ىندەتتەن ساقتانۋ - تىزگىندەۋدى ۇدايىلاندىرۋ بارىسىندا وقۋ باستاۋ، ساباقتى قالپىنا كەلتىرۋ جانە وقۋ - وقىتۋ قىزمەتىن ويداعىداي يگەرەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 4 - ايدىڭ 15 - كۇنى ۇرىمجىدەن حابارلايدى. 4 - ايدىڭ 15 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين شينجياڭ داشۋەسىندە، شينجياڭ كوركەمونەر شۋەيۋانىندا وقۋ باستاۋ، ساباقتى قالپىنا كەلتىرۋ جانە ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالاپتارىنا ساي، ىندەتتەن ساقتانۋ - تىزگىندەۋدى ۇدايىلاندىرۋ بارىسىندا وقۋ - وقىتۋ قىزمەتىن ىلگەرىلەتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى جەتىلدىرۋ شەبىن باتىل ويداعىداي قورعاپ، حاۋىپسىز، ءتارتىپتى بولۋعا، تيتتەي دە اعاتتىق جىبەرمەۋگە شىنايى كەپىلدىك ەتۋ كەرەك.
شينجياڭ داشۋەسىندە لي پىڭشين دەنە تەمپەراتۋراسىن ىرىقتى تۇردە ولشەتكەننەن كەيىن وقۋشىلاردىڭ تۇرمىس اۋماعىنا كىرىپ، وقۋشىلاردىڭ مەكتەپكە ورالعاننان كەيىنگى ارتقى شەپ قامتاماسىزداندىرۋ احۋالىن ۇعىستى ءارى بەينەەكران ارقىلى وڭتۇستىك، سولتۇستىك مەكتەپ رايوندارىنىڭ ساباقحانا، جاتاق، تاجىريبەحانا سياقتى وقىتۋ، تۇرمىس اۋماقتارىنىڭ ىندەتتەن ساقتانۋ - تىزگىندەۋ قىزمەتىن تەكسەرىپ كوردى. شينجياڭ كوركەمونەر شۋەيۋانىندا لي پىڭشين جاتتىعۋ زالىنا، كوپ يقۋاتتى ساباقحاناعا، ستۋديا تاجىريبەحاناسىنا جانە وقۋشىلار اسحاناسىنا كىرىپ، سول جەردىڭ وزىندە مەكتەپتىڭ وقىتۋ، ساباق بەرۋ جاعدايىن، سونداي - اق ازىق - تۇلىك حاۋىپسىزدىگى جاعدايىن كوردى ءارى وقىتۋشى - وقۋشىلارمەن اڭگىمەلەستى.
لي پىڭشين بىلاي دەپ باسا دارىپتەدى: يدەيالىق تانىمدى شىن مانىندە جوعارىلاتىپ، مەكتەپ اۋلاسىندا ىندەتتەن ساقتانۋ - تىزگىندەۋدى ويداعىداي يگەرۋدىڭ ماڭىزدىلىعىن جەتە تانىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ تالابىنا ساي، مەكتەپتىڭ وقۋ - وقىتۋ امالياتىمەن تىعىز ۇشتاستىرىپ، وقىتۋشى - وقۋشىلاردىڭ ءومىرىنىڭ حاۋىپسىزدىگىنە جانە دەنساۋلىعىنىڭ اقاۋسىزدىعىنا وسكەلەڭ جاۋاپتى بولۋ پوزيتسياسىمەن ىندەتتەن ساقتانۋ - تىزگىندەۋدىڭ نەگىزگى تۇلعالىق جاۋاپكەرشىلىگىن ويداعىداي اتقارىپ، ءتۇرلى ساقتانۋ - تىزگىندەۋ شاراسىن باتىل تۇردە ەگجەي - تەگجەيلى، تىڭعىلىقتى، ناقتى تياناقتاندىرۋ كەرەك. مەكتەپ اۋلاسىنىڭ ىندەتتەن ساقتانۋ - تىزگىندەۋ قىزمەت مەحانيزمىن اناعۇرلىم كەمەلدەندىرىپ، مەكتەپكە ورالۋ ولشەمىن قاتاڭ تياناقتاندىرىپ، قاقپانى مىقتى كۇزەتىپ، وتكەلدى مىقتى يگەرىپ، مەكتەپ اۋلاسىندا ىندەتتەن ساقتانۋ - تىزگىندەۋدىڭ ”العاشقى قورعانىس شەبىن“ بەكەمدەۋ قاجەت. ساباقحانا، جاتاق، اسحانا سياقتى ادام شوعىرلى اۋماقتار مەن ءتۇيىندى ورىنداردىڭ كۇندەلىكتى زارارسىزداندىرۋدى جانە اۋاسىن الماستىرۋدى مىقتى يگەرىپ، شۇعىل جاعدايعا توتەپ بەرۋدىڭ دايىندىق جوباسىن عىلمي جاساپ، شۇعىل جاعدايدى ءبىر جاقتى ەتۋ ءتارتىبىنىڭ ساناعا ۇيالاپ كوكەيگە قونۋىنا، ارەكەتتىڭ ءتارتىپتى، ءونىمدى بولۋىنا شىنايى كەپىلدىك ەتۋ ءتيىس. ازىق - تۇلىك حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، وقۋشىلاردى قاۋىرت مەزگىلگە شوعىرلاندىرماي تاماقتاندىرۋ جوباسىن جۇيەلى، ەگجەي - تەگجەيلى جاساپ، اس - سۋ حاۋىپسىزدىگىنە شىنايى كەپىلدىك ەتۋ كەرەك. وقىتۋ جوسپارىن رەتتەپ، ساپالىلاندىرىپ، وقىتۋ مازمۇنىنا رەفورما جاساۋعا جانە وقىتۋ ۇلگىسى مەن ادىسىنە جاڭالىق ەنگىزۋگە ءمان بەرىپ، وقىتۋ مىندەتىن جوعارى ساپادا ورىنداۋعا شىنايى كەپىلدىك ەتۋ قاجەت. كوپ ءتۇرلى تاسىلدەر قولدانىپ وقۋ تاۋىسۋ ديسسەرتاتسياسى سياقتى قىزمەتتەردى ويداعىداي ىستەپ، باۋلۋ جوسپارىن ءدال كەزىندە ورىنداپ، سونداي - اق جۇمىستانۋعا جەتەكشىلىك ەتۋ بويىنشا قىزمەت وتەۋدى كۇشەيتىپ، جوعارى مەكتەپ تاۋىسقان وقۋشىلاردىڭ وقۋلارىن ءساتتى تاۋىسىپ، ەرتەرەك جۇمىستانۋىنا شىنايى كەپىلدىك ەتۋ ءتيىس. مەكتەپ اۋلاسىنىڭ حاۋىپسىزدىك باسقارۋىن كۇشەيتىپ، ءتۇرلى حاۋىپسىزدىك كومەسكى كىناراتتارىن جاپپاي ءبىر - بىرلەپ تەكسەرىپ جانە جويىپ، مەكتەپ اۋلاسىنىڭ حاۋىپسىزدىگىنە، ورنىقتىلىعىنا شىنايى كەپىلدىك ەتۋ كەرەك.
لي پىڭشين مىنالاردى تالاپ ەتتى: جوعارى مەكتەپ پارتكومدارى نەگىزگى تۇلعالىق جاۋاپكەرشىلىكتەرىن مۇقيات تياناقتاندىرىپ، پارتكوم شۋجيى ءبىرىنشى جاۋاپتى ادامدىق جاۋاپكەرشىلىگىن ويداعىداي اتقارىپ، وقۋ باستاۋ، ساباقتى قالپىنا كەلتىرۋ جانە مەكتەپ اۋلاسىندا ىندەتتەن ساقتانۋ - تىزگىندەۋ قىزمەتىن ءبىر تۇتاس جوسپارلاپ ويداعىداي يگەرىپ، مىندەتتى ايقىنداۋ، شارانى تياناقتاندىرۋ، جاۋاپكەرشىلىكتى ادامعا دەيىن جۇكتەۋ كەرەك. جوعارى مەكتەپتەردىڭ نەگىزگى ساتى پارتيا ۇيىمدارى جانە پارتيالى كادرلار جاۋىنگەر قامالدىق رولىن جانە اۆانگارد ونەگەلىك رولدارىن ويداعىداي ساۋلەلەندىرىپ، جاۋاپكەرشىلىكتى باتىلدىقپەن ارقالاپ، شىنايى يگەرىپ ناقتى ىستەپ، وقۋ باستاۋ، ساباقتى قالپىنا كەلتىرۋ جانە ىندەتتەن ساقتانۋ - تىزگىندەۋدى ءبىر تۇتاس جوسپارلاپ ويداعىداي ىستەۋدىڭ قۋاتتى بىرىككەن كۇشىن شىن مانىندە ۇيىستىرۋ كەرەك.
اۆتونوميالى رايوننىڭ ورىنباسار ءتوراعاسى رىن حۋا بىرگە تەكسەرۋ - زەرتتەۋ جۇرگىزدى.
