تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى كەڭسەسى «حابارلاندىرۋ» باسىپ تاراتتى

نەگىزگى ساتىنى مازالاپ وتىرعان فورماشىلدىق ماسەلەسىن ۇزدىكسىز شەشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى ستيلدىك كەپىلدىك ازىرلەۋ كەرەك

  شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى كەڭسەسى «نەگىزگى ساتىنى مازالاپ وتىرعان فورماشىلدىق ماسەلەسىن ۇزدىكسىز شەشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى ستيلدىك كەپىلدىك ازىرلەۋ جونىندەگى حابارلاندىرۋدى» باسىپ تاراتتى. تولىق مازمۇنى تومەندەگىدەي:

  پارتيا ورتالىق كوميتەتى 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتىپ بەلگىلەپ، نەگىزگى ساتىنى مازالاپ وتىرعان فورماشىلدىق ماسەلەسىن شەشۋگە كۇش سالىپ، نەگىزگى ساتى كادرلارىنىڭ شەپكە شيراقى بەينەمەن اتتانۋىنا مۇمكىندىك جاساپ، كورنەكتى ونىمدىلىككە قول جەتكىزدى. جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ كۇرەسى بارىسىندا، ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۋەلگى ماقساتتى، بورىشتى سانالى تۇردە امالياتتا ايگىلەپ، باتىلدىقپەن جاۋاپكەرشىلىك ارقالاپ، قيىندىقتان قامال الىپ، قالتقىسىز ۇلەس قوسىپ، جاڭا داۋىردەگى كوممۋنيستەردىڭ ساياسي قاسيەتىن تولىق ايگىلەدى. بيىل ەلىمىزدىڭ دامۋى ءدوپ كەلگەن حاۋىپ - قاتەر جانە سىن - سايىس كوبەيدى، بۇعان ىندەتتىڭ ىقپالى قوسىلىپ، ەكونوميكالىق، قوعامدىق دامۋ قىزمەتىن جاقسى ىستەۋدىڭ قيىندىعى اناعۇرلىم زورايدى، تاماشا ستيلمەن قىزمەتتەردى تياناقتاندىرۋدى مىقتاپ يگەرىپ، قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ تىپتەن قاجەت بولىپ وتىر.

  باس شۋجي شي جينپيڭ بىلاي دەپ باسا دارىپتەدى: ءتۇرلى - ءتۇستى فورماشىلدىقتى، تورەشىلدىكتى باتىل تيىپ، ۇزدىكسىز نەگىزگى ساتىنىڭ تىنىسىن كەڭەيتىپ، اۋىرتپالىعىن جەڭىلدەتىپ، كادرلاردىڭ اناعۇرلىم كوپ ۋاقىتى مەن قاجىر - قايراتىن تياناقتاندىرۋدى يگەرۋگە جۇمساۋىنا مۇمكىندىك جاساۋ كەرەك. پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا ساي، فورماشىلدىقتاعى كورنەكتى ماسەلەلەردى ۇزدىكسىز شەشۋ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ جالپى تالابى مىناداي: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتىپ، كەڭەيتىپ، ولشەمدى تومەندەتپەۋگە، تەبىندى كەمىتپەۋگە تاباندى بولىپ، كونە ماسەلەلەر مەن جاڭا بەينەلەردەن كوز جازباي، جالپى بەتتىك قاداعالاپ، نىسانالى ەمدەپ، قاينارىنان تىزگىندەۋدى جانە ءتۇزىم قۇرىلىسىن كۇشەيتىپ، قالىڭ نەگىزگى ساتى كادرلارىنىڭ ءىس تىندىرىپ، ناتيجە شىعاراتىن قول - اياعىن فورماشىلدىقتىڭ بۇعاۋىنان ىشكەرىلەي قۇتىلدىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە پارمەندى ستيلدىك كەپىلدىك ازىرلەۋ.

  ءبىرىنشى، فورماشىلدىقتى، تورەشىلدىكتى جويۋدىڭ يدەيالىق - ساياسي نەگىزىن ۇزدىكسىز بەكەمدەۋ. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەپ، كەڭەيتىپ، قالىڭ پارتيا مۇشەلەرىن، كادرلاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە يگەرۋگە، جەتە تۇسىنۋگە، شىنايى تياناقتاندىرۋعا، ونىمەن ساباقتاسقان ماركسيزمدىك تۇرعىنى، كوزقاراستى، ءادىستى تۇسىنۋگە، سۋبيەكتيۆ دۇنيەنى وزگەرتۋدىڭ جانە وبيەكتيۆ دۇنيەنى وزگەرتۋدىڭ قۋاتتى قارۋىن يگەرۋگە، قولدانۋعا ۇيىمداستىرىپ، جەتەكتەپ، مۇرات - سەنىمدى ونان ارى بەكەمدەپ، ”ءتورت تانىمدى“، ”ءتورت سەنىمدى“، ”ەكىنى قورعاۋدى“ كوڭىل تۇكپىرىندە تامىر تارتتىرىپ، رۋحتى سومداۋ كەرەك. فورماشىلدىقتى، تورەشىلدىكتى تيۋدى اۋەلگى ماقساتتى ۇمىتپاۋ، بورىشتى ەستە بەرىك ساقتاۋ تۇزىمىنە كىرگىزىپ، نازاريا ۇيرەنۋدىڭ، ماسەلەنى قاداعالاۋدىڭ، رەتتەۋ - تۇزەتۋدى مىقتاپ يگەرۋدىڭ باياندى مەحانيزمىن ورناتۋ، اقاۋسىزداندىرۋ كەرەك. ىندەتتەن ساقتانۋ - تىزگىندەۋ بارىسىنداعى تاجىريبە ساباقتاردى تەرەڭ قورىتىندىلاپ، پارتيا مۇشەلەرىن، كادرلاردى پارتيالىلىق جەتىلىمدى سانالى كۇشەيتىپ، شىندىقتى ءىس جۇزىنەن ىزدەۋ يدەيالىق لۋشيانىنا تاباندى بولىپ، دۇرىس ساياسي ناتيجە كوزقاراسىن بەرىك ورناتىپ، حالىق مۇددەسىنىڭ بارىنەن جوعارى تۇراتىندىعىن قاي - قاشان دا ەستە بەرىك ساقتاپ، جوعارىعا جاۋاپتى بولۋ مەن تومەنگە جاۋاپتى بولۋدى شىن مانىندە بىرلىككە كەلتىرىپ، باسشىلاردى رازى ەتتىم دەپ قاراپ، بۇقارانى ۇمىتسىزدەندىرەتىن اۋسارلىق ءىستى استە ىستەمەۋگە تاربيەلەۋ، جەتەكتەۋ كەرەك. جاڭا دامۋ ۇستانىمىمەن دامۋدى جەبەۋدى مىقتاپ ۇستاپ، قاجىر - قايراتتى شوعىرلاندىرىپ بىركەلكى بولماۋ، تولىق بولماۋ ماسەلەلەرىن شەشىپ، ادام جاڭا داۋىرگە وتكەنىمەن، يدەيا وتكەن زاماندا توقىراپ قالاتىن ءىستى استە بولدىرماۋ كەرەك. باس شۋجي شي جينپيڭنىڭ فورماشىلدىقتى، تورەشىلدىكتى تيۋ جونىندەگى ماڭىزدى بايىمداۋلارىنان تاڭدامالىلاردى رەداكسيالاپ، باسپادان شىعارىپ، كادرلاردى تاربيەلەۋدىڭ، باۋلۋدىڭ مىندەتتى ساباعى ەتۋ كەرەك.

  ەكىنشى، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى فورماشىلدىق ماسەلەلەردى باتىل تۇزەتۋ - جونگە سالۋ. فورماشىلدىقتى، تورەشىلدىكتى ساياسيدى دارىپتەۋ دەڭگەيىنەن رەتتەپ - جونگە سالۋعا تاباندى بولىپ، باسشىلىق ورگاندارى مەن باسشى كادرلاردان باستاپ يگەرىپ، وزگەرتىپ، پارتيانىڭ نازارياسى مەن لۋشيان، باعىت - ساياساتتارىن دايەكتىلەندىرۋدە، تياناقتاندىرۋدا ورىن تەۋىپ وتىرعان ساياسي اۋىتقۋلاردى ىشكەرىلەي تاۋىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا تەك قانا پوزيتسيا ءبىلدىرىپ تياناقتاندىرماۋ، بۇقارانىڭ مۇددەسىن قورعاۋدا جاۋاپكەرشىلىك ارقالاماۋ، ءىس تىندىرماۋ، اسىرەسە، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا ەلەۋسىز قاراۋ سياقتى كورنەكتى ماسەلەلەردى جونگە سالۋدى تەرەڭدەتىپ، يمەنبەۋ، ەلەمەۋ، قۇرعاق پوزيتسيا ءبىلدىرۋ، نەمقۇرايدىلىق ىستەپ قاشقالاقتاۋ، وتىرىك ايتۋ، كورنەۋدە بويسۇنعانسىپ، كومەسكىدە قارسى شىعۋ سياقتى ماسەلەلەردى قاتاڭ تەكسەرىپ ءبىر جاقتى ەتۋ كەرەك. ”ەكىنى قورعاۋدى“ دايەكتىلەندىرۋ، تياناقتاندىرۋ جاعدايىن قۋزاۋدى، تەكسەرۋدى كۇشەيتىپ، پارتيا ورتالىق كوميتەتىنىڭ كەلەلى شەشىمدەرىن تياناقتاندىرۋدى ىلگەرىلەتۋ مەحانيزمىن كەمەلدەندىرۋ كەرەك. ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ءوندىرىس، تۇرمىس ءتارتىبىن جالپى بەتتىك قالپىنا كەلتىرۋدى جەدەل ىلگەرىلەتۋگە تاباندى بولىپ، سىرتتان كىرۋدەن ساقتانۋدىڭ، ىشتە قايتالاۋدان ساقتانۋدىڭ جانە جۇمىستى، ءوندىرىستى قالپىنا كەلتىرۋدىڭ شارالارىن دالمە - ءدال تياناقتاندىرىپ، نەگىزگى ساتىعا مىندەتتى جان - جاقتان توپەلەپ ءتۇسىرۋ، كەستە تولتىرتۋ، ساياساتتى اتقارۋدا ”ءبىر شىبىقپەن ايداۋ“ سياقتى مەحانيكالى تاسىلدەردەن ساقتانۋ كەرەك. كەدەيلىكتەن ارىلتۋدان قامال الۋ بارىسىنداعى فورماشىلدىقتى، تورەشىلدىكتى دالمە - ءدال جونگە سالىپ، ساندى مالىمەتتىك كەدەيلىكتەن ارىلتۋدان، كەدەيلىكتەن جالعان ارىلتۋدان ساقتانۋ كەرەك.

  ءۇشىنشى، حۇجات باستىلىقتىڭ، جيىن باستىلىقتىڭ قايتالانۋىنان، قايتا ورشۋىنەن شىن مانىندە ساقتانۋ. ورتالىق دەڭگەيىندە ۇلگى كورسەتۋ، جەتەكتەۋ رولىن ۇزدىكسىز ساۋلەلەندىرىپ، حۇجاتتى ىقشامداپ، جيىندى ازايتۋدىڭ قاتاڭ ولشەمىن بەرىك ساقتاپ، وڭىرلەردىڭ، تاراۋلاردىڭ حۇجات شىعارۋ، جيىن اشۋ جاعدايىنا يكەمدى قاداعالاۋ جۇرگىزىپ، شەكتەن تىس حۇجات شىعارۋ، شەكتەن تىس جيىن اشۋ نىسايى بايقالعاندا دەر كەزىندە ساقتىق دابىلىن قاعىپ، 2019 - جىلداعىدان ازايسا دا كوبەيمەۋىنە شىنايى كەپىلدىك ەتۋ كەرەك. ىندەتتەن ساقتانۋ - تىزگىندەۋ، جۇمىستى، ءوندىرىستى قالپىنا كەلتىرۋ قىزمەتتەرى بارىسىنداعى حۇجات شىعارۋدى، جيىن اشۋدى ءبىر تۇتاس جوسپارلاپ باسقارۋدى كۇشەيتىپ، كوپ جاقتان حۇجات شىعارۋدان، ساتى سايىن جيىن اشۋدان ساقتانۋ كەرەك. اۋدان دارەجەلىدەن تومەنگە حۇجات ءتۇسىرۋدىڭ سانىن قاتاڭ تىزگىندەۋمەن بىرگە، نەگىزگى ساتىنىڭ جوعارى دارەجەگە حۇجات جىبەرۋ، كەستە مالىمدەۋ سانىن دا ىقشامداۋ، ازايتۋ كەرەك. حۇجاتتىڭ، جيىننىڭ ساپاسىن كۇش سالا جوعارىلاتىپ، حۇجاتتى ىقشامداپ، جيىندى ازايتۋدىڭ ولشەمى مەن تارازىسىن ىشكەرىلەي ايقىنداپ، ۇنامسىز تىزىمدىكتى كەمەلدەندىرىپ، ءىس جۇزىندىككە جاناسپايتىن، مازمۇنى سىلدىر حۇجات شىعارماي، دۇرمەكشىل، اۋقىمشىل، ماسەلە شەشپەيتىن جيىن اشپاي، اۋىرتپالىقتى شىنايى جەڭىلدەتۋدى، ناعىز اۋىرتپالىقتى جەڭىلدەتۋدى ورىنداۋ كەرەك. فورماشىلدىق تاسىلىمەن فورماشىلدىق ماسەلەسىن شەشۋدەن ساقتانىپ، حۇجات شىعارۋ، جيىن اشۋ جاعىنداعى ءوڭىن عانا وزگەرتۋدى، كورىنىستە ازايتقانسىپ، ءىس جۇزىندە ازايتپاۋدى دەر كەزىندە قۋزاۋ، تۇزەتۋ كەرەك.

  ءتورتىنشى، قۋزاۋ - تەكسەرۋدىڭ، تەكتەۋدىڭ، باعالاۋدىڭ ءتاسىلىن، ءادىسىن ىشكەرىلەي جاقسارتۋ. جوسپارلى باسقارۋ مەن ارحيۆ تۇرعىزىپ باسقارۋدى قاتايتىپ، جوسپارداعى ىستەرگە باقىلاپ اتقارۋدى كۇشەيتۋ كەرەك. ورتالىق پەن مەملەكەت ورگاندارى جوسپارعا كىرگىزگەن قۋزاۋ - تەكسەرۋ، تەكتەۋ، باعالاۋ ىستەرىن جەرگىلىكتى ورىننىڭ دا ساتى سايىن سايكەستىرىپ ورىستەتۋىن تالاپ ەتپەۋ كەرەك. ”ورتالىق باس بولعان“، ”مەملەكەتتىك كەڭەس باس بولعان“ قۋزاۋ - تەكسەرۋدەن، تەكتەۋدەن، باعالاۋدان باستاپ ىستەپ، ءتاسىلدى، ءادىستى ۇزدىكسىز جاقسارتىپ، دابىراسى زور بولۋ، ساتى سايىن مالىمەت تىڭداۋ، زور كولەمدە ەستەلىك، ماتەريال سۇراۋ سياقتى تاسىلدەردى تۇزەتۋگە ءمان بەرۋ، بارىسقا ءمان بەرۋدەن ناتيجەگە ءمان بەرۋگە قاراي بۇرىلىس جاساپ، كورنەۋ تەكسەرۋدى نەگىز ەتۋدەن اشىق ءارى جاسىرىن تەكسەرۋدى ۇشتاستىرۋعا قاراي بۇرىلىس جاساۋ، قاشاندا كىلتيپان ىزدەۋدەن، قالاعانىنشا ءامىر - جارلىق تۇسىرۋدەن ماسەلەنى بايقاۋمەن بىرگە، ماسەلەنى شەشۋگە كومەكتەسۋگە قاراي بۇرىلىس جاساۋ، قاتىستى تاراۋلاردىڭ قۋزاۋ - تەكسەرۋ، تەكتەۋ، باعالاۋ ناتيجەسىن ءوزارا مويىنداۋىن، ءوزارا پايدالانۋىن جەبەۋ كەرەك. رەتتەگەننەن كەيىن ساقتاپ قالعان ”ءبىر بەلەتپەن تەرىستەۋ“، جاۋاپكەرشىلىك حاتىنا قول قويۋ ىستەرىنە، سونداي - اق قالانى سارالاۋ، باعالاۋ، ماداقتاۋدا وزات ورىن قۇرۋ قيمىلدارىنا تىزىمدىكپەن باسقارۋ جۇرگىزۋ كەرەك. كاسىپورىنداردا، مەكتەپتەردە، شيپاحانالاردا، عىلمي زەرتتەۋ ورىندارىندا تۋىلعان فورماشىلدىق، تورەشىلدىك ماسەلەلەرىن باسا ءمان بەرىپ شەشۋ كەرەك. ىندەتتەن ساقتانۋ - تىزگىندەۋ قىزمەتى بارىسىنداعى جاقسى ادىستەردى قورىتىندىلاپ، ءىرى ساندى مالىمەت، بۇلتتىق ەسەپتەۋ سياقتى ينفورماتسيالانعان تاسىلدەردەن تولىق پايدالانىپ، قۋزاۋ - تەكسەرۋدىڭ ونىمدىلىگى مەن ساپاسىن جوعارىلاتىپ، ”ينتەرنەت + قۋزاۋ - تەكسەرۋدى“ قولدانۋعا ىزدەنىس جاساپ، ساندى مالىمەتتى كوبىرەك ”ىستەتۋ“، كادرلار مەن بۇقارانى از ”جۇگىرتۋ“ كەرەك.

  بەسىنشى، تەكسەرۋ - زەرتتەۋدىڭ ناقتى ءونىمىن كۇش سالا جوعارىلاتۋ. ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، عىلمي، دالمە - ءدال توتەپ بەرۋ شاراسىن بەلگىلەۋدە، ءسوز جوق، ىشكەرىلەي تەكسەرۋ - زەرتتەۋ جۇرگىزۋ كەرەك. تەكسەرۋ - زەرتتەۋ قىزمەتىندە شىندىققا جۇگىنۋ، ناقتى ءىس ىستەۋ ستيلىن ساۋلەلەندىرىپ، تەرەڭدىككە، شىنايىلىققا، ەگجەي - تەگجەيلىلىككە، دالدىككە، ونىمدىلىككە ۇمتىلۋ جاعىنا كۇش سالىپ، فورماشىلدىقتى، ات ۇستىلىكتى تيىپ، نەگىزگى ساتىعا اۋىرتپالىق تۇسىرمەۋ كەرەك. تەكسەرۋ - زەرتتەۋدى ءبىر تۇتاس جوسپارلاۋدى كۇشەيتىپ، ءبىر مەزگىلدە ءبىر جەرگە ۇيلىعىپ بارىپ تەكسەرۋ - زەرتتەۋ جۇرگىزۋدەن ساقتانۋ كەرەك. تومەنگە ءتۇسىپ تەكسەرۋ - زەرتتەۋ جۇرگىزگەندە شاعىن ادام ەرتىپ ءجۇرۋ، ساتىلار بويىنشا سەرىك ەرتپەۋ كەرەك، نەگىزگى جاۋاپتى جولداستاردان ءوزى شىعىپ كۇتىپ الۋدى تالاپ ەتۋگە بولمايدى. شىن مانىندە زەيىن - زەردەنى شوعىرلاندىرىپ، بار ىنتا - جىگەرمەن ىستەپ، كەزدەيسوق تەكسەرۋ - زەرتتەۋدى، تۇيىندە تۇرىپ تەكسەرۋ - زەرتتەۋدى، تورعاي بورشالاۋ ۇلگىسىندەگى تەكسەرۋ - زەرتتەۋدى كوبىرەك جۇرگىزىپ، ناقتى جاعدايدى تەكسەرىپ، شىنايى سوزگە قۇلاق اسىپ، قۇندى تاجىريبەلەر قابىلداۋ، جاساندىلىق ىستەمەۋ، ”داعدىلى جولمەن“ جۇرمەۋ كەرەك. ورتالىق پەن مەملەكەت ورگاندارى ساياسات بەلگىلەگەندە ءىس جۇزىندىك جاعدايدى جان - جاقتى، ىشكەرىلەي ۇعىسىپ، تەكسەرۋ - زەرتتەۋ جاعدايىنا تالداۋ جاساۋدى، زەرتتەۋدى كۇشەيتىپ، باعىتتامالىلىعى مەن يكەمدىلىگىن ارتتىرىپ، جەرگىلىكتى ورىنعا تياناقتانبايتىن ”قۇر ساياسات“ پەن ءوزارا وتاسپايتىن ”ورىنشىلدىق ساياساتتان“ ساقتانۋ كەرەك. ساياساتتى اتقارۋدا نەگىزگى ساتىداعى كادرلار مەن بۇقارانىڭ اڭىسىن تىڭداۋعا ءمان بەرىپ، ناقتى تياناقتانۋ جاعدايىن ۇعىسىپ، لايىقتى ۋاقىتتا رەتتەپ كەمەلدەندىرۋ كەرەك.

  التىنشى، كادرلاردى جاۋاپكەرشىلىك ارقالاپ ىسكەرلىك كورسەتۋگە شابىتتاندىرۋ مەحانيزمىن كەمەلدەندىرۋ. شەشۋشى شايقاستىڭ شەشۋشى جەڭىسىنە قول جەتكىزۋدىڭ جاپالى مىندەتتەرىنە سايكەس، ءسوز جوق، قالىڭ كادرلاردىڭ قايراتتانا ىلگەرىلەۋ، قۇلشىنا ۇمتىلۋ رۋح - جىگەرىنە زور كۇشپەن شابىت بەرۋ كەرەك. ”قاتاڭدىق“ سىندى نەگىزگى اۋەندى ۇزاق ۋاقىت جالعاستىرۋمەن بىرگە، ”ءۇشتى ايىرۋدى“ شەبەرلىكپەن ورىنداۋ، دۇرىس باعىتتا شابىتتاندىرۋ سەرپىنىن كۇشەيتىپ، كادرلاردى جاۋاپكەرشىلىك ارقالاپ ىسكەرلىك كورسەتۋگە شابىتتاندىرۋدىڭ قاتىستى ناقتى شارالارىنىڭ تياناقتاندىرىلۋىن ۇزدىكسىز ويداعىداي يگەرۋ كەرەك. اڭگىمەلەسۋدى، حات ارقىلى سۇراۋدى جانە جاۋاپقا تارتۋدى ءدال، بايىپتىلىقپەن اتقارىپ، جاۋاپقا تارتۋدىڭ قىزمەت ءتارتىبىن ارناعا ءتۇسىرىپ، بەتالدى جاۋاپقا تارتۋ، ورىنسىز جاۋاپقا تارتۋ، سونداي - اق رەتتەۋ - تۇزەتۋدىڭ ورنىنا جاۋاپقا تارتۋ سياقتى ماسەلەلەردى دەر كەزىندە تۇزەتۋ كەرەك. جالا جابىلعان، قاتە شاعىم ايتىلعان كادرلاردى انىقتاپ اتاعىن قالپىنا كەلتىرۋ پىكىرىن زەرتتەپ بەلگىلەۋ كەرەك. سوڭعى جىلدارداعى جاۋاپقا تارتىلعان جانە جازا بەرىلگەن كادرلاردىڭ جاعدايىن جاپپاي ۇعىسىپ، سارالاپ، ىقپال مەرزىمى تولعان، بەينەسى كورنەكتى بولعان كادرلاردى بەلسەندى، ورنىقتى تۇردە ىستەتۋ كەرەك. كادرلاردى تەكسەرۋ، باعالاۋ مەحانيزمىن اناعۇرلىم كەمەلدەندىرىپ، ادام ىستەتۋدىڭ دۇرىس باعدارى ارقىلى ءىس تىندىرىپ ناتيجە شىعارۋ باعدارىنا جەتەكشىلىك ەتىپ، ساياسيدا ىسىلعان، جاڭا دامۋ ۇستانىمىن دايەكتىلەندىرۋگە شەبەر، ءتۇزىمدى اتقارۋ قابىلەتى مەن جونگە سالۋ قابىلەتى كۇشتى، ”ءىس تىندىرۋدى قالايتىن، ءىس تىندىرا الاتىن، ءىس تىندىرۋعا شەبەر“ كادرلاردى شىن مانىندە تاڭداپ ءوسىرۋ كەرەك. ىندەتتەن ساقتانۋ - تىزگىندەۋ جانە جۇمىستى، ءوندىرىستى قالپىنا كەلتىرۋ، ءۇش ۇلكەن قامال الۋ شايقاسىن ويداعىداي جۇرگىزۋ سياقتى كەلەلى كۇرەستەردى ءبىر تۇتاس جوسپارلاپ ىلگەرىلەتۋدە كادرلاردى تەكسەرۋ، تانۋ كەرەك. نەگىزگى ساتىداعى كادرلارعا، اسىرەسە، قيىنشىلىعى بار، جاپالى وڭىرلەردەگى جانە ىندەتتەن ساقتانۋ - تىزگىندەۋدىڭ، كەدەيلىكتەن ارىلتۋدان قامال الۋدىڭ ءبىرىنشى شەبىندەگى كادرلارعا كوڭىل ءبولۋدى، قامقورلىق جاساۋدى كۇشەيتىپ، كادرلاردىڭ ەڭبەكاقى الىپ دەمالۋى، جاردەم اقشا، قوسىمشا قاراجات بەرۋ، كاسىپ، كاسىپ دارەجەسى سياقتى مامىلە قامتاماسىزداندىرۋ ءتۇزىمىن شىن مانىندە ناقتاپ تياناقتاندىرىپ، قىستاق (الەۋمەتتىك اۋماق) كادرلارىنىڭ ەڭبەكاقىسىن يكەمدى ارتتىرۋ مەحانيزمىن ورناتۋ كەرەك. مۇرات - سەنىم تاربيەسىن تەرەڭدەتىپ، جونگە سالۋ قابىلەتى مەن كاسىپتىك قابىلەتتى باۋلۋدى كۇشەيتىپ، قالىڭ پارتيا مۇشەلەرىنىڭ، كادرلاردىڭ اۋىرتپالىقتىڭ جەڭىلدەۋىنىڭ بورىشتىڭ جەڭىلدەۋى، جاۋاپكەرشىلىكتىڭ جەڭىلدەۋى ەمەس ەكەندىگىن، قىزمەت ولشەمى مەن تالابىن تومەندەتۋ تىپتەن ەمەس ەكەندىگىن جەتە تانىپ، سانالى تۇردە اۋەلگى ماقساتتى ارەكەتتە تياناقتاندىرىپ، بورىش ارقالاپ، جاۋاپكەرشىلىك وتەپ، ىسكەرلىك كورسەتۋدىڭ مىقتى قابىلەتىن جوعارىلاتۋىنا مۇمكىندىك جاساۋ كەرەك.

  جەتىنشى، جونگە سالۋ رەفورماسىن تەرەڭدەتىپ، ۇقىقتى نەگىزگى ساتىعا بەرىپ كۇشەيتۋ. نەگىزگى ساتىنىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ قۇرىلىسىن كۇشەيتۋدىڭ ساياساتتىق حۇجاتتارىن زەرتتەپ بەلگىلەپ، پارتيانىڭ باسشىلىعى، حالىقتىڭ قوجايىن بولۋى جانە زاڭمەن جونگە سالۋ ورگانيكالى بىرلىككە كەلگەن نەگىزگى ساتىنىڭ جونگە سالۋ ءتۇزىلىس - مەحانيزمىن ورناتۋ كەرەك. كەيبىر جەرلەردىڭ جاڭا تاجىريبەلەرىن قورىتىندىلاپ، ۇقىقتى ىلگەرىلەگەن تۇردە نەگىزگى ساتىعا بەرىپ كۇشەيتىپ، ۇقىق بەرۋ ءتىزىمىن جەدەل جاساپ، اناعۇرلىم كوپ قوعامدىق بايلىقتىڭ، باسقارۋ ۇقىعىنىڭ جانە حالىق تۇرمىسىنا قىزمەت وتەۋدىڭ نەگىزگى ساتىعا ءتۇسىرىلۋىن، ادام كۇشىنىڭ، زات كۇشىنىڭ، قازىنا كۇشىنىڭ نەگىزگى ساتىعا ءتۇسىرىلۋىن ىلگەرىلەتۋ كەرەك. ۇقساماعان ساتى، تاراۋ، قىزمەت ورىندارى اراسىنداعى قىزمەت جاۋاپكەرشىلىگىنىڭ شەكاراسىن ايقىنداپ، ۇقىق پەن جاۋاپكەرشىلىك بىردەي بولۋ تالابىنا ساي، جاۋاپكەرشىلىك ءتىزىمىن ورناتىپ، اقاۋسىزداندىرىپ، ”قاراستى جەر بويىنشا باسقارۋدى“ عىلمي ارناعا ءتۇسىرۋ، ساتىلار بويىنشا نەگىزگى ساتىعا جاۋاپكەرشىلىكتى اۋدارۋدان ساقتانۋ كەرەك. قالا، اۋىل الەۋمەتتىك اۋماقتاردىڭ قىزمەت وتەۋ جانە باسقارۋ قابىلەتى قۇرىلىسىن كۇشەيتىپ، نەگىزگى ساتىنىڭ زەردەلى جونگە سالۋ جۇيەسىن قۇرىپ، نەگىزگى ساتىنىڭ الەۋمەتتىك قىزمەت وتەۋ، قايشىلىقتاردى شەشۋ، شۇعىل جاعدايعا توتەپ بەرۋ - باسقارۋ ورەسىن جوعارىلاتۋ كەرەك. ءار دارەجەلى باسشىلىق ورگاندار قىزمەت ورىستەتۋدىڭ ءداستۇرلى جولىنا سۇيەنۋدى بۇزىپ، باسشىلىق ءتاسىل مەن قىزمەت ءادىسىن وسى زامانعى، عىلمي، زاڭمەن جونگە سالۋ ارناسىنا شىن مانىندە ويىستىرۋ كەرەك.

  سەگىزىنشى، جوعارى ارقىلى تومەنگە جەتەكشىلىك ەتۋگە تاباندى بولىپ، قىزمەتتىڭ تياناقتانۋىن مىقتى يگەرۋ. ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى شىن مانىندە وتەپ، ءبىر دارەجە ءبىر دارەجەگە ىستەپ كورسەتۋگە تاباندى بولىپ، ءوز دارەجەسىنىڭ تومەنگى دارەجەنى جەتەكتەۋىن ويداعىداي يگەرۋ كەرەك. فورماشىلدىقتان، تورەشىلدىكتەن ساقتانۋ مەن ونى جەڭۋدى شارلاۋ، شارلاپ تەكسەرۋ، پارتكومنىڭ قۋزاپ تەكسەرۋى، كادرلاردى تەكسەرۋ - باعالاۋ، دەموكراتيالىق تۇرمىس جيىنى، جىلدىق قىزمەتتەن ەسەپ بەرۋ سياقتى تۇزىمدەرمەن تەرەڭ توعىستىرىپ، ساياسي باقىلاۋ مەن ساياسي باقىلاپ - تەكسەرۋدىڭ ۇدايىلانۋىن، ۇزاق ونىمدىلىگىن ىلگەرىلەتۋ كەرەك. باتىل جاۋاپكەرشىلىك ارقالاۋ، بار ىنتا - پەيىلىمەن حالىق ءۇشىن ىستەۋ، شىنايى يگەرىپ ناقتى ىستەۋ جاعىنداعى ءبىر توپ جاقسى تاجىريبە، جاقسى تيپتەردى قورىتىندىلاپ، جالپىلاستىرىپ، فورماشىلدىققا، تورەشىلدىككە قاتىستى ءبىر توپ تيپتىك دەلونى حابارلاندىرىپ اشىق جاريالاۋ كەرەك. ورتالىق پەن مەملەكەت ورگاندارى پارتيانىڭ ساياسي قۇرىلىسىن ۇزدىكسىز كۇشەيتىپ، پارتيا ورتالىق كوميتەتىن الاڭسىز ەتەتىن، حالىق بۇقاراسىن رازى ەتەتىن ۇلگىلى ورگاندى تىڭعىلىقتى تۇردە قۇرىپ، پىشاقتىڭ ءدۇزىن ىشكە قاراتۋعا تاباندى بولىپ، باتىلدىقپەن وزىنە توڭكەرىس جاساپ، فورماشىلدىققا، تورەشىلدىككە قاتىستى كورنەكتى ماسەلەلەردى ىشكەرىلەي رەتتەپ - جونگە سالىپ، ءىس جۇزىندىك ارەكەت ارقىلى ”ەكىنى قورعاۋدى“ ورىنداۋدىڭ ۇلگىسى بولۋ كەرەك. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا ورتالىق دەڭگەيىندە فورماشىلدىقتى جونگە سالىپ نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمىنىڭ باستاماشىلدىقپەن جالپى جاقتان يگەرۋ جانە ءبىر تۇتاس سايكەستىرۋ رولىن ۇزدىكسىز ساۋلەلەندىرىپ، ءارقايسى وڭىرلەرگە، تاراۋلارعا قۋزاپ جەتەكشىلىك ىستەۋدى كۇشەيتىپ، جوعارى مەن تومەن بىرلەسىپ قيمىلدايتىن قىزمەت جاعدايىن قالىپتاستىرىپ، نەگىزگى ساتىداعى باقىلاۋ تۇيىندەرىندە تۇرىپ تەكسەرۋ - زەرتتەۋدى ۇدايى تۇردە ورىستەتىپ، جاڭا جاعداي، جاڭا ماسەلەلەردى زەرتتەپ، شەشىپ، فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىندە ۇزدىكسىز جاڭا ناتيجەلەرگە قول جەتكىزۋدى ىلگەرىلەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.