تيانشان تورى
تيانشان تورى   ›   جاڭالىقتار   ›   ماڭىزدى حابارلار

ىنتىماقتاسۋ، سەلبەسۋ − حالىقارالىق قوعامنىڭ ىندەتتى جەڭۋدەگى ەڭ پارمەندى قارۋى

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

ىنتىماقتاسۋ، سەلبەسۋ − حالىقارالىق قوعامنىڭ ىندەتتى جەڭۋدەگى ەڭ پارمەندى قارۋى

  شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى. 4 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ىنتىماقتاسۋ، سەلبەسۋ − حالىقارالىق قوعامنىڭ ىندەتتى جەڭۋدەگى ەڭ پارمەندى قارۋى» اتتى ماڭىزدى ماقالاسىن جاريالايدى.

  ماقالادا مىنالار باسا دارىپتەلدى: ادامزات − تاعدىرلاس ورتاق تۇلعا. ءار ەل حالقىنىڭ اماندىعىنا قاتىستى ىندەتتى جەڭۋدە، ىنتىماقتاسۋ، سەلبەسۋ ەڭ پارمەندى قارۋ. قازىر جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە تارالىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنا وراسان زور قاتەر ءتوندىرىپ، الەمدىك الەۋمەتتىك دەنساۋلىق ساقتاۋ حاۋىپسىزدىگىنە وراسان زور سىن - سايىس اكەلدى. حالىقارالىق قوعامعا ەڭ قاجەتتىسى سەنىمدى بەكەمدەپ، ءبىر نيەتپەن سەلبەسىپ، ىنتىماقتاسا توتەپ بەرىپ، حالىقارالىق سەلبەستىكتى جان - جاقتى كۇشەيتىپ، ادامزاتتىڭ وسى رەتكى ەلەۋلى جۇقپالى اۋرۋمەن كۇرەسىنىڭ جەڭىسىنە قول ۇستاسا قول جەتكىزۋ بولىپ تابىلادى. ءبىز تەك قيىنشىلىقتى بىلەك بىرىكتىرە جەڭەتىن، ءوزارا قارايلاساتىن بولساق، ءسوز جوق، ىندەتتى تۇبەگەيلى جەڭىپ، ادامزات دامۋىنىڭ اناعۇرلىم جارقىن بولاشاعىن قارسى الاتىن بولامىز!

  ماقالادا مىنالار اتاپ كورسەتىلدى: ۆيرۋستا مەملەكەت شەكاراسى بولمايدى، ىندەت ناسىلگە بولمەيدى. ءارقانداي مەملەكەتتىڭ بويىن اۋلاققا سالىپ، ءوزىنىڭ عانا قامىن ويلاۋىنا بولمايدى. بۇكىل ادامزات تەك بىرگە قۇلشىنعاندا عانا، شايقاستا جەڭىسكە جەتە الادى. ەكونوميكانىڭ جاھاندانۋ داۋىرىندە، مۇنداي ەلەۋلى تۇتقيىل وقيعالار ەڭ سوڭعى رەت تۋىلىپ وتىرعان جوق، ءتۇرلى ءداستۇرلى حاۋىپسىزدىك جانە ءداستۇرلى ەمەس حاۋىپسىزدىك ماسەلەلەرى تىڭ سىن - سايىستاردى تاعى دا ۇزدىكسىز الا كەلۋى مۇمكىن. وسى رەتكى الەمدىك الەۋمەتتىك دەنساۋلىق ساقتاۋ داعدارىسىنا توتەپ بەرۋ بارىسىندا، ادامزاتتىڭ تاعدىرلاس ورتاق تۇلعاسىن قۇرۋدىڭ كوكەي تەستىلىگى مەن ماڭىزدىلىعى ونان ارى كورنەكتىلەنە ءتۇستى. تەك عانا ىنتىماقتاسىپ، سەلبەسىپ، قول ۇستاسا توتەپ بەرگەندە عانا، حالىقارالىق قوعام ىندەتتى جەڭىپ، ادامزاتتىڭ ورتاق مەكەنىن قورعاي الادى.

  ماقالادا مىنالار اتاپ كورسەتىلدى: جۇڭگو ادامزات تاعدىرلاس ورتاق تۇلعا ۇستانىمىنان جازبايدى، جۇڭگو ۇكىمەتى باستان - اياق اشىق، جاريا، جاۋاپتى بولۋ پوزيتسياسىمەن دۇنيە جۇزىلىك دەنساۋلىق ساقتاۋ ۇيىمىنا، سونداي - اق قاتىستى مەملەكەتتەرگە جانە وڭىرلەرگە ىندەت ينفورماتسيالارىن دەر كەزىندە مالىمدەپ، ۆيرۋستىڭ گەندىك تىزبەگى سياقتى ينفورماتسيالاردى اۋەل باستا - اق جاريالاپ، دۇنيە جۇزىلىك دەنساۋلىق ساقتاۋ ۇيىمىمەن جانە حالىقارالىق قوعاممەن ساقتانۋ - تىزگىندەۋ، ەمدەۋ تاجىريبەلەرىن ەش بۇكپەسىز ورتاق پايدالانىپ، ىندەتكە قارسى اتتانۋدىڭ حالىقارالىق سەلبەستىگىن بەلسەندىلىكپەن ورىستەتىپ، ورتاق قاتەر مەن سىن - سايىستارعا قول ۇستاسا توتەپ بەرىپ، جۇڭگو حالقىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن باتىل قورعادى، دۇنيە جۇزىندەگى ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن باتىل قورعادى.

