قاجەت ەتكەن كەدەي وتباسىلارىنىڭ قارىز بەرۋگە بولاتىندارىنا مۇمكىندىگىنشە قارىز بەرەدى
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 4 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنەن ۇعىسۋىمىزشا، بيىل رايونىمىز كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىز اقشا تاراتۋ سەرپىنىن ۇزدىكسىز كۇشەيتىپ، امانات - قارىز اقشا قاجەت ەتكەن كەدەي وتباسىلارىنىڭ قارىز بەرۋگە بولاتىندارىنا مۇمكىندىگىنشە قارىز بەرۋگە كۇش سالادى ەكەن.
اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ ورىنباسار باستىعى تيان دي مىنالاردى تانىستىردى: بيىل رايونىمىز كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىز اقشا ساياساتىن تياناقتاندىرۋ سەرپىنىن كۇشەيتىپ، ءوندىرىستى دامىتۋ ءۇشىن تۇڭعىش رەت قارىز اقشا الۋعا ءوتىنىش بەرگەن كەدەي وتباسىلارىنىڭ قارىز بەرۋگە بولاتىندارىنا مۇمكىندىگىنشە قارىز اقشا بەرەدى؛ كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىز اقشانى قايتارعان كەدەي وتباسىلارى ءوندىرىس سيپاتتى قارىز اقشانى تاعى قاجەت ەتسە، قارىز بەرۋگە بولاتىندارىنا مۇمكىندىگىنشە قارىز بەرەدى؛ كەدەيلەردى سۇيەمەلدەۋگە بەرىلەتىن قولىنداعى شاعىن مولشەردەگى امانات - قارىز اقشانىڭ قايتاراتىن ۋاقىتى تولعان، جالعاپ قارىز الۋعا ءزارۋ كەدەي وتباسىلارىنىڭ قارىز بەرۋگە بولاتىندارىنا مۇمكىندىگىنشە قارىز بەرەدى.
«شينجياڭ ۇيعۇر اۆتونوميالى رايونىنىڭ كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىز اقشاسىنىڭ ءوسىمىن قازىنادان كوتەرۋ قارجىسىن جانە حاۋىپ - قاتەر تولەم قارجىسىن باسقارۋ ءادىسى» بويىنشا، ەڭبەك قۋاتى، قارىز اقشا الۋ ويى، جۇمىستانۋ، شارۋاشىلىق قۇرۋ كومەسكى قابىلەتى بار ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ سوماسى 50 مىڭ يۋاننان تومەن، مەرزىمى 3 جىلدىق، كەدەيلەردى كىرەۋسىز، كەپىلسىز سۇيەمەلدەۋگە بەرىلەتىن شاعىن مولشەردەگى امانات - قارىزدى قايتالاي ءوتىنىش ەتۋىنە بولادى، بۇل امانات - قارىز ونىمدەرى نەگىزگى ءوسىم مولشەرىمەن بەرىلەدى، ءوسىمى تۇگەلدەي قازىنادان كوتەرىلەدى.
وسى ساياساتتىڭ ىشكەرىلەي اتقارىلۋىنا ساي، اۆتونوميالى رايوندىق كەدەيلەردى سۇيەمەلدەۋ - وركەندەتۋ باسشىلىق گرۋپپاسى 2019 - جىلى 6 - ايدا «كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىزىن باسقارۋدى اناعۇرلىم كۇشەيتۋ جونىندەگى پىكىردى» باسىپ تاراتتى. «پىكىردە» مىنالار بەلگىلەندى: كەدەيلەردى سۇيەمەلدەۋگە شاعىن مولشەردە امانات - قارىز بەرۋدە، جالعاپ قارىز بەرۋدە، كەشەۋىلدەتۋدە كەدەيلىكتەن ارىلتۋدان قامال الۋ مەزگىلىندە ءتۇرلى ساياساتتار وزگەرمەيدى، باستىسى، ارحيۆ تۇرعىزىلىپ، كارتچكالاندىرىلعان كەدەي وتباسىلارىن (كەدەيلىكتەن ارىلعان كەدەي وتباسىلارىن قامتيدى) قولدايدى.
قاتىستى شارتتارعا ۇيلەسەتىن، كەدەيلەردى سۇيەمەلدەۋگە شاعىن مولشەردە امانات - قارىز بەرۋ مىندەتىن ۇستىنە العان بانكە قۇرىلىمدارىنىڭ كەدەي وتباسىلارىنا جالعاپ قارىز بەرۋ نەمەسە كەشەۋىلدەتۋ راسمياتتارىن ءبىتىرىپ بەرۋىنە، كەدەي وتباسىلارىنا كوپ رەت شاعىن مولشەردە امانات - قارىز بەرۋىنە، قارىز بەرۋگە بولاتىندارىنا مۇمكىندىگىنشە قارىز بەرۋگە شىنايى كەپىلدىك ەتۋ كەرەك.
وسى ساياسات اتقارىلعاننان، اسىرەسە، بيىل 1 - توقساننان بەرى ىندەتتىڭ ىقپالىنا ۇشىراعاندىقتان، قارىز اقشانى قايتارۋى قيىن بولعان ارحيۆ تۇرعىزىلىپ، كارتچكالاندىرىلعان كەدەي وتباسىلارىنا مەڭزەس، رايونىمىزداعى قارىز بەرۋشى قۇرىلىمدار كەشەۋىلدەتۋ، ۋاقىتىن ۇزارتىپ بەرۋ سياقتى شارالاردان پايدالانىپ، كەدەي وتباسىلارىنىڭ قيىن وتكەلدەن وتۋىنە كومەكتەسىپ، قارىز اقشانى قايتارۋ قىسىمىن ءونىمدى تۇردە جەڭىلدەتتى.
ۇعىسۋىمىزشا، بيىل 1 - توقساندا رايونىمىز كەدەيلەردى سۇيەمەلدەۋگە بەرىلەتىن شاعىن مولشەردەگى امانات - قارىزدى كەشەۋىلدەتۋ، جالعاپ قارىز بەرۋ، قارىز اقشانى قايتارۋ ۋاقىتىن ۇزارتىپ بەرۋ بويىنشا جيىنى 12 مىڭ 583 رەتتە 409 ميلليون 530 مىڭ يۋان تاراتقان. مۇنىڭ ىشىندە وڭتۇستىك شينجياڭداعى 4 ايماق - وبلىسقا كەشەۋىلدەتۋ، جالعاپ قارىز بەرۋ، قارىز اقشانى قايتارۋ ۋاقىتىن ۇزارتىپ بەرۋ بويىنشا جيىنى 8048 رەتتە 255 ميلليون 910 مىڭ يۋان تاراتقان.
