تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

شينجياڭعا كومەك بەرۋ جولىنداعى”سۇيىسپەنشىلىك“ ساپارى

  وسى كەزدە چاڭجياڭنىڭ وڭتۇستىگىندە گۇلدەر جايناپ، اعاشتار ماۋەلەپ، كوكتەم لەبى ەسىپ، ٴۇيدىڭ الدىنداعى حۇڭكوۋ فۋتبول الاڭىنداعى شيە گۇلى دە تۇگەل اشىلدى. بۇرىنعى جىلداردىڭ ٴدال وسى كەزىندە، ادامدار قالىڭ ماقتالى كيىمدەرىن شەشىپ تاستاپ، جەڭىل كوكتەمگى كيىمدەرىن كيىپ، كوكتەم شۋاعىنان سارىعى باسىلعانشا ٴلاززاتتانىپ، كوزدىڭ جاۋىن الاتىن اسەم گۇلدەردى تاماشالايتىن-دى. ال، بيىل بۇعان ازىراق ۇقسامايدى.

  قازىر شاڭحاي قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ جاعدايى ٴالى دە اۋىر، شۇعىل جاعدايعا توتەپ بەرۋ دابىلىنىڭ دارەجەسى تومەندەتىلگەنىمەن، ٴبىراق كىرۋ سيپاتىندىق ناۋقاستار سانى بۇرىنعىداي ارتۋدا. شينجياڭعا اتتانار كۇنىم دە تاياپ قالدى. كەلىنشەگىم جولدىق كيىم-كەشەكتەرىمدى ٴتۇر-تۇرىمەن قوسىپ، قاربالاس تۇرمىسقا تاعى قاربالاستىق قوسىلدى. بالام كىشكەنە بولعانىمەن، ٴبىراق قاريتا ٴتىنتۋدى ۇيرەنىپ العان ەدى. ول قول تەلەفونداعى اناۋ كىشكەنتاي نۇكتەنى كورسەتىپ، باسىن قيسايتىپ، ماعان: ”اكە، ٴسىز باراتىن جەر بىزگە الىس ەمەس سەكىلدى عوي؟ قاراڭىزشى، ٴبىر الاقانىممەن-اق ۇستاي الدىم! الاڭسىز بارىڭىز، ۇيدە ينتەرنەت ساباعىن جاقسى وقيمىن!“ مەن كوڭىلىمدەگى قيماستىق سەزىمىمدى زورعا توسىپ، ونىڭ كىشكەنتاي باسىن كۇلە سيپاسام دا، كوز شاناعىما جاس تولىپ كەتتى.

  الايدا، بۇلار مەنىڭ شينجياڭعا كومەكتەسۋ قادامىما بوگەت بولا المايدى. مەن شيپاگەرمىن، اق حالاتتى جاۋىنگەرمەن، اجالعا اراشاشى، جارالىعا جەبەۋشى بولۋ، ىندەتكە قارسى تۇرۋ-ساقتانۋ جانە حالىقتىڭ سالاماتتىعىن قورعاۋ سىندى اۋىر مىندەتتى ارقالاپ، مەملەكەتتىڭ تىنىشتىعى مەن باسقالاردىڭ اماندىعىن، باقىتىن قاي-قاشان دا موينىما ارقالاۋىم كەرەك. وتانىم ٴۇشىن، وتباسىممەن، قىزىممەن قوشتاسۋداي بۇل ازعانتاي قۇرباندىق نەگە تۇرماق؟ مەن شيپاگەرلىكپەن شۇعىلدانعان تۇڭعىش كۇننەن باستاپ مىناداي سەرت بەرگەنمىن: ”دەنساۋلىق ساقتاۋ ىستەرى ٴۇشىن، ٴومىرىمدى ارنايمىن… اجالعا اراشاشى، جارالىعا جەبەۋشى بولىپ، جاپا-ماشاقاتتان تايىنباي، تالىقپاي تالپىنىپ، وتاننىڭ ەمدەۋ، دەنساۋلىق ساقتاۋ ىستەرىنىڭ دامۋى جانە ادامزاتتىڭ سالاماتتىعى ٴۇشىن ٴومىر بويى كۇرەسەمىن“. سوندىقتان، قىزىم-اۋ، بيىل وزىڭمەن بىرگە ون جاسقا كەلگەن تۋعان كۇنىڭدى قۇتتىقتاۋعا ماقۇل بولعان ۋادەم ىسكە اسپايتىن بولدى،”كەشىر“ دەگەن ٴبىر اۋىز سوزدەن باسقا، اكەڭ نە ايتارىن بىلمەي تۇر، ٴبىراق، سەن ەسەيگەننەن كەيىن، ”شيپاگەر اكەڭ“ ىستەگەن بارلىق ىستەر ٴۇشىن، سول كەزدە سوزىندە تۇرماعان ”الدامشى اكەڭ“دى كەشىرەتىن بولاسىڭ.

  3-ايدا جيڭ-ان رايونىمىزداعى شينجياڭعا بىرگە اتتاناتىن 20دان استام كاسىپتەستەر «شاڭحاي قالاسىنىڭ 10-توپتا شينجياڭعا كومەك بەرۋ مارالباسى بولىمشە اترەتىن» قۇرىپ، 18-كۇنى تاڭەرتەڭ شينجياڭعا اتتاندىق. تۇراتىن جەرگە جەتكەن سوڭ، جەرگىلىكتى ورىننىڭ تالابى بويىنشا بولەك-بولەك اۋاشالاندىق، تۇرعان جەردەگى جاتاق بولمەلەرى كەڭ دە رەتتى، توسەك جاپقىش، كورپە-جاستىق، اۋەلى جۋىنىپ-شايىنۋ بۇيىمدارى تۇگەل دايىندالىپ، تۇڭعىش رەت وسى اراعا كەلگەن بىزدەي ”جات جەردىڭ ادامدارى“ن توتەنشە اسەرلەندىردى. اۋاشالانعان كۇندەرىمىز زەرىگىشتى بولعانىمەن، ٴبىراق جەرگىلىكتى ورىن بار ىنتا-پەيىلمەن اس-سۋىمىزعا كوڭىل ٴبولىپ، كەي كەزدەرى ٴبىز جەرگىلىكتىڭ عۇرىپ-ادەتتەرى مەن تۇرمىستاعى قىزىقتى ىستەردى ارالىق تاستاپ اڭگىمەلەسەتىن بولدىق. اۋاشالاۋ كەزىندە، بىزگە جاڭا تيپتى ايدارشا ۆيرۋستىڭ انتيدەنەسىن تەكسەرۋىن جۇرگىزىپ، تەكسەرۋ ناتيجەسى تۇگەلدەي بولىمسىز بولىپ شىقتى، 3 ـ ايدىڭ 23 ـ كۇنى تۇستەن بۇرىن اۋاشالاۋ كۇشىنەن قالدىرىلىپ، قىزمەتكە كىرىسۋگە دايىندالدىق.

  وسىدان كەيىن، قولباسشى مەن مارالباسى اۋداندىق ۇيىمداستىرۋ ٴبولىمىنىڭ باستاۋىندا مارالباسى اۋداندىق حالىق شيپاحاناسىنا بارىپ قىزمەتتى وتكىزىپ الدىق. ەمدەۋ قوسىنىمىزدا جيىنى 6 ادام بار، قابىلەت كولەمى ىشكى اۋرۋلار ٴبولىمى، ىشكى مۇشەلەر رەنتىگەن ٴبولىمى، ساۋىقتىرۋ مەديتسينا ٴبولىمى، سىرتقى اۋرۋلار ٴبولىمى سياقتى مارالباسى اۋداندىق حالىق شيپاحاناسىندا كەمشىل بولعان ارناۋلى سالالارعا سايادى، مارالباسى اۋداندىق حالىق شيپاحاناسىنىڭ قاتىستى باسشىلارى قارسى الۋ سالتىنا قاتىناستى ٴارى اڭگىمە ٴماجىلىسىن وتكىزدى. وسىدان كەيىن، مەن ىشكى اۋرۋلار بولىمىنە ٴبولىندىم، مەنىڭ باستىعىم قاپساعاي دەنەلى حانزۋ ەر ادام ەدى. ول كىسىدە تيتتەي دە باسشىلىق تاكاپپارلىق جوق، مەنى ەرتىپ ٴبولىمدى تانىستىردى ٴارى قازىرگى ناۋقاستاردىڭ جاعدايىن تانىستىردى، كلينيكاداعى قاتىستى ەمدەۋ تارتىپتەرىن دە ۇيرەتتى، اڭگىمە اراسىندا ول كەيدە اۋىر كۇرسىنىپ: ”سەندەر كەلىپ، بىزگە زور كومەك كورسەتەتىن بولدىڭدار!“،- دەدى. مەن ىشتەي: ٴبىز دە ۇيرەنۋ جانە قابىلەتىمىزدى ٴوسىرۋ ٴۇشىن كەلدىك، سىزدەر ناعىز قاھارمانسىزدار!

  ەگەر مەنەن شينجياڭعا كەلگەننەن كەيىن ەڭ ۇيلەسە الماعانىڭ نە دەپ سۇراساڭ، ساعان ايتارىم: الدىمەن ۋاقىت پارقى. ساعات 8دە جۇمىسقا شىعۋ جايشىلىقتا كەسىمدى جۇمىسقا شىعۋ ۋاقىتى، ال شينجياڭدا ساعات 8 جارىمدا ساعات قوڭىراۋى شىرىلداپ ورىننان تۇراتىن ۋاقىت. شينجياڭدا ساعات 10دا جۇمىسقا شىعىپ، ساعات 20دا جۇمىستان تۇسەمىز، الايدا ساعات 22دە ٴالى قاراڭعى تۇسپەيدى، بۇنىمەن ۇيىقتاۋ ”سەزىم“ىن تابا المادىم، امال جوق، بىرتە-بىرتە قىزمەت پەن دەمالستى رەتتەدىم. ونان سوڭ، بۇل ارانىڭ قۇرعاق كليماتى. مارالباسى شاڭحايدان الدەقايدا قۇرعاق، ٴار كۇنى تاڭەرتەڭ ورىننان تۇرعانىڭدا تاماعىڭ قۇرعاپ قاتتى اۋىرادى، سىڭبىرسەڭ مۇرىنىڭنان ٴبىر كەسەك قان ۇيىعى شىعادى. مۇنان سىرت قۇمدى بوران دا بار، مۇنداي اۋا رايى كەلگەن كەزدە، دالا مۇنارلانىپ، ۇيدە ۇساق قۇم ۇشىپ، ەمىن-ەركىن تىنىس الۋ راحاتتى ىسكە اينالادى. ٴتۇرلى جايسىزدانۋ بولعانىمەن، جەرگىلىكتى ورىنداعى قىزمەتكەرلەردىڭ ىقىلاستى كومەگى بىزگە زور دەمەۋ بولدى، ٴبىز دە ولارمەن بىرگە قىزۋ ىنتامەن كەلەسى قىزمەتكە ات سالىستىق.

  جۇرەك ىشكى اۋرۋلار بولىمىنە كەلگەنىمە كوزدى اشىپ-جۇمعانشا ٴبىر اپتا بولدى. بۇل كوللەكتيۆتە ىنتىماقتاسا سەلبەسىپ، تەز ارادا قىزمەتكە ۇيىرلەسىپ، ناۋقاس بولمەلەرىن تەكسەرۋگە، وقىتۋعا بەلسەنە قاتىناسىپ، ناۋقاستاردى بىرگە قۇتقاردىم. ەسىمدە قالۋىنشا كەلگەن كۇننىڭ ەرتەسىندە، كاسىپتەستەرىممەن بىرگە قولقا ارتەرياسىنىڭ بۇيىرىنە قوس قابات قالىپتاسۋ ناۋقاسىن قۇتقاردىم، كوپشىلىك تىزە قوسا قۇتقارعاننان كەيىن، ناۋقاستىڭ اۋرۋ جاعدايى تەز ارادا ورنىعىپ، سوڭىندا قۇتقارۋ اۆتوموبيلىمەن جوعارى دارەجەلى شيپاحانانىڭ ىشكەرىلەي وپەراتسيا جاساۋىنا دەرەۋ جوتكەدىك. كەيىن ناۋقاستىڭ جاعدايىن ۇعىسۋ ناتيجەسى بىلاي بولعان: الدىڭعى كەزەڭدە بەلسەنە قۇتقارۋ شاراسى قولدانىلعاندىقتان، ناۋقاس ٴۇشىن وپەراتسيا جاساۋ ۋاقىتىن ۇتىپ قالعان، كەيىن وپەراتسيا جاساپ ەمدەلگەننەن كەيىن، ناۋقاس اجال اۋزىنان امان قالدى. بۇل ٴىس مەنى ەرەكشە شابىتتاندىرىپ، شەكارا وڭىرگە تامىر تارتىپ، تۇرمىسپەن توعىسىپ، بىرگە كۇرەس جۇرگىزۋ سەنىمىمدى ونان ارى بەكەمدەي ٴتۇستى. مەن جانە مەنىڭ 5 شيپاگەر كاسىپتەسىم بۇل ارانىڭ قىزمەت جانە تۇرمىسىنا بىرتىندەپ ۇيلەسىپ، بولىمنەن جاڭا دوس تا تاۋىپ، بۇل اراداعى شيپاگەرلەر مەن سەسترالار دا بىزگە تانىس بولا باستادى. ٴبىز وسى كوللەكتيۆتى سۇيە باستادىق ٴارى قىزمەت ورنىمىزدا وزىندىك رولىمىزدى ساۋلەلەندىرە باستادىق.

  ٴبىز قىزمەت ٴۇشىن كەلدىك، دوستىق سۇيىسپەنشىلىكتى الا قايتۋعا رازىمىز. الداعى كۇندەردە ٴتىپتى دە كوپ سىن-سىناق ٴبىزدى كۇتۋدە، دەسە دە قىزۋ ىنتامەن قاربالاس ەمدەۋ قىزمەتىنە كىرىسىپ، شاڭحايلىقتاردىڭ كوتەرىڭكى قىزمەت ىنتاسى جانە سۇيىسپەنشىلىگى ارقىلى شينجياڭدا جاڭا اۋەن جازىپ، اسقاق جەڭىس جىرىن شىرقايمىز!

  (مارالباسى اۋداندىق حالىق شيپاحاناسى ىشكى اۋرۋلار ٴبولىمىنىڭ ورىنباسار مەڭگەرۋشىسى تاۋ ۋىنچي)

اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى