك اۋماق (قىستاق) پارتيا ۇيىمدارى باستاماشى بولىپ، پارتيا قۇرىلىسىن سايكەستىرۋ كوميتەتى مەحانيزمىن قولدانىپ، رايوندا تۇرعان ورىنداردى اتتانىسقا كەلتىرىپ، الەۋمەتتىك اۋماقتاعى پارتيا مۇشەلەرىن، الەۋمەتتىك اۋماق حالىق ساقشىلارىن، قوجالىق باسقارۋ قىزمەتكەرلەرىن جانە تۇرعىنداردى، بۇقارانى، ت. ب ءار جاق كۇشتەردى بىرىكتىرىپ تولىق قاتىناستىردى؛ ”چاۋياڭ بۇقاراسى“، ”شيچىڭداعى اجەيلەر“، ”شىجيڭشانداعى كونە كورشىلەر“ سياقتى ەرىكتىلەر 7000نان استام الەۋمەتتىك اۋماقتا (قىستاقتا) جالىندى قىزمەت ەتتى.
كورەگەن كوز، قۇرىش قورعان. بۇكىل ەلدىڭ جەر - جەرىندەگى پارتيالى كادرلار، ءبىرىنشى شەپتەگى قىزمەتكەرلەر مەن الەۋمەتتىك اۋماق تۇرعىندارى بىرگە قول ۇستاسىپ، الەۋمەتتىك اۋماقتىڭ بۇقارالىق ساقتانۋ، بۇقارالىق تىزگىندەۋ بەرىك قورعانىس شەبىن مىقتاپ قۇرىپ، مەكەندى قورعاپ، قاسيەتتى جەردى كۇزەتتى.
(شينحۋا اگەنتتىگىنىڭ 4 - ايدىڭ 13 - كۇنى بەيجيڭنەن بەرگەن حابارى)