  ماقالادا مىنالار اتاپ كورسەتىلدى: ناعىز سۇيىسپەنشىلىك قيىنشىلىقتا بايقالادى، جۇڭگو جاق حالىقارالىق قوعامنىڭ بىزگە كورسەتكەن قىمباتتى تۇسىنىگى مەن قولداۋىن القايدى. جۇڭگو جاق ەرەكشە قيىنشىلىقتا قالعان كەزدە، حالىقارالىق قوعامنىڭ كوپتەگەن مۇشەلەرى جۇڭگو جاققا ىزگى نيەتتى كومەك بەردى جانە قولداۋ كورسەتتى، ءبىز قاشاندا ەسىمىزدە بەرىك ساقتايمىز ءارى بۇل دوستىقتى قاستەرلەيمىز. جۇڭحۋا ۇلتى العىس ايتا بىلەتىن، قارىمجىسىن قايتارا بىلەتىن ۇلت، جۇڭگو جاق باستان - اياق قولىنان كەلگەن كولەمدە حالىقارالىق قوعامنىڭ ىندەتكە قارسى اتتانۋىنا قولداۋ كورسەتىپ، الەمدىك الەۋمەتتىك دەنساۋلىق ساقتاۋ حاۋىپسىزدىگىن بىرگە قورعادى.

  ماقالادا مىنالار اتاپ كورسەتىلدى: الەۋمەتتىك دەنساۋلىق ساقتاۋ حاۋىپسىزدىگى − ادامزات ءدوپ كەلگەن ورتاق سىن - سايىس، ەلەۋلى جۇقپالى اۋرۋلار − بۇكىل ادامزاتتىڭ ورتاق جاۋى، ءار ەلدىڭ قول ۇستاسا توتەپ بەرىپ، حالىقارالىق سەلبەستىكتى جالپى بەتتىك كۇشەيتىپ، ىندەتتى جەڭۋدىڭ قۋاتتى بىرىككەن كۇشىن ۇيىستىرۋىن قاجەت ەتەدى. جۇڭگو جاق دۇنيە جۇزىلىك دەنساۋلىق ساقتاۋ ۇيىمىمەن جانە حالىقارالىق قوعاممەن بىرگە ءوڭىردىڭ جانە الەمنىڭ الەۋمەتتىك دەنساۋلىق ساقتاۋ حاۋىپسىزدىگىن بىرگە قورعاۋدى قالايدى. ءبىرىنشى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ الەمدىك توسقاۋىل شايقاسىن باتىلدىقپەن ويداعىداي جۇرگىزەدى؛ ەكىنشى، حالىقارالىق بىرلەسىپ ساقتانۋدى، بىرلەسىپ تىزگىندەۋدى ءونىمدى ورىستەتەدى؛ ءۇشىنشى، حالىقارالىق ۇيىمداردىڭ رولىن ساۋلەلەندىرۋدى بەلسەنە قولدايدى؛ ءتورتىنشى، حالىقارالىق ماكرولىق ەكونوميكالىق ساياساتتى سايكەستىرۋدى كۇشەيتەدى.

  ماقالادا مىنالار اتاپ كورسەتىلدى: جۇڭگو دەر كەزىندە باتىل دا پارمەندى شارالار قولدانىپ، ىندەتكە قارسى اتتانۋدا وراسان زور بوداۋلار بەردى. جۇڭگو حالقى ىندەتتەن ساقتانۋ - تىزگىندەۋ بارىسىندا جۇڭگو كۇشىن، جۇڭگو رۋحىن، جۇڭگو ونىمدىلىگىن ايگىلەدى، جۇڭگو ايگىلەگەن جاۋاپكەرشىلىكتى ءىرى ەل وبرازى حالىقارالىق قوعامنىڭ ايرىقشا القاۋىنا بولەندى. حالىقارالىق قوعام جاپپاي بىلاي دەپ قارادى: جۇڭگو ىندەتتەن جالپى بەتتىك، پارمەندى ساقتانۋمەن جانە تىزگىندەۋمەن بىرگە، دۇنيە جۇزىلىك دەنساۋلىق ساقتاۋ ۇيىمىمەن جانە حالىقارالىق قوعاممەن سەلبەستىك جانە ينفورماتسيا اۋىس - كۇيىسىن بەلسەندى، ىرىقتى تۇردە ورىستەتىپ، ءبىر ءبولىم لابوراتوريالىق توكسين تۇپتەرىنىڭ تۇتاس گەن گرۋپپاسى تىزبەگىن جەدەل ورتاق پايدالانىپ، ءساتتى ءارى تەز تەكسەرۋ - ولشەۋ سىناق ءدارىسىن زەرتتەپ - جاساپ، جۇڭگو حالقىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىنا جاۋاپتى بولىپ قالماستان، دۇنيە ءجۇزىنىڭ الەۋمەتتىك دەنساۋلىق ساقتاۋ ىستەرى ءۇشىن دە ۇلەس قوستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.