شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 14 - كۇنى كەشتە سەربيانىڭ زۇڭتۇڭى ۆۋچيچپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو - سەربيا قارىم - قاتىناسى ەڭ تەرەڭ مەملەكەت پەن مەملەكەت ارا قارىم - قاتىناس. جاڭا تيپتى ايدارشا ۆيرۋس وكپە قابىنۋ ىندەتىنىڭ سىناعى الدىندا، ەكى ەل تاعى ءبىر رەت ءىس جۇزىندىك ارەكەتتەرىمەن بىرگە تۋىسقان اعا - باۋىرداي سۇيىسپەنشىلىگىن جانە ءبىرى - بىرىنە شىن ىقىلاس بەرەتىن دوستىعىن ايگىلەدى. جۇڭگو جاق كەزەكتە سەربيا حالقى ءدوپ كەلگەن ىندەت قاتەرىن شىنايى سەزىنۋدە، سەربيا جاقتى شۇعىل قاجەتتى مەديتسينالىق قورعانۋ زاتتىق ماتەريالدارىمەن قامداپ، جوعارى دەڭگەيدەگى ەمدەۋ ماماندار گرۋپپاسىن جىبەردى. جۇڭگو جاق سەربيا جاقتىڭ ىندەتكە قارسى اتتانۋىنا ۇزدىكسىز كومەك بەرەدى جانە قولداۋ كورسەتەدى. ءسىزدىڭ پارمەندى باسشىلىعىڭىزدا، ەرجۇرەك سەربيا حالقىنىڭ ىندەتتى، ءسوز جوق، تەز ارادا جەڭەتىندىگىنە سەنەمىن.
شي جينپيڭ بىلاي دەپ باسا دارىپتەدى: جۇڭگو مەن سەربيانىڭ تەرەڭ، ەرەكشە دوستىعى قىزىل قانمەن جانە ەرىك - جىگەرمەن سومدالعان، مەيلى قانداي حاۋىپ - قاتەر، سايىس بولسىن، جۇڭگو مەن سەربيانىڭ اينىماس دوستىعىن ونان ارى بەرىكتەي تۇسەدى. جۇڭگو جاق سەربيا جاقپەن بىرگە، حالىقارالىق ءمورالدى بەرىك قورعاپ، حالىقارالىق قوعامنىڭ قيىندىقتى بىلەك بىرىكتىرە جەڭۋىن، ىنتىماقتاسا سەلبەسۋىن ىلگەرىلەتۋدى قالايدى. ىندەتكە بىرگە قارسى اتتانۋ سىنىنان وتكەننەن كەيىن، جۇڭگو مەن سەربيانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ اناعۇرلىم كوركەم بولاشاقتى قارسى الاتىندىعىنا سەنەمىن. جۇڭگو - سەربيا دوستىعىنىڭ ماڭگى جالعاسۋىن تىلەيمىن!
ۆۋچيچ مىنالاردى ءبىلدىردى: جۇڭگو جاق ىندەتتى تىزگىندەدى، مەن بۇعان شىن جۇرەكتەن قۋانامىن. سەربيا حالقى قيىن - قىستاۋدا قالعاندا، جۇڭگو جاق كومەك قولىن سوزدى، اسىرەسە، جۇڭگو جاقتىڭ ەمدەۋ ماماندار گرۋپپاسى سەربيا جاقتىڭ ىندەتتەن ساقتانۋ - تىزگىندەۋىنە وراسان زور قولداۋ كورسەتتى جانە كومەك بەردى، ءبىز مۇنى ماڭگى ەستە ساقتايمىز. جۇڭگو سەربيا حالقىنا ىندەتتى جەڭەتىن ءۇمىت سيلادى. مەيلى قانداي قيىنشىلىق پەن سايىسقا جولىقساق تا، سەربيا حالقى ماڭگى جۇڭگو حالقىنىڭ ادال دا سەنىمدى مىزعىماس دوسى. سەربيا جاق سەربياداعى جۇڭگو ازاماتتارىنا بار قايراتىن سالىپ ويداعىداي قامقورلىق جاسايدى. مەن ءتوراعا شي جينپيڭمەن ۇزدىكسىز قويۋ اۋىس - كۇيىس ساقتاۋدى قالايمىن. سەربيا - جۇڭگو دوستىعى جاساسىن!
شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 14 - كۇنى كەشتە قىرعىزستاننىڭ زۇڭتۇڭى جيەنبەكوۆپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل جەر شارىندا ءورشۋى ءار ەل حالقىنىڭ ءومىرىنىڭ حاۋىپسىزدىگىنە جانە دەنساۋلىعىنا وراسان زور قاتەر ءتوندىردى.
جۇڭگونىڭ ىندەتتەن ساقتانۋ - تىزگىندەۋ جاعدايى ەڭ مۇشكىل ساتتە، قىرعىزستان ۇكىمەتى قيىنشىلىقتى جەڭىپ، جۇڭگو جاققا مەديتسينالىق زاتتىق ماتەريالداردى كومەككە بەردى، قىرعىزستان قوعامى ءار سالاسىنىڭ ءتۇرلى فورمالار ارقىلى جۇڭگونىڭ ىندەتكە قارسى اتتانۋ شايقاسىنا دەم بەرۋى كوپتەگەن جان سۇيىنەرلىك ساتتەر رەتىندە جادىمىزدا قالدى. جۇڭگو حالقىنىڭ قىرعىزستان حالقىنا باۋىرلاستىق دوستىق سۇيىسپەنشىلىگى بار. جۇڭگو جاق قىرعىزستاننىڭ كەزەكتە ءدوپ كەلگەن قيىنشىلىعىن شىنايى سەزىنەدى، قىرعىزستان حالقىمەن تىزە قوسا وتىرىپ ىندەتكە قارسى اتتانۋدى، قىرعىزستان جاققا ۇزدىكسىز قولىنان كەلگەنشە كومەكتەسۋدى، ساقتانۋ - تىزگىندەۋ تاجىريبەلەرىنەن جانە دياگنوز قويۋ - ەمدەۋ جوباسىنان ورتاق پايدالانۋدى، تەز ارادا ەمدەۋ ماماندارىن جىبەرۋدى قالايدى. ءسىزدىڭ باسشىلىعىڭىزدا، قىرعىزستان جاقتىڭ ىندەتتى، ءسوز جوق، تەز ارادا جەڭەتىندىگىنە سەنەمىن.
شي جينپيڭ بىلاي دەپ باسا دارىپتەدى: جۇڭگو مەن قىرعىزستان تاۋ - سۋى ۇلاسقان دوس كورشى جانە جالپى بەتتىك ستراتەگيالىق سەرىكتەر. جۇڭگو جاق قىرعىزستان جاقپەن بىرگە، ادامزاتتىڭ تاعدىرلاس ورتاق تۇلعاسى ۇستانىمىنا تاباندى بولىپ، ەكى جاقتى دەڭگەيدە جانە شاڭحاي سەلبەستىك ۇيىمى سياقتى كوپ جاقتى جۇلگەدە ىنتىماقتى، سايكەستىكتى، سەلبەستىكتى كۇشەيتىپ، قيىندىقتى بىلەك بىرىكتىرە جەڭىپ، ءوزارا قارايلاسىپ، الەۋمەتتىك دەنساۋلىق ساقتاۋ حاۋىپسىزدىگىن قورعاۋ، دۇنيە ءجۇزى ەكونوميكاسىنىڭ ارتۋىن قالپىنا كەلتىرۋ ءۇشىن بەلسەندى ۇلەس قوسۋدى قالايدى. ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىر - ءبىرىن قولداۋدى كۇشەيتىپ، ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، ءارقايسى سالاداعى سەلبەستىكتى تەرەڭدەتىپ، ەكى ەلدىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.
جيەنبەكوۆ مىنالاردى ءبىلدىردى: جۇڭگو جاقتىڭ ىندەتكە قارسى اتتانۋ جاعىندا قول جەتكىزگەن ەلەۋلى كەزەڭدىك تابىستارى بۇكىل جەر شارىنىڭ ىندەتكە قارسى اتتانۋ كۇرەسى ءۇشىن وراسان زور قولداۋ كورسەتتى ءارى جەتەكشىلىك ەتۋ رولىن اتقاردى، قىرعىزستان جاق بۇعان شىن جۇرەكتەن سۇيىنەدى. وسى رەتكى ىندەت ءسىز العا قويعان ادامزاتتىڭ تاعدىرلاس ورتاق تۇلعاسى ۇستانىمىن امالياتتا ايگىلەۋدىڭ كوكەي تەستىلىگىن، رەالدىعىن، داۋىرلىك سيپاتىن تاعى ءبىر رەت كورنەكتىلەندىردى. جۇڭگو جاقتىڭ جۇڭگوداعى قىرعىزستان ازاماتتارىنا كوڭىل بولگەندىگىنە، قامقورلىق جاساعاندىعىنا ءارى قىرعىزستاننىڭ ىندەتكە قارسى اتتانۋىنا دەر كەزىندە قىمباتتى قولداۋ كورسەتكەندىگىنە جانە كومەكتەسكەندىگىنە العىس ايتامىن. قىرعىزستان ماڭگى جۇڭگو حالقىنىڭ ەڭ سەنىمدى جاقسى دوسى، جاقسى سەرىگى. قىرعىزستان جاق جۇڭگو جاقپەن اۋىل شارۋاشىلىعى سياقتى سالالارداعى سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 14 - كۇنى كەشتە فينلانديانىڭ زۇڭتۇڭى نيينيستومەن تەلەفوندا سويلەستى.
شي جينپيڭ جۇڭگو ۇكىمەتى مەن حالقى اتىنان فينلانديا ۇكىمەتى مەن فينلانديا حالقىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعاندىعى جونىندە شىنايى حال سۇرايتىندىعىن جانە تاباندىلىقپەن قولداۋ كورسەتەتىندىگىن ءبىلدىردى. شي جينپيڭ بىلاي دەپ اتاپ كورسەتتى: ادامزات قۋانىشى مەن جۇبانىشى ءبىر تاعدىرلاس ورتاق تۇلعا. حالىقارالىق قوعام كۇش بىرىكتىرگەندە عانا، قيىن - قىستاۋ كەزدەردەن بىرگە ءوتىپ، ىندەتتى جەڭە الادى. جۇڭگو جاق ءار ەلمەن بىرگە الەمدىك الەۋمەتتىك دەنساۋلىق ساقتاۋ ىستەرىنىڭ دامۋىن جەبەۋدى قالايدى. ءبىز مەديتسينالىق ىندەتتەن ساقتانۋ زاتتىق ماتەريالدارىن ءوندىرۋ قۋاتىن الدىمەن قالپىنا كەلتىرىپ جانە جوعارىلاتىپ، الەمدىك كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قورعاپ، حالىقارالىق ىندەتكە قارسى اتتانۋ سەلبەستىگى مەن دۇنيە ءجۇزى ەكونوميكاسىنىڭ ورنىقتىلىعى ءۇشىن ۇلەس قوسامىز.
