ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا ءوندىرىس حاۋىپسىزدىگى قىزمەتىن ويداعىداي ىستەۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 4 - ايدىڭ 15 - كۇنى ۇرىمجىدەن حابارلايدى. 4 - ايدىڭ 14 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا ءوندىرىس حاۋىپسىزدىگى قىزمەتىن ويداعىداي ىستەۋدى اقىلداستى.
ءماجىلىس مىنالاردى باسا دارىپتەدى: جەر - جەر، تاراۋلار ساياسي دەڭگەيدى جوعارىلاتىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ وسكەلەڭ تۇرعىسىنان، ءوندىرىس حاۋىپسىزدىگىنىڭ ماڭىزدىلىعىن، قاجەتتىلىگىن جانە كوكەي تەستىلىگىن جەتە تانىپ، ءوندىرىس حاۋىپسىزدىگى قىزمەتىن بايىپتىلىقپەن، ەگجەي - تەگجەيلى، قاتاڭ ويداعىداي يگەرۋ كەرەك. حالىقتى وزەك ەتكەن دامۋ يدەياسىن بەرىك ورناتىپ، اۆتونوميالى رايوندىق پارتكومنىڭ تالابى بويىنشا، حاۋىپسىزدىك قىزىل سىزىعىن قاتاڭ ساقتاپ، ءوندىرىس حاۋىپسىزدىگى جاۋاپكەرشىلىگىن نىعايتىپ، جۇمىستى، ءوندىرىستى قالپىنا كەلتىرۋدىڭ حاۋىپسىزدىك شارالارىن قاتاڭ تياناقتاندىرىپ، ەلەۋلى حاۋىپسىزدىك كومەسكى قاتەرلەرىنەن كۇش سالا ساقتانىپ جانە ونى جويىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ قىزمەتىنە تاماشا ءوندىرىس حاۋىپسىزدىگى ورتاسىن جاراتۋ كەرەك.
ءماجىلىس مىنالاردى باسا دارىپتەدى: ايرىقشا ءمان بەرىپ، جەدەل ارەكەتتەنىپ، ءوندىرىس حاۋىپسىزدىگىن ارنايى جونگە سالۋدىڭ 3 جىلدىق ارەكەتىن تىڭعىلىقتى ورىستەتۋ كەرەك. ۇيىمدىق باسشىلىقتى كۇشەيتىپ، ارناۋلى قىزمەت القاسىن قۇرىپ، ءوندىرىس حاۋىپسىزدىگىن ارنايى جونگە سالۋ جوباسىن بەلگىلەپ، ناقتىلاندىرىپ، ءتۇرلى شارالار مەن مىندەتتەردى ناقتى، ەگجەي - تەگجەيلى تياناقتاندىرىپ، ارنايى جونگە سالۋدىڭ 3 جىلدىق ارەكەتى ارقىلى ءبىر توپ ەلەۋلى حاۋىپ - قاتەردى شىن مانىندە باسقارىپ - تىزگىندەپ، ءبىر توپ ەلەۋلى كومەسكى قاتەردى جويىپ، زاڭعا قايشى ءبىر توپ ارەكەتتى جازالاپ ساقتاندىرىپ، ءبىر توپ ءونىمدى ءتۇزىم قالىپتاستىرىپ، قوس قاباتتى الدىن الۋدى نەگىز ەتكەن ءبىرسىپىرا باياندى مەحانيزم ورناتۋ كەرەك. ”پارتكوم مەن ۇكىمەت تەڭ جاۋاپتى بولۋعا“، ”ءبىر قىزمەت ورنىندا ەكى جاۋاپكەرشىلىك ارقالاۋعا“ تاباندى بولىپ، قاراستى جەردىڭ باسقارۋ جاۋاپكەرشىلىگىن، تاراۋلاردىڭ باقىلاۋ - باسقارۋ جاۋاپكەرشىلىگىن، كاسىپورىنداردىڭ تۇلعالىق جاۋاپكەرشىلىگىن ۇزدىكسىز قاتايتىپ، نىعايتىپ، فورماشىلدىق، تورەشىلدىك ماسەلەلەرىن باتىل جونگە سالىپ، ءوندىرىس حاۋىپسىزدىگىن شارلاپ تەكسەرىپ باعالاۋ، كۇندەلىكتى ورنالاستىرۋ، جاۋاپكەرشىلىكتى قۋزاۋ، جاۋاپقا تارتۋ مەحانيزمىن اناعۇرلىم كەمەلدەندىرىپ، حاۋىپسىزدىك جاۋاپكەرشىلىگىنىڭ تياناقتانۋىنا، ۇسىنىلىمنىڭ تياناقتانۋىنا، باسقارۋدىڭ تياناقتانۋىنا، باقىلاۋدىڭ تياناقتانۋىنا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: جۇمىستى، ءوندىرىستى قالپىنا كەلتىرۋ حاۋىپسىزدىگى تەكسەرۋىن جالپى بەتتىك ورىستەتىپ، اسىرەسە، قاتىناس، قۇرىلىس، كەن، قاتەرلى حيميالىق بۇيىمدار، ءورت ءسوندىرۋ - ورتتەن ساقتانۋ، وقۋ - اعارتۋ، ساياحات، سونداي - اق ەرەكشە جابدىقتار، ەلەكتر قۋاتى، سۋ يگىلىگى، اۋىل شارۋاشىلىق ماشينالارى سياقتى كاسىپ سالالارىندا حاۋىپسىزدىك قاتەرىنەن قاتاڭ ساقتانىپ، قاتاڭ تىزگىندەپ، شىرعالاڭ كومەسكى قاتەرىن قاتاڭ تەكسەرىپ، قاتاڭ وڭاۋ كەرەك. كاسىپورىنداردىڭ ءوندىرىس حاۋىپسىزدىگى تۇلعالىق جاۋاپكەرشىلىگىن تياناقتاندىرىپ، ءوندىرىس حاۋىپسىزدىگىن بۇكىل قوعام بىرگە يگەرىپ، ورتاق باسقاراتىن تاماشا جاعداي قالىپتاستىرۋ كەرەك. جاراتىلىستىق اپاتتار مەن تۇتقيىل تۋىلاتىن شىرعالاڭداردان ساقتانۋ قىزمەتىن كۇشەيتىپ، ءوندىرىس حاۋىپسىزدىگىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى تاباندىلىقپەن ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
