تيانشان تورى   ›   جاڭالىقتار   ›   وقۋ-اعارتۋ

2020 - جىلعى ستۋدەنتتەردىڭ ەرىكتى قىزمەت وتەۋىنىڭ باتىس بولەك جوسپارى بويىنشا شينجياڭعا قىزمەت وتەۋگە ارناۋلى وقۋشى قابىلداۋى باستالدى

  ءتىلشىنىڭ اۆتونوميالى رايوندىق وداق كوميتەتىنەن ۇعىسۋىنشا، ستۋدەنتتەردىڭ ەرىكتى قىزمەت وتەۋى باتىس بولەك جوسپارى بويىنشا 2020 - جىلعى شينجياڭعا قىزمەت وتەۋگە ارناۋلى وقۋشى قابىلداۋ قىزمەتى تاياۋدا رەسمي باستالعان ەكەن. تىزىمدەلۋ ۋاقىتى 5 - ايدىڭ 31 ـ كۇنى اياقتايدى. تانىستىرۋعا قاراعاندا، قابىلداناتىن وبيەكتىلەر: الدا وقۋ بىتىرەتىن وقۋشىلار نەمەسە وقىپ جاتقان اسپيرانتتار، قىزمەت وتەۋ مازمۇنى: نەگىزدىك وقۋ - اعارتۋ (وڭتۇستىك شينجياڭنىڭ وقۋ - اعارتۋ ىسىنە كومەكتەسۋ)، اۋىل شارۋاشىلىق عىلىم - تەحنيكاسى (كەدەيلىكتەن ارىلتۋدان قامال الۋ)، ەمدەۋ - دەنساۋلىق ساقتاۋ، نەگىزگى ساتى جاستار قىزمەتى، نەگىزگى ساتى قوعامدىق باسقارۋ سياقتىلار بولىپ، قىزمەت وتەۋ مەرزىمى 1 دە 3 جىل بولادى ەكەن.

  بيىلعى قابىلداۋ قىزمەتى تۇگەلدەي جەلىدە جۇرگىزىلەدى، ستۋدەنتتەر ەرىكتى قىزمەت وتەۋى باتىس بولەك جوسپارى رەسمي تور بەكەتى )http://xibu.youth.cn( ارقىلى تىزىمدەلۋ كەستەسىن تولتىرۋعا ٴارى ويىنداعى قىزمەت وتەيتىن جەرىن تاڭداۋعا بولادى. ۇعىسۋعا قاراعاندا، ستۋدەنت ەرىكتىلەرىنىڭ ەرىكتى قىزمەت وتەۋ مەزگىلىندە كوپ ٴتۇرلى قامتاماسىزدىق ساياساتىنان يگىلىكتەنۋىنە بولادى ەكەن.

   قوسىمشا قاراجات جاعىندا: ٴار ايدا 1000 يۋان نەگىزگى قىزمەت، تۇرمىس قوسىمشا قاراجاتىنان يگىلىكتەنەدى؛ قىزمەت وتەۋ رايونى تۇرىنە قاراي، جاپالى، شەت - شالعاي وڭىرلەرگە بەرىلەتىن كومەك قاراجاتتان ايىنا 320 يۋاننان 3120 يۋانعا دەيىن يگىلىكتەنەدى؛ جەرگىلىكتىڭ تۇرمىستىق قوسىمشا قاراجاتىنان وڭتۇستىك شينجياڭداعى 3 ايماق، ٴبىر وبلىسقا قىزمەت وتەيتىن ەرىكتىلەرگە ايىنا 660 يۋان بەرىلەدى؛ قىزمەت وتەۋ ورىندارىنىڭ قوسىمشا قاراجاتى، ايىنا 800 يۋاننان تومەن بولمايدى؛ قاتىناس قوسىمشا قاراجاتى جاعىندا، شينجياڭدىق ەرىكتىلەرگە جىلىنا 1500 يۋان، شينجياڭ ەرىكتىلەرىنە جاتپايتىندارعا جىلىنا 2500 يۋان؛ بۇدان سىرت، ٴار جىلى 330 يۋاندىق ساۋدا قامسىزداندىرۋىنا، سونداي - اق اۆتونوميالى رايوندىق كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋىنا جانە جەرگىلىكتى قالا - قالاشىق جۇمىسشى - قىزمەتكەرلەرىنىڭ نەگىزگى ەمدەۋ قامسىزداندىرۋىنا قاتىناسادى.