شي جينپيڭ بىلاي دەپ باسا دارىپتەدى: تاياۋدا جۇڭگو جاق فينلانديا جاقتى قامتىعان ەۆروپا ەلدەرىمەن ىندەتتەن ساقتانۋ قىزمەتى جونىندە بەينە ەكران ءماجىلىسىن وتكىزدى. جۇڭگو جاق فينلانديا جاقپەن ىندەتتەن ساقتانۋ - تىزگىندەۋ تاجىريبەلەرى جونىندە ۇزدىكسىز اۋىس - كۇيىس جاساسىپ، فينلانديا جاقتىڭ كەزەكتەگى ىندەتتەن ساقتانۋ زاتتىق ماتەريالدارى تاپشى بولۋ سياقتى قيىنشىلىقتاردى شەشۋىنە كومەكتەسۋدى قالايدى. ءسىزدىڭ باسشىلىعىڭىزدا، فينلانديا حالقىنىڭ قايىسپاس قايسار ”سيسۋ“ رۋحىن ۇزدىكسىز اسقاقتاتىپ، ىندەتتى، ءسوز جوق، جەڭەتىندىگىنە سەنەمىن. فينلانديا جاقتىڭ فينلاندياداعى جۇڭگو ازاماتتارىنىڭ، اسىرەسە، جۇڭگولىق وقۋشىلاردىڭ حاۋىپسىزدىگىن قامتاماسىز ەتۋ قىزمەتىنە وسكەلەڭ ءمان بەرۋىن ءارى مۇنى ويداعىداي ىستەۋىن ءۇمىت ەتەمىن. ىندەتكە بىرگە قارسى اتتانۋ ارقىلى جۇڭگو - فينلانديا دوستىعىنىڭ تەرەڭدەي تۇسەتىندىگىنە سەنەمىن. ىندەت اياقتاعاننان كەيىن، ەكى جاق ءارقايسى جىكتەگى ادامداردىڭ بارىس - كەلىسىن تەز ارادا قالپىنا كەلتىرىپ، عىلىم - تەحنيكالىق جاڭالىق اشۋ، ينفورماتسيا، حابارلاسۋ، تىرشىلىك عىلىمى سياقتى سالالارداعى سەلبەستىكتىڭ كومەسكى كۇشىن اشىپ، كادەگە جاراتىپ، جۇڭگو مەن فينلانديانىڭ بولاشاققا بەت العان جاڭاشا سەلبەستىك سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتۋ كەرەك.
نيينيستو مىنالاردى ءبىلدىردى: قازىر فينلانديا ماشاقاتتى ىندەت جاعدايىنا ءدوپ كەلدى، فينلانديا حالقى جاپالى قۇلشىنىس جاساۋدا، جۇڭگو جاقتىڭ قاتىستى تاجىريبەلەرى بىزگە توتەنشە پايدالى. جۇڭگو جاقتىڭ مەديتسينالىق، ىندەتتەن ساقتانۋ زاتتىق ماتەريالدارى سياقتى جاقتاردا قىمباتتى قولداۋ كورسەتكەندىگىنە جانە كومەكتەسكەندىگىنە العىس ايتامىن. فينلانديا جاق جۇڭگو جاقپەن سەلبەستىكتى كۇشەيتىپ، ىندەتتى تەزىرەك جەڭۋدى ءۇمىت ەتەدى. مەن ءتوراعا شي جينپيڭ العا قويعان ادامزاتتىڭ تاعدىرلاس ورتاق تۇلعاسى ۇستانىمىن بۇكىلدەي قۇپتايمىن، جۇڭگو جاقتىڭ دۇنيە جۇزىلىك دەنساۋلىق ساقتاۋ ۇيىمىمەن جانە ەۆروپا ەلدەرىمەن تاماشا سەلبەستىك ورىستەتكەندىگىن ءارى 20 ەل توبى جۇلگەسىندە الەمدىك الەۋمەتتىك دەنساۋلىق ساقتاۋ حاۋىپسىزدىگى سەلبەستىگىن ىلگەرىلەتكەندىگىن القايمىن. جۇڭگو ەكونوميكاسىنىڭ دامۋدى تەز ارادا قالپىنا كەلتىرۋى دۇنيە ءجۇزى جونىنەن ايرىقشا ماڭىزدى. فينلانديا - جۇڭگو قارىم - قاتىناسى ەرەكشە جاقسى، فينلانديا جاق فينلاندياداعى جۇڭگو ازاماتتارىنا ۇزدىكسىز ويداعىداي قامقورلىق جاسايدى. مەن سىزبەن بىرگە قۇلشىنىس جاساپ، فينلانديا - جۇڭگو قارىم - قاتىناسىنىڭ ۇزدىكسىز العا دامۋىن ىلگەرىلەتۋدى ءۇمىت ەتەمىن.
