شينجياڭ گازەتىنىڭ جالپىلىق اقپارات قۇرالدارى ءتىلشىسى حان چين - يان
مارحابا ۇرايىم كۇندەردىڭ بىرىندە جاڭاءشار اۋدانىنداعى ءبىر توقىماشىلىق سەرىكتەستىگىنىڭ قىزمەتكەرى بولىپ، ايىنا 3000 نەشە يۋان ەڭبەكاقى الامىن دەپ ويلاپ كورمەگەن بولاتىن. ”وسى سەرىكتەستىككە كەلىپ ىستەگەن سوڭ، مەنىڭ تۇراقتى كىرىسكە يە بولىپ، كەدەيلىك قالپاعىن الىپ تاستادىم، تۇرمىسىم كۇننەن - كۇنگە جاقساردى“، - دەدى 4 - ايدىڭ 12 - كۇنى جاڭاءشار اۋدانى باقچي اۋىلى باقچي قىستاعىنداعى بۇرىنعى كەدەي وتباسى مارحابا قۋانىشتى بەينەدە.
سوڭعى جىلدارى توقىماشىلىق كاسىبى جەدەل دامىپ، زورايىپ، وڭتۇستىك شينجياڭداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنا كەدەيلىكتەن ارىلىپ، كىرىستى ارتتىرۋدىڭ جولىن اشىپ بەردى.
كاسىپ سالاسى جۇمىسشىلارىن تاربيەلەپ بەردى
2 جىلدىڭ الدىندا، جاڭاءشار اۋدانىنداعى وسى توقىماشىلىق سەرىكتەستىگى جۇمىسشى قابىلدادى، يىڭىسار اۋدانى سيتلا اۋىلى ايكول قىستاعىنداعى كەدەي وتباسى انارگۇل ءانۋار دەرەۋ تىزىمدەلىپ، كوپ وتپەي توقىما جۇمىسشىسىنا اينالدى. ”قىزمەت ىستەگەن سايىن، بىلمەيتىن تەتىكتەرىمنىڭ وتە كوپ ەكەندىگىن بايقادىم، جان تالاسا ۇيرەنۋىم كەرەك“. انارگۇل تاباندىلىقپەن قۇلشىنا ۇيرەنۋگە بەل بۋادى. 2 جىلعا جۋىق ۋاقىت ”ءبىلىم تولىقتاۋدىڭ“ ارقاسىندا، ول 400 نەشە قىزمەتكەردىڭ اراسىنان توپ جارىپ، ءجىپ ءيىرۋ سەحىنىڭ مەڭگەرۋشىسى بولادى. ”قازىرگى ايلىق ەڭبەكاقىم 3500 يۋاننان اسادى“، - دەيدى انارگۇل.
مول ماقتا بايلىعى مەن ايرىقشا جاعراپيالىق ابزالدىلىققا سۇيەنىپ، كاسىپ سالاسى ارقىلى شينجياڭعا كومەكتەسۋدىڭ تاماشا ورايىنان پايدالانىپ، ەل ىشىندەگى ءىشىنارا ايگىلى توقىماشىلىق، كيىم - كەشەك كاسىپورىندارى وڭتۇستىك شينجياڭدا قارجى قوسىپ، شارۋاشىلىعىن كوركەيتتى، توقىماشىلىق كاسىبى جاڭبىردان كەيىنگى جاۋقازىنداي قاۋلاپ، قارىشتاي دامىدى. وسىناۋ ەل ىشىندەگى توقىماشىلىق، كيىم - كەشەك كاسىبى سەركەلەرىنىڭ ءوندىرىس قۋاتىن باتىسقا كوشىرۋى استە جاي عانا ءوندىرىس لەنياسىن كوشىرۋ ەمەس، قايتا كەڭىستىكتىك ورىن اۋىستىرۋمەن بىرگە، ءداستۇرلى جاساۋدان زەردەلى جاساۋعا دەيىنگى جاڭالانىپ دەڭگەيىن جوعارىلاتۋدى بىرگە ورىنداعاندىق سانالادى.
”سەرىكتەستىگىمىزدىڭ پايدالانىپ وتىرعانى ەل ىشىندەگى ەڭ وزىق ءجىپ ءيىرۋ جابدىعى، كەيىن قاشقاردا، يىڭىساردا جاڭادان قۇرىلعان زاۆود رايونىنا ورناتقانىمىز دا حالىقارالىق وزىق جابدىقتار“، - دەدى جاڭاءشار اۋدانىنداعى وسى توقىماشىلىق سەرىكتەستىگىنىڭ قاتىستى جاۋاپتىسى دي شيۋحۋا.
وڭتۇستىك شينجياڭعا ورىن تەپكەن توقىماشىلىق كاسىپورىندارى جۇمىس ورنىمەن قامداپ عانا قالماستان، قىرۋار پىسىپ - جەتىلگەن ونەركاسىپ جۇمىسشىلارىن تاربيەلەپ، قالىڭ ديقاندى ”اتىز اراسىنان سەحقا، وت باسى، وشاق قاسىنان ماشينانىڭ الدىنا“ الىپ كەلدى.
جۇمىستانىپ، كىرىستى ارتتىرۋعا جەتەكشىلىك ەتتى
”مەن ماشينانى مەڭگەرىپ الدىم، ءبىر ايدا 3000 − 4000 يۋان تابامىن“، - دەدى 4 - ايدىڭ 13 - كۇنى حوتانداعى ءبىر توقىماشىلىق سەرىكتەستىگىنىڭ قىزمەتكەرى بارات مامەتيمىن.
حوتان قالاسى سورباق اۋىلى قۇمباق قىستاعىندا تۇراتىن بارات قىستاقتاعى ارحيۆ تۇرعىزىلىپ، كارتچكالاندىرىلعان كەدەي ەدى، 2019 - جىلى حوتانداعى وسى توقىماشىلىق سەرىكتەستىگىنە كەلىپ ىستەپ، بۇگىنگى كۇندە ىسىلعان توقىماشى جۇمىسشىعا اينالدى.
سوڭعى جىلدارى رايونىمىز ءبىرسىپىرا شارالار قولدانىپ، وڭتۇستىك شينجياڭنىڭ توقىماشىلىق، كيىم - كەشەك كاسىبىن دامىتتى. ساياساتتىڭ قاتتالۋ ونىمدىلىگى وڭتۇستىك شينجياڭداعى توقىماشىلىق، كيىم - كەشەك كاسىبىنىڭ ومىرشەڭدىك قۋاتىن قاۋلاتىپ، كاسىپورىننىڭ جۇمىستى، ءوندىرىستى قالپىنا كەلتىرۋىنە كۇش قوسىپ، ورنىقتى جۇمىستانۋعا جەتەكشىلىك ەتتى.
”كەزەكتە سەرىكتەستىگىمىزدەگى جۇمىسشى - قىزمەتكەرلەردىڭ جالپى سانى 1000 ادامعا تايادى، مۇنىڭ ％95تەن استامى حوتاننىڭ جەرگىلىكتى قىزمەتكەرى، كەلەسى قادامدا كاسىپورىن تاعى دا كولەمىن ۇلعايتادى، 2025 - جىلعا بارعاندا ءوندىرىس قۋاتىمىز 350 مىڭ ۇرشىققا، كاسىپورىننىڭ جالپى ءونىم قۇنى ءبىر ميلليارد يۋانعا، جۇمىستاندىراتىن ادام سانى 3000عا جەتەدى“. حوتانداعى وسى توقىماشىلىق سەرىكتەستىگىنىڭ باس ديرەكتورى يان جيانلين تانىستىرىپ بىلاي دەدى: ۇكىمەتتىڭ زور كۇشپەن قولداۋىندا، كەزەكتە كاسىپورىننىڭ ％80تەن استام كونە قىزمەتكەرلەرى جۇمىس ورنىنا قايتىپ كەلىپ، جۇمىستى قالپىنا كەلتىرۋدەن سىرت، تاعى دا نەشە ونداعان جاڭا قىزمەتكەر قابىلدادى.
اقسۋ توقىماشىلىق ونەركاسىبى قالاسىنداعى (اشۋ رايونى) ءبىر ءبىز توقىماشىلىعى عىلىم - تەحنيكا شەكتى سەرىكتەستىگىنىڭ ءوندىرىس سەحىنا بارعانىمىزدا، توقىماشىلىق جابدىقتارى تىنباي اينالىپ، قىزمەتكەرلەر ءوندىرىس جەلىسىندە قاربالاس ىستەپ جاتىر ەكەن. ”ءبىز ىلگەرىدە ىندەت اقساتقان ۋاقىتتى ۇتۋىمىز كەرەك“، - دەيدى وسى سەرىكتەستىكتىڭ قىزمەتكەرى نۇربيا احتان.
2017 - جىلى وندىرىسكە قوسىلعان وسى ءبىز توقىماشىلىعى عىلىم - تەحنيكا شەكتى سەرىكتەستىگى اۋىل - قىستاقتاعى ارتىق ەڭبەككۇشتەردەن 1100 ادامدى جۇمىستاندىرعان.
كەدەيلەردى سۇيەمەلدەۋ ونىمدىلىگى كورنەكتى بولدى
”وتكەن ايدا 3500 يۋان ەڭبەكاقى الدىم. قازىر مەن وتباسىمىزدىڭ ماقتانىشىنا اينالدىم“، - دەدى 4 - ايدىڭ 10 - كۇنى اقسۋداعى ءبىر رەڭدى توقىماشىلىق شەكتى سەرىكتەستىگىنىڭ قىزمەتكەرى ءماريام ءيمىر كۇلە سويلەپ. 24 جاستاعى ءماريام قىزىل ءتۇستى قىزمەت كيىمىن كيىپ، تەكسەرۋ تەكشەسىنىڭ الدىندا تۇرىپ جابدىقتى جەتىك جۇرگىزىپ تۇر.
3 جىلدىڭ الدىندا، ءماريام ءالى ءۇشتۇرپان اۋدانى اقيار قالاشىعى شياحۋاڭدي قىستاعىنىڭ ەگىنشىسى بولاتىن، بۇگىندەرى اقسۋداعى وسى رەڭدى توقىماشىلىق شەكتى سەرىكتەستىگىنىڭ سىناق ەتۋشى جۇمىسشىسى، ول وندىرىلگەن ءجىپتىڭ ساپا وتكەلىن ارنايى قاداعالايدى.
توقىماشىلىق، كيىم - كەشەك كاسىبىنىڭ دامۋىنا ىلەسە، وڭتۇستىك شينجياڭدا ءتيىمدى ساياساتتار اتقارىلىپ، ءبىر توپ توقىماشىلىق، كيىم - كەشەك كاسىپورنىن وسىندا تابان تىرەپ ساۋدا ورايىن قاراستىرۋعا باۋراپ، جەرگىلىكتى بۇقارانىڭ جۇمىسقا ورنالاسىپ، كىرىسىن ارتتىرۋىن بارىنشا ىلگەرىلەتتى، 2019 - جىلدىڭ وزىندە وڭتۇستىك شينجياڭداعى 4 ايماق - وبلىستاعى توقىماشىلىق، كيىم - كەشەك كاسىبى 95 مىڭ ادامدى جاڭادان جۇمىستاندىردى.
”بۇرىن جان - جاققا تەنتىرەپ جۇمىس ىزدەيتىنبىز، تۇراقتى كىرىسىمىز جوق بولاتىن، قازىر مەن ايىنا 3000 يۋان تۇراقتى ەڭبەكاقى الامىن، تاماق، جاتار ورىن تۇگەلدەي زاۆودتان، ۇيىمدەگىلەر مەن ءۇشىن قاتتى قۋانۋلى“، - دەدى 4 - ايدىڭ 13 - كۇنى حوتان قالاسىنداعى ءبىر توقىماشىلىق عىلىم - تەحنيكا شەكتى سەرىكتەستىگىنىڭ قىزمەتكەرى تۇرسىن توحتى ءوزىنىڭ قۋانىشتى كوڭىل كۇيىن جاسىرا الماي.
وسى سەرىكتەستىكتە تۇرسىن سياقتى 600 قىزمەتكەر بار، ولار زاۆودتا جۇمىستانۋ ارقىلى تۇتاس وتباسىن كەدەيلىكتەن ارىلتتى، 5000نان استام ادامنىڭ كەدەيلىكتەن ارىلۋىنا جانامالاي جەتەكشىلىك ەتتى.
اۆتونوميالى رايوندىق كەدەيلەردى سۇيەمەلدەۋ كەڭسەسىنىڭ شارلاۋشىسى باۋ گۋاڭتۋدىڭ سوزىمەن ايتقاندا، وڭتۇستىك شينجياڭداعى 4 ايماق - وبلىستاعى كەدەي ەڭبەككۇشتەردى جۇمىستاندىرۋدى اناعۇرلىم ىلگەرىلەتكەن وسى توقىماشىلىق، كيىم - كەشەك سياقتى ەڭبەككۇش شوعىرلانعان كاسىپتەر بولدى.