  ساياساتتىق قامتاماسىزداندىرۋ جاعىندا: قىزمەت وتەۋ مەرزىمى تولىپ، باعالاۋدا تولىمدى بولعان ەرىكتىلەر، ٴىس جۇزىندىك قىزمەت وتەۋ جىل شەگى بويىنشا قىزمەت وتەۋ مەرزىمىنە جانە قىزمەت ستاجىنا ەسەپتەلەدى؛ قىزمەت وتەۋ مەرزىمى تولىپ، باعالاۋدا تولىمدى بولعان، سايكەستى شارتتارعا ۇيلەسكەندەر بەلگىلەمە بويىنشا سايكەستى وقۋ قاراجاتى تولەمىنەن جانە وقىتۋعا كومەكتەسۋ قارىز اقشاسىن ۋاكىلەتتىكپەن تولەۋ ساياساتىنان يگىلىكتەنۋىنە بولادى؛ 2 جىلدان ارتىق قىزمەت وتەگەن ٴارى باعالاۋدا تولىمدى بولعان بولسا، قىزمەت وتەۋ مەرزىمى تولعاننان كەيىن 3 جىل ىشىندە ماگيسترلىق اسپيرانتتىققا ەمتيحان بەرسە، العاشقى ەمتيحان جالپى نومىرىنە 10 ٴنومىر قوسىلىپ، ۇقساس شارت استىندا الدىمەن قابىلدانادى.

  مەملەكەت قىزمەتكەرلەرى جانە ءىسورىنداردىڭ شتاتتىق ەمتيحانىنا قاتىناسۋ، قابىلدانۋ جاعىندا: باتىس بولەك جوسپارى نىسانىنا قاتىناسۋدان بۇرىن قىزمەت كەشىرمەسى جوق ەرىكتىلەر قىزمەت وتەۋ مەرزىمى تولعاننان، ٴارى باعالاۋدا تولىمدى بولعاننان كەيىنگى 2 جىل ىشىندە (اسپيرانتتاردىڭ وقۋ - اعارتۋعا كومەك بەرۋ ۇيىرمەسىنىڭ ەرىكتىلەرى اسپيرانتتىق وقۋىن تاۋىسقاننان باستاپ ەسەپتەلەدى)، ورگان، ٴىسورىن ەمتيحانىنا قاتىناسۋ (ۇسىنىسپەن قابىلداۋ)، ٴتۇرلى كاسىپورىنداردىڭ جۇمىسقا قابىلداۋ، ٴوز الدىنا يگىلىك جاراتۋ، نوپوسقا قوندىرۋ، جوعارىلاپ وقۋ سياقتى جاقتاردا جوعارى مەكتەپ بىتىرەتىن وقۋشىلاردىڭ قاتىستى ساياساتتارىنان تەڭ يگىلىكتەنە الادى؛ قىزمەت وتەۋ مەرزىمى تولسا ٴارى باعالاۋدا تولىمدى بولسا، نەگىزگى ساتىعا باعىتتامالى قابىلداناتىن قىزمەت ورنىنا ەمتيحان بەرۋىنە بولادى؛ ٴىسورىننىڭ شتاتتىق ەمتيحانىنا قاتىناسقاندا، ٴنومىر قوسۋ ساياساتىنان يگىلىكتەنەدى، كەزەكتە، قىزمەت وتەۋ مەرزىمى تولعان باتىس بولەك جوسپارى ەرىكتىلەرى، شينجياڭنىڭ رايون دارەجەلى ٴىس ورىندارىنا ەمتيحان بەرگەندە جازباشا ەمتيحان ناتيجەسىنە 5 ٴنومىر قوسىلادى.

  تىزىمدەلۋدە اقىل - كەڭەس سۇراۋ ٴتاسىلى:

  ستۋدەنتتەر ەرىكتى قىزمەت وتەۋى باتىس بولەك جوسپارى شينجياڭ نىسان كەڭسەسى

  بايلانىس تەلەفونى:

  0991-2817084

  2817090

  (كەڭەس سۇراۋ ۋاقىتى: ساعات 10 نان 20 عا دەيىن)

  ەلەكتروندى حات ساندىعى: XJXBJHXMB@163.com

  ستۋدەنتتەر ەرىكتى قىزمەتى وتەۋىنىڭ باتىس بولەك جوسپارىن كوممۋنيستىك جاستار وداعى ورتالىق كوميتەتى، وقۋ - اعارتۋ مينيسترلىگى، قازىنا مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى بىرلىكتە ۇيىمداستىرىپ اتقارىپ، ٴار جىلى ادەتتەگى جوعارى مەكتەپ بىتىرەتىن وقۋشىلاردان نەمەسە اسپيرانتتاردان بەلگىلى مولشەردە قابىلداپ، باتىس بولەكتەگى نەگىزگى ساتىعا بارىپ 1 دە 3 جىلدىق ەرىكتى قىزمەت وتەۋ قىزمەتىن ورىستەتەدى.

   2003 - جىلى باتىس بولەك جوسپارى نىسانى اتقارىلعاننان قازىرگە دەيىن، بۇكىل ەلدىڭ جەر - جەرىنەن 24 مىڭنان استام ستۋدەنت ەركىمەن شينجياڭعا كەلىپ ەرىكتى قىزمەت وتەدى. قىزمەت وتەۋ مازمۇنى: اۋىل شارۋاشىلىعى، اۋىل - قىستاق، شارۋالار، ەمدەۋ - دەنساۋلىق ساقتاۋ، نەگىزگى ساتى جاستار قىزمەتى، نەگىزگى ساتىداعى قوعامدىق باسقارۋعا بولىنەدى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى