تيانشان تورى   ›   بىلگەنگە مارجان   ›   وتباسى جانە تۇرمىس

مىنا بىرنەشە ورىنداردى ءالى دە اشۋعا بولمايدى

  ماسكىنى قاشان الىپ تاستاۋعا بولادى؟ كينوحانا، تەاترحانا، ويىن زالىن اشۋعا بولا ما؟ جۋىقتا، كەيبىر كينولار مەن كورمەنى كورۋگە بولا ما؟ 4 - ايدىڭ 15 - كۇنى، جۇڭگو اۋرۋدى تىزگىندەۋ ورتالىعى ورتا ورنىنىڭ باستىعى شى شياۋميڭ كوپشىلىك نازار اۋدارىپ وتىرعان بۇل ماسەلەلەرگە جاۋاپ قايتاردى.

  كينوحانا، تەاترحانا، ويىن زالىنا كىرۋگە بولا ما؟

  جۇڭگو اۋرۋدى تىزگىندەۋ ورتالىعى ورتا ورنىنىڭ باستىعى شى شياۋميڭ مىنالاردى ءبىلدىردى، جاڭا تيپتى ايدارشا ۆيرۋس وكپە قابىنۋىن ەڭ تومەنگى شەككە ءتۇسىرۋدىڭ تاكتيكاسى بار، ول نەگىزىنەن مىنالاردى قامتيدى: تۇرمىستىق قىزمەت وتەۋ تۇرىندەگى ورىندار نەمەسە اشىق ۇستالاتىن ورىندارعا قاراتا، ادام سانى مەن اعىسىن تەجەۋ، سونىمەن قاتار، ادامداردىڭ توپتالۋىن نەمەسە جاقىن ارالىقتا اڭگىمەلەسۋىن ازايتۋ كەرەك. كينوحانا، تەاترحانا، ويىن زالى قاتارلى كوڭىل اشۋ، سەيىل - سەرۋەن سيپاتىنداعى ورىندارى ۋاقىتشا اشىلمايدى؛ كولەمدى دەنە تاربيە قيمىلى، كورمەلەر دە ۋاقىتشا اشىلمايدى.

  بۇلاي ىستەۋدىڭ نەگىزى نە؟ شى شياۋميڭ بىلاي دەپ تانىستىردى، جاڭا تيپتى ايدارشا ۆيرۋس نەگىزىنەن ەكى ءتۇرلى جولمەن تارالادى: ءبىرى، تىنىس جولى كوپىرشىكتەرى ارقىلى؛ ەندى ءبىرى، جاناسۋ ارقىلى تارالادى. ادامداردىڭ توپتاسۋىنىڭ ارتۋى ىندەت تارالۋىنىڭ قاتەرىن تۋدىرادى، سونىمەن قاتار ىندەتتىڭ كۇرت ارتۋىن تۋدىرۋى دا مۇمكىن.

  مارافون سىندى كولەمدى جينالۋ سيپاتىنداعى قيمىلدى مىسالعا الار بولساق، ءبىر جاقتان، قيمىل بارىسىندا ادامداردىڭ توپتالۋىن توسۋ وتە قيىن؛ ەندى ءبىر جاقتان، سپورتشىلاردىڭ قيمىل بارىسىندا تىنىس الۋى ءبىرشاما ءجيى بولادى، اۋا ءسىمىرۋى دە ءبىرشاما كوپ، ەگەر جارىسقا قاتىناسۋشىلاردىڭ ىشىندە ناۋقاس بولسا، ىعىستىرىلعان ۆيرۋستىڭ مولشەرى دە ارتىپ، اۋرۋ تارالۋ قاتەرىن ارتتىرادى.

  كورمە ادەتتە بولمە ىشىندە بولادى، كەڭىستىك سالىستىرمالى تۇيىق، اۋا الماسۋ جاعدايى ءبىرشاما ناشار بولىپ، ەكسكۋرتسيالاۋشىلار ۇقساماعان ورتادان كەلەدى، بالكىم ورتا، جوعارى دارەجەلى حاۋىپتى رايوننان كەلگەن بولۋى دا مۇمكىن، ناۋقاس جوق نەمەسە جەڭىل ناۋقاس رايونىنان كەلگەن بولۋى دا مۇمكىن. ەندى ءبىر جاقتان، ەكسكۋرتسيالاۋشىلار كەڭەسۋ بارىسىندا جاقىن ارالىقتان جاناسادى.

  سوندىقتان، نەگىزىنەن جوعارىداعى قاتەر نەگىزىندە، كولەمدى دەنە تاربيە قيمىلدارىن وتكىزۋگە، كورمەلەردى اشۋعا بولمايدى.

  قازىر ماسكىنى الىپ تاستاۋعا بولاما؟

  شى شياۋميڭ بىلاي دەپ تانىستىردى، قازىر ەلىمىزدىڭ كوپ ءبولىم رايوندارى تومەن قاتەرلى رايوندار، ءبىراق تومەن قاتەر قاتەر جوق دەگەندىك ەمەس. اسىرەسە، قازىرگى ىندەت جاعدايىندا، شەكارا سىرتىنان كىرۋ جۇمىستى، ءوندىرىستى قالپىنا كەلتىرۋدىڭ حاۋىپ - قاتەرىنە ءدوپ كەلىپ وتىر، بۇدان سىرت، ناۋقاس بەلگىلەرى بايقالماعان جۇعىمدالۋشىلار ىشكەرىلەي تەكسەرۋ كەزەڭىندە، سول ءۇشىن، جەكەلىك ساقتانۋدى ءالى دە ويداعىداي ىستەۋ كەرەك.

  قاراپايىم جۇرتشىلىق جونىنەن ايتقاندا، ۇيدە نەمەسە سىرتتا، ادامدار توپتالماعاندا، اۋا الماسۋى جاقسى جاعداي استىندا، ماسكى تاقپاۋعا بولادى. ەگەر ادامدار تىعىز توپتالعان ورىنداردا نەمەسە الەۋمەتتىك قاتىناس قۇرالدارىندا بولعاندا، ماسكى تاعۋ كەرەك. باسقالارمەن ءبىرشاما جاقىن ارالىقتا (ءبىر مەتر ىشىندە) ماسكى تاعۋ كەرەك.

  كەيبىر ەرەكشە ورىندارداعى قىزمەتكەرلەر، مىسالى، پويەز ۆوگزالى، اۋەجاي، الەۋمەتتىك قاتىناس قۇرالدارى، قارتتار كۇتىمحاناسى، يگىلىك ورنى قاتارلى ورىندارداعى قىزمەتكەرلەر ماسكى تاعۋ كەرەك.

  كەيبىر ءتۇيىندى ادامدار، ناۋقاستار، كۇماندى ناۋقاستار، تىعىز جاناسۋشىلار، شەكارا سىرتىنان ەلگە قايتقاندار تۇگەلدەي ماسكى تاعۋ كەرەك.

  كەيبىر كاسىبى اشىق قىزمەتكەرلەر، مىسالى، ەمدەۋ قىزمەتكەرلەرى، ىندەتتەن ساقتانۋ - تىزگىندەۋمەن شۇعىلداناتىن ساقشىلار، اماندىق قورعاۋشىلار، تازالىق قىزمەتكەرلەرى، قىزمەت وتەۋشىلەر قىزمەت ىستەگەن كەزدە ماسكى تاعۋى كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى